Morgunblaðið - 26.02.2003, Blaðsíða 49

FÓLK Í FRÉTTUM
MORGUNBLAÐIÐ MIÐVIKUDAGUR 26. FEBRÚAR 2003 49
M
YNDIN Slá í gegn –
Saga úr Mjóddinni
er nýjasta kvik-
mynd leikstjórans
Róberts Douglas en
hann á að baki myndirnar Íslenski
draumurinn og Maður eins og ég.
Stefnt er á að frumsýna myndina í
september á þessu ári, að sögn leik-
stjórans, sem útskýrir að þetta sé
heimildarmynd, eða svokölluð
„docu-soap“.
Myndin gerist að mestu leyti í
verslunarkjarnanum í Mjóddinni í
Breiðholtinu og fjallar um fólkið sem
vinnur þar. Róbert fylgdist með
nokkrum starfsmönnum í gegnum
súrt og sætt yfir nokkurra mánaða
tímabil.
„Ég byrjaði á því að fara þarna
inn. Ég held ég hafi skotið í svona
tvær vikur, þá var ég búinn að átta
mig á því hvaða fólk vildi láta fylgj-
ast með sér og hverjir væru best
fallnir til þess að búa til einhverja
sögu,“ segir Róbert, sem tók líka
viðtöl við fólkið í upphafi.
Fólk vill taka þátt
í einhverju svona
„Flestir eru auðveldir í sam-
skiptum, fólk vill alveg taka þátt í
einhverju svona.“
Í myndinni eru fjórar til fimm að-
alsögupersónur, þótt fleiri komi við
sögu. Elías, aðstoðarfram-
kvæmdastjóri Mjóddarinnar, er ein
aðalsögupersóna myndarinnar. Líkt
og aðrir sem koma við sögu býr Elí-
as yfir draumum en hann vonast til
að verða leikari og módel. Róbert
kynntist honum strax vel. „Hann var
settur í að fylgja mér fyrstu vikuna
og kynna mig fyrir hinum.“
Þrátt fyrir að þetta sé heimild-
armynd eru þátttakendur að sjálf-
sögðu meðvitaðir um að myndavélin
sé á staðnum og hefur hún að ein-
hverju leyti áhrif á viðbrögð fólks.
„Þetta er raunveruleikinn eins og
hver annar, þótt ég vilji stjórna hon-
um af og til, fólk verður að vera til í
það.
Róbert tók upp töluvert mikið
efni. „Aðalefnið er jólaundirbúning-
urinn. Ég byrjaði að taka fyrsta des-
ember og fylgdist með á hverjum
einasta degi alveg til fyrsta janúar.
Þráðurinn er jólastressið. Síðan hef
ég verið að fylgja nokkrum sögum
eftir,“ segir Róbert. „Ég er ennþá í
tökum þótt ég sé byrjaður að
klippa.“
Eins og áður sagði er stefnt er á
að frumsýna myndina í september.
Eins manns verkefni
„Þetta veltur á hinu og þessu, til
dæmis Kvikmyndasjóði (nú Kvik-
myndamiðstöð Íslands), eins og í
sambandi við eftirvinnsluna. Ég
stefni á að sýna hana á stafrænni
sýningarvél í bíói en best af öllu væri
að hafa fjármagn til að færa yfir á
filmu,“ segir Róbert en þetta hefur
verið eins manns verkefni hingað til.
