Morgunblaðið - 08.01.2003, Page 17

ERLENT
MORGUNBLAÐIÐ MIÐVIKUDAGUR 8. JANÚAR 2003 17
Kennsla hefst 13. janúar
samkvæmt stundaskrá
Metnaður - Þjálfun
Hvatning - Vellíðan - Árangur
H
a
u
k
u
r
MJÓDD. Álfabakka 14a
Sími: 587 9030
Netfang: gudbjörg@ballet.is
Veffang: ballet.is
JACQUES Chirac, forseti Frakk-
lands, minnti franska herinn á það
í gær að vera í viðbragðsstöðu og
gaf í skyn að franskir hermenn
kynnu að verða sendir til að taka
þátt í hernaði í Írak, ef til hans
kemur. Brezk stjórnvöld kölluðu í
gær út 1.500 varaliðsmenn brezka
hersins í tengslum við liðsflutninga
til Persaflóasvæðisins.
Í nýársávarpi til franska herafl-
ans talaði Chirac í gær um núver-
andi „athafnasvið“ erlendis, þar
sem Frakkar eru meðal leikenda,
en tók fram: „Önnur gætu því mið-
ur opnazt.“
„Að vera viðbúinn öllu er kjarn-
inn í starfi hermannsins sem þið
hafið kosið. Einkum og sér í lagi
þurfum við að fylgjast með því
hvernig Írak uppfyllir ályktun ör-
yggisráðs Sameinuðu þjóðanna nr.
1441,“ sagði Frakklandsforseti.
Þetta er skýrasta vísbendingin
til þessa um að Frakkar muni taka
virkan þátt í hernaðaríhlutun í
Írak, komi til hennar.
Bandaríkjamenn og Bretar eru
um þessar mundir í óða önn að
byggja upp herafla í grennd við
Írak, en Frakkar hafa til þessa
staðið fast á því að ekki beri að
grípa til neinna hernaðaraðgerða
gegn Írak nema heimild fyrir slíku
verði samþykkt á vettvangi Sam-
einuðu þjóðanna.
Chirac ítrekaði þessa afstöðu
síðar í gær. „Hugsanleg ákvörðun
um að beita hervaldi verður að
vera afdráttarlaus og verður að
vera tekin af öryggisráði SÞ á
grundvelli vel unninnar skýrslu frá
vopnaeftirlitsmönnunum,“ sagði
hann.
1.500 brezkir varaliðsmenn
kallaðir út
Geoff Hoon, varnarmálaráð-
herra Bretlands, sagði í neðri
deild brezka þingsins í gær að
hann hefði gefið út tilskipun um
útkall varaliðsmanna hersins í
tengslum við hugsanleg átök í
Írak. Hann sagði ekki viðeigandi
að gefa upp hve margir vara-
liðsmenn yrðu kallaðir út, en sagði
þó að til að byrja með væru þeir
1.500 talsins.
Hoon sagði ennfremur að hluti
brezka flotans yrði sendur inn á
Miðjarðarhaf til að stunda þar æf-
ingar fyrir þátttöku í hugsanlegum
átökum í Persaflóa.
Hoon sagði þó að herkvaðningin
þýddi hvorki að stríð við Írak
stæði fyrir dyrum né væri það
óhjákvæmilegt. En þetta er nýj-
asti leikurinn til að auka þrýsting-
inn á Saddam Hussein Íraksfor-
seta. Talsmenn skrifstofu brezka
forsætisráðherrans Tony Blair
sögðu að með tilkynningu varn-
armálaráðherrans væru brezk
stjórnvöld að uppfylla gefin fyr-
irheit um að grípa til viðeigandi
ráðstafana ef nauðsynlegt skyldi
reynast að beita hervaldi í Írak.
Blair sjálfur sagði að heimurinn
myndi „iðrast afleiðinga veikleika
okkar,“ ef alþjóðasamfélaginu tæk-
ist ekki að afvopna Saddam Huss-
ein.
Reuters
Flugmóðurskipið HMS Ark Royal í Portsmouth-höfn í gær. Það mun fara fyrir brezkum flota sem ákveðið hefur
verið að senda áleiðis til Persaflóa. Bandaríkjamenn og Bretar eru nú að byggja upp herafla í grennd við Írak.
Franskir hermenn
í viðbragðsstöðu
Auknir liðsflutn-
ingar brezka
hersins til Persa-
flóasvæðisins
París, London. AP, AFP.
TONY Blair, forsætisráðherra Bret-
lands, hvatti í gær ráðamenn í Wash-
ington til að gefa gaum að áhyggjum
annarra þjóða af friðarferlinu í Mið-
Austurlöndum, loftslagsbreytingum
og fátækt í heiminum.
„Vandinn sem margir eiga í með
Bandaríkin – ekki hinir æstu and-am-
eríkusinnar heldur venjulegt meðal-
hófsfólk – er ekki það, til dæmis, að
vera á móti stefnu þeirra í baráttunni
gegn útbreiðslu gereyðingarvopna
eða alþjóðlegri hryðjuverkastarf-
semi,“ sagði Blair í ræðu í Lundúnum
í gær. „Fólk hlustar á sjónarmið
Bandaríkjamanna í þessum málum
og er jafnvel samþykkt þeim. En það
vill að Bandaríkjamenn hlusti líka á
það,“ sagði Blair.
