Morgunblaðið - 20.12.2002, Page 12

FRÉTTIR
12 FÖSTUDAGUR 20. DESEMBER 2002 MORGUNBLAÐIÐ
I
NGIBJÖRG Sólrún Gísladóttir segist í
samtali við Morgunblaðið ekki líta svo á
að yfirlýsing borgarfulltrúa Framsókn-
arflokksins og Vinstri grænna í R-
listasamstarfinu jafngildi vantrausti á
sig sem borgarstjóra. Vantraustið geti ekki ver-
ið á þeim forsendum að hún ætli að taka 5. sæt-
ið á öðrum hvorum lista Samfylkingar í Reykja-
vík. R-listinn starfi í borgarstjórn á grundvelli
samstarfsyfirlýsingar, málefnasamnings og
stefnuskrár og ekkert hafi það gerst sem ætti
að kippa grunninum undan þessu þrennu. Ingi-
björg telur það af og frá við núverandi að-
stæður að hún hætti við ákvörðun sína um að
fara í þingframboð, hún telur sig áfram njóta
trausts sem borgarstjóri fyrir R-listann.
„Þegar Reykjavíkurlistinn varð til und-
irgekkst ég það aldrei gagnvart þessum flokk-
um að ég mætti ekki skipta mér af landspólitík-
inni. Það stendur hvergi í þessum yfirlýsingum,
enda hefði ég aldrei samþykkt að láta hneppa
mig þannig í vistarbönd. Þegar leitað var til mín
árið 1994 um að ég leiddi sameiginlegan lista
Alþýðuflokks, Alþýðubandalags, Framsókn-
arflokks og Kvennalista gerði ég það á skýrum
forsendum þess að ég væri ekki á kvóta neins
flokks, þó að ég hafi á þeim tíma verið þingkona
Kvennalistans. Þá var heldur ekki farið fram á
það við mig að ég segði af mér þingmennsku.
Það ákvað ég sjálf að gera. Ég hef alltaf lagt á
það áherslu að ég gegndi starfi borgarstjóra og
undirgengist ekki flokksvald neinna samstarfs-
aðilanna,“ segir Ingibjörg.
– Þú segist ekki vera undir flokksvaldi en
snýst málið ekki frekar um traust samstarfs-
aðilanna í kosningabandalagi frekar en eitt-
hvert flokksvald?
„Jú, traustið hlýtur að snúa að þeim vett-
vangi sem ég starfa á, sem borgarstjóri fyrir
Reykjavíkurlistann.“
Snýst ekki eingöngu um mig
Árni Þór Sigurðsson, forseti borgarstjórnar
og fulltrúi Vinstri grænna, hefur sagt að trún-
aður sé brostinn í samstarfi R-listans. Aðspurð
hvort ekki sé mikilvægt að njóta trúnaðar og
trausts samherja sinna segir Ingibjörg að sá
trúnaður geti ekki eingöngu snúist um sína per-
sónu. Hann hljóti að snúast um málefnin sem
R-listinn standi sameiginlega að. Hún segist
ekki hafa gengið á svig við það samkomulag
sem um stefnu Reykjavíkurlistans ríki.
– Voru þessi viðbrögð ekki fyrirséð þegar þið
Össur ákváðuð að þú tækir sætið, í ljósi við-
bragða formanna samstarfsflokkanna í R-
listanum við hugmyndum um þingframboð þitt í
september?
„Í haust snerist málið um það að ég blandaði
mér í prófkjörsbaráttu Samfylkingarinnar með
það að markmiði að leiða lista í öðru kjördæm-
anna í Reykjavík. Þar með hefði ég þurft að
hætta sem borgarstjóri, mér var það alveg ljóst.
Um þetta snýst málið ekki nú, heldur um það að
setjast í 5. sæti á lista. Menn máttu alltaf gera
því skóna að ég yrði einhvers staðar á listan-
um.“
– Skiptir einhverju máli að þú sért í 5. sæti?
Hlýtur Samfylkingin ekki að stefna að því að
koma þér á þing og er það ekki ástæðan fyrir að
þú ert í framboði?
