Morgunblaðið - 27.08.2003, Blaðsíða 4

FRÉTTIR
4 MIÐVIKUDAGUR 27. ÁGÚST 2003 MORGUNBLAÐIÐ
INGIBJÖRG Sólrún Gísladóttir,
varaþingmaður Samfylkingarinnar,
gaf út þá yfirlýsingu í gær að hún
hygðist bjóða sig fram til varafor-
mennsku á landsfundi Sam-
fylkingarinnar, sem hefst 31. októ-
ber nk. Jafnframt greindi hún frá því
að hún hygðist bjóða sig fram til for-
mennsku árið 2005. „Á flokksstjórn-
arfundi Samfylkingarinnar í júní sl.
var mér falin forysta í að móta fram-
tíðarstefnu flokksins. Afrakstur
þeirrar vinnu mun ég leggja fyrir
landsfund Samfylkingarinnar árið
2005. Jafnframt stefni ég að því að
bjóða mig fram til formennsku í
Samfylkingunni í tengslum við þann
fund. Þá ákvörðun mína hef ég kynnt
formanni Samfylkingarinnar,“ segir
hún í yfirlýsingu sinni. Össur Skarp-
héðinsson, formaður Samfylkingar-
innar, og Margrét Frímannsdóttir
varaformaður taka bæði vel í þá
ákvörðun Ingibjargar að bjóða sig
fram í embætti varaformanns.
Ingibjörg Sólrún sagði í samtali
við Morgunblaðið í gærkvöld að hún
hefði upphaflega ekki ætlað að bjóða
sig fram, hvorki til formennsku né
varaformennsku. Hún hefði þess í
stað ætlað að einbeita sér að framtíð-
arstefnumótun flokksins, auk þess
sem hún hefði ætlað að sinna sjálfri
sér og fara utan í nám. „Ég hef hins
vegar upplifað það á undanförnum
dögum að Samfylkingarfólki líður
mjög illa yfir því að ég hafi ekki ein-
hverja formlega stöðu innan flokks-
ins. Ég var ekki tilbúin til að fara í
formannskosningu; taldi það ekki
vera til farsældar fyrir flokkinn og
því var þetta mín niðurstaða, þ.e. að
bjóða mig fram til varaformanns á
næsta landsfundi og stefna að því,
með öllum þeim fyrirvörum sem á
því eru, að bjóða mig fram til for-
manns árið 2005 og þá á grundvelli
þeirrar vinnu sem ég ætla að taka að
mér fyrir flokkinn.“
Innt eftir því hvers vegna hún
hefði ekki talið það „til farsældar
fyrir flokkinn“ að bjóða sig fram til
formanns, eins og hún orðaði það,
sagði hún m.a. að hún hefði fundið
fyrir miklum ótta meðal margra
Samfylkingarmanna um að slíkar
kosningar yrðu til þess að draga fólk
„í einhverjar fylkingar“.
Þykir vænt um stuðninginn
Eins og fram hefur komið í fjöl-
miðlum lét áhugahópur um framboð
Ingibjargar Sólrúnar gera viðhorfs-
könnun meðal stuðningsmanna Sam-
fylkingarinnar í júní og júlí og kom
þar fram að rúmlega 87% vildu Ingi-
björgu sem formann flokksins. Að-
spurð segist Ingibjörg ekki hafa vit-
að af könnuninni fyrirfram. „Mér var
afhent hún fyrir mánuði,“ segir hún,
„þetta fólk lét gera könnunina til
þess að reyna að hafa áhrif á mig og
fá mig til þess að bjóða mig fram til
formanns. Mér þykir mjög vænt um
þann stuðning sem endurspeglast í
könnuninni en engu síður verður
þessi ákvörðun að vera mín“.
Innt eftir því hvaða nám hún sé að
fara í segist Ingibjörg Sólrún ætla í
London School of Economics í Lund-
únum – væntanlega eftir áramótin.
Þar hyggst hún stunda rannsóknir
hjá European Institute og skoða
tengsl Íslands og Evrópusambands-
ins.
Snúi bökum saman
Össur Skarphéðinsson, formaður
Samfylkingarinnar, segir að sér lítist
vel á þá ákvörðun Ingibjargar Sól-
rúnar að bjóða sig fram til varafor-
mennsku í Samfylkingunni. „Ég tel
að leiðtogar eins og ég og hún eigi að
snúa bökum saman en ekki að takast
á. Ég hef margoft lýst því yfir að ég
efist ekki um að hún hljóti að skipa
sér í framvarðarsveit í íslenskum
stjórnmálum.“
Spurður um þá ákvörðun Ingi-
bjargar Sólrúnar að bjóða sig fram
til formennsku eftir tvö ár segir Öss-
ur: „Stjórnmálamenn eiga að hafa
metnað. Þeir sem á annað borð er
töggur í og sækja fram í stjórnmál-
um eiga að hafa með sér löngum og
kapp til að komast í fremstu röð. Ég
geri því engar athugasemdir við yf-
irlýsingar hennar um að stefna að
framboði til formanns eftir tvö ár.