„Alþjóðasamfélaginu finnst friðar-
ferlið í Mið-Austurlöndum ekki síður
mikilvægt; að gefa beri fátækt í heim-
inum meiri gaum; að hlýnun loftslags
sé mikilvægt mál; að Sameinuðu þjóð-
irnar séu mikilvægar.“
Í ræðu forsætisráðherrans voru
jafnframt mörg lofsyrði um Banda-
ríkin, en í henni lét Blair falla gagn-
rýnustu orðin í garð ráðamanna í
Washington sem
dæmi eru um
fram til þessa.
Meðal kjósenda
heima fyrir hefur
Blair sætt nokkru
ámæli fyrir fylgi-
spekt við stefnu
George W. Bush
Bandaríkjafor-
seta gagnvart
Írak. Skoðanakannanir sýna að
brezka þjóðin er klofin í u.þ.b. jafn-
stórar fylkingar með og á móti hugs-
anlegu stríði gegn Írak.
„Verðið fyrir brezk áhrif er ekki,
eins og sumir vilja álíta, að við verðum
að hlaupa til og gera hvað sem Banda-
ríkjamenn biðja um. Ég myndi aldrei
skuldbinda brezka hermenn til að ana
út í stríð sem ég teldi að væri rangt
eða óþarft. Þar sem okkur greinir á,
svo sem um Kyoto[bókunina um að-
gerðir gegn gróðurhúsaáhrifunum],
greinir okkur á,“ sagði Blair. „En
verðið fyrir áhrif er líka að við eft-
irlátum Bandaríkjamönnum ekki ein-
um að fást við erfiðu málin í heim-
inum,“ bætti hann við.
Stjórn Bush
hlusti á aðra
Tony Blair hvetur Bush og menn hans
til að vísa ekki allri gagnrýni á bug
London. AP.
Tony Blair
ÍSRAELSKT dagblað sagði í gær,
að lögreglan væri að rannsaka
hugsanleg spillingarmál, sem
tengdust Ariel Sharon, forsætis-
ráðherra Ísraels, þar á meðal yf-
irfærslu rúmlega 120 millj. ísl. kr.
frá manni í Suður-Afríku til Shar-
on-fjölskyldunnar. Amram Mitzna,
leiðtogi Verkamannaflokksins,
skoraði í gær á Sharon að segja af
sér vegna þessara ásakana.
Dagblaðið Haaretz vitnaði í
gögn frá dómsmálaráðuneytinu og
sagði, að Sharon og Omri, sonur
hans, væru grunaðir um svik og
mútuþægni og að hafa blekkt lög-
regluna og ríkisendurskoðun.
Kemur þessi frétt aðeins þremur
vikum fyrir þingkosningar í Ísrael
en samkvæmt skoðanakönnunum
hafa Sharon og Likudflokkurinn
gott forskot á keppinautana. Sam-
kvæmt sömu könnunum hefur
flokkurinn samt misst fjórðung
fylgisins vegna spillingarmála í
sambandi við prófkjör sitt í síðasta
mánuði.
Blaðið sakað um lygar
Talsmaður Sharons vildi ekkert
um fréttina segja en nokkrir ráð-
gjafa hans efndu í gær til blaða-
mannafundar þar sem þeir sögðu,
að fréttin í Haaretz væri full af
lygum og augljóslega runnin und-
an rifjum Verkamannaflokksins.
Meir Sheetrit, dómsmálaráð-
herra Ísraels, sakaði í gær fjöl-
miðla um að reyna að spilla fyrir
Sharon en vildi þó ekkert um
rannsóknina á málum hans segja.
Sagði hann undarlegt, að þeir
skyldu vera að rifja þetta mál upp
nú en Haaretz segir, að það ætti
rætur að rekja til prófkjörs í Lik-
udflokknum 1999.
Ísraelska rík-
isendurskoðunin
sagði í október
2001, að Omri,
sem þá var kosn-
ingastjóri föður
síns, hefði safn-
að miklu fé er-
lendis með hjálp
fyrirtækis, sem
sett var upp í því
skyni, þótt erlend framlög til ísr-
aelskra stjórnmálaflokka séu
bönnuð. Var Sharon gert að end-
urgreiða fyrirtækinu um 80 millj.
króna og var það gert að mestu
með bankaláni. Setti hann að veði
fyrir því búgarð sinn í Negev-eyði-
mörkinni.
Bankinn sagði hins vegar láninu
upp þegar í ljós kom, að Sharon
átti ekki búgarðinn, heldur leigði
hann af ríkinu.
Örlátur S-Afríkumaður
Í janúar í fyrra eða þremur
mánuðum síðar sendi Suður-Afr-
íkumaðurinn Cyril Kern rúmlega
120 millj. kr. til sona Sharons,
Omris og Gilads, og var það fé þá
notað sem trygging fyrir banka-
láninu. Er Sharon sakaður um að
hafa haldið þessu leyndu og haldið
áfram að fullyrða, að erlendu
kosningaframlögin hefðu verið
endurgreidd með láni út á búgarð-
inn þótt hann vissi, að hann ætti
ekkert veð í honum.
Mitzna, leiðtogi Verkamanna-
flokksins, hvatti í gær Sharon til
að sýna gott fordæmi og gera
hvorttveggja í senn, segja af sér
og segja sannleikann.
Þá hafa yfirvöld í Suður-Afríku
staðfest, að verið sé að rannsaka
málið þar í landi.
Sharon
grunaður
um spillingu
Leiðtogi Verkamannaflokksins
hvetur hann til að segja af sér
Jerúsalem. AP.
Ariel Sharon