Morgunblaðið - 07.05.2003, Qupperneq 26

LANDIÐ
26 MIÐVIKUDAGUR 7. MAÍ 2003 MORGUNBLAÐIÐ
SUÐURNES
JÓHANNES Helgi Alfreðsson sigr-
aði á árlegu skólaskákmóti Grunn-
skólans á Hólmavík.
Jón Kristinsson frá Búnaðarbank-
anum stýrði mótinu en hann hefur
gegnum árin verið skólanum stoð og
stytta við að halda merki skákíþrótt-
arinnar á lofti. Árið 1998 gaf Bún-
aðarbankinn veglegan bikar sem
skákmeistari skólans hefur hlotið
síðan. Í ár tókst skákmeistara
Grunnskólans í fyrsta sinn að verja
bikarinn en það var Jóhannes Helgi
sem vann mótið einnig í fyrra. Hann
er í 9. bekk og hefur því tækifæri til
að vinna bikarinn til eignar á næsta
ári.
Úrslit mótsins urðu þau að hjá
eldri nemendum var það Jóhannes
Helgi Alfreðsson, 9. bekk, sem var í
fyrsta sæti, Jón Örn Haraldsson í 7.
bekk þar á eftir og Jakob Már Snæv-
arsson í 9. bekk var í þriðja sæti.
Hjá yngri nemendum var Hrafn-
kell Fjölnisson 5. bekk hlutskarpast-
ur, þá Jón Arnar Ólafsson í 5. bekk
og loks Birna Karen Bjarkadóttir
sem hafnaði í þriðja sæti, en hún er í
4. bekk.
Um þrjátíu krakkar tóku þátt í
mótinu. Keppendur voru á aldrinum
6–15 ára og var athyglisvert að fylgj-
ast með frammistöðu yngstu nem-
endanna. Í lok apríl er von á Helga
Ólafssyni stórmeistara í skólana í
Strandasýslu og má búast við að sú
heimsókn verði til að efla skák-
áhugann enn frekar.
Morgunblaðið/Kristín Sigurrós
Þrjú efstu sæti í báðum aldurshópum skólaskákmótsins. Frá vinstri: Jón
Örn, Jóhannes Helgi, Jakob Már, Hrafnkell, Jón Arnar, Birna Karen.
Varði titil
sinn í skákinni
Hólmavík
UT-örráðsstefna var haldin í Grunn-
skólanum í Borgarnesi nýverið. Þór
Jóhannsson, kennsluráðgjafi í upp-
lýsinga-og tæknimennt við grunn-
skólana í Borgarbyggð, fékk styrk
frá menntamálaráðuneytinu til að
halda ráðstefnuna. Þátttakendur
voru kennarar og stuðningsfulltrúar
í Grunnskólanum í Borgarnesi og á
Varmalandi.
Þór setti ráðstefnuna og sagði
lauslega frá hugmyndinni, sem gæfi
tækifæri fyrir samstarf milli skóla-
nanna og miðlun á verkefnum meðal
fólks sem hefði að stórum hluta sömu
markmið í sínum störfum. Lilja S.
Ólafsdóttir kennari hélt erindi þar
sem hún fjallaði um stöðu kennara
gagnvart UT sem nýjungum í skóla-
starfi. Þátttakendur tóku síðan þátt í
málstofum þar sem fjallað var um
bekkjarvef, faggreinakennslu, yngri
bekkjakennslu, tungumálanám og
sérkennslu, allt í tengslum við upp-
lýsinga og tæknimennt. Í málstofun-
um skiptust þátttakendur á skoðun-
um, deildu reynslu og hugmyndum
ásamt því að skrá niðurstöður og
umræðuefni. Hópstjórar kynntu svo
afrakstur málstofanna fyrir hinum
hópunum í lok ráðstefnunnar. Þátt-
takendur létu þess getið að sam-
vinna milli skólanna af þessu tagi
væri bæði gagnleg og æskileg.
Morgunblaðið/Guðrún Vala
Starfsfólk á UT-örráðstefnu í grunnskólanum í Borgarnesi nýverið.
