Morgunblaðið - 02.04.2003, Page 47

MORGUNBLAÐIÐ MIÐVIKUDAGUR 2. APRÍL 2003 47

DRÖFN Sæmundsdóttir úr FH
varð fyrir meiðslum undir lok leiks-
ins þegar hún lenti illa eftir upp-
stökk. Hún var flutt með sjúkrabif-
reið á slysadeild og óttuðust
FH-ingar að hún hefði slitið kross-
band.

GUNNAR Þór Gíslason, stjórnar-
formaður Stoke, segir í samtali við
enska blaðið Sentinel að engir samn-
ingar verði gerðir við þá leikmenn
sem verða með lausa samninga í
sumar fyrr en að lokinni leiktíðinni.

FIMMTÁN af leikmönnum Stoke
eru að klára sína samninga í sumar
og meðal þeirra eru Brynjar Björn
Gunnarsson, Bjarni Guðjónsson,
James O’Connor og Peter Hoekstra.
Gunnar Þór segist ekki vilja trufla
einbeitingu sinna manna en eins og
flestir vita berst Stoke um að halda
sæti sínu í 1. deildinni.

SKOTAR töpuðu fyrir Litháum,
2:1, í undankeppni EM skipað leik-
mönnum 21 árs og yngri í Litháen í
gær en þjóðirnar leika í sama riðli og
Íslendingar. Skotar fengu óskabyrj-
un þegar Kevin Kyle skoraði strax á
2. mínútu. Litháar jöfnuðu metin á
34. mínútu og skoruðu sigurmarkið
átta mínútum fyrir leikslok.

FRANCIS Jeffers skoraði mark
enska U-21 árs landsliðsins sem
gerði 1:1 jafntefli við Tyrki á St.
James Park. Þetta var 13. mark Jeff-
ers í jafnmörgum leikjum með U-21
árs landsliðinu og jafnaði hann þar
með met Alan Shearers.

SENEGALINN El Hadji Diouf,
framherji Liverpool, var í gær út-
nefndur knattspyrnumaður ársins í
Afríku. Diouf hafði betur í barátt-
unni við landa sinn, Pape Bouba og
Egyptann Ahmed „Mido“ Hossan.

HVÍT-RÚSSAR urðu í gær Evr-
ópumeistarar í karlaflokki í borð-
tennis þegar þeir lögðu Þjóðverja í
úrslitaleik, 3:1. Íslenska karlasveitin
hafnaði í 35. sæti en Íslensku kon-
urnar urðu í næstneðsta sæti. Ítalir
fögnuðu Evrópumeistaratitlinum
eftir sigur á Króötum, 3:1.

FORRÁÐAMENN körfuknatt-
leiksdeildar Grindavíkur afhentu
Guðmundi Bragasyni og Páli Axeli
Vilbergssyni viðurkenningar í gær
en sá fyrrnefndi lék sinn 500. leik
fyrir félagið í gær en Páll Axel á enn
eftir að leika 200 leiki til viðbótar til
þess að ná Guðmundi.

UNGAR stúlkur úr yngri flokkum
Grindavíkur sáu um að skemmta
áhorfendum þegar tími gafst til í
oddaleik liðsins gegn Tindastóls-
mönnum í gær.

