Morgunblaðið - 28.09.2003, Side 42
42 SUNNUDAGUR 28. SEPTEMBER 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞORSTEINN Hilmarsson, blaða-
fulltrúi Landsvirkjunar, ritar bréf til
blaðsins 15. september þar sem hann
svarar bréfi Ás-
gerðar Jónsdótt-
ur um stíflugerð í
Laxá. Í bréfi
blaðafulltrúans
kemur fram að
Landsvirkjun
hafi áhuga á að
hækka stíflu í
Laxá í S-Þing., en
hún fellur úr Mý-
vatni sem kunnugt er. Tilgangurinn
er að verja búnað og bæta rekstr-
aröryggi Laxárvirkjana. Fram kem-
ur hjá blaðafulltrúanum, þar sem
hann ræðir athugun á mögulegri
stífluhækkun, að forsvarsmenn
,,Rannsóknastofu lífríkisins við
Mývatn“ hafi fyrir sitt leyti sam-
þykkt að hún fari fram.
Ef blaðafulltrúinn á við Náttúru-
rannsóknastöðina við Mývatn, sem
er ein af stofnunum umhverfisráðu-
neytisins, þá liggur slíkt samþykki
ekki fyrir. Landsvirkjun hefur beint
málinu í mat á umhverfisáhrifum, en
fyrsta formlega skrefið í þeim ferli
er að lögð er fram matsáætlun, þar
sem rannsóknir og annað þess háttar
er tíundað. Sú áætlun er enn ekki
fram komin, og því væri samþykki
Náttúrurannsóknastöðvarinnar ekki
tímabært.
Þorsteinn Hilmarsson blaða-
fulltrúi getur þess ennfremur, að
eina leiðin til að hefta sandburð í
Laxá sé með 10–12 metra hárri stíflu
í Laxárdal. Sé svo, er sú niðurstaða
byggð á athugunum sem Náttúru-
rannsóknastöðinni við Mývatn er
ókunnugt um.
GÍSLI MÁR GÍSLASON,
formaður stjórnar Náttúrurann-
sóknastöðvarinnar við Mývatn.
Stíflugerð í Laxárdal
Frá Gísla Má Gíslasyni
ÚTSENDING hérlendis á BBC
World Service kom mörgum á óvart,
ekki síst undirrituðum. Hjartað tók
kipp þegar hann rakst á BBC á ís-
lenskum útvarpsbylgjum, en fram að
því hafði slíkt verið merki um stóran
atburð í heiminum og yfirleitt ótíð-
indi. En svo var það ekki í þetta sinn,
heldur var um nýjung í boði Norður-
ljósa að ræða.
Nú nýlega kom tilkynning frá
Norðurljósum, sem átt hafa undir
högg að sækja síðustu misserin, að
þau yrðu að hætta að endurvarpa
BBC World Service vegna fjárhags-
legra erfiðleika, og er útvarpsstöðin
Skonrokk nú komin í staðinn.
Greinilega er mikil eftirsjá hjá út-
lendingum með þessu brotthvarfi.
Ein kona frá Rússlandi sem búsett
er á landinu hafði nýlega samband
við stjórn Fjölmenningarráðs (FR)
vegna vonbrigða sinna og spurði
hvort ráðinu fyndist þess virði að
„láta heyra í sér“ um hvað tómarúm-
ið yrði mikið fyrir alla sem áður nutu
tengslanna við umheiminn sem BBC
veitti. Þar sem eitt markmið ráðsins
er „að vera málsvari útlendinga“
varðandi áhugamál þeirra, finnst öll-
um sem sæti eiga í stjórn FR rétt að
koma þessum sjónarmiðum á fram-
færi. Þó íslenski ljósvakinn miðli
fréttum vel veitir mörgum útlend-
ingum ekki af að hafa upplýsingalind
eins og BBC til að brúa bilið á meðan
þeir ná tökum á íslensku.
Stjórn FR vill þakka Norðurljós-
um merkilegt skeið í sögu íslenska
útvarpsins, sem hefur veitt útlend-
ingum mikilvægan glugga að um-
heiminum. Um leið vill stjórnin óska
fyrirtækinu góðs gengis í framtíð-
inni, ekki síst með nýjasta framtakið.
DANÍEL TEAGUE.
Í stjórn Fjölmenningarráðs situr
fólk af erlendum uppruna sem búsett
er á Íslandi og vill stuðla að virku og
jákvæðu fjölmenningarsamfélagi í
landinu. Á vef Fjölmenningarráðs
má finna frekari upplýsingar um
markmið og starfsemi samtakanna:
simnet.is/multiculturalcouncil.
Frekar upplýsingar veitir:
Daniel Teague í síma 552 1535
Kveðja BBC og
þakka Norðurljósum
Frá Daníel Teague
YFIR þjóðina ríður skeggöld einka-
væðingar. Einstakir peningabubbar
spila með og kaupa lönd og lausafé til
vinstri og hægri. Almenningur veit
vart hvaða þýðingu bröltið hefur.
Það sem meira er. Ég skil ekki einu
sinni tungutakið!
Málsvari kaupahéðnanna kom
fram í fréttum nýverið til að skýra
gang mála. Ég hjó eftir orðinu sam-
legðaráhrif. Samlegðar-hvað? Sam-
legðaráhrif er það „bisness“ eða eitt-
hvað sexúelt – hvað veit ég? Í fátinu
sem á mig kom við að skilja ekki
mælt mál hrökk út úr mér: Samlegð-
aráhrif – hvað ætli séu mörg gé í því
(sbr. rómverskur riddari réðist inn í
Rómaborg, rændi þar og ruplaði
radísum og rófum – hvað eru mörg
err í því?). Fannst það eins góð
spurning og hver önnur á stundinni.
Nú langar mig hins vegar til að fá
lært svar við eftirfarandi spurning-
um:
Hvar, hvenær og af hvaða tilefni
kom orðið samlegðaráhrif fyrst
fram?
Hvað merkir orðið samlegðaráhrif
almennt og hvaða þýðingu hefur það
í framangreindu samhengi?
Með fyrirfram þökk,
ELÍN G. ÓLAFSDÓTTIR,
Efstasundi 40, 104 Reykjavík.
Samlegðaráhrif –
hvað eru mörg gé í því?
Frá Elínu G. Ólafsdóttur