Morgunblaðið - 27.08.2003, Blaðsíða 19

Morgunblaðið/Birkir Fanndal
Bergþóra Kristjánsdóttir, yfirland-
vörður frá Heiði, lítur yfir hvera-
svæðið við Námafjall í síðasta sinn á
þessu sumri. Alla daga frá morgni
til kvölds er straumur ferðamanna
sem dást að leirpyttum og gufu-
hverum í bland við óvenjuleg lit-
brigði jarðarinnar. Gangstígar og
girðingar sem landverðir setja upp
og viðhalda sjá til þess að lítið er
um brunaslys á svæðinu.
Á MÁNUDAGINN lauk vertíð land-
varða í Mývatnssveit á þessu sumri
og hafa þeir sjaldan haft hér minna
umleikis á einu sumri. Samtals voru
nú unnar tæpar 30 mannvikur í Mý-
vatnssveit. Þeir hófu störf í byrjuðum
júní og aldrei voru fleiri en tveir að
starfi samtímis. Það er af sem áður
var. Fyrir allnokkrum árum var hér
skilað 46 til 48 vikum á sumri við land-
vörslu. Það er mál heimamanna að
þetta sé einkennileg þróun því hvorki
hafi ferðamönnum fækkað né verk-
efnum, heldur þvert á móti.
Starf landvarða er mikilvægt á
miklum ferðamannastöðum svo sem
Mývatnssvæðið er. Þeir merkja leiðir
og einstaka staði með leiðbeinandi
merkingum. Gera ráðstafanir til að
viðkæmir staðir verði ekki fyrir tjóni.
Veita ferðamönnum upplýsingar og
sinna alls kyns verkefnum í þágu við-
komandi svæðis og þeirra sem þang-
að koma.
Ferðamannstraumur hefur verið
mikill hér í sumar enda veðurfarið
einstaklega hagstætt. Enn er allmikil
umferð og mikil þörf á að landverðir
séu á svæðinu til að sinna áfram gest-
um sveitarinnar fram á haustið, upp-
fræða þá og aðstoða. Þess í stað koma
þeir seint og fara snemma. Sigbjörn
Gunnarsson sveitarstjóri segir að
þessi staða sé afleit. Hann bendir hins
vegar á þann vanda ferðaþjónustunn-
ar að margt sumarstarfsfólk hverfur
síðla í ágúst til náms og leggjast þá af
ýmis störf sem skólafólk hefur sinnt.
Lengi hafa óskir heimamanna stað-
ið til þess að landvörslu væri betur
sinnt og að landvörður í ársstarfi
hefði búsetu í sveitinni til að sinna
fjölbreyttum verkefnum sem falla hér
til árið um kring.
Heimamönnum þykir undarlegt að
á sama tíma sem landvarsla hér er í
algjöru lágmarki þá er landvörðum í
ársstarfi við hina formlegu þjóðgarða
fjölgað verulega og eru nú t.d. tveir
slíkir í Ásbyrgi og er það að vísu hið
besta mál. Vandséð er vegna hvers
Mývatnssveit er svo afskipt í þessum
efnum því ekki er minni umferð ferða-
manna hér en í flestum þjóðgarðanna.
Og vissulega er sveitin verndarsvæði.
Landverðir í Mý-
vatnssveit kveðja
Mývatnssveit
LANDIÐ
MORGUNBLAÐIÐ MIÐVIKUDAGUR 27. ÁGÚST 2003 19
LEIÐSÖGUNÁM
Hnitmiðað og skemmtilegt nám fyrir þá, sem vilja kynnast Íslandi í máli og mynd-
um. Námið er opið öllum þeim, sem áhuga hafa á að læra hverning standa skal að
leiðsögn erlendra og innlendra ferðamanna um Ísland.
Stuðst er við námsskrá menntamálaráðuneytisins um viðurkennt leiðsögunám.
Helstu námsgreinar:

Helstu viðkomustaðir ferðamanna í máli og myndum.

Saga landsins, jarðfræði, bókmenntir og listir, menningartengd ferðaþjónusta.
Mannleg samskipti. Skyndihjálp og skipulag.

