Morgunblaðið - 02.08.2003, Blaðsíða 9

FRÉTTIR
MORGUNBLAÐIÐ LAUGARDAGUR 2. ÁGÚST 2003 9
Lokað í dag
Góða helgi
Eddufelli 2 Bæjarlind 6
s. 557 1730 s. 554 7030
Opið virka daga frá kl. 10.00–18.00, laugardaga frá kl. 10.00–16.00.
Lokað í dag
Góða helgi
Engjateigi 5, sími 581 2141.
Neðst við Dunhaga, sími 562 2230
Lokað í dag
Gleðilega fríhelgi
LAGNING nýs vegarkafla um
Klettsháls á Vestfjarðavegi, gengur
mun hraðar en verkáætlun segir til
um. Nú þegar er búið að leggja
bundið slitlag á 7,5 km og undirbúa
lagningu slitlags á 16 km kafla til
viðbótar. Áætlað var að ljúka lagn-
ingu slitlags á 8 km í sumar.
Kristinn Lyngmo, eftirlitsmaður
framkvæmdasviðs Vegagerðar-
innar á Vestfjörðum, segir engin
óvænt vandamál hafa komið upp og
verkið gangi mjög vel. Hann segir
nýja vegarkaflann um Klettsháls
vera 19,2 km en tvö verk hafi bæst
við í kjölfar þess að ríkisstjórnin
ákvað að flýta vegaframkvæmdum í
febrúar sl. Þá hafi verið ákveðið að
leggja slitlag á 3,3 km í Kollafirði og
5,6 km í Vattarfirði. Þessir vega-
kaflar tengjast sitt hvorum megin
við veginn yfir Klettsháls. Á leiðinni
verður ný brú byggð yfir Múlaá í
Kollafirði.
Áætluð verklok eru í september
og október á næsta ári og verður þá
hægt að keyra 28 km á nýjum vegar-
kafla frá Eyri í Kollafirði, yfir
Klettsháls, um Skálmarfjörð og í
Vattarfjörð.
Kristinn segir veginn oft á tíðum
grófan en ávallt sé reynt að hafa þá
kafla stutta. Verkinu er skipt niður í
svæði en í sumar var óvenjulega
langur vegakafli slæmur þar sem
uppbygging vegarins var ekki skipt
eins mikið niður og reiknað var
með. Þar að auki ollu þurrkar því að
fínni möl hreinlega fauk af veginum.
Það er Fylling ehf. á Hólmavík
sem er verktaki Vegagerðarinnar
við lagningu vegarins. Kostnaður-
inn við fyllinguna nemur tæpum 400
milljónum króna.
Nýr vegur um Klettsháls
Fjöldi vörubíla keyrir fyllingu í veginn í botni Kollafjarðar.
MAÐUR á fimmtugsaldri var
stöðvaður skammt frá Kringlunni
rétt fyrir klukkan eitt í fyrrinótt
eftir skrautlega ökuferð um bæinn.
Ævintýrið hófst með því að hann
ók á grindverk á Laugavegi og
skildi þar eftir stuðarann, en endaði
ökuferðina er hann ók á ljósastaur
við aðrein að Kringlunni frá Miklu-
braut.
Maðurinn var á leið í austurátt á
Laugavegi en á móts við bílaum-
boðið Heklu varð grindverk í vegi
hans svo stuðarinn varð eftir á göt-
unni. Hann hélt þó ótrauður áfram,
en á röngum vegarhelmingi.
Maðurinn ók því næst í átt að
Miklubraut. Lögregla hafði þá
fengið fregnir af ferðalaginu og var
skammt undan. Ferðalag mannsins
endaði sem fyrr segir er hann ók á
ljósastaur á Miklubraut. Maðurinn
er grunaður um ölvun við akstur.
Ók á
ljósastaur
ENN er verið að draga stórlaxa á
þurrt úr íslenskum ám þessa dag-
ana. Tveir Fransmenn sem voru í
sex daga í Svalbarðsá og luku veið-
um í vikulokin voru með 40 laxa, þar
af þrjá sem voru að sögn Jörundar
Markússonar yfir 18 pund.
Sá stærsti þeirra var mældur ná-
kvæmlega 103 sentimetrar og þeir
frönsku slógu á hann 22 pundum, en
hann hefði getað verið þyngri því
þeir sögðu hann hafa verið gífurlega
sveran. Hinir tveir stórlaxarnir voru
fast að meterslangir og örugglega
yfir 18 pundum og kannski 20 pund.
