Morgunblaðið - 20.12.2002, Blaðsíða 54

54 FÖSTUDAGUR 20. DESEMBER 2002 MORGUNBLAÐIÐ






  BRÉF
TIL BLAÐSINS
Kringlunni 1 103 Reykjavík
Sími 569 1100

Símbréf 569 1329
Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VIÐ lestur Hálendisblaðsins sem
kom út með Morgunblaðinu 8. des-
ember sl. vöknuðu eftirfarandi
spurningar sem
ég vil leggja fyrir
ráðamenn ís-
lensku þjóðarinn-
ar:
Hvers vegna að
valda röskun og
skaða á um 60
fossum?
Hvers vegna að
veita Jökulsá á
Dal, einu aurug-
asta jökulfljóti í
Evrópu, í Lagarfljót með tilheyrandi
breytingum á vatnafari?
Hvers vegna að eyðileggja um 40
ferkílómetra af dýrmætum gróður-
vinjum á hálendinu?
Hvers vegna að spilla 1.000 ferkíló-
metra svæði ómetanlegs víðernis og
jarðsögumenjum á hálendinu?
Hvers vegna að taka mikla áhættu
á sand- og leirfoki úr fjöruborði Háls-
alóns og Keldulóns með tilheyrandi
gróðurskemmdum á Vestur- öræfum
og Hraunum?
Hvers vegna að eyða stórum bú-
svæðum hreindýra, heiðagæsa og
fleiri dýra?
Þið vitið:
að Hálsalón verður á stærð við
Hvalfjörð og með allt að 70 m vatns-
borðssveiflu!
að Kárahnjúkastífla verður 190 m
á hæð, eða rúmlega tvisvar sinnum
hærri en Hallgrímskirkja!
að að neðan verður Kárahnjúka-
stífla um 700 m breið, eða álíka og
Esjan er há!
að lengstu jarðgöng í Kárahnjúka-
virkjun verða um 40 km og alls verða
jarðgöngin ríflega 70 km á lengd!
að opnir skurðir verða um 3,5 km á
lengd og stíflur rúmlega 5 km á
lengd!
að með Kárahnjúkavirkjun verða
um 80% af raforku landsins seld stór-
iðju!
að rekstarhalli á Kárahnjúkavirkj-
un hefur verið áætlaður á bilinu 17–
53 milljarðar króna!
að Kárahnjúkavirkjun eykur fjár-
skuldbindingar Reykjavíkurborgar
um 45 milljarða króna!
að undir fyrirhugaðri Kára-
hnjúkastíflu í Hafrahvammsgljúfri er
þéttriðið net af misgengissprungum!
að framkvæmdir við Kárahnjúka-
virkjun og álver Alcoa munu leiða til
hækkunar stýrivaxta um 2 prósentu-
stig!
að rammaáætlun ríkisstjórnarinn-
ar sýnir að Kárahnjúkavirkjun er sá
virkjunarkostur sem veldur hvað
mestum umhverfisspjöllum!
að tap á náttúrugæðum vegna
Kárahnjúkavirkjunar hefur verið
metið á andvirði 300 milljóna króna á
ári!
að um 65% þjóðarinnar eru hlynnt
þjóðgarði norðan Vatnajökuls!
að Skipulagsstofnun hafnar Kára-
hnjúkavirkjun vegna umtalsverðra
og óafturkræfra umhverfisáhrifa!
að Skipulagsstofnun telur hagræn-
ar forsendur Kárahnjúkavirkjunar
veikar!
að friðlýst svæði við Kringilsár-
rana verður eyðilagt!
að ströndin við Héraðsflóa mun
hopa og hafa áhrif á seli, fugla og
fleiri dýr!
að Folavatn á hásléttu Hrauna
verður eyðilagt!
Er réttlætanlegt að kljúfa þjóðina í
tvær andstæðar fylkingar vegna
Kárahnjúkavirkjunar?
Vel rökstutt svar óskast.
JÓHANN G. JÓHANNSSON,
tónlistar- og myndlistarmaður.
Ráðamenn,
hvers vegna?
Frá Jóhanni G. Jóhannssyni
Jóhann G.
Jóhannsson
Í MBL. 11. des. er grein eftir al-
þingismann okkar Reykvíkinga,
Ástu Möller, undir yfirskriftinni
„Heima eða á stofnun“.
Greinin hefst á þessum orðum:
„Í SÍÐUSTU viku beindi ég fyr-
irspurn til heilbrigðisráðherra...“
Það er eins og þingmaðurinn viti
ekkert um þá umræðu sem verið
hefur um bága stöðu málefna
hjúkrunarheimila í hennar kjör-
dæmi, ma. háværar kröfur Félags
eldri borgara um tafarlausar úr-
bætur. Hún þarf að spyrja heil-
brigðisráðherra. Seinna í greininni
er reynt að koma skömminni yfir á
Reykjavíkurborg, og víst hefðu
borgaryfirvöld mátt standa sig bet-
ur. En nú skal ég upplýsa þing-
manninn okkar um það að meg-
inástæðan fyrir því að ekki hafa
verið byggð hjúkrunarheimili er sú
staðreynd að núverandi heimili eru
rekin með miklu tapi, vegna þess
að ríkið greiðir ekki raunverulegan
reksturskostnað, að undanskildu
óskabarninu Sóltúni. Í kringum
þessa staðreynd komast stjórnar-
liðar ekki.
Ég er henni sammála um það að
allra hluta vegna á að gera öldr-
uðum það kleift að búa á sínu heim-
ili, eins lengi og heilsan frekast
leyfir, eins og ég hef margsinnis
bent á í skrifum mínum undanfarin
ár. Að lokum vil ég benda alþing-
ismanninum á að kynna sér vel það
samkomulag sem Landssamband
eldri borgara gerði við ríkisvaldið
þann 19. nóvember, sérstaklega
kaflana um úrbætur í málum
hjúkrunarheimila, heimilisaðstoð,
dagvistun ofl. Þar má sjá hverju
stjórnarliðar eru samningsbundnir
um að koma í framkvæmd. Ef ein-
hver misbrestur verður á þeim
framkvæmdum, þá er vissulega
tímabært að bera fram fyrirspurn-
ir, og fylgja málum svo eftir.
PÉTUR GUÐMUNDSSON,
Skeiðarvogi 41, Reykjavík.
Hvað vita
alþingismenn?
Pétur Guðmundsson skrifar