Morgunblaðið - 27.08.2003, Blaðsíða 2
FRÉTTIR
2 MIÐVIKUDAGUR 27. ÁGÚST 2003 MORGUNBLAÐIÐ
TIL VARAFORMANNS
Ingibjörg Sólrún Gísladóttir hefur
ákveðið að bjóða sig fram til varafor-
manns hjá Samfylkingunni. Segist
hún munu stefna að formannskosn-
ingu innan flokksins árið 2005.
Fatlaða vantar skólahús
Mikið fatlaðir nemendur á fram-
haldsskólastigi hafa í engin hús að
venda fyrir nám sitt. Hingað til hef-
ur aðstaða verið í Safamýrarskóla,
en starfið þar hefur fyrir löngu
sprengt húsnæðið utan af sér.
Arnar HU með mestan kvóta
Alls hlýtur Arnar HU 6.898 þorsk-
ígildistonn, mest íslenskra fiski-
skipa, á næsta fiskveiðiári. Alls er
úthlutað 375.487 þorskígildistonnum
í kvóta á næsta fiskveiðiári.
Forysta NASA gagnrýnd
Örlög geimferjunnar Kólumbíu og
dauða geimfaranna sjö má skrifa á
reikning óviðunandi starfshátta hjá
NASA, bandarísku geimvísinda-
stofnuninni. Þar hafi ofuráherzla
verið lögð á að halda áætlun á sama
tíma og stofnunin leið fyrir fjárskort
og ófullkomnar öryggisreglur. Þetta
er meðal helztu niðurstaðna nefndar
sem rannsakaði slysið.
Ver Íraksskýrslu
John Scarlett, einn hæst setti
maðurinn í leyniþjónustukerfi
Breta, varði í gær þá fullyrðingu að
Írakar hefðu verið færir um að beita
gereyðingarvopnum á minna en 45
mínútum frá því að skipun þar um
væri gefin út. Sagðist hann ekki hafa
sætt neinum pólitískum þrýstingi
um að gera mikið úr ógninni sem tal-
in var stafa af vopnabúri Íraks-
stjórnar.
GETZ REYNSLUEKIÐ
SVALI Á GEITINNI
BREYTA Í NOREGI
SAGA PORSCHE 911
NISSAN DUNEHAWK
TORFÆRUKEPPNI
Ný og glæsileg hljómtækjalína frá Alpine
Ný
árge
rð
Flottar græjur!
FLATAHRAUNI 31 • HAFNARFIRÐI
SÍMI 555 6025 • www.kia.is
K IA ÍSLAND
Bílar sem borga sig!
S u ð u r l a n d s b r a u t 2 2
S í m i 5 4 0 1 5 0 0
w w w. l y s i n g . i s
LÝSING
Alhliða
lausn í
bílafjármögnun
–TÉKKNESK EÐALREIÐ
SKODA SUPERB
Yf ir l i t
Í dag
Sigmund 8 Viðhorf 30
Viðskipti 12 Minningar 30/35
Erlent 14/16 Bréf 38
Höfuðborgin 21 Dagbók 40/41
Akureyri 17 Kirkjustarf 41
Suðurnes 18 Sport 42/45
Landið 19 Fólk 46/49
Listir 20/24 Bíó 46/49
Umræðan 24/25 Ljósvakamiðlar 50
Forystugrein 26 Veður 51
* * *
Kynningar – Blaðinu í dag fylgir tíma-
ritið Lifun. Tímaritinu verður dreift
um allt land.
MAÐURINN sem lést þegar
flutningabifreið hans fór út af
Borgarfjarðarbrúnni á mánudags-
morgun hét Kristján Viðar Hafliða-
son, til heimilis í Ásaheimum á
Króksfjarðarnesi. Kristján Viðar
fæddist 2. júní árið 1973. Hann lætur
eftir sig eiginkonu og tveggja ára
son.
Lést
í bílslysi
HÉRAÐSDÓMUR Reykjavík-
ur úrskurðaði karlmann um
þrítugt í þriggja daga gæslu-
varðhald í gær að kröfu lög-
reglunnar í Reykjavík vegna
rannsóknar á tildrögum þess að
22 ára gömul kona fannst látin í
íbúð í miðbæ Reykjavíkur á
mánudagskvöld. Krufning fer
fram í dag, miðvikudag, og er
þess vænst að dánarorsök komi
þá í ljós.
Þekkti hina látnu
Karlmaðurinn var hand-
tekinn í kjölfar þess að konan
fannst um klukkan 20:30, en
hann tilkynnti lögreglu sjálfur
lát hennar. Sakborningurinn
var í yfirheyrslum í gær hjá
lögreglu og var krafist
gæsluvarðhalds að þeim lokn-
um.
Lögregla segir fólkið hafa
þekkst en tjáir sig ekki frekar
um tengsl þeirra eða málsatvik
að svo stöddu.
