Morgunblaðið - 23.05.2003, Blaðsíða 29

Morgunblaðið/Sverrir
sar hér Tómasi Inga Olrich, fráfarandi
sflokksins í gær.
ægt með
álann
MORGUNBLAÐIÐ FÖSTUDAGUR 23. MAÍ 2003 29
UNDANFARIN átta ár hafa einkennst af bjartsýni, framförum ogbættum hag þjóðarinnar. Öflugt atvinnulíf hefur lagt grunninnað blómlegu mannlífi og sókn á flestum sviðum þjóðlífsins. Styrkstjórn landsmála hefur leitt af sér lengsta samfellda skeið vax-
andi kaupmáttar og hagsældar í Íslandssögunni og tekist hefur að tryggja
efnahagslegan stöðugleika. Á grundvelli þessa og í ljósi hins mikla hagvaxtar
sem framundan er skapast þjóðinni nú ótal tækifæri til að sækja fram til
aukinnar velmegunar og enn betri lífskjara.
Slík framþróun er forsenda þess að tryggja megi næga atvinnu, stöðugt
verðlag, efla velferðarkerfið og treysta stoðir þess. Ríkisstjórn Framsókn-
arflokks og Sjálfstæðisflokks vill enn bæta þjónustu í heilbrigðiskerfinu og
auka skilvirkni í einstökum þáttum þess. Haldið verður áfram uppbyggingu í
menntakerfinu með það að markmiði að Íslendingar skipi sér enn sem fyrr á
bekk meðal fremstu þjóða heims.
Áhersla verður lögð á samheldni þjóðarinnar, víðtækt samráð við aðila
vinnumarkaðarins og samvinnu dreifbýlis og þéttbýlis um efnahagslegan
stöðugleika svo markmið um frekari framfarir, uppbyggingu atvinnulífs,
bættar samgöngur, menntun og öryggi borgaranna náist. Staða fjölskyld-
unnar í samfélaginu verður styrkt og fjölgað tækifærum foreldra til að sam-
ræma starf og fjölskyldulíf í anda þeirrar stefnu ríkisstjórnarinnar sem m.a.
birtist í lögum um fæðingarorlof. Með aðgerðum sínum á kjörtímabilinu
hyggst ríkisstjórnin leggja grunn að frekari velferð þjóðarinnar til fram-
tíðar.
Á árinu 2004 minnast Íslendingar tveggja merkra atburða í sögu þjóð-
arinnar. Hinn fyrsta febrúar það ár verða liðin eitt hundrað ár frá því Íslend-
ingar fengu heimastjórn og fyrsti íslenski ráðherrann tók til starfa. Hinn
sautjánda júní sama ár fagnar þjóðin því að sextíu ár eru liðin frá stofnun
lýðveldisins. Þessir merkisviðburðir í sögu þjóðarinnar minna á mikilvægi
þess að hlúa að menningu og sögu hennar og jafnframt á þau miklu afrek
sem undangengnar kynslóðir hafa unnið í þágu íslenskrar þjóðar.
Helstu markmið ríkisstjórnar Sjálfstæðisflokks og Framsóknarflokks á
kjörtímabilinu eru þessi:

Að tryggja að jafnvægi og stöðugleiki ríki í efnahagsmálum þjóð-
arinnar. Með því skapast skilyrði til enn frekari vaxtar þjóðartekna og
aukins kaupmáttar almennings. Jafnframt er stöðugleiki í efnahags-
málum forsenda aukinnar samkeppnishæfni íslensks atvinnulífs.

Að viðhalda jafnvægi í fjármálum ríkisins. Ríkisfjármál munu gegna
lykilhlutverki í hagstjórn á næstu árum og nauðsynlegt er að stefnu-
mótun verði sveigjanleg með tilliti til þróunar efnahagsmála. Umbótum
í ríkisrekstri verði haldið áfram til þess að draga úr kostnaði og verklag
við fjárlagagerð þróað áfram til þess að styrkja afgreiðslu og fram-
kvæmd fjárlaga. Mikilvægt er í þessu samhengi að horft verði til lengri
tíma en eins árs í senn.

