Morgunblaðið - 28.11.2002, Page 57

MINNINGAR
MORGUNBLAÐIÐ FIMMTUDAGUR 28. NÓVEMBER 2002 57
✝ Bragi Guðnasonfæddist á Selfossi
7. júlí 1946. Hann
lést á heimili sínu 27.
október síðastliðinn.
Bragi ólst upp fyrstu
árin sín á Selfossi,
síðan í Sandgerði.
Foreldrar hans voru
Guðni Ágúst Guð-
jónsson, f. 19. ágúst
1915, d. 17. júlí 1992,
og Sesselja Júníus-
dóttir, f. 29. apríl
1917, d. 14. maí 1978.
Systkini Braga eru
Hallfríður, f. 11. des.
1936, d. 6. des. 1995; Guðbjörn
Páll, f. 3. okt. 1938, d. 2. okt 1940;
Guðbjörg Svala, f. 5.
ágúst 1940; Gísli, f.
11. mars 1942; Haf-
dís, f. 23. okt. 1944;
Bára, f. 8. sept.
1947; Birgir, f. 8.
sept. 1947; Sigur-
jóna, f. 11. nóv.
1949, d. 2. apríl
1964; Gerður, f. 8.
nóv. 1951; Guð-
mundur Ingi, f. 12.
jan. 1953; og Jó-
hann, f. 20. nóv.
1956.
Útför Braga var
gerð frá Safnaðar-
heimili Sandgerðis 8. nóvember
síðastliðinn.
Elsku Bragi minn. Ég sit hér og
hugsa um það hvernig ég á að skrifa
minningargrein um þig, þar sem ég
trúi ekki enn að þú sért farinn frá
okkur, þú fórst svo skyndilega. Það
koma margar minningar um þig í
hugann en erfitt er að koma þeim frá
sér á blað þegar hugurinn vill ekki
trúa því að ég sjái þig ekki meir.
Þegar við fluttum í okkar fyrstu
íbúð þá þurfti auðvitað að taka til
hendinni að mála og gera allt fínt, þá
komst þú að hjálpa okkur, því að allt-
af komst þú ef einhver var að mála
hjá sér og bað þig að koma og hjálpa
til. Ég hringdi líka í þig þegar við
fluttum í húsið okkar og þú og pabbi
komuð ásamt fleirum og hjálpuðuð
til.
Ég man þegar þú tókst bílprófið,
hve mikil breyting varð á lífinu hjá
þér, þú sem hafðir alltaf hjólað út um
allt í Sandgerði og hafðir lítið sem
ekkert fyrir því þótt fötlun þín væri
einhver. Svo var farið í það að finna
góðan bíl handa þér og eftir að þú
fékkst bílinn þá var einfaldlega hjól-
inu lagt enda búinn að hjóla mikið í
gegnum tíðina. Þú talaðir líka mikið
um það hvað það væri gott að vera
kominn á bíl enda skaustu óspart til
Keflavíkur á rúntinn eða í heimsókn
hvert sem tilefnið var. Alltaf var gott
að hafa bílinn á planinu enda leit bíll-
inn alltaf rosalega vel út, alltaf
hreinn og fínn sem og heimilið þitt
var.
Bragi minn, ég gæti eflaust skrifað
um þig í allt kvöld því að núna hrann-
ast upp minningarnar um þig frá því í
barnæsku minni í Sandgerði en ég
læt þetta nægja og hef þær fyrir mig.
Elsku Bragi minn, ég kveð þig núna
en veit að við munum hittast síðar
þegar minn tími er kominn. En þang-
að til, bless, kæri frændi, sofðu rótt.
Legg ég nú bæði líf og önd,
ljúfi Jesú, í þína hönd,
síðast þegar ég sofna fer
sitji Guðs englar yfir mér
(Hallgr. Pétursson.)
Þín frænka,
Aðalsteina.
Elsku Bragi minn. Ég veit að þér
líður vel núna hjá langömmu og lang-
afa.
Mamma er búin að segja mér að
núna getir þú sko hlaupið og gert það
sem þig langar. Svo ertu örugglega
bara að keyra um hjá Guði.