Flestir þessara fjörutíu laxa þeirra
félaga voru stórir tveggja ára fiskar,
12 til 16 pund, en í lok vikunnar hjá
þeim fengu þeir nokkra nýja smá-
laxa. Þarna voru komnir 122 laxar á
land úr ánni sem er frábært, því það
sem talinn hefur verið besti veiðitím-
inn er núna rétt að fara í hönd,“
bætti Jörundur við.
Reytingur í Breiðdalnum
Að sögn Þrastar Elliðasonar hefur
verið reytingsveiði í Breiðdalsá og
aðeins farið að bóla á smálaxa-
göngum sem beðið hefur verið eftir.
Um 60 laxar hafa veiðst í sumar,
flestir stórir og allt að 18 og 19
punda þeir stærstu. Besti tíminn í
ánni er nú að renna upp. Sjóbleikju-
veiði hefur á heildina litið verið afar
góð og mjög vænir fiskar í bland í
aflanum. Bleikjan veiddist framan af
nær eingöngu á gamla silungasvæð-
inu, en er nú farin að ganga fram
ána og veiðast víða ofar. Nýi vaka-
teljarinn í Efri-Beljanda hefur talið
hátt í þrjátíu laxa og fyrstu laxarnir
ofan teljara hafa þegar veiðst. Þröst-
ur bætti við að Laxá í Nesjum, ná-
lægt Höfn í Hornafirði, væri að
glæðast, þar hefðu átta laxar verið
komnir á land í vikulokin og vatns-
hæð orðin góð eftir miður góð skil-
yrði oft og tíðum framan af sumri.
ERU
ÞEIR AÐ
FÁ’ANN?
Martin Wickens og kona hans Gis-
ela Burg veiddu sína fyrstu laxa í
Miðfjarðará fyrir nokkrum dögum.
22 punda úr
Svalbarðsá
UM 42% þjóðarinnar eru hlynnt aðild
Íslands að Evrópusambandinu (ESB)
ef marka má nýja könnun Þjóðarpúls
Gallups. Hefur stuðningurinn við
ESB-aðild aukist nokkuð frá því Gall-
up spurði um þetta í febrúar en þá
sögðust 36% vera hlynnt aðild.
Skv. nýju könnun Gallups eru 40%
á móti aðild Íslands að ESB en í febr-
úar voru 48% andvíg aðild. Þá eru
tæplega 19% hvorki hlynnt né andvíg
ESB-aðild, skv. nýju könnuninni, en í
febrúar var þessi tala um 16%.
Könnun Gallups var símakönnun
dagana 9. til 22. júlí sl. Úrtakið var
1.135 manns á aldrinum 18 til 75 ára.
Það var valið með tilviljun úr þjóðskrá
og var svarhlutfallið 66%.
Skólaganga hefur áhrif
á viðhorf til aðildar
Skv. könnuninni eru karlar andvíg-
ari ESB-aðild en konur, þar sem 44%
karla eru andvíg aðild á móti 35%
kvenna. Þá er yngra fólk hlynntara
aðild en þeir sem eldri eru. Um 45%
fólks á aldrinum 18 til 44 ára eru
hlynnt aðild á móti 37% fólks á aldr-
inum 45 til 75 ára.
Einnig kemur fram að því lengri
skólagöngu sem fólk hefur því hlynnt-
ara er það aðild að ESB. Þannig eru
48% þeirra sem hafa lokið háskóla-
prófi hlynnt aðild en 40% þeirra sem
hafa ekki farið í skóla að loknum
grunnskóla.
Íbúar höfuðborgarsvæðisins eru
einnig hlynntari aðild en þeir sem búa
á landsbyggðinni; um 45% þeirra sem
búa á höfuðborgarsvæðinu eru hlynnt
aðild á móti 37% þeirra sem búa í
dreifbýli.
Mest fylgi meðal
samfylkingarmanna
Skv. könnuninni er stuðningsfólk
Samfylkingarinnar hlynntara aðild að
ESB en fylgismenn annarra stjórn-
málaflokka. Þannig eru 63% stuðn-
ingsmanna Samfylkingarinnar hlynnt
aðild að ESB á sama tíma og 33 til
36% fylgismanna annarra flokka eru
hlynnt aðild.
Í könnuninni var einnig spurt um
helstu kosti og galla aðildar að ESB.
Ríflega 57% svarenda nefndu galla
við aðild og 55% nefndu kosti. Þeir
sem nefndu kosti nefndu oftar fleiri
en einn kost en þeir sem nefndu galla
nefndu oftast eitt mál.
