Morgunblaðið - 28.11.2002, Page 61

BRÉF TIL BLAÐSINS
MORGUNBLAÐIÐ FIMMTUDAGUR 28. NÓVEMBER 2002 61
FIMMTUDAGSTILBOÐ
Suðurlandsbraut
Sími 533 3109
Opið mán.-fös. kl. 12-18 - laugardaga kl. 10-16
DÖMUSKÓR
LITUR: SVARTUR
STÆRÐ: 36-41
VERÐ 2.995
Mörkinni 3, sími 588 0640
Opið mán.-fös. kl. 11-18, lau. kl. 11-15
Þú færð jólagjafirnar
fyrir starfsfólkið hjá okkur
Jólagjafir
starfsfólksins
FRÉTTIR
LAUGARDAGINN 30. nóvember
verður haldið Dalaþing hið fyrra að
Laugum í Sælingsdal. Forsaga þess
er að sveitarstjórn Dalabyggðar
ákvað að fara út í vinnu við stefnu-
mótun fyrir sveit-
arfélagið og leita
eftir samstarfi við
íbúa sveitarfé-
lagsins, í því
formi að boða til
íbúaþings þar
sem teknir verða
fyrir ákveðnir
málaflokkar og
íbúum sveitarfé-
lagsins gefst
kostur á að koma
á framfæri hugmyndum sínum um
hvað betur megi fara, hvert stefna
beri o.s.frv. Dalabyggð er með þessu
fyrst sveitarfélaga á landsbyggðinni
til að fara út í slíka vinnu. Áður hefur
til dæmis Garðabær farið út í sams
konar vinnu með góðum árangri.
En til hvers er nú allt þetta til-
stand? Getur ekki sveitarstjórnin
séð um þetta eins og hún er kosin til?
Öll þekkjum við að margar góðar
hugmyndir verða til heima við eld-
húsborðið, það er ekki þar með sagt
að þær komist nokkurn tíma lengra.
Íbúaþing með þeim hætti sem halda
á í Dalabyggð er réttur vettvangur
slíkra hugmynda, allir eiga að geta
komið skoðunum sínum á framfæri.
Það er mikilvægt að sem flestir sjái
sér fært að mæta til að fá sem fjöl-
breyttast sjónarhorn á þá stefnu-
mótunarvinnu sem framundan er.
Dalabyggð er stórt en fámennt
sveitarfélag sem hefur verið og er að
ganga í gegnum miklar breytingar,
sem stafa ekki síst af þeim mikla
samdrætti sem orðið hefur í hefð-
bundnum landbúnaði. Þrátt fyrir
þetta virðist sem dregið hafi úr fólks-
fækkun og á síðasta ári fjölgaði
nokkuð í Dalabyggð, atvinnuleysi er
mjög lítið og eftirspurn eftir húsnæði
er meiri en framboðið.
Uppbygging ferðaþjónustu hefur
verið nokkur og þá helst í kringum
Eiríksstaði í Haukadal og Lauga í
Sælingsdal. Þetta eigum við ekki síst
að þakka þeim mikla sagnaarfi sem
er í Dalasýslu allri. Það er samt
óneitanlega nokkuð umhugsunarefni
að ekki skuli vera eitt einasta fyr-
irtæki sem hefur á boðstólum af-
þreyingu fyrir ferðamenn á borð við
hestaleigu, skemmtisiglingar, skipu-
lagðar gönguferðir o.fl.
Þjónusta hefur dregist nokkuð
saman og kemur það niður á íbúum
og ferðaþjónustu á svæðinu, á móti
kemur að bættar samgöngur gefa
aukna möguleika á að sækja þjón-
ustuna annað, en viljum við hafa það
þannig?
