Morgunblaðið - 05.09.2003, Blaðsíða 41

FRÉTTIR
MORGUNBLAÐIÐ FÖSTUDAGUR 5. SEPTEMBER 2003 41
LENKA Ptacnikova sigrað á Ís-
landsmóti kvenna í skák sem lauk á
miðvikudagskvöld. Hún hlaut 8½
vinning af 10. Lenka sem er tékk-
nesk, er alþjóðlegur stórmeistari
kvenna, en búsett hér á landi. Hún
hefur sett mjög skemmtilegan svip
á kvennaskákina á undanförnum
árum og m.a. tekið drjúgan þátt í að
kenna íslenskum stúlkum leyndar-
dóma skáklistarinnar. Hún tefldi
sem gestur á mótinu, en Guðfríður
Lilja Grétarsdóttir, alþjóðlegur
meistari kvenna, varð í öðru sæti
með 7½ vinning og hreppti jafn-
framt titilinn Íslandsmeistari
kvenna í skák 2003. Lilja á einstak-
an skákferil að baki og hún hefur nú
unnið Íslandsmeistaratitilinn 11
sinnum. Hún er jafnframt varafor-
seti Skáksambands Íslands. Harpa
Ingólfsdóttir veitti Lilju harða
keppni og var jöfn henni að vinn-
ingum fyrir lokaumferðina, en hafn-
aði í þriðja sæti eftir tap gegn
Lenku. Úrslit síðustu umferðar:
Elsa M. Þorfinnsd. – Anna B.
Þorgrímsd. 0-1
Guðfríður Lilja – Hallgerður H.
Þorsteinsd. 1-0
Lenka Ptacnikova – Harpa Ing-
ólfsdóttir 1-0
Lokastaðan á mótinu varð þessi:
1. Lenka 8½ v.
2. Guðfríður Lilja 7½ v.
3. Harpa Ingólfsdóttir 6½ v.
4.–5. Anna B. Þorgrímsdóttir,
Hallgerður Helga Þorsteinsdóttir
3½ v.
6. Elsa María Þorfinnsdóttir ½ v.
Þetta hefur vafalítið verið erfitt
mót fyrir þær yngstu í hópnum,
Hallgerði og Elsu Maríu, en þær
eiga framtíðina fyrir sér og fram-
farirnar geta verið örar á þessum
aldri. Það verður fróðlegt að fylgj-
ast með þeim á næstu árum. Árang-
ur Hallgerðar á mótinu var sérlega
athyglisverður.
Hannes fékk 10 vinninga
af 11 í landsliðsflokki
Stórmeistarinn Hannes Hlífar
Stefánsson (2.560) gaf ekkert eftir í
lokaumferð landsliðsflokks þótt Ís-
landsmeistaratitillinn væri í höfnu.
Hann vann enn einn sigurinn, en
andstæðingur hans að þessu sinni
var Sigurður Daði Sigfússon
(2.323). Hannes hlaut samtals 10
vinninga af 11 og varð tveimur vinn-
ingum á undan næsta manni, stór-
meistaranum Þresti Þórhallssyni
(2.444). Alþjóðlegu meistararnir
Stefán Kristjánsson (2.404) og Sæv-
ar Bjarnason (2.269) deildu þriðja
sætinu með Ingvari Jóhannessyni
(2.247). Árangur Ingvars er sérlega
athyglisverður. Þetta var frumraun
hans í landsliðsflokki og hann var
jafnframt stigalægstur keppenda á
mótinu. Til að kóróna afrekið hefði
hann getað tryggt sér áfanga að al-
þjóðlegum meistaratitli með sigri í
lokaumferðinni, en skák hans við
Ingvar Ásmundsson lauk með jafn-
tefli. Úrslit elleftu umferðar:
Sigurður D. Sigfúss. – Hannes
Hlífar 0-1
Róbert Harðars. – Þröstur Þór-
hallss. ½-½
Björn Þorfinnss. – Davíð Kjart-
anss. 0-1
Ingvar Ásmundss. – Ingvar Þ.
Jóhanness. ½-½
Jón V. Gunnarss. – Sævar
Bjarnas. ½-½
Guðmundur Halldórss. – Stefán
Kristjánss. 0-1
Lokastaðan í landsliðsflokki:
1. Hannes Hlífar Stefánsson 10 v.
2. Þröstur Þórhallsson 8 v.
3.–5. Stefán Kristjánsson, Ingvar
Þór Jóhannesson, Sævar Bjarnason
6½ v.
6. Róbert Harðarson 6 v.
7.–8. Jón Viktor Gunnarsson,
Davíð Kjartansson 4½ v.