Myndin er því töluvert umfangs-
minni heldur en aðrar myndir sem
Róbert hefur gert. „Ég er einn með
myndavélina, með hljóðgræjurnar
bundnar um mig. Og sé einn um að
klippa.“
„Ég vissi ekki alveg hvað ég var að
fara út í. Ég vissi ekki hvort það væri
grundvöllur fyrir þessu á Íslandi, að
fólk myndi opna sig svona, að maður
gæti fengið eitthvert drama út úr
þessu. Þess vegna ákvað ég að gera
þetta bara einn. En það er ýmislegt
sem hefur gerst og ég er alveg að fá
dramatík inn í þetta. Titillinn kemur
frá því. Flestallt þetta fólk hefur
mun stærri drauma en að vera í
Mjóddinni, eins og að vilja vera mód-
el, leikari, kraftlyftingakona, ljós-
myndari og leikstjóri.“
Af aðalsögupersónum auk Elíasar
má nefna Hjört, sem vinnur á kassa í
Nettó í Mjódd. Hann á sér draum
um að verða leikari eða pípulagn-
ingamaður eða skrifa kvikmynda-
handrit. Freyja vinnur í gælu-
dýrabúð í Mjóddinni, hún æfir einnig
kraftlyftingar og hefur sett stefnuna
á Íslandsmeistaratitil.
Aðrar persónur sem koma við
sögu eru Daníel, sem einnig vinnur í
gæludýrabúðinni og er á skrá hjá
módelsamtökum en hefur fá tæki-
færi fengið. Einnig kynnast áhorf-
endur strákunum á Kaffi Strætó,
sem bæði skemmta gestum um helg-
ar með tveggja manna hljómsveit
sinni og reka staðinn.
Vinsældir veruleikasjónvarps
„Það hafa ekki alveg verið gerðar
myndir í þessum stíl en það hafa áð-
ur verið gerðar myndir um ákveðinn
hóp, eins og Hlemmur og Lalli
Johns. En að gera það sem Bret-
arnir kalla „docu-soap,“ það hefur
ekki verið gert hér.“
Vinsældir veruleikasjónvarps
hafa verið miklar að undanförnu og
hefur það að einhverju leyti hjálpað
Róberti. „Þetta er ekkert líkt veru-
leikasjónvarpi en Íslendingar eru
byrjaðir að venjast myndavélinni og
farnir að tjá sig meira fyrir framan
hana, eftir þessa svokölluðu Séð og
heyrt-þætti eins og Innlit-Útlit og
Djúpu laugina.“
Róbert hefur haft mjög gaman af
því að vinna við myndina en bendir
sérstaklega á að öfugt við bandarískt
veruleikasjónvarp geri hann ekki lít-
ið úr fólki. „Auðvitað passar maður
sig á því að gera ekki lítið úr fólki.
Maður verður að halda einhverri
einlægni. Ef verið er að notfæra sér
fólk þá endar maður bara með eitt-
hvað eins og The Bachelor sem
gengur fram af fólki. Það er ekki
verið að fara illa með fólk.“
Önnur mynd, sem er í bígerð hjá
Róberti er Strákarnir okkar, en
handritið skrifaði rithöfundurinn
Jón Atli Jónason með honum. Hand-
ritið er tilbúið og má búast við því að
myndin verði frumsýnd einhvern
tímann á næsta ári.
Samfélagsleg málefni
Strákarnir okkar fjallar um ut-
andeildarlið í fótbolta þar sem allir
liðsmenn eru samkynhneigðir. „Ég
er hrifinn af kvikmyndagerð, ég er
hrifinn af sögum sem fjalla um
minnihlutahópa. Ég hef áhuga á
samfélagslegum málefnum. Eins og
Tóti í Draumnum var helgarpabbi og
svo gerði ég líka tilraun til að fjalla
um innflytjendur í kvikmynd. Fók-
usinn fór meira á Íslendingana og
þeirra viðhorf,“ segir Róbert og vís-
ar til myndarinnar Maður eins og ég.
„Til að byrja með langaði mig að
gera mynd um fótbolta, sem væri
miklu meiri fótboltamynd en Ís-
lenski draumurinn, fótboltinn var
aukaatriði þar. Mig langaði að gera
alvöru fótboltamynd en fannst það
ekki alveg nógu spennandi,“ út-
skýrir Róbert og segir að honum
hafi þá fljótlega dottið í hug að gera
mynd um samkynhneigt fótboltalið.
