Morgunblaðið - 27.08.2003, Blaðsíða 10
FRÉTTIR
10 MIÐVIKUDAGUR 27. ÁGÚST 2003 MORGUNBLAÐIÐ
FÉLAG ábyrgra feðra stóð fyrir
mótmælum hjá Sýslumanninum í
Hafnarfirði í gær og fulltrúa sýslu-
manns var afhent bréf með mótmæl-
um frá félaginu. Að sögn Garðars
Baldvinssonar, formanns Félags
ábyrgra feðra, var tilgangur mót-
mælanna að árétta að í forsjár- og
umgengnismálum eigi hagsmunir
barnanna ávallt að vera í fyrirrúmi
en að mati félagsmanna er of lítið til-
lit tekið til feðra og mikilvægis þess
að feður njóti umgengni við börn sín.
Garðar segir mótmælin hafa verið
hjá sýslumanninum í Hafnarfirði að
þessu sinni sökum þess að ýmis um-
mæli, sem starfsmenn á vegum emb-
ættisins hafi látið falla, gangi of
langt í að verja hagsmuni einstæðra
mæðra. Hann segir þetta þó ekki
bundið við sýslumannsembættið í
Hafnarfirði heldur hafi félagsmenn
rekið sig á þetta viðhorf víðar.
Garðar segir lítinn skilning á
hagsmunum einstæðra feðra innan
kerfisins, t.a.m. sé feðrum ekki íviln-
að skattalega vegna umgengni við
börn sín. Hann segir að einstæðar
mæður komist í mörgum tilvikum
upp með að afhenda ekki feðrunum
börnin á umsömdum umgengn-
istíma.
Fordómar í garð
einstæðra feðra
„Viðurlögin við slíkum brotum
hafa hingað til verið dagsektir en
það hefur lítið sem ekkert verið
gengið eftir því að innheimta þær.
Kerfið virðist frekar virka öfugt, yf-
irvöld veita mæðrum sem hafa brot-
ið umgengisrétt feðra fullan um-
gengnisrétt yfir börnunum og/eða
tvöfalt meðlag. Hnefarétti mæðra er
þannig umbunað hjá sýslumönnum,“
segir Garðar. Hann segir að bent
hafi verið á ýmis úrræði til að taka á
umgengnisbrotum, þ. á. m. að með-
lags- og bótagreiðslur frá ríkinu til
móðurinnar verði frystar þar til hún
lætur af broti sínu en jafnréttisnefnd
setti þá tillögu fram í áfangaskýrslu
til dómsmálaráðherra 1999.
Félag ábyrgra feðra var stofnað
árið 1997 til að berjast fyrir aukinni
samkennd feðra og barna, vinna
gegn ímynd fráskilinna feðra sem
skúrka og bæta samskipti milli feðra
og barna þeirra innan fjölskyldna,
að sögn Garðars. Félagsmenn eru
rúmlega 300 og þar af eru konur um
30. Garðar segist árlega tala við
marga feður sem hafi orðið fyrir
hindrunum af hálfu móðurinnar í
umgengni við börn sín, auk þess sem
mörg dæmi séu um að mæður beiti
ásökunum í garð feðra til þess að ná
hagsmunum sínum fram. „Ein-
stæðar mæður hafa komist upp með
þetta vegna fordóma í samfélaginu
og innan kerfisins í garð fráskilinna
feðra. Það er gegn þessum for-
dómum sem Félag ábyrgra feðra
berst,“ segir Garðar.
Guðmundur Sophusson, sýslu-
maður í Hafnarfirði, telur mótmælin
gegn sýslumönnum byggð á mis-
skilningi, enda fylgi þeir þeim
reglum og lögum sem gilda um
þennan málaflokk og hafi fjölda úr-
skurða til að styðjast við. „Ég full-
yrði að allir þeir sem koma að þess-
um málum vanda mjög til verka og
hafa hagsmuni barna í fyrirrúmi,“
sagði Guðmundur. Einnig bendir
hann á, að feðrum bjóðist að kæra
úrskurði um umgengnisrétt til
dómsmálaráðuneytis eða dómstóla.
Félag ábyrgra feðra efndi til mótmælastöðu hjá sýslumanninum í Hafnarfirði
Feður njóti um-
gengni við börnin
Morgunblaðið/Árni Torfason
Garðar Baldvinsson, formaður Félags ábyrgra feðra (til vinstri á mynd-
inni) afhenti í gær Guðmundi Örvari Bergþórssyni, yfirmanni sifjadeildar
hjá sýslumanninum í Hafnarfirði, mótmæli fyrir hönd félagsins.
ÁRNA Snævarr,
fréttamanni á
Stöð 2, var sagt
upp störfum í
gær. Ástæður
uppsagnarinnar
eru sagðar skipu-
lagsbreytingar og
hagræðing hjá
Norðurljósum.
