Morgunblaðið - 23.05.2003, Side 12

TÆPLEGA 98,8% hlutafjár í Keri hf.
eru nú í höndum tveggja hluthafa.
Vörðuberg ehf. á um 76% hlutafjár og
Gerðir ehf., sem tengist BYKO, á um
22,8%. Þetta kom fram í máli Krisjáns
Loftssonar, formanns stjórnar Kers,
á aðalfundi félagsins í gær.
Kristján greindi frá því að búast
mætti við að niðurstaða Kauphallar
Íslands vegna óskar Kers um af-
skráningu félagsins mundi liggja fyrir
innan skamms.
Um miðjan mars síðastliðinn gerði
Vörðuberg tilboð í öll hlutabréf í eigu
VÍS og Samvinnulífeyrissjóðsins í
Keri. Tilboðinu var tekið af báðum að-
ilum og nam eignarhlutur Vörðu-
bergs í Keri þá um 60%. Í framhaldi
af því lagði Vörðufell fram yfirtöku-
tilboð í önnur hlutabréf í Keri í sam-
ræmi við lög.
Aðalfundur Kers hf. í gær var
fyrsti aðalfundur félagsins frá því
nafni Olíufélagsins hf. var breytt í
Ker hf. á síðasta aðalfundi í apríl á síð-
asta ári og félagið var gert að eign-
arhaldsfélagi sem einbeitir sér að
rekstri fasteigna og fjárfestingum í
ýmsum atvinnugreinum.
Samþykkt var á aðalfundinum að
greiða hluthöfum ekki arð á þessu ári.
Spurður um ástæður þessa sagði
Kristján á fundinum að það væri gert
þar sem yfirtökutilboð í hlutabréf
Kers væri í gangi. Með greiðslu arðs
væri verið að mismuna hluthöfum,
þ.e. annars vegar núverandi hluthöf-
um og hins vegar þeim sem hefðu selt
samkvæmt yfirtökutilboðinu.
Einn stjórnarmaður í Keri gaf ekki
kost á sér til endurkjörs, en það var
Gísli Jónatansson. Í hans stað var Jón
Þór Hjaltason kosinn í stjórnina. Aðr-
ir í stjórn voru endurkjörnir, þeir
Kristján Loftsson, Hannes Þór
Smárason, Jón Kristjánsson og Ólaf-
ur Ólafsson.
Hagnaður Kers á fyrstu þremur
mánuðum þessa árs nam 621 milljón
króna, sem er nærri tvöföldun frá
fyrra ári. Þá var hagnaðurinn á sama
tímabili um 313 milljónir. Árshluta-
uppgjör félagsins var birt í gær.
Rekstrartekjur Kers á fyrsta fjórð-
ungi þessa árs námu 3.562 milljónum
en 3.488 milljónum árið áður. Fjár-
magnsliðir eru jákvæðir um 151 millj-
ón, en þar af var gengishagnaður 227
milljónir. Á sama tímabili í fyrra voru
fjármagnsliðir jákvæðir um 222 millj-
ónir. Söluhagnaður af hlutabréfum
nam 430 milljónum króna á fyrsta
fjórðungi þessa árs.
Heildareignir Kers og dótturfélaga
voru 24,7 milljarðar króna í lok mars
síðastliðins og höfðu hækkað um 3
milljarða frá áramótum. Eigið fé nam
9,8 milljörðum og hækkaði um 621
milljón á ársfjórðungnum.
Tveir hluthafar í
Keri hf. með tæp
99% hlutafjár
Morgunblaðið/Sverrir
Kristján Loftsson, stjórnarformað-
ur Kers hf., sagði að afskráning fé-
lagsins úr Kauphöll Íslands myndi
liggja fyrir innan skamms.