„Ég las einu sinni litla frétt um ut-
andeildarlið í Manchester – allir leik-
menn voru samkynhneigðir – sem
vildu fá Eric Cantona til að þjálfa.
Það var fréttin. Þannig að þetta hef-
ur verði lengi í hausnum á mér.“
Liðið í myndinni fær einmitt frem-
ur þekktan þjálfara til sín. „Þeir
ráða þjálfara, sem er Íslendingur, en
átti svona eitt gott tímabil í Þýska-
landi. Hann var svolítið heitur en er
ekki neitt í dag. Hann lifir á fornri
frægð.“
Margt annað fléttast inn í söguna.
„Barnsmóðir fyrirliðans, frá því þau
voru unglingar, er fyrrverandi
ungfrú Ísland. Hún er nú orðin þrí-
tug og á mjög erfitt með að takast á
við að hún sé ekki ungfrú Ísland
lengur.“
Myndin er drama frekar en grín-
mynd þó að húmorinn sé vissulega til
staðar, útskýrir Róbert. „Þetta er
fyrst og fremst drama en mér finnst
að allar bíómyndir verði að hafa ein-
hvern húmor. Þær hafa það alveg
flestallar. Einstaka leikstjórar hafa
bara engan húmor og ég er ekki hrif-
inn af þeim. Eins og Wim Wenders,
hann hefur engan húmor en hins
vegar hefur Ingmar Bergman húm-
or.“
Tökur á myndinni hefjast í haust
en Júlíus Kemp og Ingvar Þórð-
arson eru framleiðendur mynd-
arinnar, segir Róbert. „Við erum
komnir í samstarf við aðila í Þýska-
landi, Bretlandi, Noregi og Finn-
landi.“
Róbert, Júlíus og Ingvar fóru á
Kvikmyndahátíðina í Berlín og gekk
vel. „Það gekk mjög vel úti í Berlín,
við ræddum við þessi fyrirtæki.
Sumt var búið að ákveða fyrirfram
en fundirnir voru þarna í Berlín,“
segir Róbert um meðframleiðend-
urna. Þessi fjögur fyrirtæki frá áð-
urnefndum fjórum löndum tryggja
að sjálfsögðu fjármagn inn í mynd-
ina og er Róbert ánægður með það.
Hann bendir á að þetta sé mik-
ilvægt í ljósi þess að nú þurfi að vera
búið að tryggja 60% af fjármagninu
áður en sótt er um styrk hérlendis.
Leikarar af yngri kynslóðinni
Ekki er búið að velja í hlutverk
fyrir Strákana okkar. „Við erum
með nokkra í huga en það verður lík-
lega enginn þekktur í myndinni.
Enginn af þekktari leikurum og
þessum hefðbundnu stjörnum. Við
viljum fá ferska leikara af yngri kyn-
slóðinni,“ segir Róbert án þess að
nefna nein nöfn.
Myndin á eftir að sýna bæði
menningarheim samkynhneigðra og
knattspyrnunnar en hingað til hafa
þessir heimar ekki þótt augsýnilega
samrýmanlegir. „Getur þú nefnt
mér einhvern fótboltamann sem er
hommi? Ég get það ekki, samt er ég
mikill fótboltaaðdáandi.“
Róbert Douglas vinnur að tveimur nýjum kvikmyndum
Vonir og
væntingar
Leikstjórinn Róbert Douglas virðist
alltaf vera með puttana á púlsi íslensks
samfélags. Hann sagði Ingu Rún
Sigurðardóttur frá nýjustu myndum sín-
um, heimildarmynd um Mjóddina og kvik-
mynd um samkynhneigt fótboltalið.
Róbert við tökur í Mjóddinni en hann gerir myndina einn. Hann segir að
flestir, sem hann hitti, hafi átt sér drauma um öðruvísi líf.
ingarun@mbl.is
Morgunblaðið/Sverrir
„Íslendingar eru byrjaðir að venjast myndavélinni og farnir að tjá sig
meira fyrir framan hana,“ segir Róbert Douglas í viðtalinu.