Morgunblaðið - 26.02.2003, Blaðsíða 2

FRÉTTIR
2 MIÐVIKUDAGUR 26. FEBRÚAR 2003 MORGUNBLAÐIÐ
ORKA TIL NORÐURÁLS
Landsvirkjun hefur ákveðið að
hefja þegar í stað framhaldsvið-
ræður við Norðurál um orkuöflun
vegna stækkunar álversins á
Grundartanga þar sem hún telur
að arðsemi af breyttri Norð-
lingaölduveitu sé nægjanleg við
fyrstu sýn. Forstjóri Landsvirkj-
unar telur að ef allt gangi eftir
eigi að vera hægt að byrja að af-
henda Norðuráli raforku í lok árs
2005.
Írakar samstarfsfúsari
Hans Blix, yfirmaður vopnaeft-
irlits Sameinuðu þjóðanna í Írak,
sagði í gær að stjórnvöld í Bagdad
sýndu nú bættan vilja til sam-
starfs um að uppfylla kröfur SÞ.
George Bush Bandaríkjaforseti
sagði hins vegar Saddam Hussein
vera að reyna „einu sinni enn að
villa um fyrir heiminum“ og brezki
forsætisráðherrann Tony Blair
sagði Íraksforseta hafa „eitt loka-
tækifæri enn“ til að afvopnast.
Veiðibann framlengt
Hafrannsóknastofnun hefur lagt
til við sjávarútvegsráðherra að
veiðibann vegna friðunar hrygn-
ingarþorsks verði lengt um helm-
ing á einstökum svæðum, eða úr
20 dögum í 40 daga. Hermann
Stefánsson, formaður Útvegs-
mannafélags Hornafjarðar, segir
tillögurnar aðför að útgerð vertíð-
arbáta.
Námu ekki fyrirmæli
Komin er út skýrsla um rann-
sókn á flugatviki þegar þotur frá
SAS og Flugleiðum voru of nálægt
hvor annarri yfir Arlanda-flugvelli
við Stokkhólm 25. janúar í fyrra.
Er niðurstaðan sú að flugmenn
SAS-þotunnar hafi ekki heyrt fyr-
irmæli flugumferðarstjóra.

