Morgunblaðið - 07.10.2003, Side 21

AUSTURLAND
MORGUNBLAÐIÐ ÞRIÐJUDAGUR 7. OKTÓBER 2003 21
Kárahnjúkavirkjun | Heilbrigðiseft-
irlit Austurlands (HAUST) fylgist
nú grannt með úrbótum ítalska verk-
takafyrirtækisins Impregilo á að-
stöðu í búðum við Teigsbjarg, við
Axará og í aðalbúðunum við Kára-
hnjúka, Laugarási.
HAUST veitti fyrirtækinu form-
lega áminningu í septemberlok, þar
sem frestir um úrbætur höfðu verið
vanvirtir og var áminningin veitt til
að knýja á um betri samvinnu og full-
nægjandi upplýsingar.
Í fundargerð HAUST frá 29. sept-
ember sl. koma m.a. fram ítrekaðar
athugasemdir vegna ástands vatns-
veitu, mötuneytis, svefnskála, frá-
veitu og meðferðar sorps í búðunum
á Adit 1, Teigsbjargi og Adit 2, Ax-
ará.Var gerð krafa um að mötuneyt-
um þar yrði lokað ef skilyrði væru
ekki uppfyllt.
Í aðalbúðum, Laugarási, var fyr-
irtækinu gert að lagfæra frágang
siturlagna frá rotþróm innan tveggja
vikna, ásamt því að leggja fram um-
sókn og fullnægjandi gögn um vatns-
vernd og innra eftirlit í vatnsveit-
unni, sem tryggðu viðunandi gæði
vatnsins. Á að loka mötuneytinu í
Laugarási með innsigli hinn 15. októ-
ber nk. ef fyrirtækið hefur ekki upp-
fyllt þessi skilyrði og komið öðrum
þáttum rekstrar á staðnum í það
horf að vatnsveita, mötuneyti, svefn-
skálar, fráveita og meðferð sorps
uppfylli skilyrði laga og reglugerða,
eins og segir í fundargerðinni.
Unnið að úrbótum
Helga Hreinsdóttir, fram-
kvæmdastjóri HAUST, segir að
unnið hafi verið að úrbótum síðustu
dagana og telur þessi mál vera að
færast í viðunandi horf.
„Í síðustu viku fengum við viðtal
og tvo fundi með æðstu yfirmönnum
Impregilo,“ segir Helga. „Um
helgina var unnið stíft að úrbótum,
þannig að ég á von á að þetta sé að
komast í lag.“
Hún segir um að ræða samlegð-
aráhrif vegna vöntunar á úrbótum í
mötuneyti, fráveitu og vatnsveitu.
„Eitt af því sem stóð út af var að
ljúka tengibyggingu milli klúbba-
húss og matsalar þar sem hreinlæt-
isaðstaða átti að vera og sömuleiðis
að tengja eldhús við matvæla-
geymslur og fá þar aðstöðu fyrir
starfsmenn eldhúss. Í þessu er búið
að vinna mjög stíft um helgina.“
Helga segir að álagið á Heilbrigð-
iseftirlit Austurlands hafi verið gríð-
arlegt. „Í okkar áætlunum var auð-
vitað ekki gert ráð fyrir að fyrir-
tækið (Impregilo) stæði sig ekki og
þyrfti svo margar eftirfylgniferðir.
Að því leyti til hefur þetta verið erfitt
varðandi mannskap. En ég sé fram á
betri tíma núna og það er að verða
allt annað hljóð í fólki.“
Unnið að úrbótum vegna yfirvofandi
lokana á eldhúsum Impregilo
Aðstaðan sögð
að færast í við-
unandi horf
Morgunblaðið/Steinunn Ásmundsdóttir
Sjá fram á bjartari tíma
HEILBRIGÐISEFTIRLIT Austurlands ætlar að innsigla eldhús í búðum
Impregilo við Teigsbjarg, Axará og í Laugarási ef skilyrði um úrbætur
verða ekki uppfyllt. Framkvæmdastjóri Heilbrigðiseftirlitsins segir fyr-
irtækið hafa tekið vel við sér og sér fram á bjartari tíma.
Fjarðabyggð | Þorpið á Eskifirði
blátt áfram fylltist af börnum um
helgina, þegar þar var haldið kóra-
mót 110 barna frá Egilsstöðum,
Reyðarfirði og Eskifirði.
Börnin höfðu aðstöðu í grunn-
skólanum og voru við æfingar í
Kirkju- og menningarmiðstöðinni á
Eskifirði daglangt.
Þórunn Björnsdóttir, kórstjóri
Kársneskórsins, sem hefur verið
viðloðandi kórastarf í áratugi, hélt
