Morgunblaðið - 26.10.2003, Qupperneq 4

FRÉTTIR
4 SUNNUDAGUR 26. OKTÓBER 2003 MORGUNBLAÐIÐ
HÖFNIN á Arnarstapa á Snæfellsnesi var vígð
síðastliðinn föstudag eftir gagngerar breytingar
að viðstöddu fjölmenni. Sturla Böðvarsson sam-
gönguráðherra klippti á fánaborða til að opna
hafnarsvæðið formlega fyrir umferð. Jafnframt
voru útsýnispallar settir upp við höfnina.
Að sögn Björns Arnaldssonar, hafnarstjóra
Snæfellsbæjar, hefur verið unnið við end-
urbætur hafnarinnar í tvö ár. Gamli hafnargarð-
urinn var lengdur um 35 metra og endurbættur.
Jafnframt var hlaðinn garður milli lending-
arkletts og hafnarhúss og fóru um 18.000 rúm-
metrar af efni í þessar endurbætur. Grjótið í
hleðsluna kom frá Malarrifi en Umhverf-
isstofnun veitti sérstakt leyfi til námu þar, að
gefnum ýmsum skilyrðum um frágang í lok
verks sem öllum var mætt.
Ný innsigling var gerð við höfnina sem nú er
2,5 metrar að dýpt og var höfnin sjálf dýpkuð
sem nam 5.000 rúmmetrum, en hún er nú
tveggja metra djúp. Þekjan á höfninni var
breikkuð um 200 fermetra og hefur sú viðbót
aukið mjög athafnasvæði hennar. Lagður var
nýr vegur upp frá höfninni í samvinnu við Vega-
gerðina og hann breikkaður og steyptur, auk
þess sem grjótgarður var hlaðinn meðfram hon-
um. Að auki hefur lýsing við hann verið bætt.
Í ræðu hafnarstjóra í hófi sem hafnarmála-
yfirvöld héldu að lokinni vígsluathöfn sagði
hann að Arnarstapahöfn hefði lengi laðað til sín
ferðamenn sem koma til að njóta hinnar ein-
stæðu náttúrufegurðar, auk þess sem fuglalíf og
almennt athafnalíf við höfnina heillar þá mjög. Í
samvinnu við Ferðamálaráð hafa hafnarmála-
yfirvöld því byggt tvo útsýnispalla við höfnina,
annan með aðgengi fyrir fatlaða. Koma þeir
bæði til með að bæta aðgengi ferðamanna og
bæta öryggi þeirra. Heildarkostnaður við fram-
kvæmdirnar var um 80 milljónir og taldi hafn-
arstjóri að þeim hefði verið vel varið, því ljóst
væri að athafnalíf hefði aukist til muna samhliða
endurbótunum.
Morgunblaðið/Guðrún G. Bergmann
Björn Arnaldsson hafnarstjóri og Þórður Stefánsson, formaður hafnarnefndar, aðstoða Sturlu Böðvarsson samgönguráðherra við að klippa á borðann.
Útsýnispallar settir upp fyrir ferðafólk
Hellnum. Morgunblaðið.
lýsinga hjá viðkomandi byggðarlagi
Ekki eru í gildi sambærilegir
samningar um meðlagsgreiðslur við
önnur ríki en Norðurlöndin. Þeir
sem búsettir eru utan Norður-
landanna verða því hver og einn að
kanna rétt sinn í sínu búsetulandi.
Útlend börn á Íslandi
fá meðlög
Ný barnalög hafa þær breytingar
einnig í för með sér að barn af er-
lendum uppruna, þar sem báðir for-
eldrarnir eru einnig búsettir hér á
landi í sitt hvoru lagi, á nú rétt á
meðlagsgreiðslum fyrir milligöngu
TR. Þess má geta að meðlags-
Norðurlöndunum, 30 í Bandaríkjun-
um, 22 á Bretlandseyjum, 9 í Þýska-
landi, 7 í Kanada og 6 á Spáni.
Norðurlandabúar geta samkvæmt
gagnkvæmum samningi um fé-
lagslega aðstoð og þjónustu framvís-
að meðlagsákvörðun frá heimalandi
sínu í búsetulandinu og fengið
greiðslur samkvæmt þeim reglum
sem þar gilda. Tryggingastofnun
segir það vera mismunandi eftir
löndum hvar meðlög eru greidd, best
sé að leita til umboða í því sveitarfé-
lagi eða hverfi sem viðkomandi búi í.
Í Finnlandi sé t.d. mjög mismunandi
hvaða stofnun það er sem greiði
meðlag og ráðlegast sé að leita upp-
Á FIMMTA hundrað íslenskir rík-
isborgarar, búsettir erlendis, hafa
fengið greiddar meðlagsgreiðslur
fyrir milligöngu Tryggingastofnunar
ríkisins, en eins og fram hefur komið
í Morgunblaðinu mun stofnunin ekki
lengur gera þetta frá 1. nóvember
nk. þegar ný barnalög taka gildi. Frá
þeim tíma miðast greiðslurnar ekki
við ríkisborgararétt heldur við bú-
setu á Íslandi. Nýju lögin hafa þó
engin áhrif á meðlagsskylduna, hún
verður áfram fyrir hendi.
