Morgunblaðið - 20.12.2002, Blaðsíða 25

Morgunblaðið - 20.12.2002, Blaðsíða 25
AKUREYRI MORGUNBLAÐIÐ FÖSTUDAGUR 20. DESEMBER 2002 25 UMFANGSMIKLAR framkvæmdir standa nú yfir um borð í Sléttbak EA, nýja frystitogara Útgerðarfélags Akureyringa hf. Skipt verður um lúgu á fiskmóttökunni á dekkinu, skápur fyrir flottrollshlera útbúinn og ýmislegt fleira. Einar þrjár vélsmiðjur koma að verkinu, tvær frá Akureyri og ein frá Dalvík en stefnt er að því að ljúka þessum framkvæmdum í byrjun jan- úar. Sléttbakur kom til löndunar á Akureyri í byrjun vikunnar með tæp- lega 260 tonn af frystum afurðum. Aflaverðmæti skipsins var um 63 millj- ónir króna. Morgunblaðið/Kristján Framkvæmdir í Sléttbak BÆJARRÁÐ Akureyrar sam- þykkti í morgun að styðja fyrir- hugaðar framkvæmdir Landsvirkj- unar við Kárahnjúka. Á fund ráðsins mættu til við- ræðna Friðrik Sophusson, forstjóri Landsvirkjunar, Stefán Péturs- son, framkvæmdastjóri fjármála- sviðs, og Bjarni Bjarnason, fram- kvæmdastjóri orkusviðs. Þeir gerðu grein fyrir stöðu mála og lýstu fyrirhuguðum framkvæmd- um. Að loknum umræðum sam- þykkti bæjarráð samhljóða sam- þykkt þar sem lýst er yfir stuðningi við það að Landsvirkjun hrindi áformum um Kárahnjúka- virkjun í framkvæmd að uppfyllt- um þeim markmiðum sem fram hafa verið sett af eigendum um arðsemi af starfsemi Landsvirkj- unar. Bæjarráð Akureyrar Styður fram- kvæmdir við Kárahnjúka„ÞETTA er auðvitað alveg hræðilegt,“ sagði Ólafur R. Ólafsson en á miðvikudagskvöld kom eldur upp í íbúð hans og eiginkonunnar, Oddnýjar Kristinsdóttur, í Skessugili 1. Íbúðin er ný en þau fluttu inn ásamt þrem- ur börnum sínum í sumarbyrjun. Eldsins varð vart um kl. 18.30 og var enginn heimavið á þeim tíma. „Ég var í vinnunni og það var hringt í mig þangað, mér varð heldur illa við þegar ég heyrði tíðind- in,“ sagði Ólafur. Talið er að kviknað hafi í út frá jólaseríu sem prýddi hornglugga í íbúð fjölskyldunnar og sagði Ólafur að menn væru að geta sér þess til að skammhlaup hefði orðið í perum sem legið hefðu þétt saman. Það voru börn úr nágrenninu sem fyrst sáu hvers kyns var og létu ná- grannakonu vita, en hún hringdi umsvifalaust á lög- reglu sem kom á vettvang ásamt slökkviliði skömmu síð- ar. Gífurlegur hiti var inni í íbúðinni þegar að var komið og komst lögregla ekki inn af þeim sökum. Ólafur sagði að litlu hefði munað að glugginn hefði sprungið, en hann hefði sem betur fer haldið, ella hefði mátt búast við enn meira tjóni en þó varð. Ólafur sagði að einkum væri um að ræða hita- og sótskemmdir. Fjölskyldan var búin að skreyta híbýli sín hátt og lágt og undirbúningi fyrir hátíðina var að mestu lokið, en þau eiga von á einni dóttur sinni heim á sunnudag. Hún hefur dvalið með afreksliði Íslands á skíðum í Noregi síðasta mánuð. „Við vildum vera búin að öllu þegar hún kæmi heim,“ sagði Ólafur. Hann nefndi að þó það væri mikið áfall að horfa upp á íbúðina í þessu ásigkomulagi rétt fyrir jólin væri lán í óláni að enginn hefði slasast. „Það er hægt að bæta alla hluti, en mannslífið skiptir mestu,“ sagði Ólafur. Unnið var við það í gær að rýma íbúðina, en innbú; rúm, sófar og annað slíkt verður sent í hreinsun. Þá verður íbúðin þrifin og loks er áætlað að allt að 6 vikur taki að gera hana upp á nýju. Þau gera ráð fyrir að flytja inn aftur um miðjan febrúar. Fjölskyldan dvaldi hjá ætt- ingjum nóttina eftir brunann, en er nú að leita að íbúð. Talið að kviknað hafi í út frá jólaseríu í glugga Fyrir mestu að enginn slasaðist Morgunblaðið/Kristján Guðmundur Helgason frá Sjóvá-Almennum skoðar verksummerki í Skessugili, þar sem talið er að eldurinn hafi komið upp á miðvikudagskvöldið. NORÐURORKU, veitufyrirtæki Akureyrarbæjar, verður breytt í hlutafélag sem tekur til starfa 1. jan- úar nk. og yfirtekur allar eignir rétt- indi, skuldir og skuldbindingar Norðurorku. Ekki er einhugur í stjórn Norður- orku um þessa breytingu á rekstr- arformi fyrirtækisins og á síðasta fundi lagði Kristín Sigfúsdóttir, fulltrúi Vinstrihreyfingarinnar – græns framboðs í stjórninni, fram eftirfarandi bókun: „Vegna eignar- formsbreytinga Norðurorku í Norð- urorku hf. lýsi ég yfir ótta mínum um að stigið hafi verið óheillaspor sem leiða muni til þess að Akureyringar missi síðar forræði yfir veitum sínum og uppskeri hlutfallslega verri og dýrari þjónustu.“ Óttast að stigið hafi verið óheillaspor Fulltrúi vinstri-grænna í stjórn Norðurorku Herradeild Akureyri, sími 462 3599. Frakkar Stuttir og síðir ullarfrakkar SKJALDARVÍK TIL SÖLU Fasteignir Akureyrarbæjar auglýsa til sölu og óska eftir tilboðum í fasteigninar Ytri og Syðri - Skjaldarvík, í Hörgárbyggð. Um er að ræða: · Íbúðarhús, 182,3 m² á einni hæð. · Íbúðarhús á tveimur hæðum samtals 242,5 m². · Áður dvalarheimili, heildarstærð 1.867 m², húsið er á tveimur hæðum og kjallari. · Skemma samtals 126 m². · Vélaskemma og geymsla samtals 364 m². · Fjós, kálfahús og hlaða samtals 560 m². Húsunum verður afmörkuð leigulóð og til greina kemur að leigja væntanlegum kaupendum úthaga og tún. Áskilin er réttur til að taka hvaða tilboði sem er eða hafna öllum. Tilboðum ber að skila eigi síðar en 9. janúar 2003, kl. 16.00, á skrifstofu Fasteigna Akureyrarbæjar. Fasteignir Akureyrarbæjar Geislagötu 9, 4 hæð, sími 460 1000, 460 1128. Jólakossinn vinargjöf sími 462 2900 Blómin í bænum
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.