9. Ingvar Ásmundsson 4 v.
10.–11. Björn Þorfinnsson, Guð-
mundur Halldórsson 3½ v.
12. Sigurður Daði Sigfússon 2½
v.
Sigurvegarar bjóða til fjöl-
teflis á Breiðholtsdaginn
Sigurvegarar Íslandsmótsins í
skák bjóða öllum sem áhuga hafa til
fjölteflis í göngugötunni í Mjódd á
Breiðholtsdaginn, sem verður hald-
inn hátíðlegur í dag, föstudaginn 5.
september. Fjölteflið byrjar kl. 16
og er opið öllum, en börn og ung-
lingar eru boðin sérstaklega vel-
komin. Margt fleira verður í boði á
Breiðholtsdaginn. Ýmis félög í
Breiðholti munu kynna starfsemi
sína, leiktæki verða á staðnum, grill
og margt fleira.
Það er Taflfélagið Hellir sem
stendur fyrir fjölteflinu, en báðir
sigurvegarar Íslandsmótsins í skák,
stórmeistararnir Hannes Hlífar
Stefánsson og Lenka Ptacnikova
eru félagar í Helli.
Íslandsmót öldunga hefst í dag
Þriðja Íslandsmót öldunga, 60
ára og eldri, fer fram í Garðabergi,
Garðatorgi 7 (félagsheimili aldr-
aðra í Garðabæ) dagana 5. til 7.
september. Alls verða tefldar 6 um-
ferðir með klukkutíma umhugsun-
artíma. Dagskrá:
Föstudagur 5. sept.
1. umf. hefst kl. 19
2. umf. hefst kl. 21
Laugardagur 6. sept.
3. umf. kl. 14
4. umf. kl. 16
Sunnudagur 7. sept.
5. umf. kl. 14.
6. umf. kl. 16.
Sigurvegari mótsins, Íslands-
meistarinn, verður fulltrúi Íslands á
Norðurlandamóti öldunga í sama
aldursflokki sem haldið verður í
Sønderborg í Danmörku dagana
11.10.–19.10.2003 en Skáksam-
band Íslands mun senda einn kepp-
anda á það. Skáksamband Dan-
merkur á einmitt 100 ára afmæli á
þessu ári. Upplýsingar um Norður-
landamótið er að finna á heimasíðu
þess, http://www.seniorskak.dk/.
Önnur verðlaun verða bikar bæði
til eignar og farandbikar gefinn af
Guðmundi Arasyni og svo verð-
launapeningar fyrir næstu sæti.
Þátttökurétt hafa þeir sem verða
60 ára á árinu 2003 eða eldri. Þó
þarf fulltrúi Íslands á Norðurlanda-
mótinu að vera fæddur fyrir 1. jan-
úar árið 1944. Þátttökugjald er
1.000 krónur.
Núverandi Íslandsmeistari er
Björn Þorsteinsson.
Skráning fer fram með því að
senda tölvupóst á netfangið
tgchess@yahoo.com. Einnig er
hægt að tilkynna þátttöku í síma
861 9656 (Páll), eða til skrifstofu
Skáksambands Íslands í síma 568
9141.
Það er Taflfélag Garðabæjar sem
skipuleggur Íslandsmót öldunga.
Barna- og unglingaskákmót
í Valhúsaskóla
Sunnudaginn 7. september
stendur skákfélagið Hrókurinn og
Æskulýðs- og Íþróttaráð Seltjarn-
arnesbæjar fyrir barna og ung-
lingaskákmóti í Valhúsaskóla, fyrir
krakka í 1-10 bekk. Efnt verður til
happdrættis þar sem dregnir verða
út vinningar frá Sambíóunum, Jap-
is, Mc Donalds, American Style,
Húsdýragarðinum og Borgarleik-
húsinu. Stærsti vinningurinn í
happdrættinu verður fjallahjól.
Á döfinn hjá Hróknum er að
heimsækja yfir 200 skóla og færa
öllum 3. bekkingum á landinu bók-
ina Skák og mát frá Eddu útgáfu.
Jafnframt munu liðsmenn Hróksins
skipuleggja barnaskákmót víða um
land, segir æi fréttatilkynningu.
Skráning á skakskoli@hotmail.-
com.
Verðlaunahafar á Íslandsmótinu í skák: Þröstur Þórhallsson, Ingvar Þór
Jóhannesson, Hannes Hlífar Stefánsson, Guðfríður Lilja Grétarsdóttir,
Lenka Ptacnikova, Stefán Kristjánsson og Harpa Ingólfsdóttir. Á mynd-
ina vantar Sævar Bjarnason.
