Morgunblaðið - 23.11.2003, Blaðsíða 2
FRÉTTIR
2 SUNNUDAGUR 23. NÓVEMBER 2003 MORGUNBLAÐIÐ
YFIR LÆGÐINNI
Haraldur Ólafsson veðurfræð-
ingur flaug með þýskum vísinda-
mönnum í gær, laugardag, yfir upp-
tök lægðar sem búist var við að væri
að myndast yfir Grænlandshafi. Til-
gangurinn var að fá upplýsingar til
að gera nákvæmari spá um hegðan
hressilegs hauststorms sem lægðin
veldur á landinu í dag og veðrið á
meginlandi Evrópu í framhaldinu.
Geri grein fyrir markmiðum
Í svokölluðum leiðbeinandi til-
mælum sem Fjármálaeftirlitið
undirbýr er gert ráð fyrir því að ef
bankar eða sparisjóðir taki að sér
tímabundna starfsemi í atvinnu-
rekstri verði eftirlitinu gerð skrifleg
grein fyrir markmiðum þess. Í drög-
um að reglunum segir að koma skuli
fram hversu langan tíma verkefnið
muni taka og hvernig eigi að ljúka
því.
Ákvörðun kom á óvart
Flestir yfirlæknar Landspítala –
háskólasjúkrahúss hafa fallist á
ákvörðun stjórnarnefndar spítalans
varðandi störf yfirmanna utan
sjúkrahússins. Magnús Pétursson
forstjóri og Jóhannes M. Gunn-
arsson, framkvæmdastjóri lækn-
inga, segja að ákvörðun Sigurðar
Björnssonar, yfirlæknis lyflækninga
krabbameina á Landspítala, um að
standa ekki við gerða samninga hafi
komið þeim á óvart og samningsbrot
sé ástæðan fyrir breyttri starfs-
skyldu Sigurðar.
Óöld í Írak
Að minnsta kosti 14 manns, að-
allega íraskir lögreglumenn, týndu
lífi í tveimur sjálfsmorðsárásum á
lögreglustöðvar fyrir norðan Bagd-
ad í gær. Þá tókst andstæðingum
bandamannahersins í landinu að
hæfa borgaralega flutningaflugvél
með eldflaug en áhöfnin náði að
nauðlenda henni á flugvellinum í
Bagdad án þess að nokkur slasaðist.
Bandaríkjastjórn varaði í gær við
hryðjuverkaárásum á bandaríska
þegna og bandaríska hagsmuni er-
lendis.
Sunnudagur 23.11.03
HIMNARÍKI
HALLGRÍMS
HELGASONAR
NOKKRIR ÍSLENSKIR LEIKARAR HAFA STARFAÐ Í DRAUMASMIÐJUNNI HOLLYWOOD HILDUR EINARSDÓTTIR REKUR FERIL ÞEIRRA
Yf ir l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverr-
isson, fréttastjóri, asv@mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir Orri Páll Orm-
arsson, ritstjórnarfulltrúi, orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkj-
ustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is
Í dag
Sigmund 8 Myndasögur 48
Hugsað upphátt 23 Bréf 48/49
Af listum 26 Dagbók 50/51
Listir 26/35 Krossgáta 53
Forystugrein 32 Auðlesið efni 5
Reykjavíkurbréf 32 Leikhús 54
Skoðun 36/39 Fólk 54/61
Þjónusta 42 Bíó 58/61
Hugvekja 42 Sjónvarp /62
Minningar 43/45 Veður 63
* * *
Sunnudagur
23. nóvember 2003
atvinnatilboðútboðfundirtilsölutilleigutilkynningarkennslahúsnæðiþjónustauppboð
mbl.is/atvinna Gestir í vikunni 8.946 Innlit 16.638 Flettingar 66.084 Heimild: Samræmd vefmæling
JÓN Geir Jóhannsson, versl-
unarstjóri Dressmann í Kringl-
unni, segir verslun hafa verið að
aukast síðan um miðjan október.
„Fólk er farið að skima eftir jóla-
gjöfum og leita að góðum fötum.
