Morgunblaðið - 28.11.2002, Síða 30

HÖFUÐBORGARSVÆÐIÐ
30 FIMMTUDAGUR 28. NÓVEMBER 2002 MORGUNBLAÐIÐ
SAMGÖNGUMÁL, umferðarör-
yggi, útivist og menningarmiðstöð
var meðal þess sem brann á Graf-
arvogsbúum á íbúaþingi sem hald-
ið var í október síðastliðnum en
niðurstöður þingsins voru kynntar
á þriðjudag.
Þingið var á vegum Hverfisráðs
Grafarvogs og Miðgarðs – fjöl-
skylduþjónustunnar í Grafarvogi
sem einnig sá um framkvæmd
þess. Að sögn Ingibjargar Sig-
urþórsdóttur, framkvæmdastjóra
Miðgarðs, var í lok þingsins unnið
í fjórum hópum sem tóku saman
þau verkefni sem þóttu brýnust
innan hverfisins.
„Þar voru samgöngur ofarlega í
huga fólks, bæði til og frá hverfi
og innan hverfisins,“ segir hún.
„Mikil áhersla var lögð á að
Sundabrautin kæmi sem fyrst og
fólk vildi að þrýstingur yrði settur
á það mál.“
Hún segir umferðaröryggi einn-
ig hafa verið í deiglunni og var
það mál manna að efla þyrfti ör-
yggið, bæði innan hverfa og á milli
þeirra.
„Fólk vildi hafa samræmi í
hraðatakmörkun og hægrirétti en
hægri réttur er víða í Grafarvogi í
gildi á meðan biðskylda er annars
staðar.“ Þá segir hún fólk hafa
óskað eftir betri lýsingu á göngu-
og hjólreiðastígum í hverfinu sem
séu fjölmargir auk þess sem teng-
ingu á milli hverfa vanti á mörg-
um stöðum.
Fjölnota menningarmiðstöð
Þjónustu- og menningarmiðstöð
var einnig ofarlega á baugi að
sögn Ingibjargar. „Þar er verið að
tala um að byggja fjölnota mið-
stöð með aðstöðu fyrir opinbera
þjónustu, félagsstarf fyrir alla ald-
urshópa, frá börnum og upp í
eldri borgara, fyrir alls konar
menningartengda atburði og ým-
iss konar afþreyingu. Einkaaðilar
gætu einnig komið að miðstöðinni,
t.d. með því að vera með veit-
ingaaðstöðu þar.“ Miðgarður yrði
síðan hluti af slíkri miðstöð.
Hún segir að greinilega hafi
komið fram á þinginu þörf fyrir
aðra sundlaug í Grafarvogi sem
myndi nýtast til sundkennslu fyrir
alla aldurshópa. „Það er ennþá
þannig að stór hluti barna úr
nyrðri hluta Grafarvogs er keyrð-
ur í önnur hverfi í skólasund,“
segir hún.
Í framhaldi af þessu komu fram
hugmyndir um sundlaugar við alla
skóla þar sem búningsaðstaða yrði
samnýtt með íþróttasölum. Loks
voru hugmyndir um að fá keppn-
islaug í hverfið.
Skrúðgarður og jaðaríþróttir
Almennt voru íþróttir og útivist
ofarlega í huga fólks. „Það vill
nýta Gufunessvæðið til íþrótta og
útivistar og hafa þar eins konar
fjölnotasvæði, jafnvel fyrir ýmsar
jaðaríþróttir sem hvergi er að-
staða fyrir annars staðar. Sömu-
leiðis var skrúðgarður nefndur og
í því sambandi var fólk enn að tala
um Landssímalóðina eða þá Gufu-
nessvæðið. Þá var vilji fyrir upp-
byggingu aðstöðu og íþróttamann-
virkja á Gylfaflöt þar sem Fjölnir
hefur verið með svæði en lítið sem
ekkert hefur verið gert við.“
Ingibjörg bendir á að þetta séu
einungis meginniðurstöður þings-
ins en fjölmörg önnur atriði hafi
verið skeggrædd sem ekki voru
tekin fyrir í lokahópunum. Þá hafi
börnin í hverfinu verið með kynn-
ingu á sínum áherslumálum. Þau
sjónarmið voru sett niður á blað á
sérstöku barnaþingi sem haldið
var í aðdraganda íbúaþingsins.
