Morgunblaðið - 28.09.2003, Page 43
MORGUNBLAÐIÐ SUNNUDAGUR 28. SEPTEMBER 2003 43
Fyrirtæki til sölu
Upplýsingar um fyrirtæki ekki veittar í síma
Við sölu fyrirtækja er gagnkvæmur trúnaður mikilvægur og við gefum því
ekki upplýsingar um fyrirtæki í síma. Við viljum fá kaupendur til okkar og
kynnast þeim, en með því móti getum við einnig þjónað þeim betur.
Vinsamlega hringið áður og pantið tíma. Síminn er 533 4300, en einnig er
hægt að nota tölvupóstinn: jens@husid.is
Eftirfarandi eru stuttar lýsingar á nokkrum fyrirtækjum sem eru fáanleg, en
við auglýsum ekki nema brot af þeim fyrirtækjum sem höfum til sölu:
Þekkt dekurstofa. Nudd, Eurowave, hljóðbylgjutæki, leirpottur, ljós,
naglaborð. Aðveld kaup. Rekstrarleiga með kauprétti kemur til greina.
Tveir pizza take-out staðir úr stórri keðju. Vel staðsettir með öllum
búnaði.
Höfum til sölu nokkrar stórar sérverslanir, heildverslanir og iðnfyrirtæki í
ýmsum greinum fyrir rétta kaupendur. Ársvelta 100-1000 m. kr.
L.A. Café Laugavegi. Góður matsölu- og skemmtistaður með 100
sætum. Löng og góð rekstrarsaga.
Bílaverkstæði með mikil og föst viðskipti. 4-5 starfsmenn. Vel tækj-
um búið í eigin húsnæði á góðum stað.
Glæsileg tískuvöruverslun í stórri verslunarmiðstöð. Góð viðskipta-
sambönd.
Kaffi Expresso í Grafarvogi. Nýtt og glæsilegt kaffihús á besta stað í
Spönginni. Miklir möguleikar. Auðveld kaup.
Stór sérhæfð trésmiðja með góðan hagnað. 10 starfsmenn.
Gott tækifæri fyrir fyrirtæki í svipaðri starfsemi.
Matvöruverslun, bensínsala og veitingarekstur í Búðardal. Eigið hús-
næði. Ársvelta er nú tæpar 200 m. kr. og hefur farið vaxandi með
hverju ári. Góður hagnaður um margra ára skeið og mjög heilbrigður
rekstur. Sérstaklega hentugt fyrir stóra fjölskyldu eða tvenn hjón.
Traust jarðverktakafyrirtæki á Austurlandi óskar eftir duglegum og
heiðarlegum meðeiganda sem hefur reynslu á þessu sviði. Viðkom-
andi verður að leggja fram a.m.k. 10 m. kr. í peningum. Mjög góð
verkefnastaða og mikil tækifæri framundan.
Ein besta lúgusjoppa landsins. Mikil sala í grilli. Góður hagnaður.
Vélaverkstæði í Keflavík með alhliða málmsmíði. Vel tækjum búið.
Gott fjárfestingatækifæri. Stórt hótel á landsbyggðinni í öruggri út-
leigu. Skipti á fasteign í Reykjavík kemur til greina.
Hálendismiðstöðin Hrauneyjum er fáanleg til rekstrarleigu með
kauprétti. Gisti- og veitingastaður með mikla sérstöðu og góðan
rekstur. Mjög gott tækifæri fyrir samhenta fjölskyldu, sem hefur
gaman af hálendinu og langar að eignast eigið fyrirtæki.
Gott fyrirtæki með flúðasiglingar til sölu að hluta eða að öllu leyti.
Mikill vöxtur - miklir möguleikar.
Þekkt heildverslun með tæki og búnað fyrir byggingaverktaka.
Rammamiðstöðin, Síðumúla, óskar eftir sameiningu eða samstarfi
við rekstur sem fer saman við rammagerð - gallerý.
Lítil en þekkt heildverslun með trésmíðavélar o.fl. Góð umboð.
Tilvalið fyrir trésmið sem vill breyta um starf.
Sérverslun með vörur til víngerðar. Eigin innflutningur.
Glæsileg snyrtivöruverslun á Laugavegi. Eigin innflutningur að hluta.
Þekkt sérverslun með 100 m. kr. ársveltu. Rekstrarhagnaður 14 m. kr.
