Morgunblaðið - 28.09.2003, Qupperneq 27

LISTIR
MORGUNBLAÐIÐ SUNNUDAGUR 28. SEPTEMBER 2003 27
ÞAÐ er alltaf gaman að því hve
gamalreyndir leikarar geta komið
mikið á óvart þegar þeir sýna á sér
nýjar hliðar. Þessi sýning Möguleik-
hússins er gott dæmi um slíkt. Hér er
það danski leikstjórinn Torkild
Lindebjerg sem heldur um stjórnvöl-
inn og spinnur upp þessa líka
skemmtilegu útgáfu af sögunni um
vegferð mannanna á jörðinni og sam-
skipti þeirra við almættið. Það var
einmitt líka danskur leikstjóri, Peter
Holst, sem leikstýrði Stefáni Erni
Arnarsyni og Pétri Eggerz í verð-
launasýningu á Völuspá Þórarins
Eldjárns. Það er greinilegt að utanað-
komandi leikstjórar með ferska sýn á
listina blása nýju lífi í starf Möguleik-
hússins og gefa leikurum þess tæki-
færi til að brjóta nýtt land í leiklist-
inni.
Verkið hefst á kunnuglegum trúðs-
töktum, tveir menn vandræðast með
kassa sem þeir bera fram og aftur og
velta til og frá. Þó er atferli þeirra,
hreyfingar og samskipti langt frá stíl-
færðum trúðleik, ráðaleysi þeirra
reynist í samhengi þess sem síðar
kemur á daginn, táknrænt fyrir til-
gangslaust vafstur mannfólksins á
jörðu hér. Mennirnir tveir ræða sam-
an á uppdiktuðu máli, sem að vísu er
ekki eins merkingarlaust og virðist
við fyrstu heyrn heldur bregður fyrir
orðmyndum úr ýmsum tungumálum.
Tungumálakunnátta áhorfenda skipt-
ir minnstu máli því alltaf má ráða
merkingu orðanna út frá samskipta-
munstrinu.
Þegar gægst er í kassann kemur
ýmislegt óvenjulegt í ljós. T.d. leynist
þar stærðarinnar sellóleikari með
hljóðfæri sitt meðferðis og annar
kassi minni. Stefán Örn Arnarson
hefur gegnt mikilvægu hlutverki í
nokkrum sýningum Möguleikhússins
frá því hann lék undir á selló í Völu-
spá. Hann hefur t.a.m. leikið á fiðlu í
Heiðarsnældu og annað leikrit Mögu-
leikhússins, Tónleikur, snýst um
hljóðfæraleik hans. Hér er hann enn
kominn og leikur ábúðarfullur ljúfar
strófur á sellóið á meðan hann hefur
auga með mönnunum og brölti þeirra.
Upp úr kassanum sem leyndist inn-
an kassans koma ýmsir hlutir sem
hafa táknræna merkingu og vísa í
hvernig heimur okkar varð til og
hvernig mennirnir lærðu að lifa í sam-
félagi. Sumir þeirra vísa beint til frá-
sagnar Biblíunnar af vistinni í Eden
án þess að sagan eins og hún kemur
þar fyrir sé rakin á nokkurn hátt.
Fjarvera Evu gerir höfundi kleift að
velta fyrir sér siðferðilegum spurn-
ingum sem tengjast þessum vanga-
veltum án þess að fara út í þá sálma að
rifja upp úrelt viðhorf um samskipti
kynjanna, hvað þá erfðasyndina og
allt það sem fylgir. Í stað þess verða
mennirnir tveir í leiknum fulltrúar
mannkynsins alls án þeirrar auka-
merkingar sem fylgir hefðbundnum
útgáfum af sköpunarsögunni.
Það er best að gefa ekki of mikið
upp um hvað kemur upp úr minni
kassanum svo tilvonandi áhorfendur
séu ekki sviptir ánægjunni af því að
láta koma sér á óvart. Best er að láta
sér nægja að segja að verk módel-
smiðsins Justin Wallace eiga stóran
þátt í því hve vel tekst til.
Þetta er afar athyglisverð sýning
og býður upp á ótal möguleika um
tengingu við siðfræðinám fyrir alla
aldurshópa. Sýningin kallar beinlínis
á umræður um efni hennar; börn,
unglingar og fullorðið fólk ætti allt að
hafa eitthvað til málanna að leggja
eftir að hafa fylgst með Pétri Eggerz,
Bjarna Ingvarssyni og Stefáni Erni
Arnarsyni skila þessari sérstöku hug-
smíð Torkilds Lindebjergs svo eftir-
minnilega.
Guð og menn
Morgunblaðið/Ásdís
Torkild Lindebjerg leiðbeinir Pétri Eggerz og Bjarna Ingvarssyni.
LEIKLIST
Möguleikhúsið
Höfundur: Torkild Lindebjerg. Leikmynd,
lýsing, búningar og leikstjórn: Torkild
Lindebjerg. Tónlist: Stefán Örn Arnarson.
Módelsmíði: Justin Wallace. Leikarar:
Bjarni Ingvarsson, Pétur Eggerz og Stef-
án Örn Arnarson. Föstudagur 26. sept-
ember.
TVEIR MENN OG KASSI
Sveinn Haraldsson
HjartaHeill
í Perlunni
Síðasti dagur sýningarinnar er í dag
Sýningin er haldin í tilefni 20 ára afmælis
Landssamtaka hjartasjúklinga
Á fjórða tug fyrirtækja, sem tengjast heilbrigði og hollu líferni,
kynna vörur sínar og þjónustu.
Dagskrá:
Kl. 13.00 Skólahljómsveit Seltjarnarness leikur fyrir gesti.
Kl. 14.00 Lagt af stað í hjartagönguna.
Sigurður Guðmundsson landlæknir ávarpar
göngufólk.
Kl. 16.00 Landssamtök hjartasjúklinga afhenda gjafir
og heiðursmerki.
Kl. 16.30-18.00 Kaffiveitingar á 3. hæð Perlunnar.
Sýningin er opin frá kl. 13.00-18.00.
Verið velkomin.
LANDSSAMTÖK HJARTASJÚKLINGA