Morgunblaðið - 28.11.2002, Síða 32

SUÐURNES
32 FIMMTUDAGUR 28. NÓVEMBER 2002 MORGUNBLAÐIÐ
BORGARAFUNDUR sem stuðn-
ingsmenn Kristjáns Pálssonar al-
þingismanns héldu í gærkvöldi skor-
aði á uppstillingarnefnd Sjálf-
stæðisflokksins í Suðurkjördæmi að
stilla Kristjáni upp í öruggt sæti á
listanum. Á fundinn, sem haldinn var
í félagsheimilinu Stapa í Njarðvík,
komu um 200 manns.
Ekki er gert ráð fyrir Kristjáni í
tillögu uppstillingarnefndar að sex
efstu sætunum á lista flokksins en
hún verður tekin til afgreiðslu á
kjördæmisráðsfundi næstkomandi
laugardag.
Á fundinum gagnrýndu Kristján
Pálsson og þeir stuðningsmenn hans
sem boðuðu til fundarins þessa
ákvörðun og sögðu ekki hægt að una
við hana, hvorki fyrir Kristján né
Suðurnesjamenn. Við sama tón kvað
í ræðum fundarmanna í almennum
umræðum.
Fram kom hörð gagnrýni á vinnu-
brögð og störf uppstillingarnefndar
flokksins, meðal annars hjá Valþór
Sören Jónssyni sem tekið hefur sæti
í umræddri uppstillingarnefnd sem
varamaður. Hann lýsti þeirri skoðun
sinni að málið væri stórt skipulagt
launráð frá upphafi. Grímur Gíslason
úr Vestmannaeyjum, sem uppstill-
ingarnefnd hafnaði einnig, gagn-
rýndi harðlega setu Guðjóns Hjör-
leifssonar í nefndinni, það væri í
hæsta máta óeðlilegt að menn tækju
þátt í að ýta öðrum út af lista en
sjálfum sér inn í staðinn.
Einn fundarmanna, Karvel Granz,
lýsti meðferðinni á Kristjáni sem
skrípaleik, hún minnti helst á þekkt-
an sjónvarpsþátt þar sem þátttak-
endur kysu sterkasta keppandann
úr leik því að hann ógnaði hinum.
Dagbjartur Einarsson sagði að sjálf-
stæðismenn á Suðurnesjum færu
fram á að rétt væri gefið, en ekkert
meira.
Á fundinum var greint frá skoð-
anakönnun sem Myndbær gerði á
Reykjanesi að kvöldi síðastliðins
þriðjudags. Þar voru 600 manns
spurðir um skoðanir á forystu
listans. Af þeim sem afstöðu tóku
töldu 159 Kristján Pálsson heppi-
legri leiðtoga en Árna Ragnar Árna-
son en 72 töldu Árna Ragnar heppi-
legri í hlutverkið. Í ályktun sem
samþykkt var með lófataki í fund-
arlok var harðlega mótmælt áform-
um uppstillingarnefndar um að úti-
loka Kristján Pálsson frá þingsæti.
Störf uppstillingarnefndar gagnrýnd á fjölmennum fundi stuðningsmanna Kristjáns Pálssonar
Ljósmynd/Hilmar Bragi
Fjölmenni, um tvö hundruð manns, var á borgarafundi til stuðnings Kristjáni Pálssyni í Stapa í gærkvöldi.
Krefjast öruggs
þingsætis
fyrir Kristján
Njarðvík
HÓTEL Keflavík mun bjóða gest-
um sem sækja Reykjanesbæ heim
endurgjaldslausa gistingu fyrir
jólin, eins og á síðasta ári, gegn
því að fólk kaupi vörur eða þjón-
ustu fyrir tiltekna upphæð. Versl-
anir og þjónustufyrirtæki á svæð-
inu taka þátt í framtakinu með
ýmsum tilboðum.
Hótel Keflavík stóð fyrir þessu
tilboði fyrir síðustu jól og var
markmiðið að efla verslun og
þjónustu í Reykjanesbæ. Steinþór
Jónsson hótelstjóri segir að fram-
takið hafi einnig skapað fyrirtæki
hans jákvæða ímynd. „Þetta gekk
vel í fyrra. Um 300 manns nýttu
sér tilboðið og það jók mjög við-
skiptin í bænum. Því vildum við
gera þetta aftur,“ segir Steinþór.
