Morgunblaðið - 28.09.2003, Síða 18

18 SUNNUDAGUR 28. SEPTEMBER 2003 MORGUNBLAÐIÐ
VIÐ hreinsum allt nemasálina,“ segir MagnúsKristinsson, eigandiEfnalaugarinnar Bjarg-ar um starfsemina en
fyrirtækið fagnar 50 ára afmæli um
þessar mundir. „Já, við gætum líka
sagt að við hreinsum allt nema
mannorð,“ bætir Kristinn Guðjóns-
son, tengdasonur Magnúsar sem
rekur Efnalaugina Björg á Háaleit-
isbraut, ásamt eiginkonunni Soffíu
Magnúsdóttur. Ágústa Kristín
Magnúsdóttir og eiginmaður henn-
ar, Sigurður Jónsson, reka Efna-
laugina Björg í Mjódd. Áður en þau
tóku við þeim rekstri árið 1987 hafði
Ágústa Kristín starfað við fyrirtæk-
ið um árabil.
Efnalaugin Björg hefur allt frá
stofnun 1. október 1953 verið fram-
arlega á sínu sviði. Magnús og síðar
tengdasynir hans og dætur hafa
fylgst vel með öllum nýjungum úti í
heimi og því hefur efnalaugin ætíð
verið búin fullkomnustu tækjum
sem völ er á.
„Hverju fyrirtæki er nauðsynlegt
að fylgjast með nýjungum á sínu
sviði og það hafa forsvarsmenn efna-
laugarinnar gert með ýmsum
hætti,“ segir Kristinn. „Nefna má
heimsóknir til fyrirtækja erlendis,
námskeið, sýningar og aðild að al-
þjóðafélagi efnalauga og þvotta-
húsa.“
Sigurður segir efnalaugina hafa
haft það markmið að vera í fremstu
röð. „Þá á ég við vélakost, fag-
mennsku og að fylgjast grannt með
nýjungum á þessu sviði og einnig
höfum við sótt námskeið sem henta
okkur.“ Nú síðast fóru Ágústa
Kristín, Kristinn og Sigurður á nám-
skeið hjá Hugo Boss í Þýskalandi á
vegum Iðntæknistofnunar þar í
landi og í verksmiðju Hugo Boss í
Metzingen.
Efni hafa vissulega breyst og
mörg gerviefni eru erfið viðureignar
að þeirra sögn. Því hefur verið mætt
með enn betri tækjakosti og aukinni
þekkingu og kunnáttu.
„Til þess að bæta þjónustu við við-
skiptavini okkar var opnað fullkom-
ið þvottahús á Háaleitisbrautinni
fyrir þremur árum,“ segir Kristinn.
„Síðan þá hefur sú þjónusta vaxið
jafnt og þétt, þ.e. heimilisþvottur,
dúkaþvottur og útleiga á dúkum og
servéttum.“
Ýmsar nýjungar
Kristinn segir að skyrtuþvottur
hafi einnig aukist til muna og eru
efnalaugarnar með sérstakar
skyrtuvélar. „Þá er einnig til staðar
svokölluð blauthreinsun sem kemur
að góðu gagni við hreinsun á við-
kvæmum fatnaði en hún brúar bilið
milli þurrhreinsunar og þvottar,“ út-
skýrir Kristinn. Sigurður segir að í
Mjódd hafi nýlega verið fest kaup á
nýrri og vistvænni hreinsivél sem í
stað perklórs, sem hefur verið aðal-
hreinsivökvi síðustu áratugi, notar
hydrocarbon sem er náttúrulegur
vökvi unninn úr hrárri jarðolíu. Sú
vél er fyrsta sinnar tegundar á Ís-
landi, að sögn Sigurðar. „Fyrir utan
almenna hreinsun á fatnaði höfum
við sérhæft okkur í hreinsun á loð-
feldum, leðri- og rúskinnsfatnaði í
40 ár.“ Til að viðhalda þekkingu
sinni í skinnahreinsun hafa Ágústa
Kristín og Sigurður sótt námskeið
bæði í Evrópu og Bandaríkjunum
um meðferð á þessum viðkvæma
fatnaði.