Vaxandi flutningskostnaður er
okkur sem erum á landsbyggðinni,
bæði fólki og fyrirtækjum, mjög
þungur í skauti. Fjarskipti telja allir
á GSM-öld sjálfsagðan hlut, en þeir
sem búa í Dalabyggð læra það fljótt
að þar gilda ekki þau lögmál. Stór
svæði sveitarfélagsins eru utan
GSM-símasambands, NMT-sam-
band er víða mjög lélegt, og nokkuð
er um að útvarpsskilyrði séu með
þeim hætti að einungis er hægt að
hlusta á samtengdar rásir á LW og
ekki nást neinar FM-rásir. Sjón-
varpsskilyrði eru svo þannig að mörg
heimili ná illa eða ekki útsendingum
frá Ríkissjónvarpinu og enn fleiri ná
ekki Stöð 2. Er þetta viðunandi?
Svar okkar íbúanna hlýtur að vera
nei. Þetta og svo margt fleira þurfum
við að hafa áhif á til betri vegar. Orð
eru til alls fyrst, en annað skrefið
gæti verið að taka þátt í íbúaþingi
Dalabyggðar og hafa áhrif á fram-
vindu mála.
Íbúar í Dalabyggð eru að mínu
mati ekki síður þeir sem eiga hér
sumarhús, búa hér lengri eða
skemmri tíma ár hvert og njóta
þeirrar þjónustu sem boðið er upp á.
Fróðlegt væri að heyra hvað þeir
hafa til málanna að leggja.
Burtfluttir Dalamenn hafa oftast
mjög sterkar taugar til Dalanna og
gaman væri að fá þátttöku þeirra
einstaklinga á íbúaþingi.
Það er von mín að þetta greinar-
korn geti vakið þá sem það lesa og
áhuga hafa á málefnum Dalabyggðar
til umhugsunar og jafnvel þátttöku í
Dalaþingi næstkomandi laugardag.
HÖRÐUR HJARTARSON,
íbúi í Dalabyggð.
Dalaþing, hvað
er nú það?
Frá Herði Hjartarsyni:
Hörður
Hjartarson
MÉR er orðið nokkurt undrunarefni
hve illa bæði stjórnmálamenn sem
verkalýðsforkólfar virðast eygja sýn
núorðið á kjör almennra launþega
þessa lands, þar sem svokallaður
kaupmáttur launa í formi hækkana
hefur jafnan verið etinn fyrirfram
með verðhækkunum hvers konar,
ekki síst af hálfu hins opinbera í
þjónustugjöldum hvers konar. Það
er sorglegt að höfuðborg landsins
skuli ríða á vaðið og hækka þjónustu
við barnafólk í formi leikskóla-
gjalda.
Hlutfall skatta á laun um 100.000
krónur er fyrir löngu úr samhengi
við t.d. hlutfall lögbundinna skatta
og þjónustugjalda sem teljast til út-
gjalda hins vinnandi manns mánuð
hvern. Svo er komið að skattaleg
mismunun veldur því að hjónaband-
ið er ekki lengur sá hornsteinn sem
býr til grundvallarramma nýrra
þjóðfélagsþegna, til þátttöku í sam-
félaginu. Sama máli gegnir um kon-
ur, ekkjur og einstæðar mæður sem
verða að vinna fulla vinnu en vinna
mestmegnis fyrir skattþátttöku
hvers konar allra handa, sem og
greiðslum til verkalýðsfélaga fyrir
að semja um þessi vægast sagt lé-
legu kjör. Svo ekki sé minnst á
vaxtakjör þau á lántöku er bjóðast í
bönkum og sparisjóðum, sem verka-
fólk kann að neyðast til að þiggja til
þess að velta vanda láglaunastefn-
unnar á undan sér. Í ljósi þessa má
því spyrja hvort hinu siðferðislega
gildismati hafi hnignað hjá einni
þjóð.
Óskilvirkur rekstur ríkis
og sveitarfélaga
Umfang hins opinbera sem vinnu-
veitanda virðist hafa gleymst varð-
andi skattalækkanir á fyrirtæki, því
hvorki ríki né sveitarfélög eru í
launalegu sambandi við laun fyrir-
tækjanna, sem þurfa aðeins að
greiða 10% skatt og hafa getað umb-
unað starfsmönnum sínum að því er
virðist sem aftur veldur því að
stjórnvöld guma af auknum kaup-
mætti sem enginn er hjá starfs-
mönnum þess hins sama.