Ég sakna þín mikið. Þú varst besti
frændinn sem ég átti.
Ég geymi allar minningarnar um
góðu stundirnar sem við áttum sam-
an.
Það verður tómlegt hjá okkur á
aðfangadagskvöld og á gamlárskvöld
þegar þú verður ekki með okkur.
Bestu kveðjur.
Þín frænka
Þórdís.
Elsku Bragi. Við þökkum þér fyrir
allar góðu stundirnar sem við áttum
saman.
Þú sem komst til okkar í kaffi á
morgnana þegar þú varst búinn að
taka bryggjurúntinn.
Það var mjög erfitt að sætta sig við
að þú værir farinn frá okkur en við
vitum að þér líður vel núna.
Við geymum minningarnar um þig
í hjarta okkar.
Guð geymi þig.
Kveðja.
Guðni og Birna.
Elsku Bragi. Ég mun alltaf muna
eftir þér. Þú varst alltaf jafn
skemmtilegur við mig og alla sem þú
kynntist. Þú varst alltaf brosandi
þegar þú komst og varst aldrei leið-
inlegur við neinn. Þú munt alltaf
verða uppáhalds frændi minn. Ég
mun alltaf hugsa vel og fallega til þín.
Þú varst besti frændi sem var
hægt að biðja um. Þú munt alltaf eiga
þinn stað í mínu hjarta.
Ég mun aldrei gleyma þér, elsku
Bragi.
Þinn frændi,
Gísli Guðna.
BRAGI
GUÐNASON
✝ Guðlaug Eli-mundardóttir
fæddist 13. apríl
1915. Hún lést 10.
október síðastliðinn.
Foreldrar hennar
voru Elimundur
Þorvarðarson, f. 28.
des. 1877, d. 4. febr.
1959, og Ingibjörg
Guðmundsdóttir, f.
30. des. 1872, d. 25.
nóv. 1947. Börn
þeirra eru: a) Elín, f.
25. nóv. 1898, d. 27.
des. 1987, b) Ingv-
eldur, f. 4. mars
1900, d. 28. júní 1988, c) Björn-
fríður Ingibjörg, f. 10. sept.
1902, d. júlí 1979, d) Ólöf Guð-
munda, f. 11. júlí 1905, d. 7. júlí
1997, e) Sigfríður, f. 24. ágúst
1906, d. 22. júní 1995, f) Guð-
björg Helga, f. 1. nóv. 1909, d.
24. ágúst 1966, g) Ingimundur, f.
13. júlí 1912, og h) Guðlaug, sem
hér er minnst.
Eiginmaður Guð-
laugar er Ólafur
Kristjánsson, f. 29.
des. 1914. Foreldr-
ar hans voru Krist-
ján Bjarni Árnason
sjómaður í Stykkis-
hólmi og kona hans
Súsanna Einars-
dóttir Þorkelsson-
ar, skrifstofustjóra
Alþingis. Dóttir
þeirra er María
Helena, f. 6. jan.
1941, maki 30. des.
1961 er Jón Þórð-
arson, f. 15. ágúst
1943. Börn þeirra: a) Súsanna, f.
27. júlí 1962, maki Haraldur Ein-
arsson, f. 18. apríl 1961, þau eiga
saman fjögur börn, b) Ólafur, f.
7. okt. 1963, c) Gunnar, f. 28.
júní 1967, og d) Elimundur, f. 8.
mars 1975.
Útför Guðlaugar var gerð 21.
október í kyrrþey að hennar ósk.
Jarðsett var í Garðakirkjugarði.
Nú á haustdögum féll frá Guðlaug
Elimundardóttir seinust af systrun-
um sjö frá Stakkabergi, enda yngst
sinna systkina. Nú er aðeins á lífi
eini bróðirinn Ingimundur og orðinn
níræður. Guðlaug var fædd á
Stakkabergi, sem þá var hluti af
Skarðsströnd. Foreldrar hennar
voru búandi á Stakkabergi og
skömmu síðar var hreppnum skipt
og alla tíð meðan Guðlaug bjó í sveit-
inni átti hún heima í Klofnings-
hreppi. Foreldrar hennar áttu mörg
börn og voru því mjög fátæk, og
jörðin var lítil þótt hún væri slægna-
góð. Eins og vant var á þeim árum
þurfti Guðlaug, eða Lauga eins og
hún var vanalega kölluð, snemma að
fara að vinna. Hún var greind og góð
til náms og hefði eflaust gengið
menntaveginn nú á dögum. Á ung-
lingsárum var hún mest heima við,
en einn vetur lærði hún karlmanna-
fatasaum á saumastofu Kaupfélags
Stykkishólms. Mikil lagvirkni ein-
kenndi störf hennar alla tíð.