VIÐSKIPTI/ATHAFNALÍF
12 FÖSTUDAGUR 23. MAÍ 2003 MORGUNBLAÐIÐ
ÍSLENDINGAR þurfa að stórefla
rannsókna- og þróunarstarf á sviði
nanótækni eða örtækni ef þjóðin ætl-
ar ekki að dragast aftur úr öðrum
þjóðum. Þær þjóðir sem skammt
verða á veg komnar í líftækni og
nanótækni á næsta áratug, verða eft-
irbátar annarra. Íslendingar eru vel
staddir hvað líftækni varðar en auka
þarf áherslu á örtæknina en þar er
unnið með örsmáar einingar. Þetta
kom fram í máli Hafliða Gíslasonar
frá Háskóla Íslands, á 25 ára afmæl-
isfundi Iðntæknistofnunar í gær þar
sem fjallað var um nýsköpun byggða
á vísindum og tækni.
Hann sagði nanótækni vera það
svið vísindanna sem nágrannaþjóðir
okkar settu langmest fjármagn í að
rannsaka og þróa. Það skipti Íslend-
inga því miklu máli að dragast ekki
aftur úr í þeim efnum.
Hafliði vitnaði til orða Tim Harper
um nanótækni en hann telur að
nanótækni komi til með að hafa áhrif
á nánast alla þætti lífs okkar þegar
hún ryður sér til rúms. Ekki einung-
is á lyfja-, tölvu- og líftækniiðnaðinn
en líka allt annað, frá húsum sem við
búum í til matarins sem við borðum.
Takmarkaður
aðgangur að fjármagni
Guðfinna Bjarnadóttir, rektor Há-
skólans í Reykjavík, lagði áherslu á
þörfina fyrir sameiginlega framtíð-
arsýn á vettvangi vísinda, tækni-
þekkingar og nýsköpunar auk afger-
andi stefnumótunar um þekkingar-
samfélag framtíðarinnar. Íslenskt
hagkerfi væri skilgreint sem auð-
lindadrifið en þyrfti að verða drifið af
nýsköpun. Þess vegna verði að efla
nýsköpun í atvinnulífinu og virkja
þann mikla drifkraft sem býr í fjöl-
mörgum frumkvöðlum landsins.
Hún sagði mikið áhyggjuefni hversu
takmarkaðan aðgang frumkvöðlar
hefðu á fjármagni hérlendis.
Lilja Mósesdóttir, prófessor frá
Viðskiptaháskólanum á Bifröst,
sagði að Ísland væri langt komið í að
þróa upplýsingasamfélag en stutt á
veg komið í að móta þekkingarsam-
félag. Sem dæmi um áskoranir þekk-
ingarsamfélagsins sem Lilja fjallaði
um er fyrirsjáanlegur hagvöxtur án
fjölgunar starfa og vísbendingar um
að aukið menntastig dragi alls ekki
úr ójöfnuði.
Iðnaðarráðherra, Valgerður
Sverrisdóttir, sagðist hafa orðið vör
við að miklar vonir væru bundnar við
nýhafið starf Vísinda- og tækniráðs
auk væntinga um að hið nýja fyr-
irkomulag muni veita nýjum fræða-
sviðum aukið brautargengi, m.a. til
þess að áhrifa þeirra gæti fyrr í ís-
lensku atvinnu- og efnahagslífi.
„Nauðsyn þessa er augljós. Hinir
hefðbundnu atvinnuvegir hafa vissu-
lega reynst okkur gjöfulir um langt
árabil og verið undirstaða efnahags-
legra framfara. Geta þeirra til að
standa undir væntingum fólks um
aukna velmegun og ný, fjölbreytt,
vel launuð störf fer þó hlutfallslega
minnkandi. Ljóst er að efnahagsþró-
unin verður því í auknum mæli að
byggjast á nýrri vísindalegri þekk-
ingu sem nýtt verður til að byggja
upp fjölbreytt og samkeppnishæft
atvinnulíf,“ sagði ráðherra.
Enn fremur sagði Valgerður að ná
þyrfti sem mestu út úr þeim frum-
kvöðlakrafti sem þjóðin býr yfir.
Efla þarf rannsóknir
og þróun í örtækni
Vísbendingar um
að aukið mennta-
stig dragi ekki úr
ójöfnuði í þekk-
ingarsamfélaginu
Morgunblaðið/Arnaldur
Margt var um manninn á 25 ára afmælisfundi Iðntæknistofnunar þar sem
rætt var um nýsköpun byggða á vísindum og tækni.