Árni Snævarr
segir að Karl Garðarsson fréttastjóri
hafi sagt honum að skoðanir hans og
stjórnenda Norðurljósa færu ekki
lengur saman. Hann sagðist geta
verið sammála því eftir það sem á
undan er gengið og varðar sjálfstæði
fréttastofu Stöðvar 2. Árni var því
ekki rekinn fyrir það sem Sigurður
G. Guðjónsson, forstjóri Norðurljósa,
hefur kallað trúnaðarbrot þegar aðr-
ir fjölmiðlar fengu fréttir af ágrein-
ingi fréttamanna og stjórnenda
stöðvarinnar. Enda segist Árni ekki
hafa lekið neinum upplýsingum. Það
sé ekki hans stíll. „Ég kem hreint
fram við menn og veg ekki að þeim úr
launsátri. Ég segi mínar skoðanir og
get verið ódiplómatískur í því. Ég er
ekkert að fela ágreining.“
Hann segir að stjórnendum Norð-
urljósa hafi fundist að þeir þyrftu að
refsa einhverjum öðrum til varnaðar.
Þeir hafi verið búnir að mála sig út í
horn með hvatvíslegum og ábyrgð-
arlausum yfirlýsingum.
Trúnaðarbrot ekki orsökin
Sigurður staðfestir að Árni var
ekki látinn fara vegna trúnaðarbrots
heldur tengist brottreksturinn
breyttri vaktaskipan á fréttastofunni
og skipulagsbreytingum. Í sumar
hafi Árni verið fluttur í þáttinn Ísland
í dag og vegna fyrirhugaðra breyt-
inga á dagskrá sé ekki rúm fyrir
hann í þeim þætti né fréttum Stöðvar
2. Karl Garðarsson segir að þegar
nýr samningur var gerður við frétta-
menn stöðvarinnar í sumar hafi Árni
Snævarr ekki samið um sín kjör.
Árni segir að þegar hann var færð-
ur í Ísland í dag hafi fréttastjórinn
sagt að í haust biði hans annað og
aukið hlutverk. Þá hafi augljóslega
ekki staðið til að reka hann og hafnar
hann því að uppsögnin stafi af skipu-
lagsbreytingum. Þá hafi komið fram í
samtölum hans við forstjóra Norður-
ljósa að skiptar skoðanir væru um
hvort Árni ætti að starfa áfram á
fréttastofunni. Sigurður hafi þá hins
vegar sagst styðja Árna og sjálfstæði
fréttastofunnar.
Árni hefur unnið síðastliðin sjö og
hálft ár á fréttastofu Stöðvar 2 og tók
þátt í fyrstu útsendingum Bylgjunn-
ar fyrir nákvæmlega 17 árum í gær.
Hann var meðal annars kosinn
fréttamaður ársins þegar Edduverð-
launin voru veitt á síðasta ári.
„Við erum með úrvalslið af frétta-
mönnum þar sem hver fréttamaður-
inn er öðrum betri að okkar mati.
Þess vegna er þetta alltaf erfitt val,“
sagði Karl Garðarsson aðspurður af
hverju einn reynslumesti fréttamað-
urinn var látinn fara í þessari hag-
ræðingu. Frekari uppsagnir á frétta-
stofunni eru ekki fyrirhugaðar að
sögn fréttastjórans.
„Ég hef ekki brotið neitt af mér
gagnvart fyrirtækinu og tel ekki að
það hafi brotið af sér gagnvart mér
heldur. Ekki í lögformlegum skiln-
ingi,“ segir Árni sem mun vera á
launum út uppsagnarfrestinn. Hann
segist halda ótrauður áfram eftir
þennan dag og beri engan kala til
Karls Garðarssonar fréttastjóra eða
eigenda stöðvarinnar. Hvað bíði viti
hann ekki ennþá en líta megi á upp-
sögn sem upphaf nýrra tækifæra.
Árna Snævarr sagt
upp störfum á Stöð 2
Árni Snævarr
ÖLGERÐIN Egill Skallagrímsson
fagnar á þessu ári 90 ára afmæli
sínu og telst því í hópi elstu iðnfyr-
irtækja landsins. Í gær heimsótti
iðnaðarráðherra, Valgerður Sverr-
isdóttir, ölgerðina í tilefni afmæl-
isins. Var við það tilefni kynntur nýr
íslenskur bjór, Egils Pilsner, sem
byggir á léttbjórnum Egils Pilsner.
Sá síðarnefndi hefur verið brugg-
aður allt frá árinu 1917, og var önn-
ur vörutegundin sem fyrirtækið
setti á markað. Fyrst kom maltið, á
stofnári fyrirtækisins, 1913.
Morgunblaðið/Árni Sæberg
Jón Diðrik Jónsson, forstjóri Ölgerðarinnar, afhenti Valgerði Sverris-
dóttur, iðnaðar- og viðskiptaráðherra, nýjan bjór þegar hún heimsótti höf-
uðstöðvar Ölgerðarinnar Egils Skallagrímssonar við Grjótháls.
Ölgerðin níræð
ÍÞRÓTTA- og tómstundaráð
Reykjavíkur mun frá og með 1. sept-
ember nk. taka að sér í tilraunaskyni
að reka gæsluvallarstarfsemi á
gæsluvellinum við Frostaskjól í
Reykjavík og það fram til loka skóla-
ársins. Þetta þýðir að gæsluvöllurinn
verður opinn næsta vetur frá kl. 9 til
13.30. Þetta var samþykkt á fundi
borgarráðs í gær.