Hallarekstur og viðbótarfjárlaga-
heimildir eru árviss atburður og
heilu sveitarfélögin nær á hausnum
rekstrarlega.
Ákveðnir ríkisstarfsmenn virðast
þó hafa möguleika á allt að 40 millj-
óna samningum við hið opinbera í
formi launa ár hvert í krafti sér-
fræðistöðu sinnar, meðan verka-
maður hins opinbera rétt skríður yf-
ir milljón árlega í launum.
Í ljósi þessa mismunar gefur það
svo sem augaleið hvers vegna það er
svo erfitt að lækka skatta á hinn al-
menna verkamann – stétt á móti
stétt væri nær sanni en hitt.
Mál er að linni.
GUÐRÚN MARÍA
ÓSKARSDÓTTIR,
Berjahlíð 1, 221 Hafnarfirði.
Vantar verkalýðsflokk
á Íslandi?
Frá Guðrúnu Maríu Óskarsdóttur:
MORGUNBLAÐINU hefur borist
ályktun aðalfundar Félags ungra
sjálfstæðismanna í Snæfellsbæ:
„Félag ungra sjálfstæðismanna í
Snæfellsbæ lýsir yfir fullum stuðn-
ingi við kjör Sturlu Böðvarssonar í
1. sæti lista sjálfstæðismanna í
NV-kjördæmi. Úrslit prófkjörsins
sýna að Sturla Böðvarsson stendur
uppi sem sigurvegari. FUSS álykt-
ar einnig og áminnir frambjóðend-
ur að hugsa um hag sjálfstæð-
ishreyfingarinnar í kjördæminu og
að vera ekki að hleypa upp fjöl-
miðlum með misjafnlega illa rök-
studdum og að því er oft virðist lít-
ið ígrunduðum upphrópunum og
ásökunum, sem gera ekki annað en
að skaða alla viðkomandi og flokk-
inn enn frekar.
FUSS áréttar að menn voru í
framboði fyrir flokkinn en ekki
fyrir sig persónulega og verið var
að velja fulltrúa kjördæmisins en
ekki verið að deila út þingsætum.
Ekki skulu menn gleyma að enn
eiga menn eftir að ná kjöri í þessi
sæti og að ekkert er sjálfgefið í
þeim efnum.
FUSS harmar enn fremur og
lýsir vanþóknun sinni á þeim til-
fellum sem fóru úrskeiðis í próf-
kjörinu en áréttar að ekki er gæfu-
legt að fara út í meting og skítkast
þess efnis hvar potturinn hafi verið
mest brotinn. Gæta þarf hagsmuna
flokksins í heild og þessu máli
verður að lenda eins fljótt og auðið
er til að flokkurinn geti gengið
heill og sterkur til kosninga í vor.
FUSS ítrekar stuðning sinn við
Sturlu Böðvarsson enda er hann
sigurvegari prófkjörsins hvernig
sem úrslitin eru túlkuð, teygð, tal-
in og toguð.
FUSS lýsir einnig yfir sárum
vonbrigðum með yfirlýsingar
menntamálaráðherra um fram-
haldsskóla í Grundarfirði. FUSS
leggur til að háttvirtur mennta-
málaráðherra endurskoði afstöðu
sína til málsins því þörfin er brýn,
grundvöllurinn til staðar og alger-
lega óásættanlegt að bakinu sé al-
gerlega snúið við málinu.
Ályktun FUSS var tekin fyrir í
stjórn fulltrúaráðs sjálfstæðis-
félaganna í Snæfellsbæ og lýsti
stjórnin fullum stuðningi við
hana.“
Styðja kjör Sturlu
Böðvarssonar
VÁTRYGGINGAFÉLAG
Íslands sendir öllum
börnum sem fædd eru
árið 1992 Vetrarljós
VÍS, sem börnunum
er ætlað að nota til
viðbótar við end-
urskinsmerki. Dreif-
ingin er ekki tengd við-
skiptum við
tryggingafélagið. Alls fá
4.568 börn ljósin send.