„Allir flokkar stefna að því að fá eins marga
fulltrúa kjörna og þeim er unnt. Ég gæti verið í
þeirri stöðu sem Geir Hallgrímsson var í á sín-
um tíma er hann var borgarstjóri og varaþing-
maður og síðar þingmaður. Ég get ekki fullyrt
um stöðu mína fyrr en í vor að loknum kosn-
ingum.“
Ætla ekki að stuðla að framhaldslífi
Davíðs í stóli forsætisráðherra
– Með því að stefna að þingsæti, ertu þá ekki
um leið að stefna þingsæti Halldórs Ásgríms-
sonar í norðurkjördæminu í hættu?
„Nei, það tel ég af og frá. Halldór Ásgríms-
son er það sterkur stjórnmálamaður að ekki
geti verið nein spurning um að hann hljóti
stuðning.“
– Þú ræddir ekki við Halldór eða aðra leið-
toga samstarfsflokkana?
„Nei, ég gerði það hvorki við hann né aðra
leiðtoga. Um hvað átti ég að ræða? Ég gat ekki
verið að spyrja þá leyfis. Ég ráðgaðist ekki við
neinn á hinum pólitíska vettvangi, hvorki á vett-
vangi Alþingis né borgarstjórnar. Ég ræddi
ekki við borgarfulltrúa fyrr en ég ákvað að
kynna þetta fyrir öllum borgarstjórnarflokkn-
um í einu. Ákvörðunina tók ég án þess að ráð-
færa mig við þá sem hafa hlutverki að gegna í
stjórnmálum. Eins og ævinlega ráðfærði ég mig
við minn eiginmann, enda er hann góður ráð-
gjafi.“
Steingrímur J. Sigfússon, formaður Vinstri
grænna, hefur látið hafa eftir sér að hann telji
líkur á vinstri stjórn eftir næstu þingkosningar
hafa minnkað með ákvörðun Ingibjargar Sól-
rúnar. Aðspurð hvort hún sé sammála þessu
segist Ingibjörg ekki átta sig á hvað Stein-
grímur eigi nákvæmlega við. Hún sé vön að
starfa með flokkunum þremur og hafi af því
ágæta reynslu. Sú reynsla eigi ekki að standa í
vegi fyrir því að vinstri stjórn verði mynduð,
líkur á því hafi vonandi aukist heldur en hitt.
„Ég er ekki að blanda mér í landsmálapólitík-
ina til að stuðla að framhaldslífi Davíðs Odds-
sonar á forsætisráðherrastóli.“
Betra að láta jólin líða
Ingibjörg segist ekki hafa fengið neinn frest
til að svara yfirlýsingu samstarfsaðilanna í
Framsóknarflokki og Vinstri grænum, enda sé
langt til vors og menn eigi að taka sér tíma til að
tala saman og fara yfir málin. Hún segir að
menn verði að anda með nefinu, engin ögur-
stund sé uppi. Full ástæða sé til að flýta sér
hægt. Ingibjörg á von á því að viðræður R-
listaflokkanna hefjist á næstu dögum þó að hún
hafi ekki verið boðuð til neins fundar. Hún telur
þó betra að láta jólahátíðina líða áður en lengra
verði haldið. Betra sé að sjá hvað nýtt ár beri í
skauti sér.
Nýt áfram trausts og hætti
ekki við þingframboð
Mikið hefur mætt á Ingibjörgu Sólrúnu Gísladóttur borgarstjóra í fjölmiðlum eftir að hún þáði
boð um að taka sæti á lista Samfylkingar í Reykjavík vegna komandi þingkosninga.
Ingibjörg Sólrún segist aldrei hafa samþykkt að verða hneppt í vistarbönd
Morgunblaðið/Halldór Kolbeins
DAGUR B. Eggertsson borg-
arfulltrúi kom nýr inn í Reykjavík-
urlistann við síðustu kosningar sem
fulltrúi utan flokka. Aðspurður um
viðbrögð við þingframboði Ingi-
bjargar Sólrúnar Gísladóttur segir
Dagur hana vera með sínum hætti
að svara ákveðnu kalli um ný vinnu-
brögð í stjórnmálum og nýjan val-
kost í landsmálum.
