Morgunblaðið - 30.11.2002, Síða 14

VIÐSKIPTI/ATHAFNALÍF
14 LAUGARDAGUR 30. NÓVEMBER 2002 MORGUNBLAÐIÐ
MJÖLL hefur
keypt þriðjung-
inn í færeyska
fyrirtækinu
Kemilux Ind-
ustri, sem er
eina fyrirtækið í
Færeyjum sem
framleiðir hrein-
lætisvörur.
Baldur Guðna-
son, framkvæmdastjóri Mjallar,
segir fjórar meginástæður fyrir því
að Mjöll ákvað að fara út í þessi
viðskipti. Í fyrsta lagi sé Kemilux
gott og vel rekið fyrirtæki sem
skilað hafi góðri afkomu. Í öðru
lagi séu mikil tækifæri til að
styrkja það og efla í Færeyjum í
ýmiss konar þjónustu sem Mjöll
hafi verið að bjóða hér á landi. Í
þriðja lagi séu möguleikar á að
auka sölu á vörum Kemilux til Ís-
lands. Í fjórða lagi séu vaxtartæki-
færi í auknum útflutningi til ann-
arra landa, en Kemilux flytur út
vörur til Noregs, Danmerkur, Kan-
ada, Grænlands og Íslands.
Fyrirtækið Kemilux var stofnað
árið 1965 og verksmiðja þess er í
Þórshöfn í Færeyjum. Það hefur
að stærstum hluta verið í eigu
sömu fjölskyldu frá upphafi og nú-
verandi framkvæmdastjóri, Jóhann
Eysturoy, er sonur stofnanda þess.
Framkvæmdastjórinn og flutninga-
fyrirtækið HH Trans í Færeyjum
munu eiga hlut í Kemilux með
Mjöll.
Ársvelta 700 milljónir króna
Samanlögð árleg velta Mjallar
og Kemilux er áætluð um 700
milljónir króna og þar af er velta
Mjallar um 500 milljónir króna.
Baldur segir að stefnt sé að því
að ná fram margs konar samlegð-
aráhrifum, þar með talið í efnis-
kaupum, umbúðum, vöruþróun,
uppskriftum, sölu og dreifingu.
Fimm menn verða í stjórn Kemi-
lux. Alfred Petersen, lögfræðingur
og sáttasemjari í Færeyjum, verð-
ur formaður, en aðrir í stjórn
verða Jóhann Eysturoy, fram-
kvæmdastjóri Kemilux, Debes Pet-
ersen, eigandi HH Trans, Baldur
Guðnason, framkvæmdastjóri
Mjallar, og dr. Ásbjörn Einarsson.
Ásbjörn og fjölskylda hans eiga
35% hlut í Mjöll í gegnum fyr-
irtækið Snæás en 65% eru í eigu
Sjafnar. Eigendur Sjafnar eru
Baldur Guðnason, sem á 60%, og
Kaldbakur, sem á 40%. Mjöll varð
til um mitt ár í fyrra við samein-
ingu hreinlætisvörudeildar Sjafnar
og Mjallar.
Útvíkkuð starfsemi
Mjöll hefur víkkað út starfsemi
sína á undanförnum mánuðum.
Fyrirtækið er nú alhliða þjónustu-
fyrirtæki í hreinlætisvöruiðnaði í
stað þess að vera eingöngu fram-
leiðandi hreinlætisvara. Fyrr á
árinu tók Mjöll yfir rekstur þvotta-
húss Fjórðungssjúkrahússins á
Akureyri og keypti rekstur og tæki
Fatahreinsunarinnar í Hofsbót á
Akureyri. Mjöll hefur einnig gert
samning við Akureyrarbæ um þrif
á öllum leikskólum bæjarfélagsins
ásamt samningum við fyrirtæki og
stofnanir, þar á meðal samning við
Norðlenska um ræstingar á kjöt-
vinnslum og sláturhúsum.
Mjöll fjárfestir í Færeyjum
Kaupir þriðjung-
inn í færeyskum
framleiðanda
hreinlætisvara
Baldur Guðnason
ÚTGÁFU tölvuleiksins Eve-Online hefur verið
frestað til 7. mars, en áætlað hafði verið að hann
kæmi út í Bandaríkjunum 7. desember. Stjórn
CCP hf., hugbúnaðarfyrirtækisins sem hannar
leikinn, hefur boðað til hluthafafundar, þar sem
tekin verður fyrir tillaga um að félagið taki
skuldabréfalán fyrir eitt hundrað milljónir
króna.
Ívar Kristjánsson, framkvæmdastjóri CCP,
segir að ákveðið hafi verið að fresta útgáfu leiks-
ins m.a. vegna þeirrar miklu eftirspurnar sem
hafi verið fyrirsjáanleg. Því gefist lítið svigrúm
til lagfæringa eftir að búið verði að gefa hann út.
„Eftir töluverða naflaskoðun var ákveðið að
heppilegast væri að fresta útgáfu. Útgefandinn,
Simon & Schuster Interactive, hefur mikla
reynslu í þessum efnum og við tökum mark á því
sem hann leggur til,“ segir hann.
