Morgunblaðið - 09.08.2003, Side 1

STOFNAÐ 1913 212. TBL. 91. ÁRG. LAUGARDAGUR 9. ÁGÚST 2003 PRENTSMIÐJA ÁRVAKURS HF. mbl.is
Endurreisn
gamalla gilda
Hrund Skarphéðinsdóttir vill sjá nýja
borgarstefnu í skipulagsmálum 16
Íris Sigurjónsdóttir sýnir í Lista-
mannahorni Árbæjarsafns Listir 24
Alvöru sveita-
söngvari
Gísla Jóhannssyni vegnar vel á
Kaliforníuströndum Fólk 48
FRAMLAG í afskriftareikning Landsbanka Ís-
lands ríflega tvöfaldast milli ára, fer úr 1.206
milljónum króna í 2.430 milljónir króna á fyrstu
sex mánuðum þessa árs, samkvæmt milliupp-
gjöri sem kynnt var í gær.
Þetta gæti haft áhrif til lækkunar á endanlegu
söluverði bankans til Samsons eignarhaldsfélags
ehf. en samkvæmt ákvæði í samningi félagsins
við framkvæmdanefnd um einkavæðingu getur
endanlegt söluverð lækkað um allt að 700 millj-
ónir króna „vegna tiltekinna mála á síðari hluta
ársins“, eins og Ólafur Davíðsson, formaður
framkvæmdanefndar, segir að ákvæðið gangi út
á. Samson keypti tæplega 46% hlut í Lands-
bankanum í október 2002 fyrir 12,3 milljarða
króna. Lokagreiðsla á að fara fram fyrir lok
þessa árs.
Ólafur Davíðsson segir að nú muni fram-
kvæmdanefnd um einkavæðingu fara yfir stöð-
una í ljósi þessa uppgjörs frá bankanum. Fyrr-
nefnt ákvæði um endanlegt söluverð verði
skoðað sérstaklega. Aðspurður hvort þetta mikl-
ar afskriftir muni ekki reyna verulega á hámark
frádráttar frá kaupverði segist Ólafur ekki geta
svarað því að svo stöddu. Þó sé um ákveðna vís-
bendingu að ræða.
Gagnrýnið mat á eignasafnið
Þegar bankastjórar Landsbankans, Halldór J.
Kristjánsson og Sigurjón Þ. Árnason, eru spurð-
ir um þessa aukningu framlags í afskrifta-
reikninginn segir Sigurjón að búið sé að fara yfir
eignasafnið, sem sé að stórum hluta útlán, og
leggja gagnrýnt mat á það. Í framhaldi af því
hafi verið talið rétt að leggja þetta til hliðar.
Þegar þeir eru spurðir að því hvort eignasafn-
ið hafi verið rangt metið áður segir Sigurjón að
allt sem varði framlag í afskriftareikning sé
matsatriði og eðlilegt sé þegar nýir stjórnendur
koma að bankanum að þá séu mál skoðuð út frá
nýjum sjónarhornum.
„Framlag í afskriftareikning er matskennt, en
sum mál hafa líka þróast til verri vegar þó ekki
sé hægt að tilgreina neitt eitt í því efni á þessu
stigi. En fyrst og fremst er skýringin sú sem
Sigurjón nefnir að hér hefur farið fram mjög ná-
kvæmt og traust mat og þetta er niðurstaðan,“
segir Halldór, og báðir leggja þeir áherslu á að
þetta sé sérstakt viðbótarframlag á síðasta árs-
fjórðungi sem ekki muni endurtaka sig.
Spurðir að því hvort þetta tengist kaupsamn-
ingi nýrra eigenda að Landsbankanum við rík-
isvaldið, um að kaupverðið geti tekið breyting-
um ef afskriftir aukist, segir Halldór að það sé
sérmál, en áður hefur komið fram að líklegt sé
að á þau ákvæði samningsins muni reyna.
Enginn þrýstingur frá nýjum eigendum
Sigurjón tekur fram að starfsmenn bankans
blandist ekki inn í samning á milli nýrra eigenda
að bankanum og ríkisvaldsins. Þessi niðurstaða
nú gefi hins vegar ákveðið til kynna varðandi
framhaldið.
Spurðir að því hvort þrýstingur hafi komið frá
nýju eigendunum vegna þessa segir Sigurjón að
svo hafi ekki verið.
Afskriftir Landsbankans ríflega tvöfölduðust og nema 2,4 milljörðum króna
Söluverð bankans gæti lækk-
að um allt að 700 millj. króna
BJÖRGÓLFUR
Thor Björgólfs-
son, einn eigenda
Samsons, segir
við Morgun-
blaðið að nið-
urstaða afskrift-
anna sé í
samræmi við þær
athugasemdir og
þá fyrirvara sem félagið hafi gert
við verðmat á ákveðnum eignum
þegar bankinn var keyptur. „Fyr-
irvararnir hafa greinilega átt við
rök að styðjast,“ segir Björgólfur
Thor, en vill engu til svara um
hvaða áhrif þetta hefur á endanlegt
kaupverð. Aðspurður hvort nýir
eigendur hafi haft einhver áhrif
eða beitt þrýstingi við mat á af-
skriftum neitar Björgólfur Thor því
alfarið. Þar hafi gilt hefðbundnar
viðskiptareglur sem Samson hafi
ekki haft nein áhrif á. Mikil vinna
hafi farið fram við endurmat á öll-
um rekstrarþáttum, tiltekt sem
muni koma sér vel fyrir bankann í
framtíðinni.
Í samræmi
við okkar
fyrirvara
BANDARÍSKIR vísindamenn telja sig hafa
leyst eina af elstu gátum sálfræðinnar – hvað
ræður uppbyggingu tónlistar. Greint er frá
þessu á fréttavef breska ríkisútvarpsins, BBC.