15. júlí sumarið 1937 giftist Lauga
Ólafi Kristjánssyni úr Stykkishólmi
og bjuggu þau fyrstu tvö árin á
Stakkabergi í sambýli við foreldra
Guðlaugar. Árið 1939 keyptu þau
jörðina Mela í sömu sveit og bjuggu
þar í 22 ár. Jörðin er fremur góð og
þau höfðu þar arðsamt bú enda bæði
natin við skepnur og dýravinir.
Byggðu þau þar upp öll útihús og
síðar íbúðarhús 1952. Þar fæddist
þeim einkadóttirin Helena, en áður
höfðu þau misst barn í fæðingu. Guð-
laug átti barnið úti í Stykkishólmi og
var fæðingin mjög erfið. Hún var um
fjóra mánuði á sjúkrahúsinu og
komst ekki heim að Melum fyrr en í
júlí.
Guðlaug var ekki alltaf heilsu-
hraust og átti það sitt þátt í því, að
þau hjón brugðu búi 1961 og fluttu til
Reykjavíkur. Dóttir þeirra bauðst til
að gerast ráðskona hjá þeim, en þau
vildu ekki, að hún fórnaði sér fyrir
þau. Heimili þeirra var í 33 ár á
Rauðalæk 8. Í Reykjavík stundaði
Ólafur lengst af verkamannavinnu
við höfnina og eftir að hann hætti þar
starfaði hann um hríð við heimilis-
hjálp, enda húslegri en margir karl-
menn af hans kynslóð.
Lauga stundaði saumaskap, m.a. í
Karnabæ, í 10 ár. Hún var mjög lag-
in við saumaskap sem annað verk-
legt og því var sagt að á heimilinu
væri hún smiðurinn. Eftir að hún var
hætt á vinnumarkaði vann hún
heima mikið að fatabreytingum fyrir
fyrirtæki og einstaklinga. Síðustu
árin var hún léleg til heilsu og ann-
aðist Ólafur hana vel og gat hún því
verið lengur heima en ella, en 22.
ágúst 2001 fór hún á Skjól. Hélt hún
andlegum kröftum og leið vel, þótt
líkaminn væri lítilfjörlegur orðinn.
Þótt ég hafi þekkt til frænku
minnar frá því að ég man eftir hófust
raunveruleg kynni er ég var hálfan
mánuð hjá farkennara á heimili
hennar veturinn 1953. Það var helm-
ingur af minni barnaskólagöngu.
Eftir það sýndi hún, og Ólafur maður
hennar, mér alla tíð tryggð, hýsti
mig er ég var á ferð og fylgdist með
mér. Oft leitaði ég til hennar, er
þurfti að lagfæra föt og hafði hún
yndi af að aðstoða mig. Mun ég alltaf
minnast tryggðar hennar og hlýju.
Einar G. Pétursson.
GUÐLAUG
ELIMUNDARDÓTTIR
Afmælis- og minningargreinum má skila í
tölvupósti, netfangið er minning@mbl.is,
svar er sent sjálfkrafa um leið og grein hef-
ur borist. Ef greinin er á disklingi þarf út-
prentun að fylgja. Nauðsynlegt er að síma-
númer höfundar og/eða sendanda
(vinnusími og heimasími) fylgi með. Þar sem
pláss er takmarkað getur þurft að fresta
birtingu greina, enda þótt þær berist innan
hins tiltekna frests. Nánari upplýsingar eru
á mbl.is. Um hvern látinn einstakling birtist
formáli og ein aðalgrein af hæfilegri lengd á
útfarardegi, en aðrar greinar skulu ekki
vera lengri en 300 orð, u.þ.b. 1.500 slög (með
bilum) eða um 50 línur í blaðinu (17 dálk-
sentimetrar). Tilvitnanir í sálma eða ljóð
takmarkast við eitt til þrjú erindi. Einnig er
hægt að senda örstutta kveðju, HINSTU
KVEÐJU, 5–15 línur, og votta virðingu án
þess að það sé gert með langri grein. Grein-
arhöfundar eru beðnir að hafa skírnarnöfn
sín en ekki stuttnefni undir greinunum.
