Morgunblaðið - 05.09.2003, Blaðsíða 40
40 FÖSTUDAGUR 5. SEPTEMBER 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
MATTHÍAS Johannessen lýsti ný-
lega í blaðagrein skoðun sinni á að-
sendum greinum í Morgunblaðinu:
„Yfirfullt af blaðursömu karpi sem
nauðsynlegt er að lesa ekki. En þó
einhver sterkasta vísbendingin um
„opnun“ blaðsins. Kallað ritfrelsi.“
Það er ótrúlegt að þessi fyrirlitning-
arorð séu skrifuð af fyrrverandi rit-
stjóra Morgunblaðsins. Sá ber nú
ekki virðingu fyrir áhugaverðasta
efni blaðsins. Og orð hans virðast
sýna litla samúð með ritfrelsinu al-
mennt. Starfinu á Morgunblaðinu
lýsir Matthías m.a. með þessum orð-
um: „Þar sem menn eru óvarðir fyrir
dómgreindarleysi alls kyns framtón-
inga og kverúlanta sem halda þjóðin
bíði í ofvæni eftir dagskipan þeirra.“
En hver hefur framtónað sér oftar í
Morgunblaðinu en Matthías Johann-
essen síðustu áratugi? Skyldi hann
telja sjálfan sig með í vandlæting-
arlestri sínum? Og skyldi hann nokk-
uð hafa í huga „dagskipanirnar“ í
leiðurum og öðrum ritstjórnargrein-
um Morgunblaðsins fyrr og síðar?
Það eru einu „dagskipanirnar“ sem
finna má í blaðinu, einu skoðana-
skrifin sem eru í hverju einasta tölu-
blaði.
Matthías skrifar einnig: „Þeir sem
eru óánægðir með sjálfa sig menga
umhverfið, því þeir eru einlægt
óánægðir með aðra.“ Er þá Matthías
svona hundóánægður með sjálfan
sig? Varla væri hann annars svo
óánægður með þessa aðra sem eru
að skrifa í Morgunblaðið að hann
geti ekki stillt sig um að „menga“ út
frá sér með dæmafáu yfirlæti.
SIGURÐUR ÞÓR GUÐJÓNSSON,
Skúlagötu 68.
„Mengun“
Frá Sigurði Þór Guðjónssyni:
ÉG sá að þær Guðmunda og Sædís
svöruðu bréfi mínu um Dalsmynni
sem birtist í Morgunblaðinu fimmtu-
daginn 28. ágúst síðastliðinn. Að
sjálfsögðu langar mig til að svara
þeim til baka. Mikið er ég nú fegin
fyrir ykkar hönd að hundarnir ykkar
séu gallalausir, en því miður hafa
ekki allir verið svo heppnir. Ein
kona sem ég þekki á 10 hunda frá
Dalsmynni en einungis 2 þeirra eru í
lagi. Þetta er því miður ekki eins-
dæmi. Ég geri mér fullkomlega
grein fyrir því að gallar geti alls
staðar komið upp, en að sjálfsögðu
ætti þá ekki að rækta undan þeim
því gallarnir eru arfgengir. Auðvitað
eru hundarnir samt yndislegir,
hverjum finnst ekki sinn hundur sá
besti í heimi, en það er heldur ekki
verið að setja út á þá heldur aðstöðu
foreldra þeirra. Gallarnir eru ekki
það sem ég hef mestar áhyggjur af.
Það er staðreyndin að að það er ekki
fræðilegur möguleiki að 4 manneskj-
ur geti hugsað um hátt í 200 hunda.
Það þarf að þrífa búrin þeirra alla
daga og gefa hundunum viðunandi
hreyfingu og það er óhugsandi að
þau hafi tíma í að gera það hvern
einasta dag fyrir hvern einasta
hund. Ef myndirnar, sem eru á
heimasíðunni www.simnet.is/jv1 eru
skoðaðar, má sjá að vesalingarnir
þurfa að liggja í sínu eigin hlandi og
saur sem er algjörlega óviðunandi.
Ég er mikill dýravinur og það sting-
ur mig í hjartað að hugsa til aum-
ingja hundanna sem þarna búa. Ég
geri mér fullkomlega grein fyrir því
að tíkur með hvolpa ættu ekki að
vera undir stöðugu áreiti, en ég vissi
ekki betur en að þær lægju í sér-
stöku hvolpaherbergi og því ætti að
vera óhætt að skoða aðstöðuna hjá
hinum hundunum. Ég vil endilega
benda aftur á að nú hafa reglur um
hundabú verið settar og tel ég þær
skýrar. Það er hægt að skoða þær
nánar á dyravernd.is en ég furða
mig á því að ekki skuli farið eftir
þeim á Dalsmynni. Það á enginn að
komast upp með svona lagað!
BERGÞÓRA BACHMANN,
Brekkukoti, Bessastaðahreppi.
Meira um Dalsmynni
Frá Bergþóru Bachmann:
VIÐBRÖGÐ Alfreðs Þorsteinssonar
borgarfulltrúa við frumskýrslu Sam-
keppnisstofnunnar nú á dögunum
voru stórmerkileg. Í skýrslunni
kemur fram að borgarstjóri tók þátt
í því að blekkja viðskiptavini Esso,
þáverandi vinnuveitanda síns. Ekki
er enn ljóst hve ríkulegur atbeini
Þórólfs var.
Alfreð gerði lítið úr þætti Þórólfs
og heldur því blákalt fram að um
pólitíska aðför að borgarstjóra sé að
ræða. Eins og um helber ósannindi
væri að ræða. Svo er ekki, Þórólfur
hefur játað að hafa tekið þátt í því að
plata flesta olíukaupendur á landinu.
Honum leið meira að segja illa en sá
ekki ástæðu til að leita að öðru starfi
eða það sagði hann að minnsta kosti í
Morgunblaðinu.
Fyrst Þórólfi leið illa að taka þátt í
verðsamráðinu væri fróðlegt að vita
hvernig honum hefur liðið þegar
hann tók við velferðarbótum frá
dönskum skattgreiðendum gagngert
í þeim tilgangi að leggjast í ferðalög.
Konan hans átti ekki erfitt með að
segja frá því í blaðaviðtali. Ætli hann
hafi ekki nagandi samviskubit.
En af hverju lætur Alfreð svona,
þyrlar upp pólitísku moldviðri og ber
blak af
Þórólfi? Alfreð skyldi þó ekki bera
kvíðboga fyrir mögulegri útkomu
rannsóknar Ríkisendurskoðunar á
athöfnum hans sem stjórnanda Sölu-
deildar varnarliðseigna. Svo virðist
sem Alfreð hafi í starfi sínu þar, al-
veg eins og í starfi sínu hjá Orkuveit-
unni, ekki haft hagsmuni almennings
að leiðarljósi. Það er því ekkert
skrítið að Alfreð styðji Þórólf. Já,
þar leiðir haltur blindan.
SNORRI STEFÁNSSON,
Sólvallagötu 15, 101 Reykjavík.
Tveir á toppnum
Frá Snorra Stefánssyni, laganema: