Morgunblaðið - 23.11.2003, Blaðsíða 43
MINNINGAR
MORGUNBLAÐIÐ SUNNUDAGUR 23. NÓVEMBER 2003 43
✝ Gorm Erik Hjortfæddist í Stövr-
ing í Danmörku 11.
september 1917.
Hann lést í Árósum
16. nóvember síðast-
liðinn. Foreldrar
hans voru Arne Hjort
læknir og kona hans
Erna Claudía María
Hjort.
Gorm Erik giftist
24. júlí 1949 Salóme
(Lóu) Gísladóttur
húsmæðrakennara
og skólaárið 1947 til
1948 skólastýru
Kvennaskólans á Blönduósi, f. 29.
okt. 1913 í Þórormstungu í Vatns-
dal. Hún andaðist 21. ágúst 1990.
Heimili þeirra hjóna var á Alpha-
vej 21 í Árósum í Danmörku og
þar heima andaðist Gorm Erik eft-
ir skamma sjúkdómslegu þar í
borg.
Í samræmi við lærdóm sinn og
próf frá Danmarks Tekniske Höj-
skole árið 1943 varð ævistarf
Gorm Eriks hjá ýmsum fyrirtækj-
um í Danmörku er nutu sérhæfni
hans, m.a. Landbohöjskolen í Fre-
deriksberg og frá árinu 1949 til
starfsloka 1982 hjá Aarhus Oliefa-
brik A/S. Börn þeirra hjóna eru: 1)
Níels Arne Hjort, f. 9. maí 1949 í
Árósum. Hann veiktist í frum-
bernsku af heilahimnubólgu er
stöðvaði andlegan þroska hans og
mótaði líf hans upp
frá því og fjölskyld-
unnar allrar. Hann
lifði móður sína en
dó fyrir nokkrum ár-
um. 2) Katrín Erna
Hjort, f. 21. júlí 1951
í Árósum, sál- og við-
skiptafræðingur
m.m. Hún hefir starf-
að við Viðskiptahá-
skólann í Kaup-
mannahöfn og
Kaupmannahafn-
arháskóla. Sambýlis-
maður hennar er Ole
Bundgaard, tónsmið-
ur og rithöfundur, f. 11. sept 1947
í Österild í Danmörku og eru synir
þeirra Andreas Hjort Bundgaard,
f. 18. des. 1987, og Jacob Hjort
Bundgaard, f. 23. okt. 1994. 3)
Aase Hjort, f. 14. júní 1955 í Árós-
um, kennari í Kaupmannahöfn.
Eiginmaður Aase er Lars Níelsen,
f. 21. sept. 1953 í Nordborg á Suð-
ur-Jótlandi, lögfræðingur. 4)
Anna Hjort, f. 14. júní 1955 í Árós-
um, hjúkrunarfræðingur í Árós-
um. Eiginmaður Önnu er Steen
Andersen, f. 26. júní 1952 í Es-
bjerg í Danmörku, lærður bakari
og sjúkraliði. Synir þeirra eru
Rune Hjort, f. 16. sept. 1986, og
Theis Hjort, f. 13. ágúst 1991.
Útför Gorm Eriks var gerð frá
Fredens Kirken í Árósum laugar-
daginn 22. nóvember.
Gorm Erik rækti mágsemdir og
annað samband við fjölskyldu eigin-
konu sinnar hér heima á Íslandi af
mikilli kostgæfni og alúð. Hann var
óþreytandi að næra það samband,
fyrst með konu sinni með heimsókn-
um til Íslands og síðar, eftir að hún
var dáin, með bréfa- og tölvuskrifum.
Hugðarefni hans voru listir og vís-
indi, ásamt náttúruskoðun. Á eftir-
launaaldri stundaði hann ljóðagerð
og myndlist, sem hann miðlaði af og
til með tækni nútímans, þrátt fyrir
mjög skerta sjón á síðari árum.
Sannaðist þar „að mikið má sá er
vill“. Gorm Erik var gæfumaður í
einkalífi og heimilið var búið athygl-
isverðum ættargripum og húsmun-
um er settu á það virðulegan og hlýj-
an blæ. En hann komst ekki hjá því
að mæta alvöru lífsins. Reynsla
þeirra hjóna var mikil er sonur
þeirra, einkar fallegur drengur, var
hrifinn á vald andlegs þroskaleysis
og stöðnunar. Ef til vill varð sú
reynsla foreldranna til þess að móð-
irin hvarf til alhliða hrörnunar og lést
fyrir aldur fram.
Gorm Erik Hjort ávann sér
trausta vináttu og hlýjan huga okkar
tengdafólksins hér heima á Íslandi.
Minnisstætt er okkur er hann var
með okkur á niðjamóti og þar í
miðjum barnahópi að leik og ærslum.
Í þeim leik tók hann þátt af sannri
innlifun. Börnin náðu til hans og
hann til þeirra, þótt skiljanlegt mál-
far væri lítt til staðar. Gorm Erik var
heill vinur og gott er að minnast þess
nú við leiðarlok hans.
Samhug votta ég frænd- og
venslafólki mínu í Danmörku og bið
því verndar Almættisins. Öll blessum
við minningu Gorm Eriks Hjort.
