Morgunblaðið - 23.05.2003, Síða 22

SUÐURNES
22 FÖSTUDAGUR 23. MAÍ 2003 MORGUNBLAÐIÐ
VEÐRIÐ hefur leikið við starfsfólk Nes-
prýðis undanfarna daga, en það vinnur
við almenna umhirðu í Reykjanesbæ. Grænu svæðin
eru að fá á sig nýja mynd, senn fer að glitta í sum-
arblóm og bærinn allur klæðist sumarskrúða. Þá
munu tæplega 400 unglingar úr Vinnu-
skóla Reykjanesbæjar fljótlega bætast í
hópinn í júní. Þessi stúlka hefur tekið til hendinni í
skrúðgarðinum í Njarðvík undanfarna daga og unir
glöð við sitt.
Morgunblaðið/Svanhildur Eiríksdóttir
Bærinn klæðist sumarskrúða
Njarðvík
LANDIÐ
SKIPULAGSSTOFNUN hefur
fallist á fyrirhugaða sorpbrennslu-,
mótttöku- og flokkunarstöð Sorp-
eyðingarstöðvar Suðurnesja í
Helguvík og urðun á Stafnesi. Telur
stofnunin að starfsemin muni ekki
hafa í för með sér umtalsverð um-
hverfisáhrif.
Sorpeyðingarstöð Suðurnesja er
að byggja sorpbrennslu-, mótttöku-
og flokkunarstöð í Helguvík og er
hún nefnd Kalka og er fyrirhugað
að urða öskuna úr brennslunni og
óvirkan úrgang frá sveitarfélögun-
um á Suðurnesjum og varnarliðinu
á Keflavíkurflugvelli á Stafnesi.
Gerð var skýrsla um mat á áhrifum
þessarar starfsemi á umhverfið og
hefur Skipulagsstofnun nú úrskurð-
að um hana.
Stofnunin telur að af fram-
kvæmdinni muni ekki stafa umtals-
verð loft- eða hávaðamengun,
hvorki frá útblæstri frá sorp-
brennslu, vegna fullkominnar
brennslu og hreinsunar útblásturs-
lofts, né vegna flutninga að eða frá
henni til urðunarstaðar. Hún telur
að framkvæmdirnar muni heldur
ekki hafa í för með sér veruleg áhrif
á gróður og fugla, jarðmyndanir og
landslag eða fornleifar, nema hvað
það er nefnt að útsýni frá Stafnes-
bæjum kunni að breytast eitthvað.
Skipulagsstofnun telu að fram-
kvæmdaraðila sé ljós nauðsyn þess
að fylgjast með breytingum sem
kunna að verða á efnainnihaldi
grunnvatns sem streyma mun frá
urðunarstaðnum til sjávar. Leggur
hún áherslu á nauðsyn þess að efna-
innihald flugösku frá brennslustöð-
inni sem fyrirhugað er að urða verði
greint og fylgst með því reglulega,
til þess að meta og ákveða hvort
farga þarf henni sem spilliefni eða
ekki. Telur stofnunin að gera verði
nauðsynlegar ráðstafanir þar sem
flugaska verður urðuð svo hægt sé
að safna sýnum úr sigvatni til efna-
greininga en niðurstöður þeirra
verði grunnur ákvarðana um hvort
frekari mótvægisaðgerða verði
þörf, svo sem með botnþéttingu.
Telur Skipulagsstofnun að verði
staðið að vöktun svæðisins með
þeim hætti sem ráðgert er og gripið
til viðeigandi mótvægisaðgerða ef
þörf krefur, muni framkvæmdin
ekki hafa veruleg áhrif á lífríki
fjöru og sjávar.
Unnt er að kæra úrskurðinn til
umhverfisráðherra. Kærufrestur er
til 25. júní.
Skipulagsstofnun fellst á brennslu í Kölku og urðun sorps
Starfsemin hefur ekki
umtalsverð áhrif
Helguvík/Stafnes
KYNNINGARRITIÐ Sumar í
Reykjanesbæ sem hefur að geyma
upplýsingar um það menningar-,
íþrótta- og tómstundastarf sem
verður í boði í sumar fyrir börn og
unglinga er komið út. Helsta nýj-
ungin í sumar er Listaskóli barna
þar sem lögð verður áhersla á skap-
andi starf og tjáningu.
Útgefandi kynningarritsins er
menningar-, íþrótta- og tóm-
stundasvið Reykjanesbæjar og er
þetta í þriðja sinn sem slíkt rit er
gefið út. Því hefur verið dreift á öll
heimili í bæjarfélaginu. Í samvinnu
við Alþjóðahúsið voru helstu upp-
lýsingar þýddar á víetnömsku, taí-
lensku, ensku og serbó-króatísku.
Er það í fyrsta skipti sem það er
gert.
Í ritinu eru upplýsingar um nám-
skeið og aðra íþrótta- og tóm-
stundamöguleika, jafnt á vegum
Reykjanesbæjar og frjásra fé-
lagasamtaka. Tómstundamögu-
leikum fyrir börn og unglinga hef-
ur fjölgað jafnt og þétt. Fram
kemur í inngangi Stef-
áns Bjarkasonar, fram-
kvæmdastjóra MÍT, að
ein ástæða þess er að
sífellt fleiri félög og
klúbbar hafa séð sér
hag í því að gera samn-
inga við Reykjanesbæ
um rekstur á nám-
skeiðum eða kynn-
ingum á hinum ýmsu
íþrótta-, tómstunda- og
listgreinum, auk nokk-
urra framkvæmda-
samninga.
Að þessu sinni er boðið upp á á
annan tug námskeiða af ýmsu tagi
fyrir börn og unglinga. Nefna má
reiðnámskeið, smíðavöll, íþrótta-
og leikjaskóla, vinnuskóla, sport-
köfun, siglinganámskeið, sund-
námskeið, skólagarða og listaskóla
barna.
