Morgunblaðið - 18.10.2002, Page 32

LISTIR
32 FÖSTUDAGUR 18. OKTÓBER 2002 MORGUNBLAÐIÐ
SANDRA Bullock fer meðhlutverk Siddu Lee Walker,sem haslað hefur sér völl í
New York sem ungt leikritaskáld,
langt í burtu frá heimabæ sínum í
Louisiana-fylki og í öruggri fjar-
lægð frá sinni ástríku, en sérlund-
uðu móður Vivian, sem leikin er af
Ellen Burstyn. Sidda Lee sam-
þykkir viðtal við tímaritið Times
sem á að vera mjög opinskátt og á
helst að fjalla um nýja leikritið
hennar, en endar í umræðum um
hve vansæl hún hafi verið í barn-
æsku vegna móður sinnar Vivian.
Þetta leiðir til þess að mæðg-
urnar fara í hár saman sem ógnar
ekki aðeins sambandi þeirra
tveggja heldur ekki síður ógnar
þetta upphlaup mæðgnanna hald-
litlum hjúskaparáformum Siddu
við mann, sem beðið hefur í sjö ár
eftir því að hún komist yfir ótta
sinn við að stofna eigin fjölskyldu.
Eftir að Vivian klippir á sam-
bandið við dóttur sína í kjölfar
tímaritsviðtalsins, ákveða vinkon-
ur Siddu, sem stofnuðu leyni-
félagið The Ya-Ya Sisterhood eða
Ya-Ya Systrafélagið á barnsaldri,
að grípa til sinna ráða. Þær ræna
Siddu Lee frá heimili sínu í New
York og fara með hana aftur heim
til Louisiana og leiða henni fyrir
sjónir, með hjálp Ya-Ya úr-
klippualbúmsins, hvers vegna
móðir hennar var eins og raun bar
vitni. Til að hún skilji móður sína
til fulls trúa vinkonurnar því að
þær þurfi að fara með Siddu aftur
í tíma svo að hún skynji hvers
konar persóna móðirin var sem
ung kona.
Þetta er söguþráður gaman-
myndarinnar The Divine Secrets
of the Ya-Ya Sisterhood, sem
frumsýnd verður í dag, í leikstjórn
Callie Khouri, sem vann m.a.
handritið í samvinnu við Rebeccu
Wells og Mark Andrus. Khouri
hlotnuðust margvíslegar viður-
kenningar, m.a. Óskarsverðlaun,
fyrir frumraun sína í handritsgerð
að myndinni um Thelmu og
Louise árið 1991. Næst skrifaði
hún handrit að bíómyndinni Some-
thing to Talk About, sem skartaði
stjörnum á borð við Juliu Roberts,
Dennis Quaid, Gena Rowlands,
Robert Duvall og Kyra Sedgwick.
Khouri, sem er fædd í Texas og
uppalin í Kentucky, nam leiklist-
arfræði við Purdue-háskólann og
hóf feril árið 1985 með framleiðslu
auglýsinga og tónlistarmynd-
banda. Sem stendur er hún að
vinna að nokkrum handritum, sem
hún kemur sjálf til með að leik-
stýra, en hún er nú búsett í Los
Angeles ásamt eiginmanni sínum,
handritshöfundinum og framleið-
andanum David Warfield. Myndin
er framleidd af All Girl Product-
ions, Gaylord Films og Sisterhood
Productions.
Divine Secrets of the Ya-Ya Sisterhood er stjörnum hlaðin með Söndru
Bullock, Ashley Judd, Ellen Burstyn og Maggie Smith í aðalhlutverkum.
Systrafélagið
kemur til bjargar
Sambíóin og Háskólabíó frumsýna The
Divine Secrets of the Ya Ya Sisterhood.
Leikarar: Sandra Bullock, Ellen Burst-
yn, Fionnula Flanagan, James Garner,
Ashley Judd, Shirley Knight, Angus
MacFadyen og Maggie Smith.
Leikstjóri: Callie Khouri.
TVÆR átján ára gamlar stúlk-ur dreymir um frægð ogframa í fótbolta enda eiga
þær sér átrúnaðargoðið David
Beckham sem þær líta gjarnan
mjög svo upp til. Foreldrar þeirra
eru hinsvegar með allt aðrar áætl-
anir fyrir þær og vilja bara að þær
hegði sér eins og aðrar góðar stúlk-
ur og finni sér sómakæra eig-
inmenn. Þessar mismunandi lang-
anir og væntingar til lífsins leiða af
sér bráðfyndna árekstra og frábæra
fótboltatakta, eins og gefur að
skilja, þar sem þeim stöllum er ætl-
að að leggja skóna á hilluna fyrir
fullt og allt í stað þess að ganga á
snið við breskar hefðir til að fá
drauma sína og þrár uppfylltar.