„Það var svolítið gaman að því
að börnin voru heilmikið að velta
því fyrir sér hvað maður getur
sjálfur gert til að bæta umhverfi
sitt, kannski frekar en fullorðna
fólkið,“ segir Ingibjörg. Hún bæt-
ir við að ekki hafi spillt fyrir
hversu skemmtileg kynning
barnanna hafi verið, meðal annars
með söngatriðum og leikrænum
lestri.
Niðurstöður íbúaþings í Borgarholtsskóla kynntar síðastliðinn þriðjudag
Íbúar sökktu sér ofan í viðfangsefnin og ekki vantaði ábendingar og
hugmyndir um það hvernig Grafarvogur ætti að þróast í framtíðinni.
Það vantaði ekki sköpunargleðina hjá þessum krökkum þar sem þeir
kynntu sjónarmið sín á listrænan hátt á íbúaþinginu í Grafarvogi.
Sundabraut
og sundlaugar
í deiglunni
Grafarvogur
HAUSTIÐ 1896 byrjuðu Jósefs-
systur að kenna börnum í gömlu
timburhúsi við Túngötuna eftir að
hafa byggt ofan á það af þessu til-
efni. Þær voru þá nýkomnar til
landsins og nemendurnir voru ekki
ýkja margir til að byrja með, aðeins
fimm talsins.
Smám saman jókst starfsemin og
varð að fullburða skóla sem í dag er
þekktur sem Landakotsskóli.
Þrátt fyrir þessa löngu sögu hef-
ur skólinn ekki haft yfir bókasafni
að ráða fyrr en nú en á sunnudag
verður bókasafn skólans tekið í
notkun. Það skemmtilega við það er
að safnið verður einmitt í sama húsi
og þær Jósefssystur hófu starfsemi
sína í fyrir rúmum 106 árum. Það
er því óhætt að segja að safnið
byggi á sögu skólans frá upphafi.
Að sögn séra Hjalta Þórs Þor-
kelssonar skólastjóra hefur þetta
ekki verið mögulegt fyrr vegna
húsnæðisskorts. „Gamla skólahúsið
var byggt árið 1909 og þá fluttist
öll starfsemin þangað,“ segir hann.
„Þetta hús við Túngötu varð þá bú-
staður prestanna í Landakoti og
var það alveg til ársins 1982. Svo
stóð það meira og minna autt þar til
það var gert upp fyrir þremur ár-
um.“
Full ástæða hefur verið til að
gera húsinu hátt undir höfðu því
neðri hæð þess var byggð svo
snemma sem árið 1837. Húsið
komst hins vegar ekki í eigu kaþ-
ólsku kirkjunnar fyrr en um miðja
nítjándu öld þegar hún keypti býlið
Landakot af Helga Thordarsen, þá-
verandi Dómkirkjupresti sem síðar
varð biskup Íslands.
„Það má kannski geta þess að við
fengum verðlaun frá borgarstjóra í
fyrra fyrir endurgerðina á húsinu,“
segir Hjalti og upplýsir að bóka-
safnið verði á neðri hæð hússins en
tíundi bekkur skólans muni hafa
aðsetur sitt á efri hæðinni.
Fengu styrk erlendis frá
Aðspurður um bókakostinn segir
Hjalti að mikið hafi verið til af bók-
um í skólanum þótt húsnæðið undir
þær hafi vantað. „Við fengum styrk
erlendis frá en stærsti styrkurinn
var frá kirkjulegri stofnun í Sviss
sem styrkti okkur til kaupa á hús-
gögnum í safnið.“
Hann segir að búið sé að skrá og
flokka bókakostinn og með því hafi
fengist betri yfirsýn yfir bókaeign-
ina. Þannig hafi komið betur í ljós
hvað vanti inn í safnið. Áfram verði
því safnað bókum og líklega verði
bókainnkaupin markvissari hér eft-
ir.
