Morgunblaðið - 30.11.2002, Side 1

STOFNAÐ 1913 281. TBL. 90. ÁRG. LAUGARDAGUR 30. NÓVEMBER 2002 mbl.is
Frumsýning
í dag á
Focus 007
Fáðu þér Pepsi Blue
með brakandi Doritos
og flotta vinninga í
007 njósnaleiknum.
Ford styrkir James Bond
bíómyndina.Vertu á Focus 007.
Komdu í dag.
Svörin í 007 njósnaleiknum
er að finna í Brimborgar-
salnum við Bíldshöfða.
Blómatorgið við Hringbrautina
á sama stað í hálfa öld 31
Andri Snær Magnason ræðir
sögu sína LoveStar Lesbók 4
Handþvottur
dugir ekki til
Siðferði í stjórnmálum skiptir
Ítali litlu máli 30
Morgunblaðið/Júlíus
Móður með þrjú börn var bjargað úr bílflakinu sem lenti á hvolfi í Hólmsá. Kafarar Slökkviliðs höfuðborgarsvæðisins voru sendir niður að flakinu.
KONA á þrítugsaldri hlaut alvarlega áverka og er
haldið sofandi í öndunarvél á gjörgæsludeild Land-
spítalans í Fossvogi eftir að bifreið hennar lenti á
hvolfi í Hólmsá á Suðurlandsvegi í gær. Er talið að
hún hafi verið á kafi í vatni í nokkrar mínútur áður
en henni var bjargað. Þriggja ára dóttir hennar
liggur einnig á gjörgæsludeild og er þar til eftirlits.
Tvö eldri börn, 6 og 11 ára, sem voru með móður
sinni í bifreiðinni, slösuðust mun minna.
Vegfarendur á Suðurlandsvegi sýndu mikið snar-
ræði þegar þeir björguðu fjölskyldunni út úr bif-
reiðinni. Slysið varð á fjórða tímanum í gær og virð-
ist sem konan hafi misst stjórn á bifreiðinni með
þeim afleiðingum að hún fór út af og lenti í ánni.
Hámarksviðbúnaður var af hálfu Slökkviliðs höf-
uðborgarsvæðisins sem sendi um 20 menn á vett-
vang. Lögreglan í Reykjavík lokaði Suðurlandsvegi
í eina og hálfa klukkustund á meðan björgunarlið
vann á vettvangi og beindi umferð um Rauðhóla á
meðan.
Meðal þeirra sem komu að björguninni var Sig-
mundur Felixson, sem óð út í ána og bjargaði fjöl-
skyldunni ásamt Sigurði G. Ragnarssyni. Á bakk-
anum voru fleiri vegfarendur sem tóku við
börnunum og móður þeirra og hlúðu að þeim uns
sjúkralið kom á vettvang.
Bjargað úr Hólmsá
eftir að bifreið valt
Móðir alvarlega slösuð en þrjú börn sluppu betur
LEIÐTOGAR helztu stjórnmála-
flokka í Svíþjóð hafa komizt að sam-
komulagi um að efnt verði til þjóðarat-
kvæðis um aðild að Efnahags- og
myntbandalagi Evrópu, EMU, 14.
september 2003. Greindi Göran Pers-
son forsætisráðherra frá þessu í gær.
Niðurstöður flestra skoðanakann-
ana síðastliðið ár benda til að stuðn-
ingsmenn evrunnar muni hafa betur,
en þeir sem ekki vilja sjá á bak krón-
unni hafa að undanförnu verið að
sækja nokkuð í sig veðrið.
Samkvæmt niðurstöðum Gallup-
könnunar, sem birtar voru í gær, lýsa
40% Svía nú stuðningi við evruna, 34%
segja nei og 25% geta ekki gert upp
hug sinn. Í annarri könnun, sem Sifo-
stofnunin gerði fyrir viku, sögðust
41% andsnúin evruaðild, 37% fylgj-
andi og 21% óákveðin.
Svíar kjósa
um evruna
næsta haust
Stokkhólmi. AFP, AP.
„HUGSUN mín snerist um að ná
öllum út úr bílnum. Erfiðast var
að sjá hann á hvolfi í ánni og
heyra í börnunum. Maður hugs-
aði um það eitt að geta gert eitt-
hvað,“ sagði Sigmundur Felixson
húsasmíðameistari sem vann
hetjudáð í gær er hann bjargaði
konu og börnum hennar þremur
út úr bílflakinu í Hólmsá. Hann
var á leið austur fyrir fjall þegar
hann ók fram á slysstað.
„Mér var veifað á brúnni og
ljóst að greinilega var verið að
biðja um aðstoð,“ sagði hann.
Hann var með þeim fyrstu á slys-
stað og stöðvaði bíl sinn strax til
að huga að hinum slösuðu.
„Ég sá bílinn á hvolfi í ánni og
heyrði í börnunum innan úr hon-
um þegar ég kom hlaupandi að
Gunnar Örn
Pétursson
Sigmundur
Felixson
ánni. Þá hljóp ég út að bílnum
og opnaði afturhurðina.“ Með
Sigmundi fór annar aðvífandi
vegfarandi, Sigurður G. Ragn-
arsson, út í ána til bjargar fólk-
inu. „Árbotninn var ósléttur og
ég reyndi að halda jafnvægi í
hnédjúpu vatninu,“ sagði Sig-
mundur. „Í bílnum var grátandi
drengur sem bað okkur um að
bjarga mömmu sinni og systur.“
Öllu tjaldað til
„Aðgerðin gekk mjög vel með
hjálp vegfarendanna,“ sagði
Gunnar Örn Pétursson, vett-
vangsstjóri Slökkviliðsins á slys-
stað en fjölmargar tilkynningar
höfðu borist vegna slyssins.
„Þetta var eitt þeirra útkalla
þar sem öllu er tjaldað til.“
Þegar slökkviliðið kom á vett-
vang höfðu vegfarendur bjarg-
að börnunum þremur á land og
losað móður þeirra út úr bílflak-
inu. Slökkviliðsmennirnir tóku
við lífgunaraðgerðum á móð-
urinni og yngsta barninu og
fluttu þau ásamt eldri börn-
unum á Landspítalann.
Erfiðast að heyra í börnunum