Búnaðarbankinn í Lúxemborg
lækkuninni, ástæð-
urnar séu frekar
nokkur smærri atriði
sem komið hafi fram
við skoðun á bankan-
um og meðan á samn-
ingaferlinu stóð. Þá
hafi aðstæður einnig
breyst á meðan samn-
ingar stóðu yfir að því
leyti að nokkrir lyk-
ilstarfsmenn hafi farið
frá bankanum.
Nýr bankastjóri
Tryggvi Tryggva-
son, sem gegnt hefur
starfi aðstoðarfram-
kvæmdastjóra Alþjóðasviðs Lands-
bankans, tekur við sem bankastjóri
Bunadarbanki International.
Tryggvi hefur starfað hjá Lands-
bankanum í fimm ár en var áður
framkvæmdastjóri Kaupþings
Norðurlands.
Í sameiginlegri tilkynningu Bún-
aðarbanka og Landsbanka vegna
þessara viðskipta segir að megin-
ástæða sölunnar af hálfu Búnaðar-
bankans hafi verið sú að starfsemi
Búnaðarbankans og Kaupþings í
Lúxemborg hafi verið algjörlega
hliðstæð. Tækifæri til hagræðingar
hafi því fyrst og fremst verið fólgin
í lækkun tilkostnaðar með fækkun
starfsfólks. Ennfremur segir að
Landsbankinn hafi markað þá
stefnu að auka umsvif sín á erlend-
um mörkuðum, meðal annars á sviði
eignastýringar og sérbankaþjón-
ustu. Lúxemborg sé einn þeirra
staða sem Landsbankinn hafi horft
til í þeim efnum.
GENGIÐ hefur verið
frá kaupum Lands-
banka Íslands á Bun-
adarbanki Internation-
al í Lúxemborg af
Búnaðarbanka Íslands.
Í kjölfar sameiginlegr-
ar könnunar á rekstri,
efnahag og eignum í
vörslu og umsýslu
bankans varð að sam-
komulagi að lækka
söluverðið úr 16,5
milljónum evra í 15,3
milljónir evra, eða 1,3
milljarða króna.
Að sögn Hauks Þórs
Haraldssonar, fram-
kvæmdastjóra rekstrarsviðs Lands-
bankans, var lækkun söluverðsins
niðurstaða samningaviðræðna milli
bankanna sem sátt ríki um. Ekki
hafi verið um að ræða að eitt til-
tekið stórt atriði hafi valdið verð-
Tryggvi Tryggvason
Samkomulag um
lækkun söluverðs NORÐURLANDARÁÐ hefur hvatt
fjármálaráðherra á Norðurlöndum til
að vinna að því að gjöld sem leggjast á
peninga sem fluttir eru milli landanna
verði ekki hærri en þegar peningar
eru fluttir innan þeirra. Þingmenn í
löndunum, sem sitja þing Norður-
landaráðs, hvetja fjármálaráðherra
landanna til að ræða þessi mál á
væntanlegum fundi þeirra hinn 11.
júní næstkomandi. Frá þessu er
greint í fréttatilkynningu frá Norð-
urlandaráði.
Guðrún Garðarsdóttir, ráðgjafi á
skrifstofu Norðurlandaráðs í Kaup-
mannahöfn, segir að norræna ráð-
herranefndin hafi fyrir nokkru fengið
finnska sendiherrann Ole Norrback
til þess að rannsaka landamæra-
hindranir innan Norðurlandanna, þ.e.
alls kyns hindranir sem námsmenn
og þeir sem sækja vinnu yfir landa-
mæri, verða fyrir. Hún segir að Norr-
back hafi skilað skýrslu, þar sem m.a.
hafi verið bent á að almennir borg-
arar á Norðurlöndum þurfi að greiða
háar fjárhæðir fyrir flutning á pen-
ingum milli landanna. Í fréttatilkynn-
ingu Norðurlandaráðs segir að kostn-
aður vegna þessa geti verið allt að tíu
sinnum hærri en þegar fjármagn er
flutt milli staða innanlands á Norð-
urlöndum.