Dagur ritaði grein í Morgunblaðið
í byrjun september sl. þar sem hann
sagðist vera fullviss um að Ingibjörg
Sólrún færi ekki í þingframboð og að
hún yrði áfram borgarstjóri. Þar
sagði hann pólitískan styrk Ingi-
bjargar byggjast
ekki síst á trú-
verðugleika og
styrk hennar til
að fylgja eigin
sannfæringu. Nú
segir Dagur að
stuðningur við
þingframboð
Ingibjargar sé
mun meiri en í
haust og trúverð-
ugleiki hennar hafi ekki beðið
hnekki.
Andstaðan sé minni og óákveðn-
um hafi fækkað verulega.
Dagur B. Eggertsson borgarfulltrúi
Kalli svarað um nýjan
valkost í landsmálum
Dagur B.
Eggertsson
ÖSSUR Skarp-
héðinsson, for-
maður Samfylk-
ingarinnar, segist
í samtali við
Morgunblaðið
ekki neita því að
viðbrögð sam-
starfsflokkanna í
Reykjavíkurlist-
anum við þing-
framboði Ingi-
bjargar Sólrúnar Gísladóttur séu
nokkuð yfirdrifin, ekki síst í ljósi
þess að jafnan hafi af þeirra hálfu,
einkum Vinstri grænna, verið lögð
áhersla á að R-listinn snerist um
málefni en ekki menn.
„Ég rifja sérstaklega upp að þeg-
ar ég skilgreindi kosningasigur R-
listans í kosningaþætti í Sjónvarpinu
í vor sem persónulegan sigur Ingi-
bjargar Sólrúnar, þá mótmælti for-
maður Vinstri grænna því ákaflega.
Taldi hann rangt að telja einstökum
persónum sigurinn til tekna. Við-
brögðin sýna hins vegar að hlaupinn
er kosningaskjálfti í menn og heldur
fyrr en ég átti von á. Þau sýna líka
að það er mikill styrkur fyrir Sam-
fylkinguna í því að fá borgarstjórann
til framboðs í landsmálunum. Við-
brögðin undirstrika einnig að menn
sjá í því framboði mikinn þunga,“
segir Össur.
„Þó ég vilji taka fullt tillit til sam-
starfsflokka minna í Reykjavík-
urlistanum þá finnst mér það full-
mikil kröfuharka af þeirra hálfu að
Samfylkingunni hafi borið skylda til
að bera það undir þá hverja við byð-
um fram til Alþingis. Ég hef ekki
óskað eftir því að þeir beri framboð
sín undir mig,“ segir Össur.
Menn eiga að fara sér rólega
Hann bendir á að innan R-listans
hafi flokkarnir átt farsælt samstarf.
Það hafi leitt til þess að saman hafi
flokkarnir gjörsigrað Sjálfstæð-
isflokkinn í borgarstjórn Reykjavík-
ur. Saman hafi þeir náð að bera fram
málefni, sem hafi fallið borgarbúum
í geð, og náð að hrinda þeim í fram-
kvæmd með þeim hætti að Reykvík-
ingar hafi endurtekið kosið að leiða
listann til valda.
„Ég held að í ljósi þessa góða sam-
starfs þá eigi menn að fara sér ró-
lega, anda hægt og ræða saman. Í
yfirlýsingu framsóknarmanna og
Vinstri grænna er lýst harðri and-
stöðu við ákvörðun Ingibjargar en
jafnframt óskað eftir viðræðum um
hina upphaflegu samstarfsyfirlýs-
ingu flokkanna. Við í Samfylking-
unni erum að sjálfsögðu reiðubúin til
þess og munum gera það á næst-
unni. Borgarstjóri hefur sagt sína
skoðun og ég og minn stóri flokkur
styðjum hana að sjálfsögðu heils-
hugar.“
Össur
Skarphéðinsson
Yfirdrifin
viðbrögð
og fullmikil
kröfuharka
Össur
Skarphéðinsson