Spennandi verslanir
Hótelið tekur frá 20 herbergi á
hverjum degi í þessu skyni. Gest-
irnir þurfa að panta gistinguna og
láta um leið vita að það sé að nýta
sér tilboðið. Hótel Keflavík er
fjögurra stjörnu hótel, steinsnar
frá Hafnargötu sem er aðalversl-
unargata Reykjanesbæjar. Gest-
irnir fá alla þjónustu hótelsins,
það er að segja morgunverð og að-
gang að líkamsræktarstöð, eins og
aðrir gestir en þurfa ekki að
greiða fyrir þjónustuna ef þeir
sýna kvittanir fyrir því að hafa
keypt vörur eða þjónustu í bæj-
arfélaginu fyrir 10.800 krónur.
Í ár taka ýmis fyrirtæki þátt í
þessu átaki með hótelinu, meðal
annars með því að bjóða gestum
sérstaka afslætti eða tilboð. Þann-
ig fá gestirnir frítt í Bláa lónið,
svo dæmi sé tekið, og Reykjanes-
bær styður framtakið með fríum
aðgangi í söfn, almenningsvagna
og sundlaug. Víkurfréttir gefa út
sérstaka útgáfu af jólahandbók
sinni fyrir gesti hótelsins þar sem
greint er frá þessum tilboðum og
framboði af vörum og þjónustu.
Umrætt tilboð um endurgjalds-
lausa gistingu á Hótel Keflavík
tekur gildi 1. desember og stendur
til 22. desember.
Steinþór vonast til að sem flestir
nýti sér þetta tilboð og komi að
kaupa inn fyrir jólin í Reykja-
nesbæ. „Ég fann það í fyrra að
gestunum fannst gaman að versla
á Hafnargötunni. Hér eru margar
góðar verslanir sem veita góða
þjónustu,“ segir hann.
Hótel Keflavík styður verslun og þjónustu í Reykjanesbæ
Bjóða gestum bæjarins
endurgjaldslausa gistingu
Keflavík
FLUGSTÖÐ Leifs Eiríkssonar
hefur sagt upp vakt starfs-
manna fríhafnarinnar á Kefla-
víkurflugvelli á jóladag. Við
það missir starfsfólkið 90%
stórhátíðarálag á laun sín
þennan dag.
Fyrir liggur að lítið verður
að gera í fríhöfninni á jóladag.
Von er á afgreiðslu einnar flug-
vélar, með á annan tug farþega,
en Höskuldur Ásgeirsson,
framkvæmdastjóri Flugstöðv-
arinnar, segir jafnvel áhöld um
að af þessu flugi verði.
40 starfsmenn eru á vakt í
fríhöfninni. Stjórnendur fyrir-
tækisins könnuðu hvort starfs-
fólkið vildi skrá sig af vaktinni
og vera heima á jóladag en þeg-
ar í ljós kom að takmarkaður
áhugi var á því var ákveðið að
segja upp vaktinni þennan dag,
samkvæmt heimild í kjara-
samningum. Segir Höskuldur
ekki réttlætanlegt að hafa fólk í
vinnunni þegar ekkert væri að
gera. Ef fólk færi í gegnum
flugstöðina á jóladag yrðu
væntanlega kallaður út hæfi-
legur mannskapur til að af-
greiða það. Sagðist Höskuldur
ekki vita annað en sátt væri um
þessa aðgerð.
Starfsfólkið sem verður
heima á jóladag missir þar með
90% stórhátíðarálag þann dag.
Ekki sagðist Höskuldur hafa
við höndina tölur um hvað
sparaðist við uppsögnina en
það væru einhver hundruð þús-
unda króna. Óánægja hefur
verið meðal sumra starfs-
manna vegna þessa máls.
Tryggvi Þorsteinsson, trún-
aðarmaður starfsfólks, sagði að
flestir starfsmenn vildu eiga frí
á jólunum. Ef einhver óánægja
væri með þessa ráðstöfun væri
það vegna peninganna.
Fordæmi eru fyrir því að
vöktum hafi verið sagt upp á
jóladag og nýársdag, þegar lít-
ið hefur verið að gera þótt það
hafi ekki gerst frá því stofnað
var hlutafélag um reksturinn.
Sagt upp vakt í
fríhöfn á jóladag
Missir
stórhátíð-
arálag
Keflavíkurflugvöllur
Skólaskrifstofa Reykjanesbæjar og
Málbjörg standa í dag fyrir upplýs-
inga- og umræðufundi um stam.
Fundað verður í Kjarna, 2. hæð, og
hefst fundur kl. 20.
Frummælendur verða Björn
Tryggvason, formaður Málbjargar,
og Kristinn Hilmarsson talmeina-
fræðingur. Björn fjallar um hvernig
það er að lifa með stami og Kristinn
ræðir stam og talþjálfun. Að erind-
um loknum verður opnað fyrir um-
ræður og fyrirspurnir.
Félag ungra framsóknarmanna í
Reykjanesbæ boðar ungt fólk á Suð-
urnesjum til fundar í Framsókn-
arhúsinu í Keflavík klukkan 20 í
kvöld.
