Morgunblaðið - 23.05.2003, Blaðsíða 37

ALDARMINNING
MORGUNBLAÐIÐ FÖSTUDAGUR 23. MAÍ 2003 37
Árið 1922 fluttist
Ólína til Sauðárkróks
og réðst til starfa á heimili Snæbjarn-
ar Sigurgeirssonar, bakarameistara.
Þau gengu í hjónaband í apríl 1924 og
varð sex barna auðið; Ólöf lést árið
1947 aðeins 23 ára að aldri, Guðrún
fyrrum skrifstofumaður í Reykjavík,
Geirlaug lést í frumbernsku, Sigur-
geir áður heildsali og kaupmaður í
Reykjavík, Eva fyrrverandi skóla-
stjóri Tónlistarskólans á Sauðárkróki
og Snæbjörg söngkennari í Reykja-
vík.
Snæbjörn féll frá árið 1932 aðeins
46 ára gamall. Þá bar Ólína sitt
yngsta barn undir belti auk þess að
vera með fjögur börn á framfæri.
Staða ungrar ekkju var erfið enda
efnahagurinn þröngur eins og flestra
annarra á þessum tíma. En það lýsir
Snæbirni vel og samheldni þeirra
hjóna að þegar Snæbjörn kenndi sér
meins bað hann vin og gamlan nem-
anda sinn í bakaraiðn að koma heim
frá námi í Kaupmannahöfn. Guðjón
Sigurðsson varð við kallinu en
nokkru síðar féll Snæbjörn frá.
Guðjón varð síðari maður Ólínu og
gekk börnum hennar í föðurstað.
Börn Ólínu og Guðjóns voru þrjú;
Elma Björk nuddari og snyrtifræð-
ingur en hún lést árið 1984, Birna
húsmóðir á Sauðárkróki og Gunnar
bakarameistari nú búsettur í Reykja-
vík.
Ólína lét félagsmál mjög til sín
taka. Ekki síst fékk Kvenfélag Sauð-
árkróks að njóta krafta hennar. Þá
var Ólína ein af stofnendum Sjálf-
stæðiskvennafélags á Sauðárkróki og
um árabil formaður félagsins. Auk
þess lagði hún ýmsum öðrum sam-
tökum lið, s.s. Leikfélagi Sauðár-
króks. Ólína var mikill unnandi tón-
listar og þá ekki síst sönglistar en
sjálf hafði hún góða söngrödd. Tónlist
var því samofin viðamiklu heimilis-
haldi í Bakaríinu. Og mitt í öllum fé-
lagsmálunum og umsvifamiklu heim-
ilishaldi rak Ólína um áratuga skeið
greiðasölu og síðar veitingasölu í
samkomuhúsinu Bifröst. Varla var
haldin veisla á Sauðárkróki án þess
að Ólína sæi um hana.
Þegar Ólína var 75 ára skrifaði
séra Gunnar Gíslason: „Ólína Björns-
dóttir er einörð kona. Feimnislaust
segir hún hug sinn um allt, sem henni
sýnist til ófremdar horfa og við vinir
hennar misskiljum ekki hreinskilni
hennar og hreinskipti. Hún er vinur
sem til vamms segir og gerir það af
góðum hug velvildar.“ Ólína var alla
tíð gallharður sjálfstæðismaður og
hefur örugglega haft mikil áhrif á
pólitískar skoðanir Guðjóns en hann
sat í hreppsnefnd og síðar bæjar-
stjórn í áratugi. Enga stjórnmála-
menn mat hún meira en Bjarna
Benediktsson, Jóhann Hafstein og
Geir Hallgrímsson, enda skiptu ein-
urð og hreinskiptni Ólínu meira máli
en flest annað í fari manna. Undir-
ferli, sjálfshól og sjálfbirgingur var
henni ekki að skapi.
ÓLÍNA INGIBJÖRG
BJÖRNSDÓTTIR
✝ Ólína IngibjörgBjörnsdóttir –
Ólína í Bakaríinu,
Ólína amma – fædd-
ist á Skefilsstöðum á
Skaga 23. maí 1903.