Þeir allra fyrstu eru að byrja upp
úr enda ágúst. Síðan fer umferðin
að aukast jafnt og þétt um í byrj-
un október. Auðvitað er maður
líka illþyrmilega minntur á jóla-
vertíðina með gegndarlausum
jólaskreytingum. Sjálfur hef ég þá
stefnu, sem verslunarstjóri, að
setja ekki upp ótímabærar jóla-
skreytingar, þannig er Dressman
nú vin í jólaeyðimörkinni,“ segir
Jón Geir og hlær. „Við byrjum að
bæta við fólki í lok nóvember og
fyrstu vikuna í desember, þá byrj-
ar törnin. Það koma fjórar auka-
manneskjur hér inn sem vinna í
jólafríinu sínu frá próflokum til
upphafs skóla. Ég er aldrei með
minna en fimm manns í afgreiðslu
í desember og reyni að hafa nóg
fyrir alla að gera eftir jól, þá eru
útsölur, skil og vörutalningar.“
Morgunblaðið/Svavar
Jón Geir Jóhannsson, verslunarstjóri Dressmann í Kringlunni.
Allt á fullt eftir mánaðamót
RAGNHILDUR
Thorlacius, vaktstjóri í
bókabúð Máls og menning-
ar á Laugavegi, segist vera
farin að finna fyrir fyrir
jólaösinni. „Það má segja
að hún hafi byrjað rólega
rétt eftir síðustu mán-
aðamót, þá fór fólk að koma
hér í svolitlu jólaskapi, í
föndurhugleiðingum og
einnig að huga að því að
senda pakkana út til ætt-
ingja sinna. Við finnum líka fyrir því að það eru fleiri ferðamenn
hér núna en síðasta vetur.“ Ragnhildur segir törnina hefjast
fyrir alvöru strax eftir næstu mánaðamót. „Vð erum að und-
irbúa okkur fyrir það. Það eru byrjaðir upplestrar úr jólabók-
unum á Súfistanum.“
Ragnhildur segir um tuttugu starfsmenn vinna að jafnaði í
verslun Máls og menningar yfir daginn, en um jólin fjölgar þeim
a.m.k. um helming. „Jólafólkið okkar er frá miðjum desember
og út fyrstu vikuna í janúar, þann tíma sem skólafríin eru og
það er mikil aðsókn í þau störf og færri komast að en vilja.
Jólastemningin í Miðbænum er sígild og segir Ragnhildur
fólk njóta þess að koma þangað fyrir jólin. „Við erum líka alltaf
með einhverjar uppákomur seinnipartinn á laugardögum þegar
líður að jólum,“ segir Ragnhildur að lokum.
Mikil aðsókn í vinnu
Ragnhildur Thorlacius,
vaktstjóri í Máli og menningu.
Morgunblaðið/Árni Sæberg
EINAR Karl Birgisson, versl-
unarstjóri verslunarinnar Zara í
Smáralind segist hafa orðið var
við fyrstu jólabylgjuna fyrir tveimur
vikum. „Törnin byrjar fyrir alvöru
eftir mánaðamótin, við erum að
smáauka við mannskapinn hérna
vinnuna. Við erum svo heppin að
hafa gott fólk hér í hlutastarfi og
þegar jólavertíðin hefst hækkar
starfshlutfallið hjá því jafnt og
þétt. Í raun má segja að það fjölgi
hér um fjörutíu prósent þegar jól-
in nálgast og það ástand varir al-
veg fram yfir jól og út í miðjan jan-
úar, þannig að skólafólkið okkar
fær góðan mánuð í vinnu.“
Einar Karl segir Smáralindina
hafa náð sér vel á strik und-
anfarna mánuði eftir dálitla lægð.
„Fólk er farið að koma hérna meira
á virkum dögum og Smáralindin er
ekki lengur svona helgarstaður. Svo
er maður farinn að sjá mikið af
ferðamönnum hér á svæðinu, líka á
veturna, það er mjög ánægjulegt.“
Skólafólkið
fær góðan
mánuð í vinnu
Morgunblaðið/Svavar
Einar Karl Birgisson, verslunar-
stjóri Zara í Smáralind.