Að nýta aukið svigrúm ríkissjóðs til að tryggja aukinn kaupmátt þjóð-
arinnar með markvissum aðgerðum í skattamálum. Á kjörtímabilinu
verður m.a. tekjuskattsprósenta á einstaklinga lækkuð um allt að 4%,
eignarskattur felldur niður, erfðafjárskattur samræmdur og lækkaður
og virðisaukaskattkerfið tekið til endurskoðunar með það í huga að
bæta kjör almennings. Enn fremur er ætlunin að auka möguleika al-
mennings á skattfrjálsum viðbótarlífeyrissparnaði. Skattalækkanir
verði nánar ákveðnar í tengslum við gerð kjarasamninga.

Að stuðla að því að stjórnkerfið endurspegli breyttar aðstæður í þjóð-
félaginu. Einkum verði horft til þess hvernig best má nýta kosti upplýs-
ingasamfélagsins og rafrænnar stjórnsýslu til að tryggja jafnt aðgengi
borgaranna að nauðsynlegum upplýsingum og þjónustu. Haldið verður
áfram að styrkja lögregluna í landinu, m.a. með því að auka sýnilega
löggæslu. Öryggi borgaranna verður að hafa forgang. Vinna þarf að
auknu umferðaröryggi, bæði í dreifbýli og þéttbýli, m.a. með gerð mis-
lægra gatnamóta og lýsingu vega.

Að tryggja að öflug samkeppni ríki á sem flestum sviðum atvinnulífsins
til hagsbóta fyrir neytendur. Boðinn verði út rekstur á vegum rík-
isstofnana þar sem því verður komið við en jafnframt verði aðgengi og
þjónusta tryggð. Sjálfstæði eftirlitsstofnana hins opinbera þarf að vera
ótvírætt og tryggja þarf að starfsemi þeirra verði ekki óþarflega íþyngj-
andi. Á undanförnum árum hefur verið unnið að sölu á eignarhlutum
ríkisins í fyrirtækjum á samkeppnismarkaði. Fylgt verði eftir heimild
Alþingis um sölu á hlut ríkisins í Landssíma Íslands og þess gætt að
sala fyrirtækisins fari fram þegar markaðsaðstæður eru hagstæðar og
þannig tryggt að ríkissjóður fái sanngjarnt verð fyrir eign sína. Tryggt
verður að núverandi þjónusta við almenning á þessu sviði skerðist ekki.

Að auka beinan stuðning við barnafjölskyldur með hækkun barnabóta
og frítekjumarks þeirra og áfram verði dregið úr tekjutengingu þeirra.
Áfram verði stutt dyggilega við íþrótta- og æskulýðsstarf.

Að styrkja rannsókna- og þróunarstarf, m.a með því að auðvelda fyr-
irtækjum að leggja fé til þess og örva þannig frumkvöðlastarfsemi. Í
samræmi við ný lög um Vísinda- og tækniráð verði unnið að markvissri
uppbyggingu rannsóknastarfsemi og nýsköpun á sem flestum sviðum.

Að hvetja fyrirtæki og opinberar stofnanir til að vinna að jafnrétt-
ismálum. Gengist verði fyrir rannsóknum á stöðu kynjanna á vinnu-
markaði og áfram unnið að því að jafna launamun kynjanna.