Foreldrar hennar
voru Björn Ólafsson
bóndi og kona hans
Guðrún Björnsdótt-
ir. Ólína var næst-
yngst fjögurra systk-
ina. Hún lést 13.
október 1980.
Ég naut þeirrar gæfu
að kynnast móður-
ömmu minni – átti hana
að í tuttugu ár, stund-
um einn en yfirleitt með
öðrum enda virtist mér
allir leita til ömmu um
smátt og stórt.
Öllum, skyldmennum
og vandalausum, þótti
sjálfsagt og eðlilegt að
hægt væri að mæta
hvenær sem var og án
fyrirvara í mat í Bakar-
íið til Ólínu. Og það var
alltaf til nægur matur,
skipti engu hvort tveir
væru við borð með fimmtán. Það var
ekki fyrr en löngu síðar að ég hug-
leiddi hvernig hægt væri að halda
slíkt heimili. Ólína unni sér oftast
best þegar mikið var að gera – at-
gangur átti vel við skapgerðina þó oft
yrði Ólína þreytt eftir langar tarnir.
„Ég heyri hvað þú segir,“ var hún vön
að svara barnabörnunum þegar
þreytan sagði til sín og yfirgangurinn
keyrði úr hófi fram. Aldrei var hins
vegar kvartað í heyranda hljóði um
þreytu eða lasleika. Lífið var ekki
alltaf dans á rósum hjá Ólínu. Hún
þurfti að takast á við lífið, jafnt and-
lega sem líkamlega. Henni var ekkert
rétt upp í hendurnar og hún ætlaðist
heldur ekki til þess frekar en aðrir af
hennar kynslóð sem ruddu brautina
fyrir fátæka þjóð sem braust frá fá-
tækt til bjargálna og velmegunar.
Okkur sem lifum í einu mesta vel-
megunarríki heims er hollt að minn-
ast þeirra sem með dugnaði og elju
lögðu hornsteininn að traustu þjóð-
félagi velferðar. Ekki vegna þess að
nokkurt þeirra hafi ætlast til þess
heldur fyrst og fremst vegna þess að
þannig fáum við betur metið það sem
hefur áunnist.
Óli Björn Kárason.
Innilegar þakkir fyrir auðsýnda samúð og hlý-
hug við andlát og útför ástkærrar móður okkar,
tengdamóður, ömmu, langömmu og langa-
langömmu,
JÓNU KARITASAR EGGERTSDÓTTUR.
Sérstakar þakkir til starfsfólks Hrafnistu.
Ívar Guðmundsson, Rafn Guðmundsson,
Svanberg Guðmundsson, Eygló Benediktsdóttir,
barnabörn, barnabarnabörn
og barnabarnabarnabörn.
Innilegar þakkir til allra þeirra, sem sýndu
okkur samúð og hlýhug við andlát og útför
ENGILBERTS GUÐMUNDSSONAR,
Stóragerði 6,
Reykjavík.
Inger Sanne Guðmundsson
og fjölskylda.
Innilegar þakkir til allra þeirra sem sýndu okkur
samúð og hlýhug við andlát og útför
MARGRÉTAR ÞORKELSDÓTTUR,
Skjöldólfsstöðum.
Fyrir hönd aðstandenda,
börn hennar.
Ástkær móðir mín, tengdamóðir, amma og
langamma,
JÓHANNA KATRÍN PÁLSDÓTTIR
ljósmóðir,
Hólabraut 3,
verður jarðsungin frá Hafnarfjarðarkirkju
þriðjudaginn 27. maí kl. 15.00.
Jón Hartmann, Erla Karelsdóttir,
barnabörn og barnabarnabarn.
Ástkær móðir okkar, tengdamóðir, amma
og langamma,
RÓSHILDUR SVEINSDÓTTIR,
Dalbraut 27,
verður jarðsungin frá Fossvogskirkju mánu-
daginn 26. maí kl. 13.30.
Brynja Benediktsdóttir,
Jóhanna Benediktsdóttir,
Ingunn Benediktsdóttir,
Auður Jónsdóttir,
Erlingur Gíslason,
Högni Óskarsson,
barnabörn og barnabarnabörn.