Skipulagðar ferðir og afþreyingaferðir. Ritgerðarverkefni og margt fleira.
Leiðbeinendur eru þaulvanir leiðsögumenn og sérfræðingar á hinum ýmsu sviðum.
Boðið er uppá dag- og kvöldnám, auk þess sem farið er í vettvangsferðir.
Umsögn:
„Síðasta haust hóf ég leiðsögunám við Ferðamálaskóla Íslands.
Námið fór fram úr mínum björtustu vonum. Ég hef ferðast mikið
um landið frá barnsaldri, en þrátt fyrir það öðlaðist ég nýja sýn á
landið í skólanum. Námið er hnitmiðað og að auki mjög
skemmtilegt, reyndar svo skemmtilegt að ég vil helst fá framhalds-
nám. Þetta nám kemur mér að miklu gagni í starfi mínu sem
kennari og vonandi sem leiðsögumaður í framtíðinni“.
FERÐAMÁLASKÓLI ÍSLANDS
Bíldshöfða 18, sími 567 1466,
Opið til kl. 22.00.
Heimasíða: www.menntun.is
Martha Jensdóttir
kennari.
ÍSLANDSMÓTIÐ í 4. flokki karla í
knattspyrnu, 7 manna liðum, fór
fram á Flúðum á laugardag og
sunnudag. Fimm lið kepptu til úr-
slita, frá Vopnafirði, Grundarfirði,
Bolungarvík, Siglufirði og úr
Hrunamannahreppi. Fimm leikir
fóru fram hvorn dag og var leiktími
60 mín.(2x30 mín)
Eftir skemmtilega baráttu og kná-
leg tilþrif hjá strákunum fóru leikar
svo að Hrunamenn urðu í fyrsta
sæti, Grundfirðingar í öðru, Vopn-
firðingar í þriðja, Bolvíkingar í
fjórða sæti og Siglfirðingar höfnuðu
í fimmta sæti.
Nokkur hópur foreldra fylgdi með
drengjunum, svo sem venja er, og
létu vel af dvölinni og veðurblíðunni
á Flúðum og skemmtilegri keppni.
Morgunblaðið/Sigurður Sigmundsson
Þrjú efstu liðin. F.v. Grundfirðingar, Hrunamenn og Vopnfirðingar.
Kjartan Sigurðsson tekur við bikar úr hendi Birkis Sveinssonar mótsstjóra.
Hrunamenn
sigruðu á
Íslandsmóti
4. flokks
Hrunamannahreppur
ÞÓTT veiði hafi almennt verið rýr í
Mývatni í sumar þá er lengi von á
einum. Jóhann Gestsson í Álfta-
gerði vildi ekki láta sumarið líða án
þess að
leggja einu sinni. Hann lagði því
nokkur net á föstudagskvöld og
vitjaði um morguninn eftir með
konu sinni, Soffíu Sverrisdóttur, og
syni þeirra, Sverri. Þau höfðu fjór-
ar bröndur upp úr krafsinu og eru
vel ánægð með sinn hlut.
Morgunblaðið/BFH
Vitjað um netin í Mývatni
Mývatnssveit
DAGANA fjórtánda til
sautjánda ágúst fór fram mikil
hátíð trúbadora í Egilsbúð í
Neskaupstað. Þar stigu á stokk
og skemmtu tónleikagestum
margir af þekktustu trúbador-
um landsins, nánast landslið
trúbadora. Þar má nefna meðal
annara Megas, Súkkat, Hörð
Torfason, Heru Hjartardóttur,
KK, Magnús Eiríksson, Eivöru
Pálsdóttur, Bjarna Tryggva,
Mike Pollock, Bjartmar Guð-
laugsson, auk ýmissa fleiri
minna þekktra en mjög góðra
trúbadora.
Þetta er í annað sinn sem for-
stöðumenn Egilsbúðar standa
fyrir hátíð sem þessari og er
ætlun þeirra að festa hana í
sessi svo að trúbadorahátíð
verði árlegur viðburður í Nes-
kaupstað.
Morgunblaðið/Ágúst Blöndal
Bjarni Tryggva var meðal
þeirra sem tóku lagið.
Trúbadorar
í Egilsbúð
Neskaupstaður