Þetta er í stuttu máli söguþráður
bresku gamanmyndarinnar Bend It
Like Beckham eða Skoraðu eins og
Beckham, sem frumsýnd verður í
dag, í leikstjórn Gurinder Chadha
eftir handriti Paul Mayeda Berges
og Guljit Bindra. Leikstjórinn
Chadha, sem fæddur er í Kenýa,
starfar ekki aðeins við leikstjórn,
heldur hefur hann jafnframt komið
nálægt framleiðslu og handrits-
skrifum, en meðal bíómynda hans
má nefna: What’s Cooking? (2000),
A Nice Arrangement (1994), What
Do You Call an Indian Woman
who’s Funny? (1994), Bhaji on the
Beach (1993) og Acting Our Age
(1992).
Mynd þessi hefur notið mikillar
aðsóknar hvarvetna þar sem hún
hefur verið sýnd og var t.d. í fyrsta
sæti í Bretlandi í tvær vikur. Gagn-
rýnendur þar í landi hafa lofað
myndina og hafði gagnrýnandi The
Daily Mail t.d. þau orð um myndina
að hún væri besta breska gam-
anmyndin, sem fram hafi komið,
síðan Bridget Jones’s Diary kom
fram á sjónarsviðið.
Sagt hefur verið um gamanmyndina Bend it Like Beckham að hún sé besta
breska gamanmyndin sem fram hafi komið síðan Bridget Jones’s Diary.
Í fótspor Beckhams
Kringlubíó og Smárabíó
frumsýna Bend It Like Beckham.
Leikarar: Parminder K. Nagra, Keira
Knightley, Jonathan Rhys-Meyers, An-
upam Kher, Archie Panjabi, Shaznay
Lewis, Frank Harper, Juliet Stevenson,
Shaheen Khan og Ameet Chana.
Leikstjóri: Gurinder Chadha.
SPENNUMYNDIN RedDragon í leikstjórn BrettsRatners er gerð eftir fyrstu
bók rithöfundarins Thomasar Harr-
is um geðsjúklinginn og mann-
ætuna Hannibal Lecter og gerist
því í raun á undan myndunum Sil-
ence of the Lambs og Hannibal.
Það er enginn annar en Anthony
Hopkins sem fer enn á ný með að-
alhlutverkið, en myndin skartar að
auki fjölda annarra stórleikara.
Handrit að myndinni skrifaði Ted
Tally.
Söguþráður myndarinnar er á þá
leið að FBI-maðurinn Will Graham
er sestur í helgan stein eftir að hafa
eytt þremur árum í að fanga mann-
ætuna og fjöldamorðingjann Hanni-
bal Lecter og koma honum á bak
við lás og slá. Friðurinn er hins
vegar úti þegar félagi hans hjá lög-
reglunni biður hann að aðstoða sig
við að finna óhugnanlegan morð-
ingja, sem hefur slátrað nokkrum
fjölskyldum að undanförnu. Morðin
eiga það sameiginlegt að hafa öll
verið framin þegar tunglið er fullt
og því hafa þeir aðeins þrjár vikur
til að finna morðingjann áður en
hann leggur til atlögu á ný. Will
ákveður að leita til Hannibals Lect-
ers í von um að fá hjá honum að-
stoð við að hafa uppi á „tannálf-
inum“, eins og fjöldamorðinginn er
kallaður, en eins og menn muna
kannski er Hannibal ekki aðeins út-
smoginn morðingi heldur einnig
snjall sálfræðingur. Will og félagar
hans eiga eftir að komast að því að
í þessu máli situr Hannibal nokkur
Lecter báðum megin borðsins og
fyrr en varir hefur Will, sem sá
fram á náðuga daga, stofnað sinni
eigin fjölskyldu í verulega hættu.
Eins og marga kvikmynda-
áhugamenn rekur eflaust minni til,
þá gerði leikstjórinn Michael Mann
myndina Manhunter árið 1986, en
hún var einnig byggð á bókinni Red
Dragon eftir Thomas Harris. Þessi
nýjasta kvikmyndaútgáfa af Red
Dragon er hins vegar fyrsta
reynsla leikstjórans Bretts Ratners
í heimi spennumyndanna, en hér er
hann að leikstýra sinni fimmtu
kvikmynd í fullri lengd. Ratner,
sem alinn er upp í Miami á Flórída,
hefur verið staðráðinn í því frá átta
ára aldri að gerast leikstjóri og hef-
ur nú haslað sér völl sem einn af
frambærilegustu leikstjórum Holly-
wood. Fyrst leikstýrði hann kvik-
mynd í fullri lengd árið 1997 sem
var Money Talks með Charlie
Sheen, Chris Tucker, Paul Sorvino
og Heather Locklear. Næsta mynd
frá honum kom árið 1999 sem var
Rush Hour með Jackie Chan og
Chris Tucker. Þriðja mynd Ratners
var The Family Man árið 2000 með
Nicolas Cage og Tea Leoni og í
fyrra sendi hann svo frá sér Rush
Hour 2.