Úrskurð-
aður í
gæslu-
varðhald
KRISTINN Björnsson, fráfarandi
forstjóri Skeljungs, segir það vera
eðlilega niðurstöðu að mál olíufé-
laganna fari frá Samkeppnisstofnun
og til skoðunar hjá ríkislögreglu-
stjóra. Fagnar hann því að ríkissak-
sóknari hafi haft forgöngu um að
málið fari í annan farveg. Talsmenn
annarra olíufélaga vildu ekki tjá sig
um beiðni efnahagsbrotadeildar
ríkislögreglustjóra um gögn frá
Samkeppnisstofnun.
„Vandræðagangur Samkeppnis-
stofnunar með þessi mál olíufélag-
anna hefur verið ótrúlegur undan-
farna mánuði, allt frá því einhverjir
menn ákváðu að heppilegt væri að
leka innihaldi fyrri hluta frumat-
hugunar stofnunarinnar til fjöl-
miðla, að ekki sé minnst á þau
alvarlegu réttarspjöll sem þessi
einhliða umræða hefur valdið fyrir-
tækjunum. Þá hefur það vakið
furðu góðra manna og gegnra hvað
frjálslega og hispurslaust forstjóri
Samkeppnisstofnunar og starfs-
menn hans hafa talað opinberlega
um málið frá sínum sjónarhóli. Ég
tel að þess séu fá eða engin dæmi,
að fyrirsvarmenn opinbers stjórn-
valds, sem hefur lögum samkvæmt
heimild til þess að leggja á fyrir-
tæki stjórnvaldssektir, brjóti fyrir-
tækin eða forsvarsmenn þeirra til-
tekin lög, tjái sig með slíkum hætti,
þar sem mál eru enn til rannsóknar
og andmæli hafa ekki komið fram,“
segir Kristinn.
Hann segir að nú hafi ríkissak-
sóknari haft forgöngu um að mál
olíufélaganna fari í annan farveg.
Því beri út af fyrir sig að fagna.
Gera megi ráð fyrir að þar með fái
málið eðlilega og sanngjarna
meðferð og því ljúki sem fyrst.
„Ríkissaksóknari talar um að slit
hafi orðið á traustssambandi milli
stofnananna, a.m.k. tímabundið, og
þá hlýtur að vera eðlileg niðurstaða
að málið fari frá Samkeppnisstofn-
un og til skoðunar hjá ríkislögreglu-
stjóra. Eðlilegt er að vekja athygli á
ummælum ríkissaksóknara þess
efnis að samkvæmt jafnræðis-
reglunni hljóti hið sama að gilda um
öll önnur mál svipaðs eðlis en þau
eru nokkur,“ segir Kristinn.
Geir Magnússon, fv. forstjóri
Olíufélagsins, sagðist ekki vilja tjá
sig um rannsóknina á meintu sam-
ráði olíufélaganna á meðan hún færi
fram. Hið sama sagði Gísli Baldur
Garðarsson, lögmaður Olís, þegar
leitað var viðbragða félagsins við
þeirri stefnu sem mál olíufélaganna
hefur tekið hjá yfirvöldum.
Kristinn Björnsson, fráfarandi forstjóri Skeljungs
Eðlilegt að málið fari frá
Samkeppnisstofnun
GEORG Ólafsson, forstjóri Sam-
keppnisstofnunar, segir það koma
sér á óvart með hvaða hætti emb-
ætti ríkissaksóknara og ríkislög-
reglustjóra „stilla málum upp“ í
tengslum við ósk um gögn í máli ol-
íufélaganna. Reynt sé að gera störf
Samkeppnisstofnunar ótrúverðug.
„Ríkissaksóknari velur að gagn-
rýna okkur fyrir lítinn samstarfs-
vilja og embætti ríkislögreglustjóra
kýs að reyna að gera störf okkar
ótrúverðug. Í því sambandi vil ég
minna á að það var Samkeppnis-
stofnun sem kom til ríkislögreglu-
stjóra og vakti athygli embættisins
á málinu og bauðst til að afhenda
frumathugun stofnunarinnar í máli
olíufélaganna. Lögreglan hefur þar
til nú hafnað gögnum frá okkur og
það skýtur því nokkuð skökku við að
þessir aðilar séu að álasa okkur. Ég
tel að með því sé verið að hafa enda-
skipti á hlutunum,“ segir Georg.
Varðandi þau orð Boga Nilssonar
ríkissaksóknara í Morgunblaðinu í
gær að orðið hafi einhvers konar slit
á traustssambandi milli Samkeppn-
isstofnunar og embættis ríkissak-
sóknara, a.m.k. í bili, segir Georg
það liggja ljóst fyrir að samkeppnis-
yfirvöld og ríkissaksóknari séu ekki
sammála um hvernig túlka eigi sam-
keppnislögin um hlutverk og skyld-
ur samkeppnisyfirvalda annars veg-
ar og ákæruvaldsins hins vegar.