ÓLAFUR F. Magnússon,
borgarfulltrúi F-listans,
berst gegn niðurrifi síðasta
hlaðna steinhússins í
Skuggahverfi. Á borg-
arstjórnarfundi á fimmtu-
dag lagði hann fram tillögu
þar sem lýst er andstöðu
við að leyft verði að rífa
húsið að Klapparstíg 19
sem byggt var árið 1885 og
borgarminjavörður segir
hafa mikið varðveislugildi.
Tillögunni var vísað til
skipulags- og byggingar-
nefndar Reykjavíkur með
öllum greiddum atkvæðum
nema Ólafs, sem sat hjá.
Samþykkt var í sömu nefnd 5. nóv-
ember að rífa húsið þegar afgreidd
var deiliskipulagstillaga fyrir svæðið.
Ólafur vitnaði í umsögn borgar-
minjavarðar vegna þessa máls þar
sem segir um húsið að Klapparstíg
19: „Það er eitt þeirra hlöðnu stein-
húsa sem byggð voru í Reykjavík á
síðasta hluta 19. aldar og meðal
þeirra elstu.“ Hlaðin stein-
hús sé húsagerð sem rekja
megi til byggingar Alþing-
ishússins á árunum 1880–
1881. „Til varð húsagerð,
sem má segja að sé sér-
reykvísk, lítil hús og bæir
sem byggð voru úr til-
höggnu grjóti,“ segir
Guðný Gerður Gunnars-
dóttir borgarminjavörður í
umsögninni. Aðeins 34 slík
hús séu eftir í borginni af
200 sem byggð voru.
„Mér þykir illt ef ég þarf
að standa einn gegn þess-
um áformum hér í borgar-
stjórn. Menn geta séð að sér og skipt
um skoðun þegar kemur að varð-
veislu menningarminja,“ sagði Ólaf-
ur og hvatti borgarfulltrúa til að taka
sjálfstæða afstöðu til þessa máls.
Berst gegn niðurrifi síð-
asta hlaðna steinhússins
Morgunblaðið/Jim Smart
Síðasta hlaðna steinhúsið í Skuggahverfinu.
INGVAR Ásmundsson hefur
unnið fimm fyrstu skákirnar á
Heimsmeistaramóti öldunga
sem fram fer í Bad Zwische-
nahn í Þýskalandi og er í
efsta sæti mótsins ásamt
tveimur öðrum keppendum.
Í fyrradag lagði Ingvar,
sem er 22. stigahæsti kepp-
andi mótsins, rússneska stór-
meistarann Oleg Chernikov
sem er þriðji stigahæsti þátt-
takandinn. Jafnir Ingvari í
efsta sætinu eru Hans Karl
frá Sviss og Heinrich Che-
pukaitis frá Rússlandi.
Tefldar verða ellefu um-
ferðir. Í sjöttu umferðinni
sem fram fer á mánudag
mætir Ingvar stigahæsta
keppanda mótsins, lettneska
stórmeistaranum Janis Kov-
ans.
Ingvar hefur
unnið allar
skákirnar
SÓLVEIG Samúelsdóttir,
markaðsstjóri SR-mjöls,
hefur verið kjörin forseti
IFFO, Alþjóðasamtaka
framleiðenda fiskimjöls og
lýsis. Sólveig er fyrsta kon-
an sem gegnir þessu emb-
ætti, en tveir Íslendingar
hafa áður verið forsetar
þessara samtaka, þeir Har-
aldur Gíslason og Jón
Reynir Magnússon.
Sólveig var kjörin á ársfundi
samtakanna í New Orleans í Banda-
ríkjunum í lok vikunnar. Hún segist
vera afskaplega ánægð með þann
heiður sem henni hafi hlotnazt með
því að vera kjörin forseti þessara
öflugu samtaka. Það séu mörg
mikilvæg verkefni framundan, en
hlutverk forsetans, sem sé
í raun stjórnarformaður,
sé að koma fram fyrir
hönd samtakanna, einkum
framleiðenda, vinna að því
að styrkja stöðu þeirra á
mörkuðunum og vinna
nýja markaði.