Lenka sigraði en Lilja
varð Íslandsmeistari
dadi@vks.is
Daði Örn Jónsson
Bragi Kristjánsson
SKÁK
Hafnarborg, Hafnarfirði
SKÁKÞING ÍSLANDS 2003
24.8. – 4.9. 2003
Kennsla hefst hjá Dansíþrótta-
félagi Hafnarfjarðar laugardag-
inn 13. september. Boðið verður
uppá t.d. Greasedansanámskeið
þar sem kenndir verða allir nýj-
ustu dansarnir úr Grease ásamt
gömlum Grease-töktum. Kennt
verður einu sinni í viku í 10 vikur.
Námskeiðin enda með sýningu og
Grease–balli. Kennari á námskeið-
unum verður Sigrún Ýr Magn-
úsdóttir Íslandsmeistari og fyrr-
um Norðurlandameistari í
samkvæmisdönsum.
Einnig verður boðið upp á hefð-
bundin námskeið fyrir börn, ung-
linga og fullorðna. Öll námskeið
eru ætluð byrjendum og lengra
komnum. Kenndir verða sam-
kvæmisdansar fyrir alla aldurs-
hópa og verða í boði sértímar fyrir
pör, saumaklúbba og lokaða hópa.
Nánari upplýsingar eru á heima-
síðunni www.dih.is.
Ljósmyndanámskeið í Stykk-
ishólmi Ljósmyndanámskeið
verður haldið í Hótel Stykkishólmi
helgina 27. og 28. september, ef
næg þátttaka næst. Námskeiðið er
frá kl.13 – 18, alls 10 klst. Farið
verður í ljósmyndatæknina,
myndatökuna sjálfa og mynd-
uppbygginguna. Auk þess verður
farið í stafrænu tæknina. Nám-
skeiðið er bæði fyrir byrjendur og
lengra komna. Leiðbeinandi er
Pálmi Guðmundsson. Upplýsingar
og skráning á www.ljosmyndari.is
Á NÆSTUNNI
Ungir nemendur í Dansíþróttafélagi Hafnarfjarðar.
Margareta Winberg varafor-
sætis- og jafnréttisráðherra Sví-
þjóðar flytur erindi á vegum ís-
lenskrar kvennahreyfingar á Grand
hóteli í Sigtúni 38, á morgun, laug-
ardaginn 6. september kl. 10–12.
Hún mun kynna lagaumhverfi Svía
á sviði kynferðisofbeldis og sænsku
leiðina í baráttunni gegn verslun
með konur.
Margareta Winberg hefur sýnt
frumkvæði og áræði í baráttunni
gegn hvers kyns kynferðisofbeldi á
alþjóðavettvangi.
Eftirfarandi samtök standa að
heimboðinu: Briet Félag ungra
feminista, Feministafélagið, Kven-
félagasambandið, Kvennakirkjan,
Kvennaráðgjöfin, Kvenréttinda-
félagið, Neyðarmóttaka vegna
nauðgunar, Rannsóknarstofa í
kvenna- og kynjafræðum, Stíga-
mót, Tímaritið Vera og Unifem á
Íslandi.
Haustgöngur skógræktarfélag-
anna hefjast laugardaginn 6. sept-
ember kl. 10 en þá verða fyrstu
göngurnar í syrpunni „Haustgöng-
ur skógræktarfélaganna“ í fræðslu-
samstarfi við Kaupþing–Bún-
aðarbankann og í samvinnu við
Garðyrkjufélag Ísland. M.a. er
hugað að gömlum og merkum
trjám og þau stærstu mæld. Þetta
eru 1 1/2–2 stunda léttar göngur,
ókeypis og öllum opnar. Gengið
verður allar helgar út ágústmánuð
á 2–3 stöðum á landinu. Að þessu
sinni verða göngur í Hafnarfirði,
Hveragerði og Borgarnesi.
Frá Hafnarfirði verður lagt af stað
frá Kaldárseli og gengið með Und-
irhlíðunum og endað í Skólalundi.
Boðin verður létt hressing þegar
komið er til baka í Kaldársel.
Göngustjóri: Jónatan Garðarsson.
Frá Hveragerði verður lagt af stað
frá hvernum Grýlu, norðan við
Hamar. Gengið verður suður fyrir
Hamarinn inn í skógræktina upp
Hamarsstíg yfir í Ölfusdal þar sem
Landgræðsluskógurinn verður
skoðaður. Göngustjóri: Böðvar
Guðmundsson, skógfræðingur.
Í Borgarnesi verður safnast saman
við Skallgrímsgarð í Borgarnesi og
gengið á slóðir áhugaverðra trjáa í
gamla bænum. Boðið verður upp á
Ketilkaffi. Göngustjórar: Ragnar
Olgeirsson og Örn Símonarson.