Helstu gallar aðildar voru taldir
tengjast stefnu sambandsins í sjávar-
útvegsmálum; nærri helmingur
þeirra sem nefndi einhvern galla
nefndu fiskimiðin, kvótann og sjávar-
útveginn. Um fjórðungur taldi að Ís-
land myndi missa sjálfstæði eða sjálf-
ræði og 11% töldu að þjóðin væri of
smá til að hafa einhver áhrif innan
ESB. Helstu kostir við aðild að ESB
voru taldir tengjast betra aðgengi að
mörkuðum og lækkun tolla; um 30%
þeirra sem nefndu einhverja kosti
nefndu verslun og viðskipti. Um 19%
töldu hag í að vera hluti af alþjóðlegri
heild eða að vera hluti af Evrópu og
um 16% nefndu evruna eða að hafa
einn gjaldmiðil.
Viðhorfskönnun Þjóðarpúls Gallups
42% eru hlynnt
aðild að ESB
STJÓRN Heimdallar, félags ungra
sjálfstæðismanna í Reykjavík, hvet-
ur þingmenn Sjálfstæðisflokksins til
að standa að nauðsynlegum laga-
breytingum á næsta þingi til að
tryggja að fjárhagsupplýsingar
borgaranna verði framvegis ekki
gerðar opinberar í álagningar- og
skattskrám. Var þingmönnum sent
bréf þar sem þetta var ítrekað.
„Í gær [fimmtudag] upplýstu
skattstjórar hversu há opinber gjöld
hver og einn Íslendingur greiddi á
síðasta ári með því að leggja fram
álagningarskrá. Jafnframt útbjó
starfsfólk embætta skattstjóra lista,
þar sem hæstu greiðendur opinberra
gjalda í hverju skattumdæmi var
raðað upp, og sendu til fjölmiðla.
Stjórn Heimdallar bendir á að
samkvæmt skattalögum skuli skatt-
stjórar semja og leggja fram til sýnis
álagningarskrá fyrir hvert sveitarfé-
lag í umdæminu þar sem skattar
hvers gjaldanda eru tilgreindir og
hafa verið lagðir samkvæmt lögum.
Bent er á að í stjórnmálaályktun
síðasta aðalfundar Heimdallar er
áréttað að fjármál borgaranna eru
einkamál þeirra og mikilvægt að Al-
þingi komi í veg fyrir með lagabreyt-
ingu að einstaklingar komist í álagn-
ingarskrár annarra. Þá var
jafnframt ályktað um málið á síðasta
landsfundi Sjálfstæðisflokksins:
„Landsfundur vekur athygli á því að
þrátt fyrir nauðsyn á öflun, skrán-
ingu og vörslu upplýsinga verði að
virða friðhelgi einkalífs. Landsfund-
ur leggur því til að opinber birting
álagningar- og skattskráa verði lögð
af,“ segir í frétt frá Heimdalli.
Heimdallur skorar á þingmenn
Vilja hætta birtingu
álagningarskráa
DYNKUR í Þjórsá er sjónarspil og þó ekki sýnist mikið vatn í honum á
þessari mynd sem tekin var á sunnudaginn þá er það þó um 400 m3/sek.
Fossinn fellur í stöllum samtals um 36 metra og leynir rennslinu sem að
stórum hluta hefur grafið sér rennu með vesturlandinu. Þetta eru ekki
ósvipuð örlög og Dettifoss hefur búið sér.
Morgunblaðið/BFH
Dynkur í Þjórsá
RÍKISSTJÓRNIN samþykkti á
fundi sínum í gær að styrkja starf-
semi Alþjóðakennslanefndarinnar
í Bosníu um 1,5 milljónir króna en
Eva Klonowski réttarmeinafræð-
ingur starfar með nefndinni. Ríkis-
stjórnin hefur styrkt starf nefnd-
arinnar með fjárframlögum
undanfarin fjögur ár og er upp-
hæðin nú svipuð í Bandaríkjadöl-
um og verið hefur.
Samkvæmt upplýsingum frá
forsætisráðuneytinu er framlag
ríkisstjórnar Íslands til komið
vegna þeirrar aðstoðar sem ríkis-
stjórnin á sínum tíma hét til upp-
byggingar og starfa á þessu land-
svæði eftir borgarastyrjöldina, en
starf Alþjóðakennslanefndarinnar
í Bosníu snýst um að bera kennsl á
jarðneskar leifar sem fundist hafa í
fjöldagröfum eftir styrjöldina þar.
Styrkja starf Alþjóða-
kennslanefndarinnar
♦ ♦ ♦