Samhliða útgáfa í Evrópu
Ívar segir að samhliða þessari ákvörðun hafi
verið afráðið að gefa leikinn einnig út í Evrópu,
en ekki bara Bandaríkjunum eins og ráðgert hafi
verið í fyrstu. „Útgefandinn gerir ráð fyrir að
geta selt á tveimur vikum allt það magn sem við
getum látið honum í té,“ segir hann, en gert er
ráð fyrir að 120.000 eintök seljist af fyrstu út-
gáfu. Ívar segir að hluthöfum hafi best hugnast
að fjármagna reksturinn á þessum viðbótartíma,
fram í mars, með lánsfé. „Niðurstaðan varð því
sú að félagið óskaði eftir heimild til skuldabré-
faútboðs sem nánar verður tilkynnt á hluthafa-
fundi félagsins á fimmtudaginn.“ Hann segir að
ekki sé búið að ganga frá sölu bréfanna, en fyrir
liggi skuldbinding stoðfjárfesta um að standa að
baki félaginu. „Þetta verður nánar skýrt á hlut-
hafafundinum í næstu viku.“
Einnig er á dagskrá hluthafafundarins tillaga
um að stjórnin fái heimild til að gefa út hlutabréf
fyrir allt að 3.750.000 krónur að nafnvirði, í
tengslum við skuldabréfaútboðið. Ef skuldabréf-
in verða ekki greidd upp að fullu eða hluta á tíma-
bilinu 30. apríl til 31. desember öðlast skulda-
bréfaeigendur rétt til að breyta bréfunum í
hlutafé í þrepum samkvæmt skuldabréfaútboðs-
lýsingu. Ívar segir að stefnt sé að því að bréfin
verði greidd upp áður en til breytiréttar kemur.
Umfangsmeira en áætlað var
Spurður um ástæður fyrir seinkuninni segir
Ívar að verkefnið hafi reynst umfangsmeira en
áætlað hafi verið. „Þetta er gífurlega umsvifa-
mikið verkefni og kannski má segja að við höfum
vanmetið það að einhverju leyti. Eins má segja
að við höfum vanáætlað prófunartímann, en við
höfum ákveðið að lengja hann til að öðlast meira
öryggi með hugbúnaðinn,“ segir hann.
Á fundinum mun Jónmundur Guðmarsson,
fulltrúi Íslenska hugbúnaðarsjóðsins, hætta í
stjórn félagsins, en hann er sem kunnugt er orð-
inn bæjarstjóri á Seltjarnarnesi. Skúli Valberg,
eftirmaður Jónmundar hjá ÍSHUG, tekur sæti
hans í stjórninni.
CCP hf. hyggst taka 100 milljóna skuldabréfalán
Eve-Online kemur út í mars
SKÓFYRIRTÆKIÐ UN Island
opnaði í gær sína fyrstu sérverslun
á Íslandi í Mörkinni 1. Þá voru
einnig undirritaðir samningar um
opnun sjö UN verslana í Noregi.
Jafnframt skrifuðu 16 íslensk
fyrirtæki undir samning um stofn-
un sérstaks hlunnindakorts. Í
fréttatilkynningu kemur fram að
fyrirtækin 16 munu bjóða kort-
höfum upp á ýmiss konar hlunnindi
en kortin, sem skiptast í gull, silfur
og brons, verða seld á mismunandi
verði allt eftir því um hvernig kort
er að ræða. Fyrirtækin sem standa
að hlunnindakortinu eru: Sport-
hús/Baðhús, Grand hótel, Fönn,
DV, Bílkó, Gokart, Retro, Hverf-
isbarinn, Gullsól, Mekka Sport, A.
Hansen, Mountain Taxi, UN Island,
Smart, Hárex og JPV bókaútgáfan.
UN Island opnar verslun í Mörkinni
Morgunblaðið/Þorkell
Frá undirskrift samnings um hlunnindakort.
● HAPPDRÆTTI SÍBS hefur samið
við Eddu útgáfu um kaup á íslensk-
um bókmenntaverkum að verðmæti
um 70 milljónir króna. Bækurnar
verða á vinningaskrá SÍBS árið
2003. Um er að ræða Íslensku orða-
bókina og ritsafn Snorra Sturlusonar,
sem nýlega voru gefin út.
Happdrætti SÍBS hefur í meira en
hálfa öld aflað fjár fyrir uppbyggingu
endurhæfingar að Reykjalundi og víð-
ar. Í tilkynningu í tilefni af sam-
komulaginu segir að árlega njóti á
annað þúsund Íslendingar endurhæf-
ingar þar vegna sjúkdóma eða slysa.
Heildarverðmæti vinninga Happ-
drættis SÍBS árið 2003 verður yfir
hálfur milljarður króna og að jafnaði
verða dregnar út 40-50 milljónir
króna á mánuði.