Safnið verður formlega opnað á
sunnudag með stuttri athöfn sem
hefst klukkan 14.
„Þar munu nemendur og fleiri
lesa upp ljóð,“ segur Hjalti. „Síðan
verður kaffisala, basar, tombóla og
flóamarkaður þar sem aflað verður
fjár fyrir skólann og ferðasjóð 10.
bekkjar. Húsið verður opið alveg
frá klukkan 11.30 til 16 og fólki
gefst þá kostur á að skoða húsa-
kynni skólans en það eru margir
sem fara hér daglega hjá en hafa
aldrei litið inn.“
Morgunblaðið/Sverrir
Séra Hjalti Þór Þorkelsson, skólastjóri Landakotsskóla, í nýju bókasafni en
það hefur aðsetur í gömlu húsi sem hefur verið mikilvægt í sögu skólans.
Bókasafn
sem bygg-
ir á sögu
Vesturbær
RÚMLEGA sextíu krökkum, sem í
vetur kenndu eldri borgurum á
tölvur endurgjaldslaust, var á
sunnudag boðið á leiksýninguna
„Með fulla vasa af grjóti“ í við-
urkenningarskyni.
Segir í tilkynningu frá Fræðslu-
miðstöð Reykjavíkur að grunn-
skólanemendur í Reykjavík hafi í
fjögur ár tekið virkan þátt í að
leiðbeina eldri borgurum sem
áhuga hafa á tölvunotkun. Hafa
námskeiðin verið í umsjón tölvu-
kennara skólanna en um er að
ræða samstarfsverkefni Fræðslu-
miðstöðvarinnar og Námsflokka
Reykjavíkur.
Það var hins vegar Búnaðar-
banki Íslands sem bauð til sýning-
arinnar og er ekki annað að sjá en
að hún hafi fallið viðstöddum vel í
geð.
Leikhúsferð fyrir
tölvukennslu
Miðborg
Morgunblaðið/Jón Svavarsson
SAMÞYKKT var á borgarstjórn-
arfundi í sumar að koma á fót
nefnd um heildarstefnu Reykjavík-
urborgar í orkumálum. Erindisbréf
hennar hefur nú verið samþykkt í
borgarstjórn með fjórum sam-
hljóða atkvæðum í borgarstjórn en
fulltrúar Sjálfstæðisflokksins tóku
ekki þátt í afgreiðslu málsins.
Hlutverk nefndarinnar er að
gera tillögur að heildarstefnu
borgarinnar í orkumálum og skal
nefndin í störfum sínum taka mið
af sjálfbærri þróun og umhverf-
isstefnu borgarinnar.
Í bókun Ólafs F. Magnússonar,
F-lista, lýsir hann undrun sinni og
vanþóknun á því hvernig meirihlut-
inn hafi staðið að skipa í nefndina.
Í samtali við Morgunblaðið sagði
Ólafur að sér þættu vinnubrögðin í
þessu máli afskaplega lágkúruleg.
Fagleg vinnubrögð ekki
höfð að leiðarljósi
„Ég get ekki séð að við skipan
nefndarinnar hafi fagleg sjónarmið
verið höfð að leiðarljósi. Mér sýn-
ist að þrátt fyrir tal um fagleg
vinnubrögð hafi pólitísk viðhorf
verið ríkjandi við skipan nefndar-
innar og það sé alveg sérstaklega
verið að sniðganga F-listann og
umhverfisverndarsjónarmið hans.
Arðsemisútreikningum vegna
Kárahnjúkavirkjunar átti m.a. að
vísa til nefndarinnar en mér finnst
hún ekki líkleg til þess að taka fag-
lega á þeim málum sem þó eru
mikið hagsmunamál borgarbúa,“
segir Ólafur F. Magnússon borg-
arfulltrúi F-listans í samtali við
blaðið.
Lágkúru-
leg vinnu-
brögð
Reykjavík
Ólafur F. Magnússon
gagnrýnir skipan
nýrrar orkunefndar