Skar á /4
Carlos Branco frá Kanada hyllti Bítl-
ana á minningartónleikum um
George Harrison í Albert Hall í
London í gær. Paul McCartney og
Ringo Starr komu fram á tónleik-
unum ásamt Eric Clapton.
Reuters
Í minningu
Harrison
„ÞAÐ er ljóst að þetta eru hæstu
mánaðartölur sem hafa sést,“ segir
Trausti Jónsson, veðurfræðingur hjá
Veðurstofu Íslands, um úrkomuna í
nóvember og bætir við að hann sé
auk þess einn af fimm hlýjustu nóv-
embermánuðum undanfarin 100 ár.
Úrkomu- og hitatölur fyrir nóv-
ember liggja ekki fyrir en Trausti
Jónsson segir að hitastigið hafi verið
svipað sunnan- og vestanlands og
það var 1987. Árin 1945 og 1956 hafi
verið áberandi hlýrra um land allt en
1993 hafi verið hlýrra fyrir norðan.
Hlýtt og rakt loft
Að sögn Trausta hefur verið mikil
úrkoma á öllum Austfjörðum vegna
góðs aðgengis að hlýju og röku lofti.
Mesta mánaðarúrkoma sem hefur
mælst var í Kvískerjum í Öræfum,
900 millimetrar í janúar sl. Segir
Trausti að úrkoman á sumum stöð-
umn nú í nóvember, t.d. á Kollaleir-
um í Reyðarfirði og Hánefsstöðum í
Seyðisfirði, virðist vera sambærileg.
Í Borgarfirði eystra sé úrkoman
yfir 700 mm og mjög mikil mánaðar-
úrkoma sé í Breiðdal þar sem hún sé
um 640 mm. Úrkoman sé líka yfir
meðallagi um allt Suðausturland en
þar sé ekkert afbrigðilegt.
Trausti segir að aðeins í Kvískerj-
um janúar sl. og í Grundarfirði í nóv-
ember 1993 hafi úrkoman farið yfir
700 mm á mánuði. Í ár hafi um helm-
ingur ársúrkomunnar í meðalári fall-
ið á Austurlandi í nóvember.
Mesta úrkoma sem mælst hefur í
Reykjavík í nóvember er 240 mm.
Það var árið 1993. Í nóvember sem
nú er að líða hefur úrkoman mælst
um 84 mm.
Úrkoma í
nóvember
slær öll
fyrri met

Mesta sem/6
Síðasta skáld-
saga Íslands?
Engin tvö
blóm eru eins