BÍLASPRAUTUN

JEPPAHORNIÐ

NÝR TJÖRUHREINSIR
OLÍUGJALDIÐ

UPPHITAÐAR BÍLÞURRKUR

NÝR RÚSSAJEPPI

VW TOUAREG REYNSLUEKIÐ
aflmikill lúxusjeppi
Þjónustuaðili fyrir öryggis- og
þjófavarnarbúnað frá DIRECTED
VIPER á Íslandi
FLATAHRAUNI 31 • HAFNARFIRÐI
SÍMI 555 6025 • www.kia.is
K IA ÍSLAND
Bílar sem borga sig!
Alhliða
lausn í
bílafjármögnun
Suðurlandsbraut 22 540 1500
www.lysing. is
Yf ir l i t
Í dag
Sigmund 8 Viðhorf 32
Viðskipti 13/14 Minningar 32/37
Erlent 15/17 Bréf 40/41
Höfuðborgin 18 Kirkjustarf 41
Akureyri 19 Dagbók 42/43
Suðurnes 20 Íþróttir 44/47
Landið 21 Fólk 48/53
Listir 22/24 Bíó 50/56
Umræðan 25/27 Ljósvakamiðlar 54
Forystugrein 28 Veður 55
* * *
ÁSTAND íslenska sumargotssíldarstofnsins er
mun betra en áður var talið en í rannsóknaleið-
angri fyrr í þessum mánuði mældust um 450 þús-
und tonn af stórsíld vestur af Snæfellsnesi. Þá gef-
ur mikið magn smásíldar vonir um góða nýliðun
veiðistofns á næstu árum.
Síðastliðin tvö ár hefur gengið erfiðlega að meta
stærð veiðistofns íslensku síldarinnar, m.a. vegna
óvenjulegrar útbreiðslu. Ekki hefur heldur tekist
að finna vetursetustöðvar síldarinnar síðastliðin
ár og var sú síld sem fannst mjög dreifð. Þá hefur
aðalútbreiðslusvæðið færst frá Austfjörðum til
svæðisins út af Suðvestur- og Vesturlandi.
Páll Reynisson, fiskifræðingur á Hafrannsókna-
stofnuninni segir, að í síldarrannsóknum í nóv-
ember og desember á síðasta ári hafi, líkt og árin á
undan, fundist lítið af stórsíld. Margir hafi verið
uggandi um ástand stofnsins og því verið farinn
annar rannsóknaleiðangur fyrr í þessum mánuði
til að freista þess að mæla stærð veiðistofnsins. Í
leiðangrinum var lögð áhersla á að kanna svæðið
frá Suðvesturlandi að Vestfjörðum. Þar hafi fund-
ist mun meira af stórsíld en undanfarin ár. „Við
mældum um 450 þúsund tonn af hrygningarsíld í
Kolluál. Það er reyndar ekki jafnmikið magn og
menn höfðu áætlað út frá endurmælingum og svo-
kallaðri aldursaflagreiningu en þess ber að geta að
síldin er dreifð á stóru svæði og því er hér líklega
um að ræða lágmarksmælingu. Hún var engu að
síður nokkuð veiðanleg, hélt sig í þokkalegum
torfum upp í sjó en var aftur á móti stygg með ein-
dæmum.“
Páll segir íslenska sumargotssíldarstofninn
þannig í þokkalegu ástandi og í góðu meðallagi
miðað við síðustu ár. Hann ætti því að geta staðið
undir góðri veiði. „Í leiðangrinum í nóvember og
desember fannst auk þess töluvert af smásíld fyrir
austan land og suður af Eldey. Þar var 1999 ár-
gangurinn mjög áberandi og greinilega yfir með-
allagi og ætti að koma inn í veiði eftir tvö ár. Útlit-
ið er því nokkuð bjartara en áður og víst að margir
varpa öndinni léttar,“ segir Páll.
Betra ástand íslensku sumargotssíldarinnar en áður var talið
Fundu 450 þúsund tonn
af stórsíld í Kolluál
BANN við flugi lítilla flugvéla er
enn í gildi og segir Guðlaugur
Sigurðsson, framkvæmdastjóri
verklegrar deildar Flugskóla Ís-
lands, að það sé mjög bagalegt
fyrir skólann að geta ekki kennt
sem stendur. Skólinn á 14 flug-
vélar og segir hann þær hafa ver-
ið mikið nýttar undanfarið í verk-
legu kennslunni.
Bannið nær ekki til flugvéla og
þotna sem nota þotueldsneyti.
Guðlaugur segir að sýni úr bens-
ínbirgðunum hér séu nú til athug-
unar í Bretlandi. Niðurstöður séu
væntanlegar í dag og verði þær
neikvæðar sé ljóst að erfiður tími
sé framundan. Nýr farmur af
bensíni sé ekki væntanlegur fyrr
en um miðjan mars. Nauðsynlegt
var að tæma tanka flugvélanna
sem notað hafa gallaða bensínið
og þarf einnig að skipta um síur.
Sömu sögu er að segja af Flug-
félaginu Geirfugli sem hefur sinnt
flugkennslu. Matthías Arn-
grímsson, flugmaður og einn flug-
kennaranna, sagði að engin
kennsla yrði hjá félaginu meðan
bannið gilti enda hefði verið not-
að bensín frá dælu í Fluggörðum
á vélar félagsins. Hann segir nú
til athugunar hvort truflanir sem
fram hafi komið í einni véla fé-
lagsins megi rekja til hins gallaða
bensíns.
Morgunblaðið/RAX
Flugkennarar við Flugskóla Íslands eru nánast verklausir meðan bannað er að nota flugvélabensínið sem til er í landinu nema til sjúkraflugs.
Flugskólar í erfiðleikum
HÉRAÐSDÓMUR Reykjavíkur
dæmdi í gær Kristján Viðar Júl-
íusson í sjö ára fangelsi fyrir til-
raun til að bana fyrrum sambýlis-
konu sinni og fyrir líkamsárás
gegn henni rúmlega einu ári áður.
Í dómnum segir að tilviljun ein hafi
ráðið því að 4,7 sentímetra skurður
sem hann veitti henni á hálsi hafi
ekki verið banvænn.
Báðar árásirnar áttu sér stað á
heimili konunnar, sú fyrri í maí
2001 en sú seinni í lok júlí 2002.
Þegar lögregla handtók Kristján
neitaði hann að hafa ráðist á hana
en fyrir dómi játaði hann á sig báð-
ar árásirnar. Í ákærunni er fyrri
árásinni lýst þannig að hann hafi
slegið konuna margsinnis í andlit,
höfuð og líkama. Slegið höfði henn-
ar utan í vegg og misþyrmt henni
með öðrum hætti, allt með þeim af-
leiðingum að hún hlaut sár á höfði
og andliti sem þurfti að sauma með
30–40 sporum. Hún marðist mikið í
andliti og víðar á líkamanum, nef-
brotnaði og fingur hennar skadd-
aðist alvarlega. Í seinni árásinni
braut hann hægri upphandlegg
hennar fyrir ofan olnboga og skar
hana með hnífi á augabrún og
veitti henni 4,7 sentímetra langan
skurð á hálsi. Yfirlæknir á slysa-
deild taldi að mjög litlu hefði mátt
muna að skurðurinn á hálsinum
hefði skorið í sundur líffæri og æð-
ar sem hefði leitt til þess að kon-
unni hefði blætt út á mjög skömm-
um tíma. Fram kom að þau voru
bæði ölvuð þegar árásirnar voru
gerðar. Í niðurstöðu héraðsdóms
segir að fyrri árásin hafi verið til-
efnislaus og hrottafengin og hann
eigi sér engar málsbætur vegna
hennar. Samkvæmt vitnisburði
konunnar reitti hún hann til reiði
áður en síðari árásin var gerð og
var það virt honum til refsilækk-
unar. Einnig var honum virt til
refsilækkunar að hann játaði að
mestu leyti brot sín fyrir dómi.
Ein milljón í miskabætur
Kristján hefur frá árinu 1972
hlotið sex refsidóma, fyrir mann-
dráp, fíkniefnabrot, líkamsárásir,
þjófnað, nytjastuld og rangar sak-
argiftir. Í dómnum er lögregla
gagnrýnd fyrir að sinna ekki sem
skyldi rannsókn á persónulegum
högum hans. Það þótti þó ekki
koma að sök og ekkert þótti benda
til annars en hann væri sakhæfur.
Gæsluvarðhald frá 29. júlí var
dregið frá refsingunni. Hann var
einnig dæmdur til að greiða kon-
unni eina milljón í miskabætur auk
sakarkostnaðar. Ragnheiður Harð-
ardóttir saksóknari flutti málið f.h.
ríkissaksóknara. Páll Arnór Páls-
son hrl. var til varnar og Þórdís
Bjarnadóttir hdl. var réttargæslu-
maður konunnar. Guðjón St. Mar-
teinsson, Arnfríður Einarsdóttir og
Páll Þorsteinsson kváðu upp dóm-
inn.
Sjö ára fangelsi
fyrir tilraun til
manndráps