Morgunblaðið - 28.09.2003, Side 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 28. SEPTEMBER 2003 VERÐ Í LAUSASÖLU 190 KR. MEÐ VSK.
Ein gata, eitt hverfi
eða allur bærinn
www.postur.is
Kortleggðu næstu markaðssókn
með Fjölpósti.
MIKILL viðbúnaður var hjá Slökkviliði
höfuðborgarsvæðisins þegar tilkynnt var
um reyk frá húsnæði við Ingólfsstræti 6
aðfaranótt laugardags. Eldur hafði
kviknað í kjallara hússins og hafði íbúð á
næstu hæð fyrir ofan fyllst af reyk. Til-
kynningin kom kl. 2:35 þegar starfs-
maður ljósmyndavörubúðar í húsinu,
gekk fyrir tilviljun framhjá vinnustað sín-
um og sá reykinn. Telur varðstjóri
slökkviliðsins að það hafi skipt sköpum
að fá tilkynninguna eins snemma og raun
bar vitni. Mun verr hefði getað farið ef
eldurinn hefði fengið meiri tíma til að
gleypa í sig eldsmat í húsinu. Rjúfa
þurfti gat á gólf í húsinu til að komast að
rótum eldsins, sem reyndust vera í gólf-
bita í kjallaranum. Talsverðar skemmdir
hlutust af vegna reyks og sögunarvinnu
slökkviliðsmanna, en engan sakaði. Talið
er að kviknað hafi í af sjálfu sér í kjall-
aranum. Slökkviliðið brást við með mikl-
um viðbúnaði til að fyrirbyggja hugs-
anlega útbreiðslu eldsins í nálæg og
eldfim hús í miðbænum. Aðgerðum lauk
klukkan 4:15. Eldsupptök eru í rannsókn
lögreglunnar í Reykjavík.
Morgunblaðið/Júlíus
Eldur kæfður í fæðingu í miðbænum
ALLS hafa 33 hrefnur
veiðst samkvæmt rann-
sóknaáætlun Hafrann-
sóknastofnunar. Eru
því fimm eftir og er
vonast til að þær náist
fyrir mánaðamót þegar
veiðunum lýkur.
Gísli Víkingsson,
verkefnisstjóri hjá Hafrannsóknastofnun, segir að það
fari algerlega eftir veðri hvort það náist að fylla töluna
38, eins og stefnt er að. Upphaflega hafi verið miðað við
að veiðunum lyki í lok september. En ef þá vanti eitthvað
upp á verði farið yfir veðurspá og hugað að því hvort veið-
arnar verði stundaðar í einhverja daga í viðbót. Hann seg-
ir ekki hundrað í hættunni þótt eitt eða tvö dýr verði eftir.
Gerðar eru mælingar á dýrunum og sýni tekin til marg-
víslegra rannsókna. Gísli segir að eftir sé að vinna úr
þeim upplýsingum sem aflað hefur verið. Segir hann mið-
að við að áfangaskýrslu um rannsóknirnar verði skilað til
Alþjóðahvalveiðiráðsins næsta vor. Endanlegar niður-
stöður ráðist síðan af frekari rannsóknum, meðal annars
af því hvort veiðunum verði haldið áfram.
Morgunblaðið/Jim Smart
Eftir að veiða
fimm hrefnur
FORSTJÓRI Vinnumálastofnunar, Giss-
ur Pétursson, gagnrýndi framkomu fjár-
málaráðuneytisins vegna Atvinnuleysis-
tryggingasjóðs harkalega í ræðu sinni á
ársfundi stofnunarinnar í gær. Sagði hann
ekkert tillit hafa verið tekið til tillagna
stjórnar sjóðsins á þessu og síðasta ári um
fyrirsjáanlegar greiðslur og því væru
áætlaðar greiðslur til atvinnuleysisbóta
„fullkomlega“ vanáætlaðar“ á fjárlögum.
