Morgunblaðið - 05.09.2003, Page 21
AUSTURLAND
MORGUNBLAÐIÐ FÖSTUDAGUR 5. SEPTEMBER 2003 21
LANDSSÍMINN hefur veitt Tækni-
minjasafni Austurlands styrk til upp-
byggingar fjarskiptadeildar safnsins.
Tilefnið er að árið 2006 verða liðin
100 ár frá því að sæsímastrengur var
lagður til Íslands og kom hann upp á
land á Seyðisfirði.
Níu og hálf milljón króna verður
greidd safninu fram til ársins 2006,
en að auki mun Landssíminn láta í té
fjarskiptatæki, sem mörg hver voru
einmitt notuð á Seyðisfirði.
Pétur Kristjánsson, forstöðumaður
Tækniminjasafns Austurlands, segir
safnið hafa þá sérstöðu að vera ekki
eingöngu munasafn, heldur hýsi safn-
ið einnig þekkingu og fróðleik.
„Hér á nánast allt að virka og fólk
á að geta gengið um og prófað tækin“
segir Pétur. „Safnið er ekki týpólóg-
ískt, sem þýðir að uppsetning muna
er ekki þannig að elsti síminn sé
fyrstur í röðinni og sá nýjasti síðast,
heldur setjum við hlutina í samhengi
við umhverfið hér, eða eins og safn-
asvæðið gefur tilefni til.“
„Við ímyndum okkur að við séum á
tímabilinu frá 1906 til 1940 þegar við
komum inn á svæðið,“ heldur Pétur
áfram. „Fyrsta tímabilið er vistað
inni í vélsmiðjunni og svo koll af kolli.
Við ætlum m.a. að setja hér upp
símastaura á safnasvæðinu og munu
símalínur liggja inn í hvert hús eins
og var áður fyrr.“ Tvö herbergi í
safninu hýsa fjarskiptadeildina sem
var, eins og safnið allt, sett á lagg-
irnar árið 1984. Pétur segir að eftir
því sem tækifæri gefist verði deild-
irnar stækkaðar.
Við undirritun samningsins um
styrk Landsímans til Tækniminja-
safnsins, sagði Brynjólfur Bjarnason
forstjóri að hann hefði komið í safnið í
vor og séð að þar væri mikill hugur í
mönnum. „Á Seyðisfirði má segja að
vagga símans sé. Landssíminn hefur
ágætt safn á Grímsstaðaholtinu í
gamla loftskeytahúsinu. Auk mun-
anna þar eru til mjög margir fleiri
munir og er það álit okkar að þeir
verði mjög vel varðveittir í Tækni-
minjasafni Austurlands. Okkur sýnist
í þeim áætlunum sem þar eru uppi að
gott mál sé að leggja safninu til góðan
styrk.“
Saga símans varðveitt
Seyðisfjörður
Morgunblaðið/Steinunn Ásmundsd.
Tryggvi Harðarson bæjarstjóri, Brynjólfur Bjarnason, forstjóri Símans, og
Pétur Kristjánsson safnstjóri við undirritun samnings um styrkinn.
ÁRIÐ 1903 reistu franskir sjó-
menn á Fáskrúðsfirði spítala og
tóku í notkun ári síðar.
Fyrstu árin var spítalinn rek-
inn allt árið en þegar frönskum
skútum fækkaði við Íslands-
strendur var hann opinn yfir
vertíðina. Þegar komum dugg-
anna til Fáskrúðsfjarðar fækkaði
lagðist starfsemi spítalans af og
árið 1939 var hann fluttur í
Hafnarnes og byggður þar sem
fjölbýlishús. Eftir að byggðin í
Hafnarnesi lagðist af hefur húsið
staðið autt, en árið 1996 voru
stofnuð samtök um að end-
urbyggja Franska spítalann á
Fáskrúðsfirði, sem næst þeim
stað sem hann stóð á áður.
Morgunblaðið/Steinunn Ásmundsd.
Franski spítalinn í Hafnarnesi
Fáskrúðsfjörður
KAUPFÉLAG Fáskrúðsfirðinga
hefur starfað í sjötíu ár og rekið
umfangsmikla atvinnustarfsemi á
Fáskrúðsfirði. Í
ársbyrjun 2002
var Kaupfélag-
inu breytt í eign-
arhaldsfélag og
er aðaleign þess
83,89% hlutafjár
í Loðnuvinnsl-
unni hf. á Fá-
skrúðsfirði.
Kvóti Loðnu-
vinnslunnar er
allur unninn á Fáskrúðsfirði. Er
það mál manna að fyrirtækið hafi
unnið vel úr sínum kvóta og til fyr-
irmyndar sé hvernig sú stefna hafi
verið mörkuð að vinna nánast allan
kvóta heimafyrir. Þannig er allur
kvóti ísfisktogarans Ljósafells unn-
inn í frystihúsinu á Fáskrúðsfirði,
sem er stærsti vinnustaður bæj-
arins, en hjá Loðnuvinnslunni
vinna að jafnaði um 170 manns.
Gísli Jónatansson er fram-
kvæmdastjóri Loðnuvinnslunnar
og kaupfélagsstjóri Kaupfélags Fá-
skrúðsfirðinga.
„Okkar skip, Ljósafell, aflar má
segja alls þess hráefnis sem við er-
um að vinna í frystihúsinu, en ann-
ar afli sem hér kemur á land fer að
miklu leyti á markað og að stórum
hluta í burtu og hefur gert lengi“
segir Gísli. „Við vorum með tvo ís-
fisktogara, Ljósafell og Hoffell og
sameinuðum þessa kvóta á Ljósa-
fell. Nýja Hoffellið er nú gert út
sem flottrolls- og nótaveiðiskip.
