Morgunblaðið - 16.09.2003, Síða 1
Morgunblaðið/Halldór Kolbeins
Djúpt borað
Í rannsóknarborun við
Hágöngulón verður borað
allt niður á 2.400 metra en í
5.000 metra í djúpborun.
„HELSTI ávinningurinn er
fimm- til tíföld aflaukning úr
hverri holu, úr kannski fimm
megavöttum í 50 megavött, og
hugsanlega margföld orku-
upptaka úr jarðhitasvæðum
sem eru í vinnslu, til dæmis úr
100 megavöttum í 300 mega-
vött,“ segir Guðmundur Ómar
Friðleifsson, jarðfræðingur á
Orkustofnun, um djúpborun á
Íslandi.
Guðmundur Ómar Friðleifs-
son fór fyrir þeim sem kynntu
íslenska djúpborunarverkefn-
ið á ráðstefnu Jarðhitafélags
Íslands gær. Hugmyndin felst
í því að bora 5 km djúpar holur
eftir um 400 til 600 gráða jarð-
hita og samkvæmt hag-
kvæmniathugun er þetta
hægt. Kostnaður vegna einnar
holu er um 20 milljónir dollara,
um 1,6 milljarðar króna, og er
hægt að hefja framkvæmdir
eftir um tvö ár verði ráðist í
fjármögnun í haust, en verk-
efnið getur gagnast öllum jarð-
hitasvæðum heims. Tólf bor-
holustöðum á Reykjanesi,
Nesjavöllum og Kröflusvæð-
inu hefur verið forgangsraðað,
en framhaldið er hjá orkuveit-
unum. Borun vísindaholu tek-
ur um átta mánuði, en jafnvel
sé verið að tala um þrjár holur
og verkefni sem taki allt að
fimmtán ár, en þá yrði kostn-
aður um 60 til 70 milljónir doll-
ara.
Margföld/10
Djúpboranir eftir jarðhita gætu valdið byltingu
Allt að tíföld aukning
á afli úr hverri holu
Að slá í
gegn í Tívolíi
Best varðveitta leyndarmál
Norðurlanda sveik engan Fólk 44
STOFNAÐ 1913 250. TBL. 91. ÁRG. ÞRIÐJUDAGUR 16. SEPTEMBER 2003 PRENTSMIÐJA ÁRVAKURS HF. mbl.is
Frumkvöðull
heiðraður
Minningartónleikar um dr. Victor
Urbancic í Salnum Listir 21
Handboltinn
að hefjast
Nýtt keppnisfyrirkomulag
reynt í vetur Íþróttir 38
COLIN Powell, utanríkisráðherra Bandaríkjanna,
heilsar ættingjum fólks sem lét lífið í eiturgasárás á
bæinn Halabdja í Kúrdahéruðunum í N-Írak í marz
1988. Powell hitti fólkið í gær við minnismerki sem
reist var yfir fjöldagröf fórnarlamba árásarinnar,
sem Íraksher gerði og talið er að hafi kostað allt að
5.000 manns lífið. Powell fékk hlýjar móttökur; fólk-
ið hrópaði m.a.: „Frelsarar okkar eru velkomnir.“
Reuters
Powell fagnað í Halabdja
Lögreglan
vongóð
BÚIÐ er að yfirheyra nokkurn
hóp fólks í tengslum við morðið á
utanríkisráðherra Svíþjóðar, Önnu
Lindh, í liðinni viku en öllum hef-
ur verið sleppt á ný, að sögn
fréttavefjar blaðsins Dagens
Nyheter í gær. Hnífurinn, sem
morðinginn notaði, var sendur til
Bretlands í fyrrinótt með hrað-
boða, en þar á að beita nýjustu
tækni til að leita að og rannsaka
lífssýni á honum. Ekki fundust
nein fingraför á vopninu.
Myndum af upptöku úr örygg-
ismyndavél í versluninni, þar sem
Lindh var myrt, hefur verið dreift
til lögreglu í mörgum löndum.
Blaðið hefur eftir talsmönnum
lögreglu að ekkert sé hægt að full-
yrða um það hvort maðurinn sé
enn í Svíþjóð. Miklar vonir séu
bundnar við að upplýsingar frá al-
menningi muni leiða til handtöku.
Athyglin/14
Leitin að morðingja
Önnu Lindh
AÐEINS þriðjungur yfir-
stjórnar Landspítala – há-
skólasjúkrahúss er ánægður
með vinnuandann á sjúkra-
húsinu, að því er fram kemur í
könnun sem Vinnueftirlitið
hefur unnið í samstarfi við
læknaráð LSH á starfsum-
hverfi lækna við stofnunina.
Meðal sérfræðinga eru 16%
ánægð með vinnuandann og
13% aðstoðar-/deildarlækna.
Að sögn Kristins Tómas-
sonar, yfirlæknis hjá Vinnu-
eftirlitinu, er það verulegt
áhyggjuefni að óánægja er
með skipulag vinnunnar á
hverri deild. Þá komi á óvart
að upplýsingaflæði á spítalan-
um í heild sé ekki fullnægj-
andi, þriðjungur yfirmanna sé
ánægður með það, 10% sér-
fræðinga og 8% aðstoðar-/
deildarlækna.