Að byggja áfram á núverandi aflamarkskerfi með hóflegu veiðigjaldi við
stjórn fiskveiða. Stjórnkerfi fiskveiðanna hefur verið í stöðugri endur-
skoðun til þess að sem víðtækust sátt megi skapast um þessa und-
irstöðuatvinnugrein þjóðarinnar. Áhersla verði áfram lögð á betri ár-
angur við uppbyggingu fiskistofna og líffræðilega stjórn veiðanna.
Þróunar- og rannsóknarstarfi verður haldið áfram til að auka verðmæti
sjávarfangs. Leitast verður við að styrkja hagsmuni sjávarbyggða, til
dæmis með því að kanna kosti þess að styrkja forkaupsréttarákvæði
sveitarfélaga og lögaðila, að nýta tekjur af veiðigjaldi til uppbyggingar
þeirra, takmarka framsal aflaheimilda innan fiskveiðiársins, auka
byggðakvóta og taka upp ívilnun fyrir dagróðrarbáta með línu. Ákvæði
um að auðlindir sjávar séu sameign íslensku þjóðarinnar verði bundið í
stjórnarskrá.

Að íslenskum landbúnaði verði skapað það starfsumhverfi að hann geti
séð neytendum fyrir hollum og öruggum búvörum á hagstæðum kjör-
um. Greininni verði sköpuð skilyrði til að nýta styrkleika sína til að tak-
ast á við aukna samkeppni, m.a. með hliðsjón af væntanlegum samn-
ingum Alþjóða viðskiptastofnunarinnar, WTO. Þetta verði t.d. gert með
lækkun gjalda á búvöruframleiðslu, eflingu mennta- og rannsóknarstofn-
ana í landbúnaði og stuðningi við nýsköpun og nýliðun í sveitum. Þannig
verði möguleikar landbúnaðarins til frekari sóknar nýttir til fulls, auk
þess sem brýnt er að styrkja lífeyrisréttindi bænda og rétt þeirra til
sjúkrabóta.

Að nýta sóknarfæri ferðaþjónustunnar eins og kostur er. Greininni verði
sköpuð sambærileg rekstrarskilyrði og í samkeppnislöndunum. Ferða-
málaráð vinni náið með aðilum í greininni að markaðsstarfi og framþróun
með það að markmiði að þjónusta við ferðamenn verði heilsársatvinnu-
grein og skapi þannig fleiri örugg og vel launuð störf.

Að treysta undirstöður byggðar í landinu og skapa jöfn skilyrði til at-
vinnu, menntunar og menningar. Sérstök áhersla verði lögð á fjarnám til
þess að sem flestir geti stundað nám í sinni heimabyggð. Unnið verði að
uppbyggingu byggðakjarna í samræmi við byggðaáætlun ríkisstjórn-
arinnar sem samþykkt var á Alþingi á síðasta kjörtímabili. Haldið verði
áfram stuðningi við atvinnuþróun á landsbyggðinni og áhersla lögð á að
hagsmunir landsins felast í markvissu samstarfi höfuðborgar og lands-
byggðar og gagnkvæmum skilningi.

Að lokið verði við rammaáætlun um nýtingu vatnsafls og jarðvarma,
þannig að heildstætt yfirlit fáist yfir nýtingarmöguleika landsmanna á
þeim miklu verðmætum sem felast í beislun orku. Orkulindir hvers land-
svæðis verði nýttar af skynsemi til að byggja upp atvinnu og efla mannlíf.
Áhersla verði lögð á að saman fari nýting orkulindanna og náttúruvernd.
Stefnt skal að frekari áföngum í vetnisvæðingu þjóðarinnar og að í fram-
tíðinni byggist orkunotkun landsmanna á endurnýtanlegum orkugjöfum
og verði þannig sjálfbær.

Að standa vörð um íslenska tungu, sögu og þjóðmenningu. Sköpuð verði
frekari vaxtarskilyrði fyrir blómlegt menningarlíf. Öflugt listalíf verði að-
gengilegt öllum landsmönnum og menningarstarfsemi sköpuð viðeigandi
aðstaða, t.d. með tónlistar- og ráðstefnuhúsi í Reykjavík og menningar-
húsum á landsbyggðinni. Stutt verði við kynningu á íslenskri menningu
og listafólki á erlendri grund.