Einnig erum við með einhvern við-
bótarkvóta sem við höfum keypt. Í
bolfiskinum eru þetta eitthvað um
3.900 tonn á nýju kvótaári og þar
að auki er loðna, kolmunni og síld.“
Gísli segist hæfilega bjartsýnn á
síldarvertíðina en vonar að afla-
brögðin og verðið verði sæmileg.
Loðnuvinnslan gaf nýlega út
milliuppgjör og var hagnaður
fyrstu sex mánuði ársins 43 millj-
ónir króna eftir skatta. Á sama
tíma í fyrra nam hagnaður 295
milljónum. „Afkoman í landvinnsl-
unni hefur stórversnað,“ segir
Gísli. „Á fyrri hluta ársins hefur
hún verið með því versta sem sést
hefur í nokkurn tíma. Til mótvægis
reynum við áfram að hagræða og
spara eins og hægt er. Nú virðist
eitthvað vera að slakna á krónunni,
en það hefur háð okkur verulega
að dollarinn skuli hafa farið úr 110
kr. niður undir 70 kr. Verðið hefur
líka verið frekar lágt á þessum af-
urðum og erfitt að selja framleiðsl-
una í sumar.“ Gísli segir að árið
2002 hafi verið afar gott fram-
leiðslu- og söluár, en þá var velta
ársins 2,3 milljarðar króna. Hann
segir því dýfuna meiri en ella hefði
verið.
Næstu verkefni þorskeldi og
endurnýjun í frystihúsinu
Af nýjungum framundan nefnir
Gísli að búið sé að samþykkja að
Loðnuvinnslan taki þátt í þorskeldi
með fyrirtækjunum Skútuklöpp og
Ósnesi. „Við erum að velta því fyr-
ir okkur með öðru og vonandi get-
ur þorskeldið farið af stað næsta
vor að einhverju ráði. Þá er kerfið
í frystihúsinu komið til ára sinna
og þarf að skoða það á næstunni.
Það er stór framkvæmd. Við höf-
um síðustu árin verið í uppbygg-
ingu á nýrri fiskimjölsverksmiðju
og verið að vélvæða síldarvinnsl-
una. Þá endurbyggðum við Hoffell
árið 2001.“
Afkoman í fryst-
ingunni hefur
stórversnað
Fáskrúðsfjörður
Gísli Jónatansson
Í samræmi við heimild í samþykktum Og fjarskipta hf. (Og Vodafone) hefur stjórn félagsins tekið
ákvörðun um að hækka hlutafé félagsins um allt að 384.615.385 krónur að nafnverði. Nafnverð
útgefinna hlutabréfa félagsins verður allt að 3.466.109.327 krónur eftir að útboðinu lýkur.
Söluandvirði hlutafjárins verður nýtt til uppgreiðslu á brúarláni sem félaginu var veitt vegna kaupa á
hlutafé Tals hf.
Hlutaféð verður boðið hluthöfum Og Vodafone til kaups og mun Fyrirtækjaráðgjöf Landsbanka Íslands
hf. hafa umsjón með útboðinu og skráningu hlutafjárins í Kauphöll Íslands hf.
Stærstu hluthafar félagsins hafa lýst vilja sínum til að framselja forgangsrétt sinn til áskriftar í
hlutfjárútboðinu og með því gefa fagfjárfestum tækifæri til að koma að félaginu með sterkari hætti en
áður.
Í tilkynningu sem birt var í fréttakerfi Kauphallar Íslands hf. þann 18. október 2002 var tilkynnt um
fyrirhugaða hlutafjárhækkun félagsins á árinu 2003 að söluvirði um 1.900 milljónir króna. Rekstur Og
Vodafone hefur gengið samkvæmt áætlun frá því hlutabréf Tals hf. voru keypt eins og fram kemur í
uppgjöri félagsins þann 30. júní 2003. Í ljósi batnandi afkomu félagsins ákvað stjórn þess að selja
skuldabréf fyrir 1.000 milljónir króna. Sala skuldabréfanna gerir það að verkum að ekki er þörf á að
nýta heimild til hlutafjárhækkunar að því marki sem ráðgert var í október 2002.
Aðilum, sem skráðir eru eigendur hluta í hlutaskrá Og Vodafone í lok dags þann 3. september 2003,
gefst kostur á að skrá sig fyrir hinum nýju hlutum í réttu hlutfalli við hlutafjáreign sína og verður tekið
á móti áskriftum dagana 17. til 19. september n.k. Hluthafar geta framselt öðrum aðilum áskriftarrétt
sinn í heild eða að hluta. Ef hluthafar nýta ekki eða framselja áskriftarrétt sinn að fullu öðlast aðrir
hluthafar aukinn rétt til áskriftar. Nafnverð hvers hlutar er ein króna og verða hlutirnir boðnir á
genginu 2,60. Það hlutafé sem ekki selst í forgangsréttarútboðinu verður boðið fagfjárfestum til sölu
dagana 22.-23. september á genginu 2,60. Sölutímabil til fagfjárfesta getur orðið styttra ef allt
hlutaféð selst fyrir lok þess.
Nánari upplýsingar um útboðið og fyrirkomulag þess verða veittar forgangsréttarhöfum í bréfi vikuna
8.-12. september 2003 auk þess sem viðauki við skráningarlýsingu Íslandssíma hf. frá 4. apríl 2003
verður birtur fyrir lok þeirrar viku á heimasíðum Og Vodafone www.ogvodafone.is og Landsbanka
Íslands hf. www.landsbanki.is
Útboð á nýju hlutafé
Tilkynning til hluthafa Og fjarskipta hf.