Guðrún segir að Finnar hafi
nokkra sérstöðu í þessu máli, þar sem
þeir séu bæði aðilar að Evrópusam-
bandinu og jafnframt aðilar að mynt-
bandalagi ESB. Finnland falli því
undir reglur ESB í þessum efnum, en
þær kveði á um að gjöld vegna flutn-
ings á peningum milli landa í ESB
skuli ekki vera hærri en gjöldin innan
landanna.
Sameiginlegur þrýstingur
Að sögn Guðrúnar voru samþykkt
tilmæli á síðasta þingi Norðurlanda-
ráðs um að þessi mál yrðu lagfærð
milli Norðurlandanna. Hún segir að í
framhaldi af því hafi sænski sam-
starfsráðherrann í Norðurlandaráði
tilnefnt Poul Schlüter, fyrrverandi
forsætisráðherra Danmerkur, til að
fylgja þessu máli eftir fram að næsta
þingi Norðurlandaráðs, sem verður í
Ósló í Noregi í október næstkomandi.
Hún segir að Poul Schlüter hafi
skrifað bréf til formanns norrænu
fjármálaráðherranna, sem er Gunnar
Lund, aðstoðarfjármálaráðherra Sví-
þjóðar. Í bréfinu segi Schlüter að hon-
um sé ljóst að ákveðnar hindranir séu
í veginum fyrir að hægt sé að koma á
sameiginlegum gjöldum vegna flutn-
ings á peningum milli Norður-
landanna. Hins vegar eigi að vera
hægt að leysa þetta mál ef pólitískur
vilji sé fyrir hendi. Þá hvetji Schlüter
fjármálaráðherrana til að taka þetta
mál fyrir á fundi, er þeir munu hittast
hinn 11. júní næstkomandi.
Þingmenn á Norðurlöndum, sem
sátu þing Norðurlandaráðs á síðasta
ári, hafa að sögn Guðrúnar komið sér
saman um að setja þrýsting á þetta
mál og taka undir áskorun Pouls
Schlüters. Segir hún að þeir hafi
ákveðið að beina fyrirspurnum, hver í
sínu heimalandi, til viðkomandi fjár-
málaráðherra, um það hvort þeir
muni ekki ræða þessi mál á fundinum
11. júní. Segir Guðrún þennan sam-
eiginlega þrýsting þingmanna á
Norðurlöndum vera mjög merkileg-
an.
Kostnaður við flutning á peningum milli Norðurlandanna
Þrýst á um lækkun
ENGAR frekari uppsagnir eru
fyrirhugaðar í Búnaðarbankanum
og Kaupþingi í tengslum við sam-
runa bankanna, en eins og greint
hefur verið frá var tíu starfsmönn-
um hvors banka sagt upp störfum í
fyrradag.
Í Búnaðarbankanum eru á átt-
unda hundrað starfsmanna og að
sögn Sólons Sigurðssonar banka-
stjóra hefur ekki verið ráðið í þau
störf sem hafa losnað að undan-
förnu. Þannig hafi mátt koma í veg
fyrir að uppsagnir yrðu fleiri nú en
raun ber vitni, meðal annars með
því að færa 23 starfsmenn til innan
bankans. Sólon segir að með þeirri
starfsmannaveltu sem sé í bankan-
um verði hægt að ná markmiðum
um starfsmannafjölda á næstu
mánuðum, en ekki hefur verið gef-
ið upp hver áætlaður starfsmanna-
fjöldi sameinaðs banka á að vera.
Hjá Kaupþingi eru um 180
starfsmenn og að sögn Jónasar
Hvannbergs starfsmannastjóra
eru ekki uppi áform um fækkun
starfsmanna umfram uppsagnirn-
ar í fyrradag. Í báðum bönkum
komu þeir starfsmenn sem sagt
var upp eða voru færðir til í starfi
úr ýmsum deildum eða sviðum.
Ekki frekari uppsagnir
Búnaðarbanki og Kaupþing