„Við höfum mikla hags-
muni að verja, meðal ann-
ars innan Evrópusam-
bandsins. Þetta er mikil
áskorun, sem ég hlakka til að tak-
ast á við,“ segir Sólveig Samúels-
dóttir.
Innan IFFO eru allir helztu fram-
leiðendur á fiskimjöli og lýsi, svo
sem risarnir í Suður-Ameríku, Perú
og Chile, Ísland, Noregur, Dan-
mörk og Bretland, alls um 20 lönd.
Alþjóðasamtök fiskimjölsframleiðenda
Sólveig Samúelsdóttir
kjörin forseti
Sólveig
Samúelsdóttir
HELGA Jónsdóttir, varaformaður Sambands ís-
lenskra bankamanna, segist hafa merkt ákveðið
upphlaup meðal bankamanna vegna atburðanna
í tengslum við kaupréttarsamning æðstu stjórn-
enda Kaupþings Búnaðarbanka. Ekki síst hafi
órói verið meðal bankamanna vegna tilflutnings
á viðskiptum frá Kaupþingi Búnaðarbanka yfir í
aðra banka, en margir hafi farið að fordæmi
Davíðs Oddssonar í þeim efnum. Mikið var um
það á fimmtudag að viðskiptavinir Kaupþings
Búnaðarbanka lýstu óánægju sinni með fram-
vindu mála með því að hafa samband símleiðis
eða segja upp viðskiptum sínum.
„Mönnum datt fyrst í hug að fyrir mistök
hefðu eitt eða tvö núll óvart bæst við tölurnar
sem Kaupþing Búnaðarbanki birti í tengslum við
kaupréttarsamningana,“ segir hún. „Þessar töl-
ur voru stjarnfræðilegar í okkar augum, en fyrst
rekstur bankans gengur svona vel verður maður
að vona að samningsstaða bankamanna batni
þegar samningar losna á næsta ári.“
Ákaflega undrandi á þessum atburðum
Helga tekur þó fram að hún virði það við
stjórnendur Kaupþings Búnaðarbanka að þeir
skyldu falla frá hinum umdeildu samningum eins
og greint hefur verið frá í fjölmiðlum. „Ég held
að bankamenn rétt eins og aðrir séu ákaflega
undrandi á þessum atburðum. Bankamenn lenda
oft inni í gagnrýni á bankana sem slíka, hvort
sem hún beinist að okri með vexti eða slæmri
afkomu. Það gleymist hins vegar oft að í bönkum
vinnur fjöldi fólks sem er alls ekki á háum laun-
um. Það eru komnar tvær stéttir í bankana, hið
„venjulega“ starfsfólk og vaxandi hópur
sérfræðinga á háum launum. Við erum stolt af
því að hafa hálaunamenn innan okkar raða, en
hinu er ekki að neita að launabilið hefur
breikkað.“
Sambandi íslenskra bankamanna ofboðið vegna kaupréttarsamninganna
Tölurnar stjarnfræðilega
háar í augum bankamanna
STARFSMENN norska fyrirtæk-
isins Moelven Industrier AS fram-
leiddu á dögunum húseiningu nr.
60.000 sem send er til Íslands til að
verða hluti af vinnubúðum Lands-
virkjunar á Kárahnjúkasvæðinu.
Frá þessu segir á heimasíðu Kára-
hnjúkavirkjunar. Landsvirkjun
samdi við Moelven Industrier um
vinnubúðir eystra í kjölfar útboðs
og hljóðar samningurinn upp á um
243 milljónir íslenskra króna.
Lúðvík Leósson, verkefnisstjóri
hjá Landsvirkjun, segir að nýju
búðirnar hýsi framkvæmdaeftirlit
fyrirtækisins á Kárahnjúkasvæð-
inu. Þetta eru svefnskálar, skrif-
stofuhús og mötuneyti.
Sextíuþúsundasta hús-
einingin í vinnubúðirnar
Kárahnjúkavirkjun. Morgunblaðið.