Innilegar þakkir fyrir auðsýnda samúð og hlý-
hug við andlát og útför móður okkar, tengda-
móður, ömmu og langömmu,
SIGRÍÐAR KRISTMUNDSDÓTTUR,
Þangbakka 10,
Reykjavík.
Sérstakar þakkir færum við starfsfólkinu á deild
11G Landspítala Hringbraut.
Guð blessi ykkur öll.
Hólmfríður Hermannsdóttir, Arnþór Árnason,
Kristinn Hermannsson, Inga Jóna Stefánsdóttir,
Valgerður Hermannsdóttir,
Ágústa G. Hermannsdóttir, Atli Ingi Ragnarsson,
Hulda Hermannsdóttir, Dean Thomas,
barnabörn og barnabarnabörn.
Innilegar þakkir til þeirra fjölmörgu sem sýndu
okkur samúð og hlýhug við andlát og jarðarför
ástkærs eiginmanns míns, stjúpföður, tengda-
föður, afa og langafa,
SIGURJÓNS PARMESSONAR,
Litlahvammi 3,
Húsavík.
Séstakar þakkir til eigenda Norðurvíkur ehf.
Sigríður M. Arnórsdóttir,
Arnrún Sigfúsdóttir, Eiður Guðjohnsen
og afabörn.
Hjartkær eiginmaður minn, faðir, sonur, bróðir
og mágur,
INGÓLFUR ARNARSON,
Hellisgötu 27,
Hafnarfirði,
sem lést þriðjudaginn 19. nóvember, verður
jarðsunginn frá Víðistaðakirkju í Hafnarfirði
föstudaginn 29. nóvember kl. 13.30.
Friðrikka Sigfúsdóttir,
Þorsteinn R. Ingólfsson,
Hallgerður Jónsdóttir,
Jón Arnarson,
Anna Vala Arnardóttir, Sigurjón Friðjónsson.
Innilegar þakkir fyrir auðsýnda samúð og hlý-
hug við andlát og útför móður okkar, tengda-
móður, ömmu og langömmu,
RAGNHEIÐAR ESTHERAR
EINARSDÓTTUR,
Snorrabraut 56,
Reykjavík.
Gurðríður Sigfúsdóttir, Thormod Haugen,
Margrét D. Sigfúsdóttir, Sigurður Petersen,
Einar Sigfússon, Anna Sigþórsdóttir,
Dómhildur A. Sigfúsdóttir,
María K. Sigfúsdóttir, Kristbjörn Theódórsson,
Sigurður Sigfússon, Sjöfn Björnsdóttir,
Ragnheiður E. Briem, Jóhann Friðgeirsson,
barnabörn og barnabarnabörn.
Innilegar þakkir til allra sem sýndu okkur
samúð og hlýhug við andlát og útför ástkærrar
eiginkonu minnar, móður okkar, tengda-
mömmu og ömmu,
FANNEYJAR EINARSDÓTTUR LONG
kjólameistara,
Miðleiti 5,
áður Brekkugerði 10.
Sérstakar þakkir færum við starfsfólki hjúkrunarheimilisins Skjóls fyrir
einstaka umönnun og aðhlynningu.
Siguroddur Magnússon,
Magnús G. Siguroddsson, Guðrún R. Þorvaldsdóttir,
Einar Long Siguroddsson, Sólveig Helga Jónasdóttir,
Pétur R. Siguroddsson, Guðný M. Magnúsdóttir,
Sólrún Ó. Siguroddsdóttir, Halldór Jónasson,
Bogi Þór Siguroddsson, Linda Björk Ólafsdóttir,
barnabörn og aðrir aðstandendur.