Morgunblaðið - 12.01.2003, Blaðsíða 26

LISTIR
26 SUNNUDAGUR 12. JANÚAR 2003 MORGUNBLAÐIÐ
PÍANÓLEIKARARNIR Hrefna
Eggertsdóttir og Jóhannes Andr-
eassen og slagverkshópurinn
Benda koma fram á Tíbrár-
tónleikum í kvöld í Salnum, en slag-
verkshópinn skipa þeir Steef van
Oosterhout, Eggert Pálsson og
Frank Aarnik.
Britten, Bartók og Cage
Hljóðfæraskipan tónleikanna,
slagverkshljóðfæri auk tveggja pí-
anóa, hlýtur að teljast nokkuð
óvenjuleg samsetning. „Auðvitað
koma þessi hljóðfæri ekki oft sam-
an á tónleikum,“ tekur Jóhannes
Andreassen, annar píanóleik-
aranna, undir í samtali við Morg-
unblaðið. Á efnisskránni eru verk
eftir Benjamin Britten, John Cage
og Béla Bartók og eru þau öll samin
í kringum 1940. „Við leikum tvö
verk eftir Britten, Introduction og
Rondo alla Burlesca frá árinu 1940,
tríó fyrir þrjá slagverksleikara og
Forever and sunsmell fyrir söng-
rödd og slagverk eftir John Cage,
og svo verk eftir Bartók eftir hlé,“
segir hann.
Verk Brittens eru samin fyrir tvö
píanó, Cage semur fyrir slagverk
en verk Bartóks, Sónata fyrir tvö
píanó og slagverk frá árinu 1937, er
samið einmitt með hljóðfæraskipan
þessara tilteknu hljóðfæraleikara,
sem fram koma í kvöld, í huga.
„Þetta er verk sem er mjög sveiflu-
kennt, allt frá því að vera mjög
dramatískt og hratt yfir í hægt og
lýrískt. Það er ákaflega skemmti-
legt og má segja að það sé eitt af
meginverkum Bartóks, eða jafnvel
20. aldarinnar. Samsetningin er
mjög sérstæð, en hann samdi það
fyrir sig og konuna sína, sem einnig
var píanóleikari,“ segir Jóhannes.
Á sér langan aðdraganda
Þetta er ekki í fyrsta sinn sem
þessir tilteknu hljóðfæraleikarar
sem koma fram í kvöld koma sam-
an, en þessi hópur hélt m.a. tón-
leika á tónlistarhátíð í Færeyjum
fyrir nokkrum árum. „Í raun á
þessi hugmynd sér mjög langan að-
draganda. Við Eggert vorum í námi
um leið úti í Vínarborg á sínum
tíma og kynntumst þar. Þar kvikn-
aði þessi hugmynd um samspil pí-
anós og slagverks. Það eru bráðum
tuttugu ár síðan þetta var,“ segir
Jóhannes. „Okkur gafst svo tæki-
færi til að leika hér á Tíbrár-
tónleikum og gripum það. Við
hlökkum til að leika þessi verk og
vonumst til að sjá sem flesta.“
Tónleikarnir í kvöld hefjast kl.
20.
Morgunblaðið/Golli
Slagverkshópurinn Benda ásamt píanóleikurunum Jóhannesi Andreassen
og Hrefnu Eggertsdóttur leika verk eftir Britten, Cage og Bartók.
Sérstæð hljóðfæraskip-
an á Tíbrártónleikum
Listasafn Íslands Leiðsögn um
sýninguna Íslensk myndlist 1980–
2000 verður kl. 15–16. Sýningunni
lýkur á miðvikudag. Opið er í söl-
um, safnbúð og kaffistofu kl. 11–
17 alla daga nema mánudaga.
Bíósalurinn, Vatnsstíg 10
Fyrsta kvikmyndasýningin á nýju
ári verður kl. 15. Þá verða sýndar
tvær 50 mín. myndir. Sú fyrri er
teiknimynd frá árinu 1984, byggð
á ævintýri rússneska skáldsins Al-
exanders Púshkíns um Saltan
keisara. Hin myndin er heimild-
armynd um siglingu rússnesku
seglskútunnar „Andrésar postula“
um heimshöfin á árunum 1996–
1999, en þá sigldi skútan fyrri
hringinn í leiðangri sem nefndur
hefur verið „Stóra áttan“, þ.e. um-
hverfis meginlönd Evrópu, Asíu,
Eyjaálfu og Afríku. Í fyrra og
hittifyrra fór skútan svo síðari
hringinn, sigldi þá umhverfis Suð-
ur- og Norður-Ameríku. Á heim-
leiðinni hafði skútan skamma við-
dvöl í Reykjavík.
Skýringar með
myndinni eru
fluttar á ensku,
en teiknimyndin
er sýnd án
þýddra texta eða
tals.
Aðgangur er
ókeypis.
Elín Gunnlaugs-
dóttir sópran
heldur burtfararprófstónleika kl.
15 í Víkingaskálanum Ölfusi og
eru þeir hluti af 8. stigs prófi í
söng. Elín hefur stundað nám hjá
Margréti Bóasdóttur söngkennara
undanfarin þrjú ár. Efnisskrá tón-
leikanna inniheldur m.a. verk eftir
Händel og Bizet, þýska og franska
ljóðasöngva, íslensk sönglög eftir
Pál Ísólfsson, Karólínu Eiríks-
dóttur og Jórunni Viðar og fleiri.
Elín nýtur aðstoðar Jörg Sonder-
mann píanóleikara og í einu verk-
anna leikur Jóhann I. Stefánsson
með á trompet.
Í DAG
 Sjá einnig Staður og stund á mbl.is
Elín
Gunnlaugsdóttir
alltaf á þriðjudögumHEIMILI/FASTEIGNIR
Landlæknisembættið
flytur!
Frá og með 13. janúar 2003
hefur aðalskrifstofa embættisins verið flutt
frá Laugavegi 116, Reykjavík
að Austurströnd 5, Seltjarnarnesi.
Símanúmer og netföng óbreytt.
Landlæknisembættið
Austurströnd 5 • 170 Seltjarnarnes
Sími: 510 1900 • Fax: 510 1919
Netfang: postur@landlaeknir.is • Veffang: http://www.landlaeknir.is