„Má því segja að Efnalaugin
Björg hafi yfir að ráða tækjum og
þekkingu sem þarf til þess að með-
höndla alls kyns fatnað,“ segir
Kristinn.
Í sömu fjölskyldunni í fimmtíu ár
Efnalaugin Björg hefur alla tíð
verið í eign sömu fjölskyldunnar og
segir Magnús það einsdæmi. Magn-
ús og eiginkona hans, Greta Bach-
mann, hafa nú dregið sig út úr dag-
legum rekstri fyrirtækisins.
Fyrirtækjum sem fást við þvott
og hreinsun á flíkum hefur fjölgað
gegnum árin og segir Sigurður að
þegar Efnalaugin Björg opnaði í
Mjódd árið 1987 hafi verið 8-10 efna-
laugar. Nú séu þær 28. „Samkeppn-
in hefur harðnað og því skiptir öllu
máli að þjónustan sé sem allra best,“
segir Kristinn. „Þó að tryggir við-
skiptavinir séu fjölmargir nægir það
ekki, við verðum ætíð að bjóða bestu
þjónustu sem völ er á.“
Áhersla á umhverfismál
Áhersla fyrirtækisins á umhverf-
ismál hefur aukist mikið undanfarin
ár. Nú fer hreinsunin farm í lokuðu
kerfi þannig að mengunarefni fara
ekki út í andrúmsloftið. Efnin eru
mildari og mikil áhersla er lögð á
gott loftræstikerfi. „Lyktin af
hreinsiefnunum er sama og engin í
dag,“ segir Magnús. „Áður var meiri
lykt og nú heldur fólk stundum að
það sé ekki búið að hreinsa t.d. gard-
ínur og áklæði því lyktin er ekki til
staðar lengur,“ bætir Kristinn við.
Gott starfsfólk
Allir eru þeir sammála um að
starfsfólkið skipti höfuðmáli fyrir
fyrirtækið. „Mesta gæfa fyrirtækis-
ins er það góða starfsfólk sem vinn-
ur með okkur,“ segir Sigurður. Fjöl-
margir hafa unnið árum saman hjá
fyrirtækinu. Að öðrum ólöstuðum
muna margir eftir Dísu sem vann í
Barmahlíðarútibúinu og síðar í af-
greiðslunni á Háaleitisbraut og Óla,
verkstjóra á Háaleitisbraut, sem nú
er látinn.
„Það er mjög mikilvægt að starfs-
fólk og eigendur meti hvert annað,“
segir Magnús sem átti það til að
senda leigubíla eftir starfsfólkinu á
árum áður þegar illa viðraði. „Okkur
leið vel saman, svona gekk þetta,
eins og það átti að vera, eins og
ágætt hjónaband,“ rifjar Magnús
upp um samskipti sín við starfsfólk-
ið gegnum árin.
Öll barnabörn Magnúsar hafa
unnið í fyrirtækinu í skólaleyfum og
nú er þriðji ættliður kominn til
starfa í fyrirtækinu. Börn Sigurðar
og Ágústu Kristínar, Einar Örn og
Guðrún Erla, sem gegnir starfi
verkstjóra í Mjódd, og er Magnús
mjög ánægður með það.
Ástarbréf og
trúlofunarhringir í vösunum
Magnús segir ýmislegt spaugilegt
hafa komið fyrir. „Við höfum fundið
ástarbréf og trúlofunarhringi í vös-
um á flíkum og erum þá auðvitað
bundin fullum trúnaði,“ segir hann
og hlær. „Aðalatriðið er að koma
slíkum hlutum, líkt og fatnaðinum,
aftur til réttra aðila.“
Þeir Magnús, Kristinn og Sigurð-
ur eru sammála um að með aukinni
samkeppni sé þjónustan mikilvæg-
ari en nokkru sinni. „Vandvirknin er
höfuðatriðið,“ segir Sigurður. „Og
við búum yfir gríðarlegri reynslu,“
segir Kristinn. „Í þessum viðskipt-
um skiptir reynslan og þekkingin
mestu máli,“ segir Magnús. Þeir eru
því sammála um að þekking, reynsla
og þjónusta séu aðalsmerki Efna-
laugarinnar Bjargar.
