Morgunblaðið - 26.02.2003, Blaðsíða 1

STOFNAÐ 1913 55. TBL. 91. ÁRG. MIÐVIKUDAGUR 26. FEBRÚAR 2003 mbl.is
Var Stalín
myrtur?
Fullyrt að félagar Stalíns hafi
byrlað honum eitur Erlent 17
Mjóddin og
fótboltinn
Róbert Douglas er með tvær
myndir á prjónunum Fólk 49
Ómar og
smábílarnir
Draumabílar Ómars Ragnars-
sonar eru litlir Bílar 4
HANS Blix, yfirmaður vopnaeftirlits Sameinuðu
þjóðanna í Írak, sagði í gær að stjórnvöld í Bagdad
hefðu á síðustu dögum sýnt verulega bættan sam-
starfsvilja með því að leggja fram mikilvæg gögn
um vopnaáætlanir sínar. Engin skýr svör hefðu
hins vegar enn fengizt við kröfunni um eyðingu Al
Samoud 2-eldflauga íraska hersins.
Að sögn Blix hafa Írakar sent vopnaeftirlits-
mönnum ný bréf og í þeim sé að finna „nokkur já-
kvæð atriði sem nauðsynlegt er að kanna nánar“.
Þar á meðal að svokölluð R-400-sprengja, fyllt
vökva, hefði fundizt á stað sem vitað er að Írakar
hefðu áður notað til að eyða efnavopnum.
Tareq Aziz, varaforsætisráðherra Íraks, stað-
hæfði að Íraksstjórn hefði enn ekki tekið ákvörðun
um hvort orðið yrði við kröfum vopnaeftirlits-
manna um eyðingu eldflauganna. Þessi staðhæfing
var þó í ósamræmi við orð sem Saddam Hussein
Íraksforseti lét falla í sjónvarpsviðtali sem sýnt
verður á bandarísku CBS-stöðinni í dag.
Írakar eru enn að framleiða og prófa Al Samoud
2-flaugarnar, eftir því sem Hiro Ueki, talsmaður
vopnaeftirlitsmanna, lét hafa eftir sér.
Annar talsmaður Íraksstjórnar, Amer al-Saadi
hershöfðingi, sagði að samstarfið um afvopnunar-
málin hefði tekið áþreifanlegum framförum.
„Eitt lokatækifæri enn“
George Bush Bandaríkjaforseti lét sér í gær fátt
finnast um yfirlýsingar Íraka um bætt samstarf við
fulltrúa SÞ. Hann sagðist búast við því að Saddam
Hussein myndi „einu sinni enn reyna að villa um
fyrir heiminum“ með því að opinbera upplýsingar
um vopnaeign sem hann hefði áður neitað að ráða
yfir. Brezki forsætisráðherrann Tony Blair sagði í
ræðu á þingi að Írakar hefðu „eitt lokatækifæri
enn“ til að afvopnast með friðsamlegum hætti.
Reuters
Hans Blix ávarpar blaðamenn í gær.
Blix segir
Íraka vera að
bæta ráð sitt
Bagdad, Sameinuðu þjóðunum. AP.