Til umræðna verður afnám skóla-
gjalda í framhaldsskólum og rík-
isreknum háskólum, ókeypis skóla-
bækur og stuðningsgögn til allra
nemenda grunn- og framhaldsskóla,
afnám virðisaukaskatts af barnavör-
um, heimild til sölu á léttvíni og bjór
í matvöruverslunum, áfeng-
iskaupaaldur lækkaður í 18 ár og at-
vinnuhorfur fyrir ungt fólk á Suð-
urnesjum.
Frummælendur verða þingmenn-
irnir Guðni Ágústsson, Hjálmar
Árnason og Ísólfur Gylfi Pálmason.
Í DAG
HELGA Valdimarsdóttir, íbúi í
Njarðvík, sat á heilsugæslustöð-
inni í Keflavík í fyrrinótt til að
vekja athygli á læknaleysinu á
Suðurnesjum. Hún sagðist ekki
hafa heilsu til að vera þar í nótt
enda vonaðist hún til að málið færi
að leysast.
Helga beitti sér fyrir setuverk-
falli á biðstofu heilsugæslustöðv-
arinnar fyrir nokkru en hætti því
eftir almennan borgarafund þar
sem heilbrigðisráðherra og heilsu-
gæslulæknar lýstu yfir vilja til að
ræða saman og leysa deiluna.
Hún settist aftur á biðstofuna í
fyrrakvöld en fór heim í gærmorg-
un. „Markmið mitt er að fá heim-
ilislækna aftur, helst þann sem ég
hef haft og þekki,“ sagði Helga í
gær. Hún er öryrki og sagðist ekki
treysta sér til að vera þar aðra
nótt, hún vildi sjá til enda vonaðist
hún til að deilan færi að leysast.
Var nótt
á heilsu-
gæslunni
Keflavík
HAFNAR eru útsendingar hjá Út-
varpi Útspili 97,2. Aðstandendur
þess stefna að því að gera stöðina að
svæðisútvarpi.
„Það er kominn tími til þess að
starfrækja alvöru svæðisútvarp á
Suðurnesjum. Ríkisútvarpið er í
samstarfi við alla aðra landshluta
um slíkar útsendingar,“ segir Jó-
hann Friðrik Friðriksson, ritstjóri
Suðurnesjafrétta, en útgáfufyrir-
tæki blaðsins, Útspil útgáfa, starf-
rækir útvarpið. Jóhann áformar að
kanna hvort hvort stjórnendur Rík-
isútvarpsins hafi ekki áhuga á sam-
starfi við Útspil til þess að þjóna
þessu svæði með sama hætti og öðr-
um.
Útspil hefur hafið útsendingar á
léttri tónlist auk frétta í hádeginu.
Um mánaðamótin hefst dagskrár-
gerð og útsendingar á morgun- og
síðdegisþáttum. Þá er einnig gert
ráð fyrir beinum útsendingum frá
íþróttaviðburðum. Á kvöldin og
nóttunni verða létt lög við hæfi
yngri kynslóðarinnar. „Við ætlum
að hafa þetta líflegt og fjölbreytt út-
varp, við hæfi sem flestra. Útvarpið
á að verða kjarngóð viðbót við þá
miðlun sem hér er fyrir,“ segir Jó-
hann Friðrik. Hann segir að Útvarp
Útspil sé í upphafi tveggja mánaða
tilraun en vonast sé til að reynslan
verði það góð að það verði starfrækt
allt árið.
Töluverð kunnátta til staðar
Fyrir nokkrum árum var Útvarp
Bros starfrækt á svæðinu. Jóhann
segir að auðveldara sé að halda úti
slíkum rekstri í dag, tæknin hafi
batnað og svo fylgi því ákveðin sam-
legðaráhrif að vera með útgáfu á
vikulegu héraðsfréttablaði. Sendir-
inn er uppi á þaki hússins sem Suð-
urnesjafréttir eru með starfsemi
sína í og nást sendingarnar til meg-
inhluta Suðurnesja, fyrir utan
Grindavík þar sem fjallið Þorbjörn
skyggir á bæinn.
Þótt nokkur ár séu liðin frá því
Útvarp Bros hætti er töluverð
kunnátta á útvarpi á svæðinu og
vonast Jóhann Friðrik til þess að
geta nýtt hana, bæði hvað varðar
rekstrarþáttinn og dagskrárgerð.
Bendir hann á að Útvarp Bros hafi
verið með mikla hlusun og töluvert
af auglýsingum þótt ekki hafi það
dugað til að reksturinn gengi.
Útspil verði svæðisútvarp
Suðurnes