„Við höfum skoðað þetta mjög vel
og erum sannfærð um að viðbrögð
okkar séu eðlileg og í fullu samræmi
við lög. Samkeppnisstofnun mun því
halda áfram að vinna að rannsókn á
meintum brotum olíufélaganna. En
við höfum frá upphafi bent á að það
sé hlutverk lögreglu eða ákæruvalds
að meta hvort rétt sé að hefja rann-
sókn á þætti einstaklinga í ein-
stökum brotum og við fáum ekki
betur séð en að lögreglan hafi nú í
verki fallist á þá skoðun okkar. Við
höfum ávallt verið reiðubúin að veita
lögreglu alla þá aðstoð sem við get-
um,“ segir Georg.
Fram kom í máli ríkissaksóknara
í blaðinu í gær að engin svör hefðu
borist frá Samkeppnisstofnun við
þeirri spurningu hvort stofnunin
teldi mál olíufélaganna öðruvísi en
önnur mál. Spurður um þetta segir
Georg að Samkeppnisstofnun hafi
með skýrum hætti greint ríkissak-
sóknara frá því að mál olíufélaganna
séu í eðlilegum og lögmætum far-
vegi hjá samkeppnisyfirvöldum og
engin þörf sé á atbeina lögreglu
hvað fyrirtækin áhræri.
„Við höfum einnig útskýrt fyrir
ríkissaksóknara að samkeppnisyfir-
völd hafa ekki heimild að lögum til
að rannsaka þátt einstaklinga. Öll
frumkvæðisskylda varðandi þátt
einstaklinga er hjá lögreglu eða
ákæruvaldi. Það er þeirra að meta
hvort þeir telji þörf á að rannsaka
ætluð brot einstaklinga,“ segir
Georg.
Forstjóri Samkeppnisstofnunar um beiðni ríkis-
saksóknara og efnahagsbrotadeildar ríkislögreglustjóra
Reynt að gera störf
okkar ótrúverðug
ÞAÐ var spenna og eftirvænting í
loftinu í ÍR-heimilinu við Skógarsel
í gær, þar sem heimsmeistararnir
Karen Björk Björgvinsdóttir og
Adam Reeve stóðu fyrir dans-
kennslu. Karen og Adam, sem eru
sjálf í Dansdeild ÍR, eru stödd hér á
landi um þessar mundir og sagði
Adam að hann sæi hér á landi
marga efnilega dansara.
„Þrátt fyrir að landið sé lítið er
hér mjög góður efniviður, sem
halda þarf vel utan um til þess að
hægt sé að ná þeim árangri sem
hæfileikarnir bjóða upp á,“ sagði
Adam.
„Þetta eru rosalega góðir tímar,
og þau dansa ekki bara vel, heldur
eru þau líka mjög góðir kennarar.
Þau ferðast um allan heim og vita
hvað virkar best í keppnum. Það er
frábært að fá þetta tækifæri til að
læra af þeim bestu í heiminum í dag
og þetta á örugglega eftir að nýtast
mér vel,“ sagði Þorleifur Einars-
son, 14 ára, sem ásamt dansdöm-
unni sinni, Ástu Bjarnadóttur, er
margfaldur Íslands- og bikarmeist-
ari í dansi.
Systurnar Steinunn, 9 ára, og
Edda, 12 ára, Gísladætur, voru að
undirbúa sig fyrir seinni hluta tím-
ans og sögðu þær rosalega gaman
að fá tækifæri til að læra dans-
tæknina hjá heimsmeisturunum.
„Tíminn er ótrúlega fljótur að líða,
því það er svo skemmtilegt. Þau eru
mjög góðir kennarar og fá okkur til
að einbeita okkur svo vel,“ sögðu
þær. Aðspurðar sögðu þær að það
væri framtíðardraumur þeirra að
verða heimsmeistarar. „Það er
bara svo rosalega erfitt og þarf að
æfa mikið. Það er því ómetanlegt
að fá tækifæri til að læra af þeim
bestu í heiminum í dag. Þau gera
þetta allt svo spennandi,“ bættu
systurnar við.
Að sögn Estherar Ingu Níels-
dóttur, sem ásamt Víði Stefánssyni
er þjálfari keppniskrakkanna í
Dansdeild ÍR, er það ómetanlegt að
fá þau Karen og Adam til að kenna
krökkunum, þótt ekki sé nema einn
og einn tíma. „Krakkarnir líta upp
til þeirra og þau kenna okkur allt
það nýjasta sem er að gerast í dans-
heiminum nú um stundir. Við þjálf-
ararnir fáum mikið út úr þessum
tímum, ekki síður en krakkarnir,
því að hér sjáum við mikið af nýj-
ungum og fáum nýjar hugmyndir
til þess að vinna úr. Það er því mjög
gott fyrir okkur að fá tækifæri til
að fylgjast með þeim kenna,“ sagði
Esther.
Í danstíma
hjá heims-
meisturum
Morgunblaðið/Árni Sæberg
Karen Björk Björgvinsdóttir, heimsmeistari í dansi, kenndi nemendum hvernig ætti að bera sig að.