Gagnlegur fróðleikur á heimasíðu
fyrirtækjadeildar: www.husid.is
Suðurlandsbraut 50 (Bláu húsin v/Faxafen)
Sími 533 4300, GSM 820 8658
Frábær
alhli›a
jeppadekk
fáanleg í
flestum
stær›um
EINS og þegar hefur komið fram
á síðum Mbl. í fréttatilkynningu frá
sýningarnefnd NORDIU 03, verður
enn einu sinni efnt til samnorrænn-
ar frímerkjasýningar í Reykjavík
dagana 16.–19. október nk. Mark-
mið NORDIU-sýninga er það að
kynna sem bezt söfnun frímerkja á
Norðurlöndum. Jafnframt er til-
gangur þeirra sá að skerpa um leið
alla samvinnu milli norrænna frí-
merkjasafnara innbyrðis. Hygg ég,
að hér hafi vel til tekizt í hvívetna.
Sýningin verður á Kjarvalsstöðum,
þar sem fyrri slíkar sýningar hafa
verið haldnar.
Er nú tæpur mánuður til stefnu,
þar til NORDIA 03 hleypur af
stokkunum að þessu sinni. Í áður-
nefndri fréttatilkynningu segir, að
allt bendi til þess, að þessi sýning
verði ein af bezt sóttu frímerkjasýn-
ingum, sem hér hafa verið haldnar.
Er sleitulaust unnið að undirbúningi
hennar, og hefur öllum römmum,
um 600 að tölu, og sölubásum þegar
verið ráðstafað. Þeir verða rúmlega
20 og sumir þeirra tvöfaldir að
stærð. Eins og safnarar þekkja
mæta vel, finna þeir oft frímerki og
annað frímerkjaefni, sem vantað
hefur í söfn þeirra, í sölubásum
kaupmanna. Þess vegna er oft ekki
minni ös hjá þeim en við sjálfa sýn-
ingarrammana. Þá verða níu sölu-
básar á vegum póststjórna, þar sem
kaupa má ónotuð frímerki. Það ber
hér til tíðinda, að þýzka póststjórnin
verður með sölubás í fyrsta skipti.
Þá verður Thorvaldsensfélagið með
sölubás með jólafrímerki sín, eins og
oft áður.
Sem væntanlegur dómnefndar-
maður á sýningunni, hef ég fengið
skrá yfir sýnendur og söfn þeirra.
Ég vil nú greina frá nokkrum söfn-
um, svo að safnarar og gestir sjái,
hvað þeim verður boðið upp á. Hins
vegar er ekki unnt að nefna nema
hluta þessa efnis, enda er sjón alltaf
sögu ríkari.
Í heiðursdeild verður að vonum
hið þekkta og margverðlaunaða Ís-
landssafn Indriða Pálssonar, sem
spannar yfir árin 1838–1902, þ.e.
svonefnt forfrímerkjaefni til 1873 og
svo þaðan ónotuð skildinga- og
aurafrímerki ásamt fágætum bréf-
um frá þessum árum. Þetta safn er
orðið svo kunnugt söfnurum, að
þess gerist ekki þörf að fjölyrða um
það hér.
Eins verður hluti af skildinga- og
aurabréfum úr Þjóðskjalasafni Ís-
lands á sýningunni, enda eru í safni
þess mörg sjaldséð bréf og jafnvel
einstæð, sem varðveitzt hafa í skjöl-
um þess. Enda þótt þau hafi áður
verið á sýningum, er alltaf jafn-
ánægjulegt að hafa tækifæri til að
virða þau fyrir sér.
Þá verða í sérstakri boðsdeild ís-
lenzkt bréfspjaldasafn Sigurðar R.
Péturssonar og safn Jóns Aðalsteins
Jónssonar af tvílitu dönsku skild-
inga- og auramerkjunum frá 1870–
1905. Þessi söfn hafa áður verið á
sýningum, svo að þarflaust er að
lýsa þeim nánar hér.
Í samkeppnisdeild verða mörg
mjög áhugaverð söfn. Úr frímerkja-
samtökum okkar verða sjö sýnend-
ur, að viðbættum þremur erlendum
söfnurum, sem einnig eru í samtök-
unum og hafa þannig öðlazt þátt-
tökurétt á norrænum sýningum. Ís-
lenzku söfnin eru okkur vel kunn frá
fyrri sýningum.