Eldflaugadeilan/16
LANDSVIRKJUN hefur ákveðið
að hefja þegar í stað framhalds-
viðræður við Norðurál um orku-
öflun vegna stækkunar álversins á
Grundartanga þar sem hún telur
að arðsemi af breyttri Norðlinga-
ölduveitu sé nægjanleg við fyrstu
sýn. Forstjóri Landsvirkjunar tel-
ur að ef allt gangi eftir eigi að vera
hægt að byrja að afhenda Norður-
áli raforku í lok árs 2005 og að full-
um afköstum verði náð í upphafi
ársins 2006.
Viðræðum Landsvirkjunar við
Orkuveitu Reykjavíkur og Hita-
veitu Suðurnesja, sem koma að
verkefninu með Landsvirkjun,
verður haldið áfram og gera menn
sér vonir um að flýta megi útboð-
um þannig að verklegar fram-
kvæmdir geti hafist þegar á þessu
ári.
Norðurálsmenn telja að með yf-
irlýsingu Landsvirkjunar hafi
náðst mikilvægur áfangi í átt til
þess að stækkað álver með 180
þúsund tonna ársframleiðslu verði
að veruleika og að nú muni félagið
hefja að leita eftir samningum um
fjármögnun stækkunarinnar sem
kosta mun um 25 milljarða króna.
Valgerður Sverrisdóttir iðnað-
arráðherra segir yfirlýsingu
Landsvirkjunar jákvæða og hún
staðfesti jafnframt að úrskurður
Jóns Kristjánssonar, setts um-
hverfisráðherra, um breytingar á
Norðlingaölduveitu hafi verið
réttur. Ráðherra hyggst kynna
tvö frumvörp á ríkisstjórnarfundi
í vikunni þannig að hægt verði að
afgreiða þau fyrir þinglok í næsta
mánuði. Forstjórar Orkuveitunn-
ar og Hitaveitu Suðurnesja telja
sig geta staðið við sinn hluta af
samkomulagi um raforkuöflunina
með Landsvirkjun.
Friðrik Sophusson, forstjóri
Landsvirkjunar, segir að vand-
lega hafi verið farið yfir úrskurð
Jóns og fyrirtækið hafi fundið fyr-
ir miklum stuðningi og ánægju
með úrskurðinn. Landsvirkjun
vilji finna hagstæðustu útfærsl-
una á grundvelli úrskurðarins.
„Okkar markmið er fyrst og
fremst að halda okkur utan frið-
landsins.“
Allar líkur á að fram-
kvæmdir geti hafist í haust
Valgerður Sverrisdóttir iðnað-
arráðherra telur allar líkur á að
framkvæmdir við stækkun álvers
Norðuráls geti hafist strax í haust
enda sé það mikilvægt vegna ann-
arra stóriðjuverkefna.
Ragnar Guðmundsson, fram-
kvæmdastjóri fjármálasviðs
Norðuráls, segir fyrstu niðurstöð-
ur Landsvirkjunar jákvæðar.
„Þetta þýðir að við getum farið að
leita í fullri alvöru eftir samning-
um um fjármögnun stækkunar-
innar og sölu aukinnar fram-
leiðslu. Ég geri ráð fyrir að
endanleg mynd verði komin á
þetta eftir fjóra til sex mánuði.“
Raforka til Norðuráls
2005 – full afköst 2006

Framkvæmdum flýtt/10–11
Vonast til að framkvæmdir
orkufyrirtækja hefjist á árinu
FLUGLEIÐA-samsteypan mun ráða um 750
manns til starfa í sumar og þar af verða um eitt
hundrað starfsmenn fastráðnir í tengslum við opn-
un Nordica-hótelsins í vor, sem verður stærsta
hótel landsins. Þetta eru nokkuð fleiri starfsmenn
en ráðnir voru í fyrra. Störfin dreifast víða um
landið, m.a. á Eddu-hótelin.
Fast að þrjú þúsund starfsmenn
Sigurður Helgason, forstjóri Flugleiða, segir að
hjá Flugleiðasamsteypunni séu menn bjartsýnni
nú en í fyrra og gert sé ráð fyrir 7% fjölgun er-
lendra ferðamanna hjá Flugleiðum á árinu. „Við
sjáum ágætis bókanir á flestum vígstöðvum, bæði
til og frá landinu með Icelandair og eins hjá Flug-
leiðahótelunum og öðrum félögum á okkar vegum.“
750 ráðnir hjá
Flugleiðum
Bjartsýnni á horfurnar
en í fyrrasumar
RÚMLEGA 700 manns mættu á fund um les-
blindu í Fjölbrautaskólanum í Ármúla í gær-
kvöldi. Samkomusalur skólans var fullur út
úr dyrum og þurftu margir frá að hverfa.
„Það voru brosandi andlit sem gengu hér út.
Fundurinn var mjög jákvæður, það var
hlegið og fólk kynntist spennandi leiðum til
að sigrast á lesblindu,“ sagði Sveinbjörg
Sveinbjarnardóttir, sem skipulagði fundinn
ásamt Elínu Vilhelmsdóttur. Þær eru um-
sjónarkennarar lesblindra nemenda við FÁ
og fengu Axel Guðmundsson til að kynna
svokallað Davis-kerfi sem á að hjálpa les-
blindum.
Fundargestir, sem Morgunblaðið ræddi
við, voru á því að hin mikla aðsókn að fund-
inum sýndi vel hversu umfangsmikið vanda-
mál lesblinda væri og brýn þörf á lausnum,
sem virkuðu. Fundurinn dróst á langinn og
sagði Sveinbjörg að fólk hefði hreinlega
ekki viljað fara. Hún sagði að fólk hefði
fengið mikinn stuðning hvert frá öðru.
Margir sem þarna voru glímdu sjálfir við
lesblindu, sumir vildu kenna lesblindum og
aðrir leiðbeina börnum sínum.
Hún sagði að nokkrir hefðu talið Davis-
kerfið jafnvel ýta undir of miklar væntingar
þótt vonin leiði fólk langt áfram. „Allir sem
þarna komu voru að leita lausna,“ sagði
Sveinbjörg.
Morgunblaðið/Kristinn
Fullt út úr dyrum á fundi um lesblindu og margir urðu frá að hverfa
„Allir sem komu að leita lausna“
♦ ♦ ♦