TVEIR fyrrum leikmenn Tinda-
stóls og íslenska landsliðsins, Valur
Ingimundarson og Pétur Guð-
mundsson, voru mættir á leik lið-
anna í gær og báru saman bækur
sínar á meðan leiknum stóð. Pétur
lék undir stjórn Vals um tveggja ára
skeið á Sauðárkróki.
FÓLK
FRAMVEGIS verður félögum sem
taka þátt í Meistaradeild Evrópu í
handknattleik óheimilt að selja
heimaleiki sína, hér eftir verða lið
að leika heima og að heiman í
hverri umferð keppninnar. Þetta
ákvað Handknattleikssamband
Evrópu, EHF, nýverið. Gilda þess-
ar reglur frá og með næstu leik-
tíð. Reglurnar eiga einnig við um
landsleiki, þar sem þjóðir berjast
um sæti í undankeppni EM. Reikn-
að er með að þetta sé aðeins
fyrsta skref EHF í þá átt að banna
félögum að selja heimaleiki sína
eins og oft hefur verið gert á Evr-
ópumótum félagsliða til þessa.
Hafa félög brugðið á þetta ráð á
tíðum til að draga úr kostnaði við
þátttöku á Evrópumótunum. Er
skemmst að minnast þess að and-
stæðingar Gróttu/KR í Áskor-
endakeppni Evrópu í haust,
Switlotechnik Brovary frá Úkr-
aínu, seldi heimaleikinn til Gróttu/
KR sl. haust og lék „heimaleik“
sinn hér á landi. Grótta/KR seldi
síðan heimaleik sinn í næstu um-
ferð þar á eftir gegn portúgalska
liðinu Desportiv Francisco de Hol-
anda til þess að draga úr kostnaði
við keppnina.
Bannað að
selja heimaleiki
DARELL Lewis, leikmaður
Grindvíkinga, fékk aðstoð
frá lækni íslenska landsliðs-
ins í knattspyrnu, Sigurjóni
Sigurðssyni, áður en odda-
leikur Grindvíkinga og
Tindastóls hófst í Grindavík
í gær. Sigurjón dældi vökva
úr hnélið Bandaríkjamanns-
ins sem fór í aðgerð á sama
hné fyrir um fjórum vikum.
Talsverður vökvi hafði
myndast í hnénu og angraði
það leikmanninn. Taldi Frið-
rik Ingi Rúnarsson, þjálfari
Grindvíkinga, að Sigurjón
hefði tekið allt að 30 ml af
liðvökva úr hnénu fyrir leik-
inn. Ekki verður annað sagt
en að aðstoð Sigurjóns hafi
komið sér vel fyrir Lewis
því leikmaðurinn fór gjör-
samlega á kostum.
„Tappað
af“ Lewis
VIÐ vorum í tómu basli með að
skora gegn Grindvíkingum og
það var það sem við ætluðum
okkur ekki að gera,“ sagði Krist-
inn Friðriksson, þjálfari og leik-
maður Tindastóls, eftir að ljóst
var að lið hans var komið í sum-
arfrí þetta árið. „Menn voru að
kasta knettinum frá sér að
óþörfu og leikur okkar bar vott
um taugaveiklun og óöryggi,“
sagði þjálfarinn og taldi sjálfan
sig hafa leikið undir getu. „Ég
var ekki að leika vel að þessu
sinni og það má segja um fleiri
leikmenn í okkar liði. Við höfum
getað stólað á þrjá leikmenn sem
hafa haft það hlutverk að skora
mest en því er ekki að leyna að
okkur vantaði að einhver tæki af
skarið þegar á þurfti. Liðið er
ungt og efnilegt en menn verða
að hafa meiri trú á eigin getu í
svona leikjum – Grindvíkingar
höfðu meiri trú á sigri en við,“
sagði Kristinn og var ekki í vafa
um hverjir yrðu Íslandsmeistarar
árið 2003. „Keflavík vinnur
Grindavík, 3:0, svo einfalt er
það,“ sagði Kristinn.
„Gekk illa að skora“
Fyrsti leikhluti hófst með einvígiá milli Darrel Lewis í liði
heimamanna og Michail Andropov
hjá gestunum.
Heimamenn fundu
engin ráð til að
ráða við Michail
Andropov undir sinni körfu, einnig
var hann erfiður heim að sækja
þegar Grindvíkingar sóttu. Tölu-
verð taugaveiklun var hjá heima-