Hjalti Jóhannesson sýnir í fimm
römmum antikva- og lapidar-
stimpla, sem eru elztu íslenzku póst-
stimplar á frímerkjum okkar. Hjalti
er enn að bæta við safn sitt, svo að
þar munu nú komnir hlutir, sem við
höfum ekki áður séð. – Jón Egilsson
sýnir í jafnmörgum römmum frí-
merkjaefni, sem bundið er heimabæ
hans, Hafnarfirði. – Rúnar Þór Stef-
ánsson, varaformaður LÍF, sýnir
frímerkjaefni, sem tengist hernáms-
liðinu í síðari heimsstyrjöldinni og
kallast herpóstur. Er það einnig í
fimm römmum. – Þá verður formað-
ur FF, Sveinn Ingi Sveinsson, með
númerastimplasafn í fimm römm-
um. Það safn hefur áður sézt á sýn-
ingum, en Sveinn Ingi mun stöðugt
vera að draga þar að góða hluti. –
Árni Gústafsson, ritari FF, sýnir í
fyrsta skipti á norrænni frímerkja-
sýningu safn, sem tengist ferðum
þýzka loftskipsins, Graf Zeppelin til
Íslands 1931. Árni hefur áður sýnt
þetta safn á þjóðlegri sýningu (nat-
ional), en nú fer hann með það á nor-
ræna sýningu í þremur römmum,
enda hefur hann aukið safnið veru-
lega frá fyrri sýningu. Fer vel á því,
að Árni hefur helgað sig þessum
þætti í íslenzkri póstsögu, sem féll
alveg niður meðal íslenzkra safnara
við fráfall Páls Ásgeirssonar. – Eið-
ur Árnason sýnir í tveimur römmum
efni, sem hann kallar „Leiðréttingar
á afstimplunum frímerkingarvéla“.
Hann skýrir það svo, að hér sé um
að ræða „leiðrétt burðargjöld á af-
stimplunum frímerkingarvéla með
frímerkjum og póststimplum á við-
komandi pósthúsum“. Er þetta úr-
tak frá 1961–2000. Hér er því á ferð-
inni, að mér skilst, enn eitt svið
innan póststimpla. – Þá verður Ein-
ar Siggeirsson með frímerki úr
„Heimsreisum“ hins ferðaglaða
páfa, Jóhannesar Páls 2. Hefur Ein-
ar tekið að sér að fylgja páfa um
heiminn með þeim frímerkjum, sem
póststjórnir hlutaðeigandi landa
hafa gefið út af því tilefni. Fáum við
að sjá hér hluta úr safni Einars.
Frímerkjafélagið Askja á Húsa-
vík sýnir í fimm römmum Póstsögu
Þingeyjarsýslu 1823–2002. Er þar
brugðið upp margs konar efni frá
þessum tíma, svo sem forfrímerkja-
bréfum og svo lausum merkjum með
blekógildingum, kórónu-, númera-
og brúarstimplum.
Nokkrir erlendir safnarar verða
með íslenzkt efni á sýningunni.
Tveir þeirra eru frá Danmörku og
vel þekktir meðal íslenzkra safnara.
Orla Nielsen sýnir í átta römmum
safn sitt af íslenzkum frímerkjum og
þjónustumerkjum og umslögum allt
frá forfrímerkjatímanum og til loka
Tveggja kónga frímerkjanna 1918.
Hefur safnið tvívegis hlotið stórt
gyllt silfur. Samkv. – Ole Svinth
sýnir erlenda stimpla á íslenzkum
frímerkjum í sex römmum. Hefur
hann, eins og kunnugt er, lengi safn-
að slíkum stimplum og sýnt þá á
sýningum. – Frá SCC í Bandaríkj-
unum kemur íslenzkt bréfspjalda-
safn, sem Gordon C. Morison hefur
sett saman. Er það í átta römmum.
Þá hefur verið getið þess frí-
merkjaefnis, sem varðar Ísland sér-
staklega. En margt annað áhuga-
vert efni verður á sýningunni. Skal
nú hlaupið á ýmsum hlutum, sem
ætla má, að sýningargestir hafi
áhuga á að skoða.