ásamt Ástu Bryndísi Schram, kór-
stjóra og framkvæmdastjóra
Óperustúdíós Austurlands frá Eg-
ilsstöðum og Davíð Baldurssyni,
sóknarpresti Eskfirðinga og Reyð-
firðinga, utan um mótið.
Börnin sungu við tvær messur
um helgina, í Eskifjarðarkirkju á
sunnudagsmorgun og síðar um
daginn í Reyðarfjarðarkirkju.
Morgunblaðið/Helgi Garðarsson
Barnakóramót: Kórsöngur 110 barna ómaði fagurlega í kirkjum Eskifjarðar og Reyðarfjarðar. Söngvararnir ungu eru frá Höfn, Egilsstöðum og Eskifirði.
Hundrað og tíu börn í englasöng á Eskifirði
Austfirskar gæsir að tygja sig
Vopnafirði | Nú eru austfirskar gæsir sem óðast að tygja sig til brottfarar
af landinu. Veiði hefur verið nokkuð misjöfn í fjórðungnum, en vopnfirskir
veiðimenn kvarta ekki yfir gæsagæftum, eins og meðfylgjandi mynd sýnir.
Þeir Jón Sigurðarson, fréttaritari blaðsins á Vopnafirði, Örvar Sveins-
son og Hlynur Sigurgeirsson stilltu upp fengnum eftir tvær óvenjugóðar
veiðiferðir. Í morgunflugi fengu þeir 83 fugla og 40 úr kvöldfluginu. Feng-
urinn skiptist á þrjár fjölskyldur þar sem gæsasteikur eru eldaðar og
snæddar af hjartans lyst.
Morgunblaðið/JS
Egilsstöðum | Fræðslu- og menn-
ingarráð Austur-Héraðs leggur til
að stofnuð verði leikskóladeild fyr-
ir eins til tveggja ára gömul börn.
Dagvistun þess aldurshóps hefur
hingað til verið á höndum dag-
mæðra, sem hafa lengi verið færri
en svo að þær geti sinnt eftirspurn í
sveitarfélaginu. Bæjarstjórn Aust-
ur-Héraðs tekur undir tillögu ráðs-
ins.
Álversforstjóri | Alcoa auglýsti á
dögunum starf forstjóra álversins á
Reyðarfirði og rennur umsókn-
arfrestur út í dag. Fjöldi fyrirspurna
hefur borist skrifstofu fyrirtækisins
í Reykjavík og verður ráðið í stöð-
una innan skamms. Gert er ráð fyrir
að nýr forstjóri Alcoa hefji störf
seint í október. Þá mun Alcoa fljót-
lega ætla að opna starfsstöð á Reyð-
arfirði og verður Bechtel, sem
byggja mun álverið ásamt HRV-
hópnum, þar einnig með skrifstofu. Í
kjölfarið verður ráðið í stöðu skrif-
stofustjóra og kynningarfulltrúa,
með aðsetur á Reyðarfirði.
Íbúaþing | Sveitarstjórn Austur-
Héraðs gengst fyrir íbúaþingi 11.
nóvember nk. Meðal mála sem verða
þar til umfjöllunar er skóla-
samfélagið, en nú er lögð mikil
áhersla á að koma háskólanámssetri
á Egilsstöðum í gang. Þá verður
Haustþing ungs fólks á Austur-
Héraði haldið 30. október nk. og er
reiknað með að uppbygging menn-
ingarhúss fyrir ungt fólk á svæðinu
brenni heitast á þingmönnum.
Austurbyggð | Ný sveitarstjórn
Austurbyggðar, sameinaðs sveitar-
félags Búða- og Stöðvarhrepps hef-
ur kosið Guðmund Þorgrímsson
oddvita sveitarfélagsins og Jónínu
Óskarsdóttur sem varaoddvita. Guð-
mundi var á fyrsta fundi nýrrar
sveitarstjórnar falið að semja við
Steinþór Pétursson, fráfarandi
sveitarstjóra Búðahrepps, um starf
sveitarstjóra í Austurbyggð.
Jafnframt var einhljóða samþykkt
að nota nafnið Austurbyggð á sveit-
arfélagið.
Vopni-Örn | Um helgina kom tog-
ari Útgerðarfélags Akureyringa
með slasaðan sjómann til Vopna-
fjarðar. Björgunarsveitin Vopni-Örn
flutti hann til Akureyrar. Björg-
unarsveitin hafði í nógu að snúast
því mikil hálka var á Hellisheiði á
sunnudag og var ökumaður, sem
misst hafði bifreið sína út af veg-
inum á miðri heiðinni austanvert, að-
stoðaður.
  
  
  
Morgunblaðið/Ásdís
Vistun fyrir 1—2 ára