mönnum sem misstu nokkra bolta
en Darrel Lewis hélt heimamönn-
um á floti með stórgóðum leik og
setti niður 15 stig í fyrsta leikhluta
auk þess að spila frábæra vörn á
Clifton Cook í liði gestanna. Hjá
gestunum var Michail Andropov
allt í öllu og setti niður 10 stig í
leikhlutanum. Vendipunktur leiks-
ins var sennilega í fyrsta leikhluta
því þegar Tindastóll hafði forustu,
19:16, þá báðu heimamenn um
leikhlé en áður en til þess kom
skoruðu heimamenn tvö stig og
staðan 19:18. Þarna var ein og hálf
mínúta til loka fyrsta leikhluta.
Heimamenn skoruðu næstu sjö
stig og voru komnir með forskot,
25:19, í lok fyrsta leikhluta. Gest-
irnir skoruðu úr víti í byrjun ann-
ars leikhluta en síðan komu 10 stig
í röð frá heimamönnum og meðal
þeirra stiga var troðsla frá Páli
Axel Vilbergssyni eftir undirbún-
ing af hálfu Darrel Lewis. Þarna
tóku gestirnir leikhlé og rúmar
tvær mínútur búnar af öðrum leik-
hluta. Nítján stig gegn einu á tæp-
um fjórum mínútum. Stólarnir gír-
uðu sig upp vel studdir af
áhorfendum sínum sem voru fjöl-
margir og studdu sína menn allan
tímann af krafti. Áhorfendur á
bandi heimamanna voru ekki síður
vel með á nótunum og ekki
skemmdi fyrir þeim þegar Darrel
Lewis tróð nánast beint í andlitið á
Michail Andropov. Þakið á húsinu
ætlaði hreinlega að rifna af, slík
voru lætin. Gestirnir héldu þó í
horfinu en heimamenn voru komn-
ir með gott forskot í hálfleik,
höfðu skorað 56 stig gegn 40 gest-
anna. Síðustu tvö stigin voru
glæsileg en Grindvíkingar tóku
leikhlé þegar 1,3 sekúndur voru
eftir og boltinn var gefinn á Darrel
Lewis sem setti niður tvö góð stig
og hafði kappinn þá skorað 25 stig.
Seinni hálfleikur var ekki orðinn
gamall þegar heimamenn náðu 20
stiga forustu og ljóst var þá að
Grindvíkingar myndu fara með
sigur af hólmi. Heimamenn héldu
þó einbeitingu og gestirnir alls
ekki á þeim buxunum að gefast
upp. Heimamenn lentu í villuvand-
ræðum með stóru mennina sína en
þeir kláruðu þó leikinn án þess að
fara útaf. Heimamenn héldu áfram
að auka forskot sitt og gestirnir
gáfu eftir þannig að eftirleikurinn
var auðveldur. Darrel Lewis fór af
velli þegar tvær og hálf mínúta var
eftir við mikið lófatak stuðnings-
manna Grindavíkur. Leiknum lauk
síðan með öruggum sigri heima-
manna, 109:77.
Bestir í liði Tindastóls voru þeir
Michail Andropov og Kristinn
Friðriksson en hjá heimamönnum
var liðsheildin sterk en þó sté
Darrel Lewis vel fram í sviðsljósið
þetta kvöld og spilaði frábærlega í
vörn sem sókn.
Morgunblaðið/Árni Sæberg
Friðrik Ingi Rúnarsson, þjálfari Grindvíkinga, gefur hér lærisveinum sínum góð ráð í leikhléinu í
Grindavík í gærkvöld. Grindavík vann stórsigur á Tindastóli og mætir Keflavík í úrslitaeinvígi.
Flugeldasýning hjá
Lewis í Grindavík
GRINDVÍKINGAR, með Darryl Lewis í broddi fylkingar, fóru létt með
að tryggja sér sæti í úrslitum úrvalsdeildar karla í körfuknattleik í
Grindavík í gær. Lewis lék sinn besta leik á tímabilinu, skoraði 45
stig, og Grindvíkingar unnu stórsigur á Tindastóli, 109:77, í fimmta
og síðasta undanúrslitaleik liðanna. Grindavík og Keflavík leika til
úrslita um Íslandsmeistaratitilinn og fer fyrsti leikurinn fram í
Grindavík á laugardaginn.
Garðar
Vignisson
skrifar
ÍÞRÓTTIR