UT-örráðstefna hald-
in í grunnskólanum
Borgarnes
HAFNAR eru framkvæmdir við
nýja brú á Klifandi í Mýrdal, enda
er gamla brúin orðin mjög illa farin
og þar að auki einbreið. Fyrir-
hugað er að brúin verði byggð í
sumar. Undirbúningsvinna er hafin
og er byrjað að reka niður steypta
staura undir stöpla brúarinnar og
er það gert með vökvakrana.
Það er brúarvinnuflokkur Sveins
Þórðarsonar úr Vík í Mýrdal sem
sér um verkið. Reiknað er með að
smíði sjálfrar brúarinnar hefjist um
næstu mánaðamót.
Morgunblaðið/Jónas Erlendsson
Unnið er að því að reka niður staura
fyrir nýja brú við Klifandi í Mýrdal.
Einbreiðu
brúnum
fækkar
Fagridalur
„ÞAÐ er afar tímafrekt að leita að
smælki og litlum brotum úr heim-
ildum sem til eru um ævi þeirra.
Jafnframt þarf ég að fara djúpt of-
an í tíðarandann á Suðurnesjum á
þeirra tíma og kanna sögu ýmissa
samferðamanna til að fylla út í
myndina,“ segir Steinunn Jóhann-
esdóttir rithöfundur sem byrjuð er
á ritun seinna bindis skáldsögu um
ævi Guðríðar Símonardóttur og þar
koma Suðurnesin mikið við sögu.
Reisubók Guðríðar Sím-
onardóttur, sem kom út á árinu
2001, fjallaði um Tyrkjaránið 1627,
þrældóminn í Alsír, frelsun Guð-
ríðar og ferðina til Íslands. Henni
lauk þegar Guðríði er róið í land í
Keflavík með Hallgrími Péturssyni
sem hún hafði kynnst í Kaupmanna-
höfn á heimleiðinni.
14 ár á Suðurnesjum
Þau komu með vorskipi 1637 og
Steinunn segir að þar hafi þau leit-
að ásjár Gríms Bergssonar lög-
réttumanns í Ytri-Njarðvík sem
hafi skotið yfir þau skjólshúsi. Tel-
ur hún að skyldleiki Guðríðar við
Rósu Ásgeirsdóttur, konu Gríms,
hafi leitt þau þangað. Þau lifðu í
sárri fátækt í hjáleigunni Bolafæti
og lentu auk þess upp á kant við yf-
irvöldin vegna þess að þau voru
ógift en eignuðust barn fljótlega
eftir heimkomuna. Sjö árum síðar
fékk Hallgrímur uppreisn æru og
vígðist til Hvalsness. Þar voru þau
önnur sjö ár, eða þar til Hallgrímur
fékk Saurbæ á Hvalfjarðarströnd
þar sem hann orti Passíusálmana.
Suðurnesin koma því mjög við
sögu í þessu seinna bindi heim-
ildaskáldsögunnar um ævi Guð-
ríðar. „Fyrstu hjónabandsár þeirra
þar voru reynslutími, merktur af
basli og barnamissi og þekkt er
harmljóðið sem Hallgrímur orti eft-
ir Steinunni litlu dóttur þeirra.
Margir þekkja líka bautasteininn
sem hann hjó nafn hennar í og varð-
veittur er í Hvalsneskirkju. Á Suð-
urnesjum tók Hallgrímur út mikinn
þroska sem maður og skáld og má
vel færa rök að því að grunnur
Passíusálmanna hafi verið lagður á
Hvalsnesárunum,“ segir Steinunn.
Leitað eftir heimildum
og stuðningi
Steinunn notar sömu vinnubrögð
við öflun heimilda til að byggja á
við skrif sín og við ritun Reisubók-
arinnar. Hún dregur saman þær
skriflegu heimildir og þjóðsögur
sem til eru og setur sig auk þess
sem mest inn í trúarlífið og tíð-
arandann á sautjándu öld og rifjar
upp sögu samferðarmanna þeirra,
meðal annars fólks sem kom úr her-
leiðingunni eins og mæðginin frá
Járngerðarstöðum í Grindavík. „Ef
einhverjir kunna þjóðsögur sem
tengjast viðfangsefninu, þigg ég
þær með þökkum,“ segir Steinunn.