Óánægja í
starfi á LSH
Upplýsingaflæði innan/6
Mikill skortur á upplýsingaflæði
samkvæmt könnun meðal 571 læknis
er af sömu gerð og kerfið í Flórída
sem dró að sér heimsathygli er at-
kvæði voru talin í forsetakosning-
unum árið 2000, væri óáreiðanlegt
og kynni að bjaga úrslitin.
Áfangasigur fyrir Davis
Með úrskurðinum, sem tekur að
óbreyttu gildi að loknum sjö daga
kærufresti, er fyrri ákvörðun
neðra dómstigs hnekkt, en sam-
kvæmt henni skyldi kosningunum
haldið til streitu þrátt fyrir fjölda
kærumála, sem stuðningsmenn nú-
verandi ríkisstjóra, demókratans
Grays Davis, standa að. Það voru
repúblikanar sem áttu frumkvæði
að því að nógu mörgum undir-
skriftum var safnað til að lög byðu
að boðað skyldi til kosninga þar
sem spurt yrði hvort afturkalla
ætti embættisumboð Davis og
kjósa nýjan ríkisstjóra. 133 fram-
bjóðendur hafa gefið kost á sér.
ÁFRÝJUNARDÓMSTÓLL í
Kaliforníu úrskurðaði í gær að end-
urteknum kosningum um embætti
ríkisstjóra Kaliforníu, sem fyrir-
hugað var að færu fram hinn 7.
október nk., skyldi frestað.
Rökin sem dómstóllinn, sem var
skipaður þremur dómurum, færði
fyrir þessari niðurstöðu snúa að-
allega að því að atkvæðagreiðslu-
kerfið, sem enn er notað í sumum
kjördeildum, sé gallað. Kerfið, sem
Dómur frestar kosn-
ingum í Kaliforníu
Los Angeles. AFP.
Framfara-
flokkur og
SV vinna á
NORSKI Verkamannaflokkurinn
heldur stöðu sinni sem stærsti
flokkur Noregs samkvæmt út-
gönguspám í gærkvöldi, en sveit-
ar- og héraðsstjórnarkosningar
fóru fram þar í landi í gær.
Samkvæmt spám norska ríkis-
útvarpsins NRK fékk Verka-
mannaflokkurinn alls um 26% at-
kvæða. Hægriflokkurinn kom
næstur með rúm 19%, en Fram-
faraflokkur Carls I. Hagens festi
sig í sessi sem þriðji stærsti flokk-
ur landsins, með yfir 15% fylgi.
Stjórnarandstöðuflokkur vinstri
sósíalista, SV, vann líka mikið á og
fékk nú um 14%.
Sveitarstjórnar-
kosningar í Noregi
EINN æðstu
manna brezku
leyniþjónustunnar
bar í gær fyrir
Hutton-nefndinni
svokölluðu, sem
rannsakar tildrög
andláts brezka
efnavopnasérfræð-
ingsins Davids
Kellys, að umdeild
fullyrðing um að
Írakar gætu beitt
gereyðingarvopn-
um á innan við 45
mínútum hefði ver-
ið „áreiðanleg“.
Sir Richard
Dearlove, yfirmað-
ur utanlandsleyniþjónustunnar MI6, gaf
þennan vitnisburð í óvæntri fjarfundaryf-
irheyrslu Hutton-nefndarinnar, sem hóf í
gær vitnaleiðslur á ný eftir ellefu daga hlé.
Kom fram að varnarmálaráðherranum
Geoff Hoon hefði verið stefnt fyrir nefndina
á ný í næstu viku, þar sem hann verður
krafinn frekari skýringa á þætti sínum í því
að nafn Kellys var opinberað sem heimild-
armanns fréttar BBC sem kom fárinu af
stað sem endaði með sjálfsvígi Kellys.
Hitnar undir ráðherranum
Að Hoon skuli kallaður aftur til yfir-
heyrslu ýtir undir orðróm um að hann
kunni að hljóta sömu örlög og Alastair
Campbell, almannatengslastjóri Blairs for-
sætisráðherra, sem sagði af sér strax eftir
að fyrstu vitnaleiðslulotunni lauk fyrir hálf-
um mánuði. Campbell á líka að mæta aftur.
Í gær kom einnig Greg Dyke, fram-
kvæmdastjóri BBC, fyrir nefndina og svar-
aði spurningum um hina hörðu rimmu sem
forsvarsmenn BBC áttu við Campbell og
fleiri talsmenn stjórnarinnar um fréttina
sem kom fárinu af stað. Dyke varði vinnu-
brögð fréttamannsins Gilligans og að
stjórnendur á BBC skyldu hafa ákveðið að
draga fréttina ekki til baka.
Íraks-
skýrsla
varin
Lundúnum. AFP.
Hoon aftur fyrir Hutton-
nefndina í næstu viku
Dómarinn Hutton
lávarður hóf í gær
nýja lotu vitnaleiðslna.
AP
♦ ♦ ♦