Samkvæmt upplýsingum frá
Tryggingastofnun ríkisins, TR, hafa
436 manns fengið þessar greiðslur í
gegnum stofnunina, þar af 342 á
greiðslur nema nú rúmum 15 þúsund
krónum á mánuði fyrir hvert barn að
18 ára aldri. Hægt er fara fram á við-
bótargreiðslur til tvítugs vegna
náms viðkomandi unglings.
Að sögn Elfu Bjarkar Ellertsdótt-
ur á upplýsingadeild TR hafa marg-
ar fyrirspurnir borist stofnuninni
vegna þessara breytinga og hvetur
hún fólk til að hafa samband, auk
þess sem upplýsingar séu fáanlegar
á vefsíðu Tryggingastofnunar. Þær
voru hafðar ítarlegar þar sem ekki
hefur tekist að hafa uppi á heimilis-
fangi fjölda fólks sem fengið hafa
greiðslurnar og aðeins gefið TR upp
bankareikningsnúmer erlendis.
Tryggingastofnun hættir að greiða meðlög til yfir 400 Íslendinga erlendis
Greiðslustaðir mismunandi
LÖGÐ er áhersla á það í kjara- og
efnahagsmálaályktun ársfundar Al-
þýðusambands Íslands að í komandi
kjarasamningum verði samið um
launahækkanir sem tryggi launafólki
kaupmáttaraukningu án þess að
stöðugleika verði stefnt í voða. Árs-
fundinum lauk í fyrradag.
Í kjaramálaályktuninni er lögð
áhersla á að launafólk fái réttláta
hlutdeild í aukningu þjóðarverðmæta
og að sérstaklega verði hugað að
lægstu launum og launajafnrétti.
Í sérstakri ályktun um kröfur í vel-
ferðarmálum eru talin upp nokkur
atriði sem fundurinn telur að eigi að
hafa algjöran forgang við uppbygg-
ingu velferðarkerfisins. Fyrst er
nefnt mikilvægi þess að dregið verði
úr hlut almennings í lyfjakostnaði. Í
því sambandi er varpað fram þeirri
hugmynd að tekið verði upp lyfjakort
að danskri fyrirmynd.
Hvatt er til þess að biðlistum eftir
félagslegu leiguhúsnæði verði eytt og
niðurgreiðsla á húsaleigu í félagslegu
leiguhúsnæði aukin. Hvatt er til end-
urskoðunar atvinnuleysisbótakerfis-
ins, bæði hvað varðar upphæð bóta
og virkar vinnumarkaðsaðgerðir.
Staða barnafólks verði bætt, meðal
annars með því að efla barnabóta-
kerfið. Ársfundurinn mótmælir í
ályktun harðlega áformum félags-
málaráðherra að skerða réttindi
launafólks til atvinnuleysisbóta í
fyrsta mánuði atvinnuleysis og telur
skerðingu atvinnuöryggis fisk-
vinnslufólks óviðunandi. Þess er
krafist að þessi áform verði dregin til
baka og því lýst yfir að verkalýðs-
hreyfingin muni ekki taka þátt í um-
ræðu um breytingar á lögum um At-
vinnuleysistryggingasjóð fyrr en það
hafi verið gert.
Lýst er áhyggjum af auknum fé-
lagslegum undirboðum á íslenskum
vinnumarkaði, þar sem kjör og að-
búnaður erlendra starfsmanna hafi
verið langt undir því sem hér þekkist.
Hvatt er til setningar laga um um
starfsemi erlendra starfsmannaleiga.
Ársfundi ASÍ lauk með
samþykkt ályktana
Kaupmátt-
araukning
verði án
röskunar
HILDUR Jónsdóttir, jafnrétt-
isráðgjafi Reykjavíkurborgar, fékk
starfsviðurkenningu Reykjavík-
urborgar fyrir árið 2002 og er það
í fyrsta sinn sem stofnun fær ekki
viðurkenninguna.
ÍTR fékk starfsviðurkenninguna
fyrir árið 1997, Félagsþjónustan
1998, Leikskólar Reykjavíkur
1999, Miðgarður 200 og verkefn-
isstjórn Menningarnætur 2001. Í
ávarpi Þórólfs Árnasonar borg-
arstjóra við afhendinguna á föstu-
dag kom m.a. fram að staða jafn-
réttisráðgjafa borgarinnar hefði
verið sett á laggirnar 1996 og síð-
an hefði Hildur unnið ötullega að
því að jafna stöðu og kjör karla og
kvenna hjá Reykjavíkurborg. Hlut-
fall kynja í æðstu stjórnunar-
stöðum hefði þannig verið jafnað
og launamunur kynjanna minnkað
úr 15,5% árið 1995 í 7% árið 2001,
en samkvæmt nýrri jafnrétt-
isstefnu borgarinnar sé markmiðið
að „Reykjavíkurborg verði í
fremstu röð fyrir frumkvæði og
faglegt starf að jafnréttismálum
sem tryggi konum og körlum jöfn
áhrif, tækifæri og virðingu“. Morgunblaðið/Árni Sæberg
Hildur Jónsdóttir jafn-
réttisráðgjafi verðlaunuð
Starfsviðurkenning Reykjavíkurborgar fyrir árið 2002