Kristinn H. Þorsteinsson, form.
Garðyrkjufélags Íslands.
Kayakklúbburinn heldur
Hvammsvíkurmaraþon á morgun,
laugardaginn 6. september. Vara-
dagur vegna veðurs verður að
venju sunnudagurinn á eftir. Ræst
verður klukkan 10 og er skráning
hefst kl 9 –9.30 á Geldinganesinu.
Boðið verður upp á þrjá flokka,
einn kvennaflokk og tvo mismun-
andi bátaflokka fyrir karla. Verð-
launaafhending og grillveisla áætl-
uð í Hvammsvík kl. 16.30.
Þátttökugjald í maraþoni er kr.
1500 og innifalið í því er m.a. neyð-
arblys og neyðarflauta. Nánari
upplýsingar eru á heimasíðunni
www.this.is/kayak
Hausthátíð verður í Vesturbæ á
morgun, laugardaginn 6.september.
Að hátíðinni stendur hverfa-
samstarfsfélagið Vesturbær – bær-
inn okkar! Dagskráin hefst í sund-
laug Vesturbæjar þ.s.
Vesturbæingum er boðið frítt í
laugina fram til hádegis. Sunddeild
KR mun bjóða uppá skemmtun,
fræðslu og leiki fyrir gesti laug-
arinnar. Kl.11 verður helgistund í
Neskirkju ásamt kynningu á starfi
kirkjunnar í vetur. Skátafélagið
Ægisbúar mun bjóða uppá
skemmtidagskrá í skátaheimilinu
og á lóðinni þar við kl. 12–16. Þar
verða hoppkastalar og klif-
urveggur, andlitsmálun, grillaðar
pylsur, trúðar mæta á staðinn.
Einnig verður kynning á starfi
Ægisbúa í vetur og kynning á
starfi leikskólanna í Vesturbæ.
Nemendur úr grunnskólum Vest-
urbæjar verða með söng og fim-
leika í frístundamiðstöðinni Frosta-
skjóli og á KR-svæðinu kl. 14–16.
Hljómsveitir munu spila og stórkór
barna frá leikskólum í Vesturbæ
mun syngja undir stjórn Margrétar
Pálmadóttur. Vetrarstarf Frosta-
skjóls, KR og Þrekhússins verður
kynnt og gestum boðið að taka þátt
í getraun. Leiktæki verða á staðn-
um, veitingasala o.fl. Nánari upp-
lýsingar á vefslóðinni www.rvk.is
Á MORGUN
Opið hús í Bjarkarási, Læjarási og
Ási – vinnustofu Styrktarfélag
vangefinna verður með opið hús á
þremur af dagvistarstofnunum sín-
um, Bjarkarási, Læjarási og Ási, í
dag föstudaginn 5. september kl 13 –
16.
Styrktarfélag vangefinna vill stuðla
að aukinni umræðu um þátttöku og
hlutverk fatlaðra í samfélaginu. Það
er meðal annars gert með því að
kynna störf og daglegar aðstæður
fatlaðra.
Venjubundin starfsemi verður á
stöðunum en auk þess verða mynda-
sýningar úr starfinu fyrr og nú.
Kaffi á könnunni.
Í DAG
HANDVERKSTÆÐIÐ Ás-
garður, Álfossvegi 22 í Mos-
fellsbæ, sem er verndaður
vinnustaður fyrir fatlaða, mun
hafa opið hús laugardaginn 6.
september á milli kl. 14 og 18.
Tilefni opnunarinnar er að
Ásgarður á tíu ára starfsafmæli
og einnig er Ásgarður kominn í
framtíðarhúsnæði tæpum
tveimur árum eftir að Ásgarðs-
menn misstu allt sitt í bruna
hinn 6. desember 2001.
Boðið verður upp á kaffi og
kökur, söngdúettinn M&M flyt-
ur lög og kl. 16 mun Leikfélagið
MAS sýna verkið „Pýramus og
Þispu“, sem er brot úr „Draumi
á Jónsmessunótt“ eftir William
Shakespeare.
Í dag er 21 fatlaður starfs-
maður við smíði á leikföngum
og skyldum munum úr tré.
Einnig er fengist við söng og
leiklist í Ásgarði, en leikhópur
Ásgarðs, sem fengið hefur
nafnið Leikfélagið MAS, hefur
farið margar ferðir til útlanda
og sýnt leikrit eftir t.d. Göthe
og Shakespeare.
Ásgarður
með opið
hús í Mos-
fellsbæ