Morgunblaðið - 12.01.2003, Page 44
DAGBÓK
44 SUNNUDAGUR 12. JANÚAR 2003 MORGUNBLAÐIÐ
MORGUNBLAÐIÐ, Kringlunni 1, 103 Reykjavík. SÍMAR: Skiptiborð: 569 1100. Auglýsingar:
569 1111. Áskriftir: 569 1122. SÍMBRÉF: Ritstjórn: 569 1329, fréttir 569 1181, íþróttir 569 1156,
sérblöð 569 1222, auglýsingar 569 1110, skrifstofa 568 1811, gjaldkeri 569 1115. NETFANG: RIT-
STJ@MBL.IS, / Áskriftargjald 2.100 kr. á mánuði innanlands. Í lausasölu 190 kr. eintakið.
Víkverji skrifar...
ÍSLENDINGAR hafa alltaf veriðmiklir flökkumenn – hafa mikla
skemmtun af að leggjast í víking og
herja á önnur lönd, liggja á sólar-
strönd, ráfa um götur stórborga,
bregða sér á skíði eða á golfvelli,
ferðast um og skoða sögufræga
staði. Þá eru Íslendingar sælkerar
miklir og tilbúnir að bragða á ýmsum
gómsætum og framandi réttum.
Fyrir nokkrum árum fjölmenntu
Íslendingar í hópferðir á sólar-
strandir á sandölum og ermalausum
bol, en í æ ríkari mæli á undanförn-
um árum hafa einstaklingar skipu-
lagt ferðir sínar sjálfir og síðustu ár
hafa þeir átt auðveldara með það –
með tilkomu Netsins. Þar er hægt að
panta ferðir, hótelherbergi, borð á
veitingastöðum, aðgang að sýning-
um og ýmislegt annað.
Íslendingar hefðu ferðast enn
meira en þeir hafa gert, ef þeir hefðu
ekki verið bundnir átthagafjötrum.
Það er að segja að það hefur verið
dýrt að komast frá landinu með flugi.
Íslendingar geta ekki eins og aðrir
Evrópubúar sest upp í bifreiðir sínar
og haldið á vit ævintýranna með aðra
hönd á stýri. Landsmenn hafa verið
duglegir að nýta sér ódýrar flugferð-
ir frá landinu þegar þær hafa boðist
og hafa fjölmargir Íslendingar
ferðast í næturflugi með þýskum
flugfélögum til ýmissa borga í
Þýskalandi. Er Víkverji einn þeirra
sem hafa flogið til München, til að
eiga stutta ferð til Alpanna eða suður
til Ítalíu. Það er mjög gott að taka
bifreiðir á leigu í Þýskalandi, þar
sem þær eru allar loftkældar, sem er
mjög þægilegt þegar ferðast er um í
miklum hita.
x x x
ÞAÐ kom engum á óvart þegarnýja lággjaldaflugfélagið Ice-
land Express tók til starfa á fimmtu-
daginn, að menn fjölmenntu til að
tryggja sér miða til London og
Kaupmannahafnar, en flugsæti í
lægstu og næstlægstu verðflokkun-
um kostuðu ekki nema 4.950 krónur
og 7.450 krónur án skatta aðra leið-
ina. Fram og til baka var verðið ekki
nema fimmtán til tuttugu þúsund
krónur.
Iceland Express seldi tæp fimm
þúsund sæti á fyrsta degi, sem sýnir
best hvernig Íslendingar bregðast
við þegar losað er um átthagafjötr-
ana, sem hafa legið í háum flugfar-
gjöldum. Nýja flugfélagið fyllti um
25 flugvélar á fyrsta degi, en ætla má
að tekjur félagsins hafi numið 25 til
30 milljónum króna.
Víkverji bíður spenntur eftir við-
brögðum Flugleiða við þessari sam-
keppni, sem er íslenskum „farfugl-
um“ til hagsbóta.
x x x
VÍKVERJI brá sér á Vínartón-leika í Háskólabíói á föstudags-
kvöldið og skemmti sér konunglega
eins og allir veislugestir. Já, hljóm-
sveitarstjórinn Peter Guth bauð upp
á tónlistaveislu. Lagaval var mjög
gott og mikil tilbreyting var fábær
leikur Lucero Tena frá Spáni á kast-
aníettur. Þá stóð hinn ungi söngvari
Garðar Thór Gortes fyrir sínu. Þá er
ónefndur leikur Sinfóníuhljómsveit-
ar Íslands, sem er hljómsveit í
heimsgæðaflokki. Það hljóta að vera
forréttindi fyrir Guth að stjórna
sveitinni ár eftir ár. Víkverji telur að
það sé kominn tími til að hljómsveit-
in sendi frá sér hljómplötu með Vín-
artónlist – veislutónlist.
ÞAÐ er bæði gömul saga og
ný að við erum fljótari til að
finna að því sem miður fer
en þakka það sem vel er
gert.