Í tilkynningunni er haft eftir Pétri
Bjarnasyni, framkvæmdastjóra
SÍBS, að þessi samningur sé
ánægjulegt framhald af starfi SÍBS í
þágu menningar og velferðar lands-
manna. Happdrættið hafi í mörg ár
verið með vinninga tengda íslenskri
list en árið sem nú sé að líða hafi
hins vegar verið helgað útivist og
hreyfingu. Á komandi ári verði með
þessum samningi lögð áhersla á
gildi bókarinnar, íslenskrar tungu og
menningararfs okkar sem þjóðar.
Bókmenntaverk
á vinningaskrá
SÍBS
● HAGNAÐUR af rekstri OZ Comm-
unications á fyrstu níu mánuðum
þessa árs nam tæpum 1,5 milljónum
Bandaríkjadala, jafnvirði um 126
milljóna íslenskra króna. Hagnaður-
inn skýrist fyrst og fremst af um 3,9
milljóna dala lokagreiðslu frá símafyr-
irtækinu Ericsson vegna slita á þró-
unarsamningi fyrirtækjanna fyrr á
árinu. Á sama tímabili í fyrra var tap
OZ tæpar 13 milljónir dala, jafnvirði
um 1,1 milljarður íslenskra króna. Frá
þessu er greint í tilkynningu frá OZ til
bandaríska fjármálaeftirlitsins, SEC.
Umsvif OZ eftir flutning fyrirtæk-
isins frá Íslandi til Kanada hafa dreg-
ist verulega saman. Tekjur á þriðja
ársfjórðungi þessa árs námu rúmum
90 þúsund Bandaríkjadölum en voru
um 1,2 milljónir dala á sama tímabili í
fyrra, sem er um 90% samdráttur.
Rekstrargjöld á þessu þriggja mán-
aða tímabili, frá júlí til september,
lækkuðu úr tæpum 4,0 milljónum
dala á síðasta ári í tæpar 1,7 milljónir
í ár.
Eignir OZ í lok september 2002
námu tæpum 2,3 milljónum Banda-
ríkjadala, eða tæpum 200 milljónum
íslenskra króna. Um síðustu áramót
voru eignirnar rúmar 10,7 milljónir
dala, jafnvirði rúmlega 900 milljóna
íslenskra króna. Eigið fé var um 1,7
milljónir dala í lok september síðast-
liðinn en neikvætt um tæpar 4,9 millj-
ónir dala um síðustu áramót.
Verulega dregur
úr umsvifum OZ
● ÖSSUR hf. seldi í gær 48,75% hlut
sinn í Eirbergi ehf. fyrir 35,1 milljónir
króna. Kaupandi er Agnar H. John-
son sem verið hefur stjórn-
arformaður Eirbergs frá upphafi.
Eirberg var stofnað í lok árs 2000
með sameiningu Hjálpartækjabanka
Össurar annarsvegar og Heilbrigð-
isvörudeildar Esjubergs, áður ÓJ&K
hf., hinsvegar. Agnar segir í samtali
við Morgunblaðið að eignabreytingar
á fyrirtækinu þýði ekki að gerðar
verði breytingar á rekstri þess. „Eir-
berg er sérhæft þjónustufyrirtæki
sem býður heildarlausnir á heilbrigð-
issviði. Við erum stöðugt að leitast
við að mæta þörfum viðskiptavina
okkar og horfum björtum augum á
framtíð félagsins.“
Í tilkynningu Össurar til Kauphallar
Íslands í gær kemur fram að bókfært
verð hlutarins sé 19 milljónir króna.
Salan sé í samræmi við þá stefnu
fyrirtækisins að draga sig út úr öllum
rekstri á innanlandsmarkaðisem
ekki tengist kjarnastarfsemi félags-
ins. Í tilkynningunni segir að salan
hafi óveruleg áhrif á rekstur félags-
ins.
Össur selur hlut
sinn í Eirbergi
● HAUKÞING ehf. keypti í gær
36.764.706 krónur að nafnverði
hlutafjár í Sjóvá-Almennum trygg-
ingum hf. af félaginu, sem er 6,28%
af heildarhlutafé þess. Haukþing átti
ekki fyrir hlutafé í Sjóvá-Almennum.
Haukþing var stofnað fyrr í þess-
um mánuði en eigendur þess eru
Eimskipafélag Íslands, Skeljungur og
Sjóvá-Almennar tryggingar. Þá keypti
félagið rúmlega 10% hlut í Skeljungi
fyrir rúmlega 1,1 milljarð króna.
Lokaverð hlutabréfa Sjóvár-
Almennra trygginga í Kauphöll Ís-
lands í gær var 26,60. Kaupverðið á
6,28% hlut Haukþings í félaginu hef-
ur því verið tæplega 980 milljónir
króna.
Benedikt Jóhannesson, stjórn-
arformaður Haukþings, segir ekki
ólíklegt að félagið muni fjárfesta
meira á næstunni. Ekkert hafi þó ver-
ið ákveðið í þeim efnum á þessari
stundu.
Haukþing
eignast 6% í
Sjóvá-
Almennum