Gissur sagði að samkvæmt lögum um
tryggingargjald, sem fjármagnar sjóðinn,
ætti að gefa fjármálaráðuneytinu skýrslu
fyrir lok október ár hvert um fjárhagslega
stöðu sjóðsins. Þar ætti að gera grein fyrir
fyrirsjáanlegum útgjöldum næsta fjár-
hagsárs með hliðsjón af horfum um at-
vinnuleysi og öðrum atriðum sem hefðu
áhrif á fjárhagsstöðu sjóðsins. Gissur
sagði að þetta hefði sjóðurinn gert skil-
merkilega en spurði hvað gert hefði verið
við álit hans.
Aukaframlög vel á annan
milljarð á þessu ári
Sagði hann að á síðasta ári hefði þurft að
bæta við 700 milljónum í aukafjárlögum og
á þessu ári næði þessi tala vel á annan
milljarð króna. Þetta hefði ekki þurft að
koma til ef farið hefði verið eftir tillögum
og álitsgerð Atvinnuleysistryggingasjóðs.
„Það verða aðrir að svara því hvers
vegna svona er búið um hlutina af hálfu
fjármálaráðuneytisins og fjárveitinga-
valdsins. Það kemur óneitanlega mjög
kyndugt út þegar sömu aðilar standa fyrir
kröfum um stífar fjárhagsáætlanir í ríkis-
kerfinu og eftirfylgni þeirra, og standa
jafnvel fyrir fræðslu- og námskeiðahaldi
um fjárhagsáætlanagerð,“ sagði Gissur.
Hann sagði að um langa hríð hefðu stað-
ið yfir deilur um stöðu sjóðsins í ríkiskerf-
inu. Nefndi hann sem dæmi að stjórn
sjóðsins hefði nýverið ákveðið að veita
aukalega 75 milljónum króna til vinnu-
markaðsúrræða á þessu ári í ljósi mikils
atvinnuleysis. Þessi ákvörðun hefði verið
tekin að vandlega yfirveguðu ráði.
„Eins og sakir standa vitum við ekki
annað en að þessari ákvörðun stjórnar
sjóðsins hafi verið ýtt til hliðar í fjármála-
ráðuneytinu. Hvers vegna er það? Hversu
fagleg er slík meðferð og hvaða heimildir
hefur ráðuneytið til þess?“ sagði Gissur.
Forstjóri Vinnumálastofnunar um Atvinnuleysistryggingasjóð
Segir fjármálaráðu-
neytið vanáætla framlög
Aldrei komið til greina að
falla frá varnarsamningi
ÞAÐ hefur aldrei nokkurn tímann komið til
tals að falla frá varnarsamningnum eða að
breyta honum með einhverjum hætti,“ segir
James I. Gadsden, sendiherra Bandaríkj-
anna á Íslandi.
James I. Gadsden segir að í fyrsta lagi
byggist samstarf Íslands og Bandaríkjanna á
varnarsamstarfi sem megi rekja allt aftur til
ársins 1943 og á varnarsamningnum frá 1951
þar sem Bandaríkin skuldbundu sig fyrir
hönd Atlantshafsbandalagsins að tryggja
varnir Íslands. „Sú skuldbinding er í fullu
gildi,“ segir hann. „Varnarsamningurinn er
framkvæmdur á grundvelli bókana þar sem
fjallað er um starfsemi varnarliðsins, sam-
setningu og kostnaðarhlið. Þessar bókanir
hafa yfirleitt gilt til fimm ára í senn. Breyt-
ingar hafa verið gerðar eftir því hverjar þarf-
irnar hafa verið hverju sinni.“
Ræða hvað hver og einn getur gert
Gadsden segir að umræða um framtíðar-
skipulag varna á Íslandi hafi valdið nokkurri
spennu og nokkrum titringi. „Hins vegar hafi
ákvörðun forsetans gert að verkum að við
höfum nú tíma til að ræða, ekki einungis um
orrustuþotur á Íslandi, heldur heildarum-
skipti Atlantshafsbandalagsins og hvernig við
bandalagsþjóðirnar getum tekið á þeim mál-
um sem rædd voru í Prag, þannig að banda-
lagið geti varið sjálft sig jafnt sem hvert ein-
stakt aðildarríki. Í því sambandi verður að
ræða hvað hver og einn getur lagt af mörkum
sem hægt er að deila með öðrum hvar sem er
og hvenær sem er. Hverjir búa yfir sérþekk-
ingu eða getu á tilteknum sviðum sem mætti
nýta hvar sem er og hvenær sem er.“

Samband/16
Einkareknir leikskólar
GJÖLD foreldra með börn
í einkareknum leikskólum
í Reykjavík munu væntan-
lega lækka 1. nóvember
vegna fyrirhugaðra breyt-
inga á styrkjum borgar-
innar. Við breytingarnar
myndu styrkir til einka-
rekinna skóla hækka um
40-50 milljónir á fyrsta ári.