Að tryggja öllum jöfn tækifæri til náms án tillits til búsetu og efnahags.
Háskólanám verði eflt og fjarnám þróað í samvinnu við menntastofnanir
á framhalds- og háskólastigi. Öflugt símenntunarkerfi verði þróað áfram í
samvinnu við aðila vinnumarkaðarins og sérstök áhersla verði lögð á sókn
á sviði starfs- og verkmenntunar. Lánasjóður íslenskra námsmanna
gegni áfram því meginhlutverki að tryggja öllum tækifæri til náms. Hug-
að verði að lækkun endurgreiðslubyrði námslána og lög um sjóðinn verði
endurskoðuð.

Að haldið verði áfram endurskipulagningu á húsnæðismarkaði í sam-
ræmi við markmið um Íbúðalánasjóð. Lánshlutfall almennra íbúðalána
verði hækkað á kjörtímabilinu í áföngum í allt að 90% af verðgildi eigna,
að ákveðnu hámarki. Leigumarkaður íbúðarhúsnæðis verði efldur.

Að allir landsmenn hafi greiðan og jafnan aðgang að heilbrigðisþjónustu,
óháð aldri, búsetu og efnahag. Nauðsynlegt er að verja fjármunum sem
best og nýta kosti breyttra rekstrarforma og þjónustusamninga um ein-
staka þætti þar sem það á við til að tryggja góða þjónustu, án þess að
dregið verði úr rétti allra til að nota heilbrigðisþjónustu. Efla þarf heilsu-
gæsluna sem hornstein heilbrigðisþjónustunnar í landinu. Áfram verði
unnið að aukinni þjónustu við geðfatlaða. Sérstaklega þarf að huga að
börnum og unglingum með geðraskanir og þroskafrávik. Treysta þarf
stuðning við fatlaða og geðsjúka, m.a. með auknu framboði á skamm-
tímavistun og annarri stoðþjónustu. Langveikum verði gert kleift að tak-
ast á við veikindi sín með fjárhagslegum og félagslegum stuðningi.

Að almannatryggingakerfið verði endurskoðað og einfaldað og sér-
staklega verði skoðað samspil þess við skattkerfið og lífeyrissjóðina.
Könnuð verði hagkvæmni þess að fela lífeyrissjóðunum að sjá um
greiðslu elli- og örorkulífeyris almannatrygginga. Dregið verði úr skerð-
ingum á bótum öryrkja vegna atvinnutekna og örorkulífeyrir yngri ör-
yrkja verði hækkaður sérstaklega. Áhersla verði lögð á að tryggja sér-
staklega hag þeirra öryrkja, fatlaðra og aldraðra sem lægstar tekjur
hafa. Heimaþjónusta við aldraða verði aukin og unnið að því að allir geti
búið sem lengst á eigin heimili. Mikilvægt er að samþætta þjónustu ríkis
og sveitarfélaga við aldraða til að þjónustan nýtist sem best. Haldið verði
áfram uppbyggingu hjúkrunar- og dvalarheimila.

Að markvisst verði unnið í baráttunni gegn fíkniefnavandanum. Mótuð
verði heildstæð forvarnastefna í samvinnu við lögreglu, skólayfirvöld,
íþróttafélög og foreldra. Hafnað er hvers kyns eftirgjöf gagnvart fíkni-
efnum, innflutningi þeirra, dreifingu og notkun. Meðferðarúrræðum
verði fjölgað og rík áhersla lögð á forvarnir.

Að Ísland haldi stöðu sinni sem forystuþjóð í umhverfismálum, m.a. í bar-
áttunni gegn mengun hafsins. Fylgt verði eftir áformum um nýjan þjóð-
garð norðan Vatnajökuls og skipulag hálendisins tekið til endurskoðunar.
Unnið verði að því að auka ábyrgð einstaklinga og fyrirtækja í umhverf-
ismálum.