Þá reynir hún að kynnast sögu-
slóðunum sem mest af eigin raun og
segist Steinunn hafa dvalið töluvert
á Suðurnesjum í þeim tilgangi, með
sama hætti og hún fór til Alsírs og
Marokkós og sögustaða víða í Evr-
ópu þegar hún vann að undirbún-
ingi Reisubókar. Vonast hún til að
fá enn betra tækifæri til þess að
kynnast svæðinu og safna stað-
bundnum heimildum með því að
dvelja þar í sumar.
Steinunn er ekki reiðubúin að
segja hvenær ritun sögunnar geti
lokið. Vonast þó til að það taki ekki
heil sex ár eins og vinnan við fyrri
bókina.
Hún hefur verið að leita eftir
stuðningi fyrirtækja, meðal annars
á Suðurnesjum, til að geta einbeitt
sér að þessu verkefni til loka. „Ég
er að vona að Suðurnesjamenn
hlaupi undir bagga með mér, eins
og Guðríði og Hallgrími þegar þau
leituðu ásjár þeirra á sínum tíma,“
segir Steinunn.
Gefin út í Þýskalandi
Reisubók Guðríðar Símonar-
dóttur fékk góða dóma á sínum
tíma, seldist upp og nýlega kom hún
út í kilju. Steinunn segir að við-
tökur lesenda hafi verið sér mikil
hvatning til að halda áfram.
Þá getur hún þess að fyrr á þessu
ári hafi verið gengið frá samningi
um útgáfu á bókinni í Þýskalandi.
Stórt forlag, Rowohlt, hafi keypt
útgáfuréttinn og nú sé verið að
þýða bókina.
Morgunblaðið/Reynir Sveinsson
Minjar um veru Hallgríms Péturssonar og Guðríðar Símonardóttur á Suðurnesjum er enn að finna. Hér er Stein-
unn Jóhannesdóttir við bautarstein Steinunnar, litlu dóttur þeirra, sem fannst við Hvalsneskirkju á árinu 1964 og
nú er varðveittur í kirkjunni. Talið er að Hallgrímur Pétursson hafi sjálfur hoggið nafn dóttur sinnar í steininn.
Tímafrekt að safna
saman brotum
Hvalsnes/Njarðvík
Steinunn Jóhannesdóttir rithöfundur leitar heimilda um
fjórtán ára dvöl Guðríðar og Hallgríms á Suðurnesjum
SÍÐASTI íbúafundur bæjarstjóra
Reykjanesbæjar verður í kvöld, mið-
vikudagskvöld. Hann er með íbúum í
Keflavík, norðan Aðalgötu.
Árni Sigfússon hefur haldið fjóra
slíka fundi og hafa þeir verið vel sótt-
ir. Kynnt eru verkefni sem unnið er
að á vegum Reykjanesbæjar og
þættir úr framtíðarsýn, farið yfir
helstu verkefni í viðkomandi hverf-
um og óskað eftir ábendingum íbúa
um það sem betur má fara.
Síðasti íbúa-
fundurinn
Reykjanesbær
DEKURHELGI, svokallað konu-
dekur, verður í ævintýrahúsinu
Púlsinu í Sandgerði dagana 17. og
18. maí.
„Við vinnum með konuna í okkur
þessa helgi og kvenorkuna um leið
og við dönsum dansinn, en magadans
eflir gyðjuna innra með okkur og
kvenlegar hreyfingar. Við lærum að
meta líkama okkar og kyndum undir
kynþokkann sem kemur innan frá.
Með magadansi örvum við einnig
neðstu orkustöðvar líkamans,“ segir
í fréttatilkynningu frá Púlsinum.
Dönsk magadansmey, Tove
Vestmø, verður í Púlsinum á dekur-
helginni og Matthildur Gunnarsdótt-
ir verður með léttar jógaæfingar í
lok dagsins. Marta Eiríksdóttir mun
galdra fram hollustufæði og leiða
þátttakendur í gegnum slökun báða
dagana.
Konudekur á nám-
skeiði í Púlsinum
Sandgerði