Þetta er þriðja árið í röð sem tíu
ára krakkar fá endurskinsljós frá
VÍS. Vetrarljós VÍS er
kringlóttur, rauður
hnappur sem börn-
unum er ætlað að
klemma á fatnað
sinn. Sé hnappnum
snúið í hálfhring
kviknar rautt og
skært ljós í miðju
hans. Hægt er að
nálgast venjuleg end-
urskinsmerki á næsta af-
greiðslustað VÍS, segir í frétta-
tilkynningu.
Vetrarljós VÍS sent
öllum 10 ára börnum
FUGLAVERNDARFÉLAG Ís-
lands hefur gefið út tvö ný jóla- og
tækifæriskort með ljósmyndum af
auðnutittlingi eftir Daníel Berg-
mann og snjótittlingum eftir Jóhann
Óla Hilmarsson og eru þeir félagar í
Fuglaverndarfélaginu. Kortin eru
12 x 17 cm að stærð og prentuð hjá
Grafík/Gutenberg.
Hægt er að panta þau hjá félaginu
með tölvupósti: fuglavernd@fugla-
vernd.is, á heimasíðu félagsins:
www.fuglavernd.is, með símbréfi eða
senda pöntun í pósthólf 5069, 125
Reykjavík. Kortin eru einnig til sölu
í afgreiðslu Náttúrufræðistofnunar
við Hlemm, þriðju hæð til vinstri.
Kortin kosta kr. 200 með umslagi.
Veittur er 20% afsláttur, ef keypt
eru fleiri en 20 kort.
Ennþá eru til nokkrar birgðir af
sumum eldri kortum félagsins og eru
þau seld á hagstæðu verði.
Jólakort
Fugla-
verndar-
félagsins
NÝVERIÐ hóf Edda Björg Há-
konardóttir rekstur nýrrar verslun-
ar. Verslunin heitir Náttúrubúðin og
eins og nafnið bendið til er þar til
sölu ýmislegt náttúruvænt auk þess
sem búðin er í húsnæði Heilsustofn-
unar NLFÍ í Hveragerði.
Edda Björg býður upp á úrval af
húðvörum úr náttúrulegum efnum
frá Crabtree & Evelyn, Purity
Herbs og frá íslensku fyrirtæki,
Urtasmiðjunni á Svalbarðsströnd,
sem vinnur sínar húðvörur úr ís-
lenskum jurtum. Einnig hefur hún
ýmiss konar fatnað og skart til sölu.
Auk Eddu Bjargar vinnur í verslun-
inni Kristín Pálsdóttir.
Náttúrubúðin verður opin frá
klukkan 11–17 alla virka daga og
laugardaga frá klukkan 14–16.
Náttúrubúðin –
ný verslun í
Hveragerði
Hveragerði. Morgunblaðið.
GÖTUSMIÐJAN mun í byrjun
desember hefja sölu á vernd-
arengli til styrktar meðferðar-
heimilinu á Árvöllum. Salan er for-
varnarstaf í samvinnu við
íþróttafélög landsins og valdar
verslanir.
Verndarengillinn er lítið silfur-
litað barmmerki, framleitt af Götu-
smiðjunni í minningu þeirra sem
lotið hafa í lægra haldi í baráttunni
við vímuefni. Sala verndarengilsins
er fjármögnunarleið til að geta
mætt mikilli aðsókn ungmenna í
meðferðarpláss á Árvöllum.
Sala verndarengilsins hjá
íþróttafélögum stendur frá 1. til 7.
desember. Frá 8. til 24. desember
verður engillinn til sölu í versl-
unum, segir í fréttatilkynningu.
Götusmiðjan sel-
ur verndarengil
♦ ♦ ♦