Að tryggja stöðu Íslands á alþjóðavettvangi. Ísland verði áfram virkur
þátttakandi í samstarfi við aðrar þjóðir á vettvangi Atlantshafs-
bandalagsins, Öryggis- og samvinnustofnunar Evrópu og Sameinuðu
þjóðanna. Varnarsamstarfið við Bandaríkin verði þungamiðja örygg-
isstefnu þjóðarinnar hér eftir sem hingað til, ekki síst í ljósi þeirrar ógnar
sem heimsbyggðinni stafar af hryðjuverkum. Samskiptin við Evrópu-
sambandið verði áfram treyst á grundvelli samningsins um Evrópska
efnahagssvæðið og annarra samninga sem Ísland á aðild að. Fylgst verði
grannt með samrunaferlinu í Evrópu og áhrifum þess á íslenska hags-
muni. Samstarfið innan Norðurlandaráðs er Íslendingum mikilvægt og
sem fyrr verður lögð rækt við samstarf norrænna vina- og bræðraþjóða.
Að standa áfram vörð um samkeppnisstöðu íslensks atvinnulífs á al-
þjóðavettvangi, t.d. með því að auka þjónustu við fyrirtæki og ein-
staklinga á erlendum mörkuðum. Áhersla verður lögð á eflingu íslensku
friðargæslunnar og starfsemi Þróunarsamvinnustofnunar. Ísland skipi
sér framarlega í flokki þeirra þjóða sem berjast fyrir mannréttindum.
Reykjavík, 23. maí 2003.
Stefnuyfirlýsing ríkisstjórnar Sjálfstæðisflokks og Framsóknarflokks
AUKIN VELMEGUN,
ENN BETRI LÍFSKJÖR
Hér fer á eftir stefnuyfirlýsing ríkisstjórnar Sjálfstæðisflokksins og
Framsóknarflokksins, sem samþykkt var í stofnunum flokkanna í gærkvöldi
trúi unga
r mikla
rið fram-
með mjög
fur unnið
málum og
toðarmað-
ytinu og í
ðuneytinu
með mikla
ög góður
herralista
ð atkvæði
em nytu
að gegna
kill meiri-
na.
Fram hefur komið að Sjálfstæð-
isflokkurinn fái umhverfisráðu-
neytið í september á næsta ári,
þegar Halldór Ásgrímsson tekur
við forsætisráðuneytinu. Hann
sagði að þegar hann tæki við for-
ystu í ríkisstjórninni yrði skipað
með nýjum hætti í ríkisstjórn og
þá yrði sambærileg atkvæða-
greiðsla um skipan ráðherra. Hins
vegar hefði engin ákvörðun verið
tekin í því efni og tíminn fram að
því yrði notaður vel. Ennfremur
hefðu engar ákvarðanir verið tekn-
ar um önnur embætti en stjórn
þingflokksins yrði kosin á mánu-
dag og síðan yrði skipað í nefndir
með hefðbundnum hætti.
Morgunblaðið/Jim Smart
di miðstjórnar Framsóknarflokksins í gær-
gný Jónsdóttir, sem er nýr þingmaður, Jón Krist-
rra og Jónas Hallgrímsson frá Seyðisfirði.
a hjá
önnum
ætti og önnur embætti var samþykkt sam-
hljóða.
Skv. heimildum Morgunblaðsins kom m.a.
fram í ræðu Davíðs á flokksráðsfundinum að
samkomulagið um forsætisráðherraskiptin
væri bundið við persónu Halldórs Ásgríms-
sonar, formanns Framsóknarflokksins.
Þá kom fram í ræðu Davíðs, skv. heimildum
Morgunblaðsins, að Össur Skarphéðinsson,
formaður Samfylkingarinnar, hefði u.þ.b. hálf-
tíma eftir að úrslit þingkosninganna lágu fyrir
á sunnudagsmorgun, haft samband við Hall-
dór Ásgrímsson og boðið honum forsætisráð-
herrastól í ríkisstjórn með Samfylkingunni.
Það símtal hefði ekki aukið möguleika Sam-
fylkingarinnar á samstarfi við aðra flokka.
samstarf við Framsóknarflokkinn
stjórnarforystu
nu Halldórs