Elskuleg eiginkona mín, móðir, tengdamóðir
og amma,
SIGRÍÐUR INGVARSDÓTTIR,
Brekkulæk 1,
Reykjavík,
verður jarðsungin frá Seljakirkju í Reykjavík
mánudaginn 26. maí kl. 13.30.
Þeim, sem vilja minnast hennar, er bent á
Krabbameinsfélagið.
Jón P. Ragnarsson,
Gísli Björgvinsson, Erna Martinsdóttir,
Jón Pétur Gíslason,
Ólöf Erna Gísladóttir.
Hjartkær eiginmaður minn, faðir okkar,
tengdafaðir, afi og langafi,
HANNES KRISTJÁNSSON
frá Hólabrekku, Mýrum,
Hornafirði,
til heimilis á Silfurbraut 21,
Höfn,
sem andaðist miðvikudaginn 14. maí, verður
jarðsunginn frá Hafnarkirkju laugardaginn 24. maí kl. 14.00.
Lilja Aradóttir,
Steinunn Hannesdóttir,
Sigurður Örn Hannesson, Guðbjörg Sigurðardóttir,
Sigmar Þór Hannesson, Ingibjörg Ólöf Sigurðardóttir,
Rannver Hólmsteinn Hannesson, Sólveig Hafsteinsdóttir,
Ari Guðni Hannesson, Anna Egilsdóttir,
barnabörn og barnabarnabörn.
Ástkær móðir okkar, tengdamóðir, amma
og langamma,
GUÐRÚN HELGADÓTTIR,
Árskógum 2,
áður Goðheimum 21,
Reykjavík,
andaðist á hjúkrunarheimilinu Skógarbæ mið-
vikudaginn 21. maí.
Jarðarförin auglýst síðar.
Gunnar Alexandersson, Katrín Óskarsdóttir,
Hafdís Alexandersdóttir, Gísli J. Friðjónsson,
Guðrún Sandra Gunnarsdóttir, Kristinn Albertsson,
Sigursteinn Gunnarsson, Ellen Ásdís Erlingsdóttir,
Guðrún Gísladóttir, Þórður Ágústsson,
Lovísa Ósk Gunnarsdóttir, Kolbrún Edda Gísladóttir
og langömmubörn.
Móðir okkar, tengdamóðir og amma,
GUÐRÚN EIRÍKSDÓTTIR,
Háaleitisbraut 22,
Reykjavík,
lést á Landspítalanum við Hringbraut miðviku-
daginn 21. maí.
Andrés Hafliðason,
Anna Hafliðadóttir, Sigfús Hreiðarsson,
Hafliði Sigfússon,
Hildur Sigfúsdóttir,
Edda Sigfúsdóttir.
Elskuleg eiginkona mín, móðir okkar, tengda-
móðir og amma,
GUÐRÚN KRISTJÁNSDÓTTIR,
Laugarásvegi 64,
Reykjavík,
lést á Landspítala við Hringbraut miðviku-
daginn 21. maí.
Hannes Guðmundsson,
Ragnhildur Hannesdóttir, Gylfi Gunnlaugsson,
Gerður Hannesdóttir, Gunnar O. Skaptason,
Edda Hannesdóttir, Einar S. Sigurjónsson,
Guðrún Hannesdóttir, Guðmundur Þ. Þórhallsson
og barnabörn.
Afmælis- og minningargreinum má skila í
tölvupósti eða á disklingi (netfangið er
minning@mbl.is, svar er sent sjálfkrafa um
leið og grein hefur borist). Ef greinin er á
disklingi þarf útprentun að fylgja. Nauð-
synlegt er að símanúmer höfundar og/eða
sendanda (vinnusími og heimasími) fylgi
með. Þar sem pláss er takmarkað getur
þurft að fresta birtingu greina, enda þótt
þær berist innan hins tiltekna frests. Nán-
ari upplýsingar eru á mbl.is. Um hvern lát-
inn einstakling birtist formáli og ein aðal-
grein af hæfilegri lengd á útfarardegi, en
aðrar greinar skulu ekki vera lengri en 300
orð, u.þ.b. 1.500 slög (með bilum) eða um 50
línur í blaðinu (17 dálksentimetrar). Tilvitn-
anir í sálma eða ljóð takmarkast við eitt til
þrjú erindi.