Það er heldur ekki vottur af vafa í
mínum huga um að okkur Ingibjörgu
Sólrúnu muni ganga ákaflega vel að
vinna saman að því að treysta Sam-
fylkinguna í sessi. Sjálfur er ég því
miður ekki nægilega framsýnn til að
treysta mér til þess að spá hvernig
staðan verður að tveimur árum liðn-
um. Mínar eigin ákvarðanir á þeim
tíma munu einvörðungu ráðast af því
hvað ég tel þá Samfylkingunni fyrir
bestu. Ég segi það eitt að ég stefni að
því að það verði töluvert langt þang-
að til ég sest í hinn helga pólitíska
stein.“
Tímabær yfirlýsing
Margrét Frímannsdóttir, varafor-
maður Samfylkingarinnar, segir yf-
irlýsingu Ingibjargar Sólrúnar
löngu tímabæra; hún hefði átt að
liggja fyrir fyrr í sumar. „Ég tel að
þessi ákvörðun hennar hafi legið ljós
fyrir frá áramótum þegar hún tók að
sér hlutverk varaformanns flokks-
ins,“ segir Margrét og vísar til þess
að Ingibjörg Sólrún og Össur hafi
myndað eins konar tvíeyki í
kosningabaráttunni, en það tvíeyki
sé jafnan myndað af formanni og
varaformanni. Ingibjörg hafi þá
jafnframt „gert gott betur þegar for-
ystan úthlutaði henni það hlutverk
að vera forsætisráðherraefni flokks-
ins í kosningunum“. Þá hafi Ingi-
björg tekið að sér stefnumótunar-
vinnu og innanflokksstarf að
kosningum loknum. „Það hefur því
lengi legið ljóst fyrir í huga mínum
að hún byði sig fram til embættis
varaformanns.“ Telur Margrét
þessa niðurstöðu afar farsæla fyrir
flokkinn. Hún minnir þó á að auðvit-
að velji flokksmenn sjálfir í embætti
flokksins og ennfremur að framboðs-
frestur í formanns- og varafor-
mannsembættið renni ekki út fyrr
en 19. september nk. Það geti því vel
farið svo að fleiri eigi eftir að bjóða
sig fram. Sjálf hyggst Margrét ekki
bjóða sig fram aftur til varafor-
mannsembættisins en sú ákvörðun
er „löngu tekin“, segir hún.
Allir félagar kjörgengir
Á fundi framkvæmdastjórnar
flokksins sem haldinn var í gær var
ákveðið að framboðsfrestur til for-
manns og varaformanns rynni út kl.
16 hinn 19. september nk. Kjörgeng-
ir eru allir félagar í Samfylkingunni,
sem eru 18 ára og eldri, og skal til-
kynningu um framboð fylgja með-
mæli 20 flokksmanna úr hverju kjör-
dæmi.
Séu tveir eða fleiri í framboði til
formanns og varaformanns Samfylk-
ingarinnar fer fram svokölluð póst-
atkvæðagreiðsla. Atkvæðaseðlar
verða þá sendir til félaga Samfylk-
ingarinnar þrjátíu dögum fyrir
landsfundinn og úrslitin tilkynnt á
fundinum sjálfum.
Ingibjörg Sólrún Gísladóttir gaf út yfirlýsingu í gær
Býður sig fram til
varaformennsku í
Samfylkingunni
Stefnir á for-
mannsframboð
eftir tvö ár
Ingibjörg Sólrún Gísladóttir og Össur Skarphéðinsson.
ÞAÐ eru ekki allar bílskúrssveitir sem fá tæki-
færi til að spila með heimsfrægum rokk-
sveitum en hljómsveitin Nilfisk fékk drauminn
uppfylltan þegar Foo Fighters leit inn á æf-
ingu hjá sveitinni á Stokkseyri á mánudags-
kvöldið. Leiðtogi sveitarinnar, Dave Grohl,
gerði sér lítið fyrir og settist við trommusettið,
staður sem hann hefur ekki sést mikið á síð-
ustu ár. Jóhann Vignir Vilbergsson, 16 ára gít-
arleikari frá Eyrarbakka, fékk tækifæri til að
„djamma“ með Grohl auk þess sem bassaleik-
ari Foo Fighters, Nate Mendel, greip í bass-
ann.
