Morgunblaðið - 27.08.2003, Blaðsíða 17

AKUREYRI
MORGUNBLAÐIÐ MIÐVIKUDAGUR 27. ÁGÚST 2003 17
UM næstu mánaðamót tekur Gunnar Larsen við
starfi framkvæmdastjóra Útgerðarfélags Ak-
ureyringa hf. af Guðbrandi Sigurðssyni. Í kjölfar
skipulagsbreytinga hjá Brimi ehf., dótturfélagi
Eimskips, lætur Guðbrandur af störfum sem fram-
kvæmdastjóri ÚA og verður framkvæmdastjóri
Brims og dótturfélaga þess en hann var áður fram-
kvæmdastjóri bæði ÚA og Brims.
Hjá ÚA í 13 ár
Gunnar Larsen hefur starfað hjá Útgerðarfélagi
Akureyringa frá árinu 1990; fyrst sem tæknistjóri
fyrirtækisins en undanfarin ár hefur hann verið
framleiðslustjóri. Gunnar er 43 ára gamall, fæddur
og uppalinn á Akureyri og fór síðan til náms í
Tækniskólanum. Að því loknu hélt hann til Dan-
merkur og útskrifaðist sem véltæknifræðingur ár-
ið 1984. Að námi loknu segir Gunnar að hann hafi
starfað hjá norska fyrirtækinu Maritime Hydrolic
að hönnun búnaðar fyrir olíuborpalla.
Heim kom hann árið 1986 og hóf störf sem
tæknifræðingur hjá Slippstöðinni á Akureyri, um
það leyti sem frystitogaravæðingin var í fullum
gangi. „Nýsmíðar heyrðu nánast sögunni til en þá
voru þessi stóru breytingaverkefni í gangi. Ísfisk-
togurum var breytt í frystitogara og það var það
sem hélt stöðinni gangandi á þessum tíma,“ segir
Gunnar.
Bylting í vinnslunni árið 1997
Haustið 1990 hóf Gunnar svo störf hjá ÚA sem
tæknistjóri. Hans hlutverk var umsjón með við-
haldi og nýframkvæmdum, bæði í skipunum og í
frystihúsinu. „Svo þegar Guðbrandur tók við árið
1997 var gerð meiriháttar bylting í vinnslunni.
Settar voru upp nýjar vinnslulínur og nánast allur
búnaður í frystihúsinu var endurnýjaður. Því verki
stýrði ég og tók svo við starfi framleiðslustjóra að
því loknu.“
Gunnar segir að nýju vinnslulínurnar hefðu í
raun haft byltingu í för með sér. „Ákvörðun var
tekin um það á þessum tíma að veðja á landvinnsl-
una og það var kannski ekki í takt við það sem var
að gerast á þessum tíma. En bæði við og Dalvík-
ingar fórum þessa leið og þetta skilaði því sem við
ætluðum. Afköstin hérna tvöfölduðust á þremur
árum og á sama tíma gjörbreyttist afurðaflóran.
Það má segja að allar vörur sem við framleiðum
núna séu nýjar, samanborið við það sem var í
gangi 1997. Við höfum verið með sérgreindar af-
urðir og það hefur skilað okkur sérstöðu á mörk-
uðunum. Við höfum með þessu náð að halda verð-
inu á afurðunum betur en ella,“ segir Gunnar.
Landvinnslan skilar meiru en sjófrysting
Hann segir ljóst að landvinnslan eigi framtíð
fyrir sér og þvertekur fyrir að stefni í að vinnslan
færist öll út á sjó. „Með þessari auknu tæknivæð-
ingu í landvinnslunni, sem við sjáum fram á að
aukist enn frekar, höfum við verið að gera mun
betur en frystiskipin. Þegar við mælum hvað við
fáum fyrir hvert kíló af hráefni upp úr sjó skila
landvinnslan og ísfisktogararnir töluvert meiri
verðmætum en þau. Þar líða frystiskipin fyrir það
að ekki hefur orðið nein þróun síðan þau fóru af
stað fyrir rétt um 20 árum. Núna þegar verð hefur
verið að lækka, með auknu framboði, bitnar það
mun fyrr á þeim,“ segir Gunnar og bætir við að í
samanburði við frystiskipin hafi hagur landvinnslu
vænkast undanfarin misseri.