Nýjasta kvikmyndaútgáfa af Red Dragon er fyrsta reynsla leikstjórans
Bretts Ratners í heimi spennumyndanna. Anthony Hopkins er Hannibal.
Fjöldamorð
á fullu tungli
Laugarásbíó, Háskólabíó, Sambíóin,
Álfabakka, og Borgarbíó á Akureyri
frumsýna Red Dragon.
Leikarar: Anthony Hopkins, Edward
Norton, Ralph Fiennes, Harvey Keitel,
Emily Watson, Mary-Louise Parker,
Philip Seymour-Hoffman, Anthony
Heald, Ken Leung, Frankie Faison og
Tyler Patrick Jones.
Leikstjóri: Brett Ratner.BRESKI spennutryllirinn Kill-ing Me Softly, sem frum-sýndur verður í dag, er
byggður á skáldsögu Nicci French,
en kvikmyndahandritið skrifaði Kara
Lindstrom. Leikstjóri er hinn kín-
verski og margverðlaunaði Chen
Kaige, en þetta mun vera fyrsta
mynd hans utan heimalandsins. Með-
al mynda hans má nefna: Farewell
My Concubine, Yellow Earth, The
Big Parade, King of Children, Life on
a String, Temptress Moon og The
Emperor and the Assassin. Allar
þessar myndir hafa tekið þátt í kvik-
myndahátíðinni í Cannes.
Nýjasta myndin, Killing me Softly,
segir frá bandarísku vísindakonunni
Alice, sem býr í Lundúnum og leikinn
er af Heather Graham. Hún hættir
með viðkunnanlegum kærasta sínum
og stofnar til sambands við hinn bráð-
myndarlega fjallgöngugarp Adam,
sem hún hittir á förnum vegi í Lund-
únum og er leikinn af Joseph Fienn-
es. Samband þeirra gengur mjög vel
til að byrja með eða þar til Adam tek-
ur upp á því að hegða sér afskaplega
undarlega og bersýnilega kemur í
ljós að hann hefur eitthvað skugga-
legt að fela úr fortíðinni.
Joseph Fiennes er yngri bróðir
Ralphs Fiennes, sem lék m.a. í
Schindler’s List og Quiz Show, og
munar þar átta árum. Leið þeirra
bræðra til frægðar og frama hefur
ekki verið eins þyrnum stráð og
margra annarra enda þykja þeir báð-
ir hæfileikaríkir og að sama skapi
bráðmyndarlegir. Joseph á að baki
myndir eins og Stealing Beauty
(1996), Martha, Meet Frank, Daniel
and Laurence (1998), Elizabeth
(1998), Shakespeare in Love (1998)
og Enemy at the Gates (2001). Systir
þeirra bræðra er leikstýran unga
Martha Fiennes, sem leikstýrði
Onegin árið 1999 með bróður sinn
Ralph og Liv Tyler í aðalhlutverkum.
Killing me Softly var filmuð í Lund-
únum seint á árinu 2000 og var fram-
leidd af Ivan Reitman og Tom Pollock
hjá Montecito Pictures, sem þeir fé-
lagar stofnuðu árið 1998, en Reitman
er sjálfur leikstjóri og Pollock er fyrr-
verandi stjórnarformaður Universal.
Fyrsta mynd þeirra var Road Trip og
vinna þeir nú að framleiðslu kvik-
myndarinnar Evolution í samvinnu
við Dreamworks Pictures.
Breski spennutryllirinn Killing me Softly er byggður á skáldsögu Nicci
French. Heather Graham og Joseph Fiennes í hlutverkum Alice og Adam.
Ekki má treysta
hverjum sem er
Regnboginn frumsýnir
Killing me softly.
Leikarar: Heather Graham, Joseph Fi-
ennes, Helen Grace, Jason Hughes, Ul-
rich Thomsen, Natascha McElhone, Ian
Hart, Kika Markham og Ronan Vibert.
Leikstjóri: Chen Kaige.
Bankastræti 3, s. 551 3635
Póstkröfusendum
BIODROGA
snyrtivörur
unnar úr lífrænt
ræktuðum jurtum
FASTEIGNIR
mbl.is
Til að auglýsa á þessari síðu hafðu
samband við okkur í
síma 569 1111 eða sendu okkur
tölvupóst á augl@mbl.is