Morgunblaðið - 23.11.2003, Blaðsíða 25

MORGUNBLAÐIÐ SUNNUDAGUR 23. NÓVEMBER 2003 25
brugðið mér út og horft á brennandi
olíuskipið á sjónum og fylgst með
þegar stórslasaðir mennirnir voru
teknir um borð. Sjórinn í kringum þá
hafði logað vegna olíunnar sem lekið
hafði úr skipinu. Mér fannst hræði-
legt að horfa á þá.“
Þrátt fyrir þennan óvænta atburð
og þær hörmungar sem Bretarnir
höfðu mátt þola þá fann Sigurður há-
seti eftirvæntinguna sem lá í loftinu:
„Það var spenningur um borð – á
sama hátt og alltaf þegar skip koma
úr siglingu. Þó að maður væri aðeins
tvær vikur í burtu þá voru allir
spenntir – hvað þá eftir tvo mánuði.
Alltaf eins gaman að koma heim aft-
ur.
Ég brann í skinninu að koma heim
til Reykjavíkur.
Nú átti ég erindi við Halldór Sig-
urðsson sem hafði verið farþegi með
okkur heim – þurfti að fara inn í klefa
til hans. Halldór hafði áður farið með
okkur út til Ameríku – hafði verið þar
í blaðamannaskóla. Ég hafði lánað
honum belti og ákvað að sækja það til
hans áður en leiðir okkar skildu þeg-
ar við legðumst að bryggju í Reykja-
vík. Halldór hafði nefnilega gleymt
sínu belti á hótelinu þar sem hann
dvaldi í New York áður en hann kom
til okkar. Við höfðum oft spjallað
saman, enda var Halldór skemmti-
legur strákur.
Nú vorum við komin þangað sem
við töldum okkur örugg, maður var
hættur að hugsa um stríðið – við vor-
um komin upp í harðaland. Ég var
farinn að hugsa mér gott til glóðar-
innar þegar ég kæmi heim. Nú skyldi
ég hafa það gott í kvöld, fara heim á
Vesturgötu og hitta systur mínar og
síðan jafnvel út að hitta fólk. Þegar
ég kom að sækja beltið til Dóra var
hann búinn að fá sér bjór og það lá af-
ar vel á honum. Þeir sátu þarna
nokkrir saman í klefanum. Dóri
hlakkaði mjög til að hitta fólkið sitt
eftir langa dvöl í Bandaríkjunum.“
Líkt og aðrir um borð var Áslaug
farþegi farin að hlakka mjög til heim-
komunnar – innan örfárra stunda
myndi hún hitta fjölskyldu sína og
vini eftir langan aðskilnað. Þegar
skipbrotsmönnunum var bjargað um
borð varð henni hverft við þegar hún
sá hve illa útleiknir þeir voru:
„Bretarnir litu illa út, voru flestir
sárir og brunnir. Þegar skipið nálg-
aðist Reykjavík fór ég að hugsa um
að fara að skipta um föt og punta mig
dálítið. Sigrún og Friðgeir voru að
gera að sárum mannanna. Ég var á
gangi með Sverri litla og hélt á hon-
um. Ég vissi að Sigrún ætlaði að gefa
litlu dóttur sinni að borða.
Áður en Bretunum hafði verið
bjargað gaf Frímann bryti öllum far-
þegunum fyrirmæli um að setja á sig
björgunarvesti. Allt fullorðna fólkið
hafði gert þetta en vestin voru heldur
stór fyrir minnstu börnin.“
Bókin Útkall – Árás á Goðafoss eftir
Óttar Sveinsson kemur út hjá Stöng út-
gáfufélagi ehf. Þetta er tíunda bók höf-
undar sem kemur út undir yfirskrift-
inni Útkall. Bókin er 240 bls.
Opið:
Laugard. 1
1-17
Sunnud. 1
3-16
Tilboðsverð
14.950,-
Ljós & lampar
Sími 585 2800