Í ritgerð er birtist í tímaritinu Journal of
Neuroscience segja vísindamennirnir að upp-
bygging tónlistar – hljómar og tónstigar –
tengist mynstri sem finna megi í mannsrödd-
inni.
Hljómar eru hið hefðbundna byggingarefni í
tónlist, allt frá Haydn til Hendrix, en hljómum
og laglínum má skipta niður í minni einingar
og verður þá til 12 tóna stigi, svokallaður hálf-
tónastigi. Þetta er ekki einungis vestrænt fyr-
irbæri. Í mörgum tónlistarhefðum er notast við
12 tóna stiga – sumir sérfræðingar myndu
segja að það væri gert í langflestum tilvikum.
En hvers vegna skiptist tónlist upp í 12 tóna?
var spurningin sem vísindamennirnir veltu fyr-
ir sér. Af hverju ekki 14 eða 20 eða þrjá?
Að sögn aðalhöfundar ritgerðarinnar, dr.
David Schwartz við Duke-háskóla í Norður-
Karólínu, er ástæðan sú, að hljómur manns-
raddarinnar mótar þessa skiptingu tónlistar-
innar. Í mannsröddinni eru tilteknar samsetn-
ingar á tíðni, eða tónhæð, og það eru þessar
sömu samsetningar sem leitað er eftir í tónlist.
Gátan um tón-
listina sögð leyst
FJÓRIR Palestínumenn og ísraelskur hermaður
féllu í gær er Ísraelar réðust á landi og úr lofti á
hús í Askar-flóttamannabúðunum í Nablus á
Vesturbakkanum. Hóta Hamas-samtökin að
hefna árásarinnar og ljóst er, að til beggja vona
getur brugðið með vopnahléið. Á sama tíma gerðu
ísraelskar orrustuþotur flugskeytaárásir á skot-
mörk í Suður-Líbanon.
Talsmaður Hamas sagði, að tveir liðsmanna
samtakanna hefðu fallið í árás Ísraela, en þeir
jöfnuðu við jörðu hús, sem þeir sögðu hafa verið
notað til sprengjugerðar. Hamas og samtökin
Heilagt stríð samþykktu að lýsa yfir vopnahléi um
mánaðamótin júní-júlí en settu um leið það skil-
yrði, að Ísraelar hættu að „myrða“ félaga í sam-
tökunum. Talsmaður Hamas sagði í gær, að sam-
tökin styddu vopnahléið en myndu ekki láta
vopnahlésbrotum Ísraela ósvarað. Palestínskir
embættismenn létu einnig í ljós áhyggjur af því,
að árásin á Nablus gerði vopnahléið að engu.
Ziad Abu Amr, menningarráðherra í palest-
ínsku stjórninni, sagði, að á fundum í síðustu viku
hefðu fulltrúar hinna ýmsu samtaka, m.a. Hamas,
verið jákvæðir gagnvart vopnahléinu „en nú veit
ég, að Ísraelar ætla að koma í veg fyrir, að það
geti gengið“, sagði hann.
Ofbeldisverkum hefur fækkað mikið á síðustu
vikum en Ísraelar halda því fram, að vopnahléið sé
einhliða og þeir ekki bundnir af því.
Skæruliðar Hezbollah í S-Líbanon skutu í gær
á stöðvar Ísraela á hinu umdeilda Shebaa-svæði
og svöruðu Ísraelar fyrir sig með loftárásum.
Vopnahléið úti?
Reuters
Palestínumenn með lík Hamas-liða sem Ísraelar felldu í gær í Askar-flóttamannabúðunum í Nablus.
Eftir átökin brutu Ísraelar niður hús sem þeir sögðu að hefði verið notað til sprengjuframleiðslu.
Mannfall í árás Ísraela á flóttamannabúðir
Nablus. AFP.
GENGIÐ verður hart fram við að
vísa ólöglegum innflytjendum burt
úr ríkjum Evrópusambandsins,
ESB, ef tillögur sem Ítalir hyggjast
leggja fram ná samþykki. Verða
innflytjendur, sem úrskurðað hefur
verið að komið hafi með ólögmæt-
um hætti til landsins, fluttir með
valdi um borð í lestir, rútur eða
ómerkta lögreglubíla.
Talsmenn mannréttindasamtaka
mótmæltu þegar í gær tillögunum
og sögðu að ef beitt væri aðferðum
af þessu tagi yrði engin leið að
fylgjast með því hvað yrði um fólk-
ið, t.d. ef það veitti óeinkennisbún-
um lögreglumönnum mótspyrnu.
Tekið er fram í tillögunum að
aldrei megi vísa fólki brott ef hætta
sé á að það muni sæta „ómann-
úðlegri eða lítillækkandi meðferð,
pyntingum eða dauðarefsingu“ í
landinu sem það kom frá. En einnig
er sagt að lögreglumenn megi beita
nauðsynlegum þvingunum til að
hindra umrætt fólk í að flýja úr
gæslu þeirra.
Hugmyndunum var lekið til fjöl-
miðla en ESB-ríkin hafa árum sam-
an reynt að ná samkomulagi um
samræmdar reglur í þessum efnum.
Ef ítölsku hugmyndirnar verða
samþykktar munu Bretar og Írar
ekki verða bundnir af þeim þar sem
hvorug þjóðin á aðild að Schengen-
samningnum. En breskur embætt-
ismaður sagði að sennilegt væri að
hugmyndirnar yrðu teknar til vin-
samlegrar athugunar þegar þær
yrðu kynntar aðildarríkjunum með
formlegum hætti á næstu mánuð-
um.
Ólöglegir
innflytjendur í ESB
Harðari
stefna
Brussel. AFP.
Perluprjónaðir
handsmokkar