Helsta nýjungin í tómstunda-
framboði í sumar er Listaskóli
barnanna. Ragnar Örn Pétursson,
forvarnar- og æskulýðsfulltrúi
Reykjanesbæjar, segir að Félag
myndlistarmanna í Reykjanesbæ
hafi verið með mynd-
listarnámskeið und-
anfarin sumur. Í ár
hafi bærinn gert sam-
komulag við félagið
um að víkka út nám-
skeiðið með því að
taka með fleiri list-
greinar og setja upp
Listaskóla barna.
Listaskólinn verður í
upphafi með tvö nám-
skeið, annað fyrir
börn 8 til10 ára og
hitt fyrir 11 til 13
ára. Þau fara fram í Svarta pakk-
húsinu, Frumleikhúsinu og víða um
bæinn. Fram kemur í upplýs-
ingabæklingnum að Listaskóli
barna er tilraun til að skapa börn-
um tækifæri til þátttöku í listrænu
og skapandi starfi. Áhersla verður
á myndræna tjáningu á fjölbreyttan
hátt, leikræna tjáningu og skoðun
safna og umhverfisins. Hverju nám-
skeiði lýkur með Listahátíð barna í
Frumleikhúsinu þar sem afrakstur
námskeiðsins verður kynntur for-
eldrum og öðru áhugafólki.
Tómstundaframboð fyrir börn og unglinga í sumar
Listaskóli fyrir börnin
Reykjanesbær
kölluðu Jórustökki sem nefnt er
eftir tröllkonu einni er stökk yfir
Ölfusá á fyrstu öldum Íslands-
byggðar. Sagan segir að Jóra sem
var stillt og prúð sveitastúlka af bæ
rétt utan við Selfoss hafi farið á
hestaat með föður sínum rétt við
ána. Þegar hesturinn þeirra fór
halloka fyrir öðrum hesti varð
henni svo mikið um að á hana rann
tröllkonuhamur, hún reif lærið
undan hestinum og stökk yfir ána í
fjórum stökkum með lærið á öxl-
inni. Eftir það mun hún hafa snúið
til fjalla og sest að í Jóruhelli í
Henglinum og lifað þar á ferða-
mönnum.
Það var Bryndís Eva Óskars-
dóttir sem bar sigur úr býtum og
stökk heilar 24 fornar álnir sem
mun samsvara um 12 metrum en
átta röskar stúlkur reyndu með sér.
Að vísu var ekki stokkið yfir ána í
þetta sinn en Drauga- og trölla-
skoðunarfélag Evrópu hafði um-
sjón með stökkinu. Um kvöldið var
hátíðardagskrá í Hólmarastarhús-
inu á Stokkseyri og leiksýningin
Sellófan sett á svið.
Fjölbreytt dagskrá
Um helgina verður margvísleg
dagskrá í boði, m.a. munu leið-
sögumenn miðla fróðleik sínum til
gesta Sjóminjasafnsins, Forn-
bílasafnsins, Rjómabúsins og Þur-
íðarbúðar.
Haldið verður golfmót, flugmód-
elasýning auk þess sem Brúðubíll-
inn sýnir á Selfossi og Stokkseyri.
Þá munu um 15 listamenn sveitar-
félagsins opna vinnustofur sínar
fyrir gesti og gangandi.
FJÖLMENNI mætti við setning-
arathöfn menningarhátíðarinnar
Vor í Árborg sem hófst í gær en
hún mun standa yfir fram á sunnu-
dag. Yfir tugur myndlistar- og ljós-
myndasýninga verður haldinn víðs
vegar í sveitarfélaginu á meðan há-
tíðin stendur yfir auk þess sem í
boði verða leiksýningar og hátt á
annan tug tónlistaviðburða, m.a.
djasstónleikar og unglingadans-
leikir.
Einar Njálsson, bæjarstjóri Ár-
borgar, setti hátíðina en að lokinni
setningu fylktu gestir liði í skrúð-
göngu. Þar fóru 100 skrautbúnir
krakkar í Vallaskóla fremst í flokki
með nokkurs konar gjörning þar
sem þau brugðu sér í gervi Ölfusár
og báru með sér fiska og fugla sem
þau höfðu útbúið. Einnig var í
göngunni hópur leikskólabarna
sem báru með sér flöskur sem var
síðan fleytt á ánni þegar þangað
var komið.
„Leikskólakrakkarnir hafa farið
í vettvangsferðir að ánni og síðan
teiknað myndir sem tengdust
henni. Síðan var þeim safnað sam-
an og búin til 14 flöskuskeyti með
beiðni um að finnandi kæmi þeim til
næsta leikskóla hvar í heiminum
sem hann kann að vera og hefði síð-
an samband við okkur,“ segir Alda
Sigurðardóttir myndlistarkona sem
ásamt öðrum skipulagði gönguna.
Nútíma „Jórur“
reyndu með sér
Ungar konur bæjarins reyndu
síðan stökkhæfni sína við ána í svo-
Setningarathöfn menningar-
hátíðarinnar Vor í Árborg
Morgunblaðið/Kristinn
Helga Skúladóttir, nemandi í 4. bekk í Vallaskóla í Sandvík, var ánægð með
skrúðgönguna en hún var ein fjölmargra nemenda sem mynduðu Ölfusá.
Morgunblaðið/Kristinn
Ein af „Jórunum“ fer hér tröllkonustökkið við Ölfusá en stúlkurnar sem
kepptu voru allar pilsklæddar að fornkvennasið og sýndu mikil tilþrif.
Brugðu sér í gervi
Ölfusár og fóru
tröllkonustökk
Árborg