Fulltrúi minnihlutans í
ráðinu fagnar tillögunum.
Á vegum leikskólaráðs
Reykjavíkur hefur verið
unnið að endurskoðun
gjaldskrár leikskóla,
styrkjum til einkarekinna
leikskóla og fleira. Í tillögum um breytingar á styrkj-
um til einkarekinna leikskóla sem meirihluti Reykja-
víkurlistans leggur fram á næsta fundi leikskólaráðs
er stefnt að jöfnun á aðstöðu einkarekinna leikskóla og
leikskóla borgarinnar, að sögn Þorláks Björnssonar
formanns ráðsins. Það verður gert með því að taka mið
af rekstri þeirra fimm leikskóla borgarinnar sem tald-
ir eru ódýrastir og aldri barna á viðkomandi leikskóla.
Greitt verður hærra gjald með yngri börnunum. Mun
borgin greiða um 632 þúsund kr. á ári með 18-24 mán-
aða barni, 498 þúsund með tveggja ára barni og 397
þúsund með þriggja ára. Nú greiðir borgin 360 þúsund
með hverju barni, óháð aldri. Greiðslur með fjögurra
og fimm ára börnum lækka og munar 63 og 130 þús-
undum á ári. Þá verða greiddar 360 þúsund kr. með
börnum yngri en 18 mánaða.
Þorlákur segir að þessar breytingar eigi að leiða til
lækkunar á gjaldskrá einkarekinna leikskóla. Ætlast
verður til þess að einkareknir leikskólar geri þjónustu-
samning við Leikskóla Reykjavíkur og er áskilið að
gjaldskrá þeirra megi ekki vera meira en 15% hærri
en hjá borginni. Gert er ráð fyrir samvinnu við inn-
ritun barna og að börn í einkareknum leikskólum falli
út af biðlista Leikskóla Reykjavíkur. Þorlákur áætlar
að breytingin kosti borgina 40 til 50 milljónir kr. á
fyrsta ári en vonast til að viðbótarkostnaðurinn gangi
til baka þegar aldursdreifing leikskólanna jafnast. Þá
spari borgi á móti í uppbyggingu nýrra leikskóla.
Stórt skref í rétta átt
Guðlaugur Þór Þórðarson, fulltrúi Sjálfstæðis-
flokksins í leikskólaráði, segir að sjálfstæðismenn hafi
lengi talað fyrir jöfnun aðstöðumunar einkarekinna
leikskóla og leikskóla borgarinnar, en það hafi ekki
verið fyrr en fulltrúar Samfylkingarinnar hafi látið af
forystu í leikskólaráði og Ingibjörg Sólrún Gísladóttir
hætt sem borgarstjóri að hægt hafi verið að koma mál-
inu á hreyfingu. Hrósar hann núverandi forystu leik-
skólaráðs, sérstaklega Þorláki Björnssyni framsókn-
armanni, fyrir að vinna að þessum tillögum, sem séu
stórt skref í rétta átt, þótt enn vanti upp á að að-
stöðumunurinn sé jafnaður að fullu.
Skólagjöld
eiga að lækka
Morgunblaðið/Ómar