Margir hafa tjáð sig um
áramótaskaupið síðasta,
sumir með, aðrir á móti. En
hvergi hef ég heyrt eða séð
opinberlega minnst á þann
þátt sem tók við í sjónvarp-
inu að skaupinu loknu en
þar á ég við hina hrífandi
snjöllu áramótakveðju út-
varpsstjórans, Markúsar
Arnar Antonssonar, og
starfsliðs hans, svo og
frammistöðu hins frábæra
listafólks frá Akureyri sem
teflt var fram þessu sinni.
Það var mér ógleyman-
leg uðnaðsstund að hlýða á
þessa listrænu kveðju í tali
og tónum og ég veit að þar
er ég ekki einn á báti.
Hafi útvarpsstjóri og
þeir sem þar áttu hlut að
máli heila þökk fyrir af-
burða góða áramótakveðju.
Björn Jónsson,
Akranesi.
Hækkun sundferða
Í Morgunblaðinu 17. des. sl.
birtist frétt um breytta
gjaldskrá á sundstöðum og
þar heldur Anna Kristins-
dóttir, form. íþrótta- og
tómstundaráðs, því fram að
gjaldskrá sundstaðanna
hafi ekki hækkað frá 1998.
Þetta er ekki rétt því hækk-
anir hafa átt sér stað, að-
allega á árskortum og
sundmiðakortum og hafa
þessar hækkanir átt sér
stað frá 1998. Finnst mér
þetta miklar hækkanir
þrátt fyrir rauðu strikin.
Og hvers vegna er hætt
að hafa 30 miða sundkort?
Það er mjög bagalegt fyrir
þá sem stunda sund dag-
lega en vilja ekki kaupa sér
árskort? Gaman væri að fá
svar við þessu.
Sundlaugargestur.
Telma og hornsófinn
TELMA sem fékk hornsóf-
ann gefins í Álftamýri er
beðin að hafa samband í
síma 847 7442 því eitt sætið
varð eftir.
Eins og 5 stjarna hótel
VERT er að geta þess sem
vel er gert. Ég var á Land-
spítalanum við Hringbraut
yfir hátíðirnar og það var
eins og á 5 stjarna hóteli,
bæði varðandi þjónustu
starfsfólks og allan viður-
gerning.
Á annan dag jóla ómaði
fagur söngur frammi á
gangi svo að ég brá mér í
gættina og sjá, kemur þá
ekki Þorgerður Ingólfs-
dóttir með sinn englakór og
útbreiddan faðminn.
Hamrahlíðarkórinn kær
kætti döpur hjörtu.
Öllum sorgum ýttu fjær
englaraddirnar björtu.
Hafi þau öll hjartans þökk.
Ein gráhærð með
lepp fyrir auga.
Tapað/fundið
Gleraugu í óskilum
TVENN gleraugu eru í
óskilum í versluninni Man á
Skólavörðustíg. Upplýsing-
ar í síma 551 2509.
Hringur í óskilum
HRINGUR fannst milli
jóla og nýárs í gamla
kirkjugarðinum við Suður-
götu. Upplýsingar í síma
565 7400.
Kvenhjól í óskilum
LÍTIÐ rautt kvenhjól er í
óskilum í Dunhaga 19. Upp-
lýsingar í síma 551-7527.
Karlmannsúr týndist
GROVA-karlmannsúr með
gulllitaðri keðju týndist að-
faranótt nýrársdags, senni-
lega nálægt Miðstræti.
Skilvís finnandi hafi sam-
band í síma 588 8663 eða
692 6053. Fundarlaun.
Dýrahald
Dverghamstrar
fást gefins
FJÓRIR dverghamstrar
fást gefins. Upplýsingar í
síma 552 0666.
VELVAKANDI
Svarað í síma 569 1100 frá 10-12 og 13-15.
Netfang velvakandi@mbl.is
Ógleymanleg
unaðsstund
Morgunblaðið/Golli
6
8
11
15
22
1
24
12
3
10
17
21
4
9
13
18
23
14
5
19
7
20
2
16
K r o s s g á t a
LÁRÉTT:
1 stirðbusaleg, 8 vagga, 9
kvenmönnum, 10 kven-
dýr, 11 álögu, 13 að því
búnu, 15 gruggs, 18 brún-
ar, 21 blása, 22 bögguls,
23 ull, 24 léttadrengs.
LÓÐRÉTT:
2 helga, 3 slétt, 4 hosu, 5
atvinnugrein, 6 lof, 7
hneisa, 12 kaðall, 14
dimmviðri, 15 nætur-
gagn, 16 innheimti, 17
vitra, 18 fiskur, 19 þving-
að til, 20 ljómi.
LAUSN SÍÐUSTU KROSSGÁTU:
Lárétt: 1 renta, 4 fersk, 7 ylinn, 8 líður, 9 ill, 11 drag, 13
grun, 14 Aspar, 15 foss, 17 árás, 20 err, 22 grugg, 23 elg-
ur, 24 nudda, 25 temji.
Lóðrétt: 1 reynd, 2 neita, 3 asni, 4 fell, 5 ríður, 6 kýrin,
10 lipur, 12 gas, 13 grá, 15 fegin, 16 skuld, 18 rögum, 19
sorpi, 20 egna, 21 reit.