Við fljótlega athugun verða á
NORDIU 03 fimmtán gullsöfn með
margs konar fágætu efni. Er alveg
ljóst, að staðall sýningarinnar er
mjög hár. Ég játa, að ég þekki mjög
takmarkað mörg þeirra safna, sem
sýnd verða, enda sum þeirra af
þröngu svæði. Ég hygg ég muni
samt stanza við sum þeirra. Nefni
ég þar sýningarefni fá eyjunni
Helgoland í mynni Saxelfar, en hún
laut Englendingum frá 1815–1891,
er Þjóðverjar fengu hana aftur í sín-
ar hendur. Þá er póstsögusafn frá
eyjunni Gotlandi í Eystrasalti í átta
römmum. Það safn sá ég á sýningu
fyrir nokkrum árum og heillaðist
mjög af því. Það hefur líka hlotið
gullverðlaun. – Þá verður að geta
þess, að eitt safn kemur alla leið frá
Japan. Höfundur þess sýnir hér
póstsögu Svíþjóðar frá því að hún
hófst 1636 og til ársins 1877. Hefur
þetta safn hlotið mjög góð verðlaun,
að mér skilst.
Sérstök bókmenntadeild verður á
NORDIU 03. Þær bókmenntir, sem
þar verða sýndir, varða Norðurlönd
með einum eða öðrum hætti. Ein-
ungis eitt verk, Stamps of Iceland
1872–1903, fjallar um íslenzk frí-
merki. Er höfundur þess hollenzk-
ur, Henry Regeling, sem ýmsir
safnarar hér heima kannast við.
Samkv. Islands Kontakt í Dan-
mörku munu nokkrir félagar í Is-
landsklubben sækja sýninguna
heim. Einn þeirra, Ebbe Eldrup er
umboðsmaður fyrir Danmörku, en
jafnframt verður hann dómari. – Þá
koma félagar úr Föreningen Is-
landssamlarna í Svíþjóð á sýn-
inguna. Af þessu má sjá, að veruleg-
ur áhugi er meðal norrænna
frímerkjasafnara á að sjá NORDIU
03 dagana 16.–19. okt. og jafnframt í
leiðinni að heilsa upp á íslenzka frí-
merkjasafnara.
NORDIA 03
FRÍMERKI
Sérstimplar, sem notaðir verða á NORDIU 03.
Jón Aðalsteinn Jónsson
Opið hús hjá Samfylkingunni í
Kópavogi á morgun, mánudaginn
29. september kl. 20.30 – 22, í
Hamraborg 11. Þórunn Sveinbjarn-
ardóttir alþingsmaður verður máls-
hefjandi í umræðum um landbúnað,
búsetu og alþjóðavæðingu.
Á MORGUN
Málþing um skólagöngu barna
með athyglisbrest, ofvirkni (AD/
HD) og hegðunarvanda verður hald-
ið í Kennaraháskóla Íslands, föstu-
daginn 3. október kl. 14–17. Mark-
miðið með málþinginu er að vekja
athygli og auka skilning á málefnum
grunnskólanemenda með athygl-
isbrest, ofvirkni og hegðunarvanda
og benda á leiðir til úrbóta.
Erindi halda m.a.: Ingibjörg Karls-
dóttir formaður Foreldrafélags
barna með AD/HD, Styrkár R.
Hjálmarsson foreldri barns með
AD/HD, Bergþóra Valsdóttir fram-
kvæmdastjóri Samfok, Sigrún
Björnsdóttir kennari, Gretar L.
Marinósson dósent í sérkennslu-
fræði, Ragna Freyja Karlsdóttir
sérkennari, Málfríður Lorange
taugasálfræðingur og Katrín B. Eyj-
ólfsdóttir foreldri barna með AD/
HD.
Inngangur að skjalastjórnun
Námskeið Skipulags og skjala ehf.
„Inngangur að skjalastjórnun“ verð-
ur haldið þriðjudaginn 4. og mið-
vikudaginn 5. nóvember nk. kl. 13–
16:30 báða dagana. Námskeiðið er
öllum opið. Í námskeiðinu er farið í
grunnhugtök skjalastjórnunar; lífs-
hlaup skjals, virk skjöl, óvirk skjöl,
skjalaáætlun og skjalalykil. Greint
er frá því hvernig leysa má skjala-
vanda íslenskra vinnustaða með því
að taka upp skjalastjórnun. Skjala-
stjórnun er kynnt á námskeiðinu
sem liður í samkeppnisforskoti fyr-
irtækja. Fjallað er um íslensk lög er
varða skjalastjórnun.
Kennari er Sigmar Þormar M.A.
Námskeiðsgjald er kr. 25.000. Kaffi
ásamt meðlæti báða dagana er inni-
falið í námskeiðsgjaldi. Sjá nánar:
www.skjalastjornun.is
Á NÆSTUNNI