Í bókun borgarráðsfulltrúa
R-listans segir m.a. að með þessu
hafi „verulega verið komið til móts
við óskir íbúa í Vesturbæ“. Á annað
þúsund íbúar í Vesturbæ mótmæltu
fyrirhugaðri lokun gæsluvallarins
sem átti að eiga sér stað um miðjan
ágúst.
„Með þessari samþykkt,“ segir í
bókun R-listans, „verður gæsluvöll-
urinn við Frostaskjól opinn í 4,5 klst.
á dag í stað 5 klst., þ.e. frá kl. 9 til
13.30 til loka skólaársins, en næsta
sumar verður gæsluvöllurinn rekinn
við Frostaskjól með hefðbundnu
sniði, en um leið er tryggð viðunandi
aðstaða fyrir frístundaheimili við
Grandaskóla. Þetta fyrirkomulag
verður endurskoðað í ljósi fenginnar
reynslu næsta vor í samvinnu leik-
skólaráðs, Íþrótta- og tómstundaráðs
og hverfisráðs Vesturbæjar og verða
foreldrar hafðir með í þeirri vinnu.
Ákvörðun um framhald gæsluvallar-
starfsemi í Vesturbæ verður síðan
tekin að endurskoðun lokinni.“
Í bókun borgarráðsfulltrúa sjálf-
stæðismanna segir m.a. að ljóst sé að
í framhaldi af fyrirspurnum borgar-
ráðsfulltrúa sjálfstæðismanna um
málið á fundum borgarráðs fyrr í
mánuðinum hafi verið gengið í að
gera samkomulag milli Leikskóla
Reykjavíkur og ÍTR um rekstur
gæsluvallarins. Borgarfulltrar
D-listans vekja þó athygli á því að um
„skerta þjónustu sé að ræða frá því
sem verið hefur“. Leggja þeir
áherslu á að tryggt verði að gæslu-
völlur verði áfram starfræktur í um-
ræddum borgarhluta.
Borgarfulltrúi F-listans lét sömu-
leiðis bóka að eðlilegt væri að
Reykjavíkurborg tæki tillit til rök-
studdra mótmæla 1.500 íbúa Vestur-
bæjar. „F-listinn hvetur borgaryfir-
völd til þess að finna framtíðarlausn á
gæsluvallarmálum sem foreldrar eru
sáttir við,“ segir síðan í bókun
F-listans.
Gæsluvöll-
ur í Frosta-
skjóli opinn
MJÖG örar breytingar á verði ritfanga og ann-
arra nauðsynlegra skólavara gera neytendum erf-
itt um vik við að finna út hvar hagstæðast er að
gera skólainnkaupin hverju sinni, segir í frétt með
nýrri verðkönnun verðlagseftirlits ASÍ. Könnunin
var framkvæmd í nítján bókaverslunum og stór-
mörkuðum á höfuðborgarsvæðinu eftir hádegi
hinn 20. ágúst síðastliðinn. Kannað var verð á
nokkrum algengum ritföngum og skólavörum.
Nítján vörutegundir voru til í helmingi verslana
eða meira og eru verðmunur birtur í töflu sem
finna má í heild á heimasíðu ASÍ, www.asi.is.
„Til þess að niðurstöður um verð verslunar séu
birtar, verður hún að eiga að minnsta kosti helm-
ing af þeim vörutegundum sem kannaðar eru.
Sparverslun hafði ekki þennan lágmarksfjölda
vörutegunda og er því ekki birt hér í niðurstöð-
unum. Af þeim nítján vörum sem til voru í að
minnsta kosti helmingi verslana voru átta versl-
anir með lægsta verð á einhverri vöru og sjö versl-
anir með hæsta verð á einhverri vöru. Þetta und-
irstrikar þá hörðu samkeppni sem virðist ríkja á
markaðnum,“ segir ASÍ.
Lægst hjá Griffli í sjö tilvikum
„Griffill var með lægsta verð í sjö tilvikum,
Hagkaup í sex og Office 1 var með lægsta verð í
fimm tilfellum. Bókabúðin Gríma var oftast með
hæsta verð eða í sex tilvikum. Þegar þessi könnun
ASÍ er borin saman við kannanir sem dagblöð og
fleiri hafa birt síðustu daga má glöggt sjá að í
mörgum tilvikum breytist verð mikið milli daga
og stundum má merkja verulegar breytingar inn-
an dags.
Fjölmargar vörur í þessari könnun eru á mjög
breiðu verðbili þar sem lægsta verðið er aðeins
brot af því hæsta og augljóst að mörg af lægstu
verðunum gefa söluaðilum litla framlegð. Þessar
verðbreytingar þýða að neytandinn verður að
fylgjast með og gera verðsamanburð á hverjum
tíma til að fá hagstæðustu kjörin,“ segir jafnframt
í verðkönnun ASÍ.
Verðlagseftirlit ASÍ gerir verðkönnun á ritföngum og skólavörum
Örar verðbreytingar gera
neytendum erfitt um vik