Spurður um frekari tæknivæðingu sem er fram-
undan segir Gunnar að mörg þróunarverkefni séu
í gangi og miklar vonir séu bundnar við að einhver
þessara verkefna skili sér sem framleiðslubúnaður
inn í vinnsluna á næsta ári.
Siglir á skútu í frístundum
Gunnar viðurkennir að mikill tími fari í vinnuna
og ekki sé mikill tími fyrir áhugamál. Stangveiði
hafi hann stundað á árum áður en núna er stöngin
komin upp í hillu. Fjölskyldunni þarf hann auðvit-
að að sinna en eiginkona Gunnars er Helga Ragn-
heiður Gunnlaugsdóttir kennari og eiga þau fjórar
dætur á aldrinum 9–14 ára. Þótt Gunnar hafi lagt
veiðistöngina á hilluna upplýsir hann að hann hafi
dustað rykið af öðru áhugamáli. „Það eru sigl-
ingar. Þær er ég búinn að stunda af töluverðum
krafti í sumar. Við erum tveir félagarnir sem höf-
um aðgang að ágætis seglskútu og höfum siglt
mikið. Aðallega hérna innfjarðar en einnig höfum
við skroppið til Húsavíkur og Siglufjarðar. Fjöl-
skyldan tekin með,“ segir Gunnar.
Gunnar Larsen er verðandi framkvæmdastjóri Útgerðarfélags Akureyringa
Morgunblaðið/Skapti Hallgrímsson
Gunnar Larsen, verðandi framkvæmdastjóri
Útgerðarfélags Akureyringa.
Siglir gjarnan á
skútu í frístundum
Gunnar Larsen, 43 ára Akureyringur og véltæknifræð-
ingur að mennt, hefur verið ráðinn næsti framkvæmda-
stjóri Útgerðarfélags Akureyringa. Valur Sæmunds-
son spjallaði við Gunnar sem segir m.a. að ísfisktogarar
og landvinnsla skili meiri verðmætum en frystiskip.
Á FUNDI skólanefndar Akureyrar
sl. mánudag var tekið fyrir bréf frá
fræðslumiðstöð Reykjavíkur þar
sem fram kom að framlag Reykja-
víkurborgar til tónlistarnáms í borg-
inni miðist við nemendur með lög-
heimili í Reykjavík. Skólanefnd hafa
af þessum sökum borist tvær styrk-
umsóknir vegna tónlistarnáms í
Reykjavík, frá nemendum sem þar
hafa stundað nám en eiga ekki lög-
heimili í borginni.
Nefndin samþykkti á fundinum að
greiða ekki með nemendum sem eiga
lögheimili á Akureyri en vilja stunda
tónlistarnám í öðrum sveitarfélögum
enda sé rekinn tónlistarskóli á Ak-
ureyri sem fullnægi öllum kröfum
um tónlistarnám. Skólanefnd tekur
þó fram í bókun sinni að þessi
ákvörðun verði endurskoðuð ef nið-
urstaða í viðræðum milli ríkisins og
fulltrúa sveitarfélaganna leiði til
heildarlausnar á kostnaðarskiptingu
vegna tónlistarnáms.
Styrkja ekki
tónlistarnám
utanbæjar
SKJALIÐ á myndinni fannst á dög-
unum á milli þilja í turni Samkomu-
hússins á Akureyri þegar endur-
bætur hófust á húsinu. Um er að
ræða fundarboð til Umdæmisstúk-
unnar Brynju no. 99, frá árinu
1909. Bréfið er dagsett 28. sept-
ember það ár og skrifað með fal-
legri skrautskrift; hér er um að
ræða fundarboð til Brynju vegna
aukaþings Umdæmisstúku númer 2
á Akureyri.
Góðtemplarar reistu þetta hús
snemma á síðustu öld og það var
vígt á Þorláksmessu, 23. desember,
árið 1906. Þarna var Góðtempl-
arareglan til húsa og fundarboðið
hefur einhvern veginn komist á
milli þilja nokkru seinna. Þess má
geta að stúkan Brynja var stofnuð
1904.