Jóhann var á æfingu ásamt Víði Björnssyni,
sem er einnig gítarleikari, en þar sem þeir
voru bara tveir á æfingunni hafði Víðir mund-
að bassann í þetta skiptið.
„Hann kom hlaupandi inn með skara á eftir
sér og settist við trommusettið og við byrj-
uðum bara að djamma,“ segir Jóhann, sem er
sólógítarleikari og söngvari, um Grohl en þeir
voru við æfingar í félagsmiðstöð á Stokkseyri.
Félagsmiðstöðin er mjög nálægt veit-
ingastaðnum Við fjöruborðið þar sem hljóm-
sveitin ásamt fylgdarliði snæddi á mánudags-
kvöldið.
„Okkur bara brá. Þeir voru voða hressir,“
segir Jóhann, sem var sá eini úr sveitinni sem
fékk að spila með félögunum úr Foo Fighters
en Víðir fylgdist með. „Það var rifinn af honum
bassinn þegar hann fór að ná í einhvern hlut í
trommusettið sem vantaði,“ segir hann.
„Við spiluðum bara venjulegan blús og ég
tók undir með gítarleik,“ segir Jóhann, sem er
búinn að spila á gítar í tæp átta ár og tekið
einu sinni þátt í Músíktilraunum, reyndar með
annarri hljómsveit.
„Þeir voru þarna í svona tíu mínútur og við
spjölluðum aðeins við þá og gáfum þeim
„demó“-disk sem við eigum.“ Á honum er að
finna átta lög með Nilfisk, sem er rokksveit,
ekki svo ólík í anda og Foo Fighters, útskýrir
Jóhann.
Hinir tveir í hljómsveitinni, trommuleik-
arinn Sveinn Ásgeir Jónsson og Sigurjón Dan
Vilhjálmsson bassaleikari, komu strax og þeir
fréttu þetta. „Við fórum út á Fjöruborð og
kynntum þá. Trommarinn fékk áritun á
trommurnar sínar frá Dave Grohl.“
Nilfisk, sem er nefnd eftir ryksugunni, var
stofnuð 10. mars á þessu ári og hefur því ekki
starfað lengi. Strákarnir eru allir 15–16 ára og
frá Eyrarbakka og Stokkseyri en Jóhann
stundar núna nám við Fjölbrautaskóla Suður-
lands á Selfossi.
„Þetta er alveg óskaplegur heiður, þetta
gerist ekki oft. Ég fékk heilmikið hrós. Bassa-
leikarinn kom svo aftur og hlustaði á okkur,
eitt, tvö lög og leist ágætlega á held ég,“ segir
Jóhann.
„Mér hefur alltaf fundist þeir frábærir,“
segir hann um Foo Fighters en ætlar að kynna
sér hljómsveitina enn betur eftir þessa óvæntu
heimsókn.
Jóhann segir að það hafi ekki komið til
greina að láta bugast þegar á hólminn var
komið með spilamennskuna. „Ég bara lét
vaða,“ segir hann.
„Þegar við vorum búnir að djamma aðeins
með þeim, röbbuðum við við þá og þeir voru að
hrósa okkur,“ segir Jóhann hæversklega.
„Þeir spurðu okkur hvort við værum að fara á
tónleikana og ég sagði að við hefðum ekki
fengið miða,“ segir hann enda var líkt farið
með marga því uppselt varð á tónleikana nán-
ast um leið og miðarnir fóru í sölu. Þessi
happafundur við hljómsveitina á Stokkseyri
bætti úr því. „Þeir báðu okkur að mæta svona
um fjögurleytið í Laugardalshöll,“ segir Jó-
hann þegar Morgunblaðið ræddi við hann í há-
deginu í gær og var möguleiki á því að strák-
arnir myndu fá tækifæri til að stíga á svið með
hetjunum.
„Við mætum að minnsta kosti með eitthvað
af okkar dóti í Laugardalshöll. Þetta ræðst
bara,“ segir Jóhann.
Hann veit ekki hvort Nilfisk taki þátt í
næstu Músíktilraunum en er allavega viss um
að sveitin verði tvíefld eftir heimsókina frá
Foo Fighters.
Bílskúrssveit á Stokkseyri fékk að spila með leiðtoga heimsþekktrar rokksveitar
Óvænt heimsókn
frá Foo Fighters
Morgunblaðið/Sverrir
Það var kraftur í liðsmönnum Foo Fighters á tónleikunum í Laugardalshöll í gærkvöldi.
Ljósmynd/Ari Magg
David Grohl kunni greinilega vel við sig í æf-
ingahúsnæði Nilfisk á Stokkseyri.