LAUNASJÓÐUR
FRÆÐIRITAHÖFUNDA
Auglýsing um starfslaun
Launasjóður fræðiritahöfunda auglýsir eftir umsóknum um
starfslaun úr sjóðnum sem veitt verða frá 1. júní 2003. Rétt
til að sækja úr Launasjóði fræðiritahöfunda hafa höfundar
alþýðlegra fræðirita, handbóka, orðabóka og viðamikils
upplýsingaefnis á íslensku. Meginhlutverk Launasjóðs
fræðiritahöfunda er að auðvelda samningu bóka, og verka í
stafrænu formi, til eflingar íslenskri menningu. Starfslaun eru
veitt til hálfs árs, eins árs, til tveggja ára eða þriggja. Þeir sem
hljóta starfslaun úr sjóðnum skulu ekki gegna föstu starfi
meðan á starfslaunatímanum stendur. Starfslaun miðast við
núgildandi kjarasamning félags háskólakennara.
Umsóknarfrestur er til 17. febrúar nk.
Nánari upplýsingar og umsóknareyðublöð fást á skrifstofu
RANNÍS á Laugavegi 13, sími 515 5800, eða á heimasíðu
RANNÍS http//:www.rannis.is.
Umsóknir sendist til:
Launasjóður fræðiritahöfunda, RANNÍS,
Laugavegi 13, 101 Reykjavík.
Skipin
Reykjavíkurhöfn: Brú-
arfoss kemur í dag.
Fréttir
Mæðrastyrksnefnd
Kópavogs, Hamraborg
20a. Fataúthlutun
þriðjudaga kl. 17–18.
Mæðrastyrksnefnd
Reykjavíkur, Sól-
vallagötu 48. Skrifstofa,
s. 551 4349, opin mið-
vikud. kl. 14–17. Flóa-
markaður, fataúthlutun
og fatamóttaka opin
annan og fjórða hvern
miðvikud. í mánuði kl.
14–17, s. 552 5277.
Mannamót
Aflagrandi 40. Fé-
lagsvist á morgun kl.
14.
Félagsstarf aldraðra,
Garðabæ. Ferð í Þjóð-
menningarhúsið föstu-
daginn 17. janúar kl.
13.30. Farið verður í
Þjóðleikhúsið föstudag-
inn 7. febrúar, að sjá
leikritið „Með fullri
reisn“. Skráning í síma
820 8571 virka daga kl.
14–15.
Félagsstarf eldri borg-
ara í Grafarvogi. Korp-
úlfarnir, eldri borgarar
í Grafarvogi, hittast á
fimmtudögum kl. 10,
aðra hverja viku er
púttað á Korpúlfs-
stöðum en hina vikuna
er keila í Keilu í Mjódd.
Vatnsleikfimi er í Graf-
arvogslaug á þriðjudög-
um kl. 9.45 og föstudög-
um kl. 14. Nýir félagar
velkomnir. Upplýsingar
gefur Þráinn í síma
5454 500.
Félag eldri borgara,
Reykjavík, Ásgarði,
Glæsibæ. Kaffistofan
opin kl. 10–13 virka
daga. Morgunkaffi,
blöðin og matur í há-
degi.
Sunnudagur: Dans-
leikur kl. 20, Caprí-tríó
leikur fyrir dansi. Skrif-
stofa félagsins er í
Faxafeni 12, sími
588 2111.
Gerðuberg, félagsstarf.
Á morgun m.a. tréút-
skurður, umsjón Hjálm-
ar Th. Ingimundarson,
kl. 15.15 dans hjá Sig-
valda. Allar upplýsingar
um starfsemina á staðn-
um og í síma 575 7720.
Hvassaleiti 56–58.
Spænskunámskeið fyrir
byrjendur og lengra
komna eru að fara af
stað. Námskeiðin verða
á þriðjudögum kl. 14.15.
Leiðbeinandi Maria
Cantero. Skráning á
skrifstofunni og í síma:
588 9335.
Kvenfélag Bústaða-
sóknar heldur fund í
safnaðarheimilinu
mánudaginn 13. janúar
kl. 20. Sólveig Eiríks-
dóttir frá Grænum
kosti verður með
fræðsluerindi.
Háteigskirkja, kirkju-
starf. Á morgun kl. 13
félagsvist.
ITC Harpa. Þriðjudag-
inn 14. janúar verður
reglubundinn fundur
hjá ITC Hörpu, kl. 20–
22, að Borgartúni 22,
Allir velkomnir.
Í dag er sunnudagur 12. janúar, 12.
dagur ársins 2003. Orð dagsins:
Takið því hver annan að yður,
eins og Kristur tók yður
að sér, Guði til dýrðar.
(Róm. 15, 7.)
Bómullar-satín
og
silki-damask
rúmföt
Skólavörðustíg 21,
sími 551 4050
Góðir skór
Skóbúðin
Miðbæ Háaleitisbraut 58-60 Sími 553 2300
Ráðgjöf á fimmtud. kl. 15-18 og laugard. kl. 11-15.
AUGLÝSINGADEILD
netfang: augl@mbl.is eða sími 569 1111