Efnalaugin Björg, sem starfrækt er á Háaleitisbraut og í Mjódd, fagnar fimmtíu ára afmæli 1. október
Fjölskyldufyrir-
tæki í hálfa öld
Magnús Kristinsson festi
kaup á Efnalauginni Björg
fyrir fimmtíu árum. Gegn-
um tíðina hefur fyrirtækið
verið búið góðum tækjum
til hreinsunar á nánast
hverju sem er, eins og hann
og tengdasynirnir Kristinn
Guðjónsson og Sigurður
Jónsson, sem nú hafa tekið
við rekstrinum, segja.
Morgunblaðið/Árni Torfason
Efnalaugin Björg í Mjódd: Sigurður Jónsson og eiginkonan Ágústa Kristín Magn-
úsdóttir sem reka fyrirtækið þar, Greta Bachmann og Magnús Kristinsson.
Efnalaugin Björg á Háaleitisbraut: Magnús Kristinsson, Greta Bachmann og
hjónin Soffía Magnúsdóttir og Kristinn Guðjónsson sem reka fyrirtækið þar.
Nóg að gera í Straumi: Magnús Kristinsson við vélarnar í efnalauginni Straumi í
Vestmannaeyjum árið 1945. Fyrstu vélarnar voru opnaðar.
Hattahreinsun auglýst: Efnalaugin Björg var á Sólvallagötu 74 fyrstu árin.
ÁHUGI Magnúsar Kristinssonar
á fatahreinsun kviknaði á unga
aldri í heimabæ hans, Vest-
mannaeyjum. Þar vann hann við
afgreiðslu á fatnaði sem sendur
var til efnalaugarinnar Glæsis í
Reykjavík. Magnús fór til Reykja-
víkur þar sem hann kynnti sér
fatahreinsun, litun og önnur
efnalaugastörf hjá Glæsi. Áhug-
inn var svo mikill að hann stofn-
aði síðan sína eigin efnalaug,
Straum, árið 1944 í Vest-
mannaeyjum. Síðan flutti hann til
Reykjavíkur og starfaði í efna-
lauginni Glæsi til 1953 er hann
festi kaup á Efnalauginni Björg á
Sólvallagötu 74. Einnig rak hann
útibú í Barmahlíð 6 í mörg ár. Í
byrjun árs 1966 var efnalaugin
flutt í nýtt húsnæði við Háaleit-
isbraut 58–60 þar sem hún er
enn.
Árið 1984 tóku dætur hans,
Ágústa Kristín og Soffía Magn-
úsdætur og tengdasynir, Sig-
urður Jónsson og Kristinn Guð-
jónsson, við rekstri fyrirtækisins.
Efnalaugina Björg á Háaleit-
isbraut reka Kristinn og Soffía,
en efnalaugina í Mjódd, sem opn-
uð var árið 1987, reka Sigurður
og Ágústa Kristín.
„Við mátum það svo að þetta
yrði góður verslunar- og þjón-
ustukjarni,“ segir Sigurður um
opnun efnalaugarinnar í Mjódd.
Þar vinna nú sjö starfsmenn en
níu á Háaleitisbrautinni.
Tæki og tól við fatahreinsun
hafa gjörbreyst frá því að Magn-
ús hóf starfsemi. „Eldgömlu
hreinsivélarnar voru opnar,“ rifj-
ar Magnús upp. Fatnaður var
tekinn blautur úr vélunum og
settur í vindur. „En síðan hefur
margt breyst og vélar komu þar
sem fatnaður fór þurr inn og
kom þurr út, tandurhreinn.“
Nú getur Efnalaugin Björg
þrifið alls kyns flíkur og efni með
ýmsum ólíkum aðferðum.
Nýjasta viðbótin er fullkomið
þvottahús sem var opnað árið
2000 á Háaleitisbrautinni og
hreinsun á vaxbornum fatnaði í
Mjódd.
Saga Efnalaug-
arinnar Bjargar