Skjalinu hefur verið komið til
geymslu í Héraðsskjalasafni Eyja-
fjarðar á Amtsbókasafninu á Ak-
ureyri.
Boðað til auka-
þings umdæm-
isstúkunnar
árið 1909
MIKLAR endurbætur standa nú yfir
á Samkomuhúsinu við Hafnarstræti,
þar sem Leikfélag Akureyrar hefur
aðsetur. Húsið er tæplega einnar ald-
ar gamalt, var byggt í byrjun síðast-
liðinnar aldar og vígt 23. desember
1906. Smiðir hjá fyrirtækinu Virkni,
sem sér um endurbætur á húsinu,
segja ákaflega gaman að sinna verk-
inu enda ekki á hverjum degi sem
menn komist í slíka „veislu“, að
þeirra sögn.
„Yngri smiðirnir hafa til dæmis
aldrei séð svona lagað,“ sagði einn
reyndari karlanna í hópnum, Númi
Adolfsson, þegar hann sýndi blaða-
manni innan í turn hússins eftir að
klæðning hafði verið rifin utan af
honum í gær. „Hann er átthyrningur
og stífaður inn í miðjuna,“ sagði
Númi, og smiðunum bar saman um
að starfsbræður þeirra sem að verk-
inu komu á öndverðri liðinni öld
hefðu verið afar vandvirkir og flinkir.
Sperrurnar í turninum eru ónýtar
en verða endurbyggðar, eins og allt
annað sem ekki er í nógu góðu lagi til
að standa áfram. „En í húsinu er yf-
irleitt mjög lítill fúi miðað við aldur
þess. Hvergi raunar, nema þar sem
orðið hefur einhver bilun,“ sagði
Númi ennfremur. Smiðirnir töluðu
þó um að greinilega hefði aldrei verið
gert almennilega við húsið í gegnum
árin heldur tjaslað í það sem nauð-
synlegt var hverju sinni og það væri
hálfgerður bútasaumur.
Efsti hluti turnsins var tekinn af í
gær enda timbrið þar orðið mjög fúið.
Upp úr toppnum var rör og járnkúla
efst á því. Með henni hefur greinilega
lekið í gegnum tíðina.
Húsið er friðað svo að ekki má nota
neitt efni til lagfæringa nema í sam-
ráði við húsafriðunarnefnd ríkisins.
Sögðu Númi og félagar verkið meira
„föndur“ en það sem þeir fást við alla
jafna eins og nærri má geta. „Þetta
væri öðruvísi og tæki skemmri tíma
ef við værum að reisa húsið einhvers
staðar í dag,“ sagði Donald Kelly,
einn smiðanna.
Endurbótum á Samkomuhúsinu á
að vera lokið fyrir jól.
Yngri smiðirnir
hafa aldrei séð
svona lagað
Morgunblaðið/Skapti Hallgrímsson
Horft upp úr turninum og til himins. Á milli átthyrndra sperranna sést í
Núma Adolfsson, einn smiðanna hjá Virkni sem vinna að endurbótunum.
Smiðirnir Númi Adolfsson, til
hægri, og Guðjón Guðlaugsson inni
í efsta hluta turnsins.
Guðjón Guðlaugsson smiður rífur
blikkið utan af turninum sem sett
hefur mikinn svip á húsið.
Donald Kelly, smiður hjá Virkni,
með efsta hluta turnsins sem fjar-
lægður var í gær.
♦ ♦ ♦
FRÁ því er sagt á vef Akureyrar-
bæjar að sjö piltar hafi nýverið geng-
ið á fund bæjarstjóra og gert á skil-
merkilegan hátt grein fyrir
aðstöðuleysi sem hjólabrettamenn
búa við. Erindi þeirra við bæjar-
stjóra var að kanna hvort ekki væri
möguleiki á að finna autt húsnæði í
bænum sem þeir gætu nýtt sér. Mál-
in voru rædd fram og aftur og ýmsir
möguleikar reifaðir. Ákveðið var að
íþrótta- og tómstundafulltrúi tæki
málið til skoðunar og kannaði hvort
koma mætti upp aðstöðu fyrir hjóla-
brettafólk í tilraunaskyni í vetur.
Aðstöðu vantar
fyrir hjóla-
brettafólk