Grímur Gíslason.
Með nokkrum orðum vil ég minn-
ast Gorm Eriks Hjort, efnaverk-
fræðings, en hann var eiginmaður
Salóme móðursystur minnar og góð-
ur vinur okkar hjóna.
Undanfarin ár voru samskipti okk-
ar um Netið, en hann byrjaði
snemma að taka í notkun tölvur.
Hann var maður sem hafði mörg
áhugamál og naut tækninnar vel, var
í rauninni fram á seinustu ár að bæta
við sig í tölvunotkun. Síðasta ár sendi
hann oft myndir af ýmsum safngrip-
um, til dæmis af skelja- og steingerv-
ingasafni sem faðir hans hafði lagt
grunninn að. Gaf hann nýlega fjölda
af litskyggnum og skeljum Náttúru-
fræðisafninu í Árósum.
Gorm Erik átti einnig nokkra ís-
lenska gripi, smáhluti sem hann vildi
vita nánari skil á til að geta skráð allt
sem nákvæmast. Hann átti gott ljós-
myndasafn frá ferðum þeirra Lóu
frænku minnar til Íslands fyrr á ár-
um. Í fyrravor þegar barnabarn hans
fermdist, setti hann saman skyggnu-
sýningu með þessum myndum og
öðrum frá uppvexti barna þeirra Lóu
að Alphavej 21 í Árósum.
Þau eignuðust fjögur mannvænleg
börn sem nutu ástúðar og umhyggju
foreldranna. En elsta barnið, dreng-
ur, veiktist snemma, og annað áfall
kom þegar Lóa veiktist líka alvar-
lega. Náði hvorugt þeirra heilsu eftir
það.
Gorm Erik var stilltur og dagfars-
prúður maður, mjög lágmæltur.
Raunsær var hann og miklaði ekki
fyrir sér andstreymi sitt. Hann sinnti
fólki sínu svo að sómi var að í veik-
indum þess. Hann hafði hæfileika til
að skrifa og ríka þörf fyrir það. Eftir
hann liggur mikið efni í formi bréfa,
ljóða, ritgerða og dagbóka. Úrval úr
þessu „Digte og fortællinger“ kom út
í kringum 1995.
Um jólin fengum við ættingjar
Lóu tölvugerð málverk, sem voru
mjög geðþekk. Sýndi Gorm Erik
nokkrum sinnum myndverk á sam-
sýningum aldraðra.
Sjálfsagt var Gorm Erik orðinn
ættfróður löngu fyrir tölvuöld, en
hann rannsakaði mikið ættir sínar í
Danmörku. Hann safnaði bréfum
ömmusystur sinnar og fékk þau gef-
in út, sennilega um 1985. Heitir sú
bók „Breve fra Inger“ og er merkileg
heimild um tíðarandann í lok
nítjándu aldar, sem var síður en svo
hliðhollur konum sem vildu sækja
sér menntun. Gorm Erik sótti fram á
seinustu ár árleg námskeið í
heimabæ sínum, Stövring, var þar
fjallað um sögu héraðsins og íbúa.
Urðu námskeiðin honum enn frekari
hvatning til að skrifa. Hann eftirlét
safn ritgerða um staðarsagnfræði og
ættfræði, það safn er nú er í eigu
bókasafnsins í Stövring.
Já, hann hafði yndi af öllum fróð-
leik og hafði mjög gott minni. Ekki er
ég fær um að segja frá öllum hans
áhugasviðum. Fyrr á árum meðan
sjónin var góð hafði hann nöfn allra
jurta skógarins á takteinum. Gorm
Erik kom í heimsókn til Íslands 1995
til að taka þátt í niðjamóti afa míns
og ömmu, sem haldið var á Húnavöll-
um. Í nokkra daga dvaldist hann á
heimili okkar Þórs í Espigerði og
man ég sérstaklega eftir stórfróð-
legu samtali um sögu Danmerkur.
Auðvitað hafði hann líka lagt sig eftir
Íslandssögunni og það kom sér vel er
við vorum í skemmtiferð á Þingvöll-
um. Ungur leiðsögumaður fór rangt
með einhverja staðreynd og gat
Gorm Erik leiðrétt hann, – gerði það
mjög ljúfmannlega. Einnig bjó hann
yfir miklum fróðleik um Miðjarðar-
hafslönd og fornar menningarþjóðir.
Hann var einstaklega tryggur
okkur, tengdafólki sínu hér á landi og
annars staðar. Í fyrrasumar ráðgerði
hann að koma í heimsókn, en það
náðist ekki vegna heilsubrests. Ann-
að atvik af niðjamótinu 1995 er líka
minnisstætt. Þá sátum við öll sunnan
undir bæjarvegg í Saurbæ í Vatnsdal
í blíðskaparveðri, sæl með okkur eft-
ir gróðursetningu og hádegisverð hjá
Sigrúnu og Guðmundi. Gorm Erik
safnaði þá krökkunum í kringum sig
og þau dönsuðu saman góða stund,
fallegan vikivaka sem var saminn um
leið og dansað var.
Barnabörnin voru honum mjög
hugleikin. Í bréfum sagði hann frá
skemmtilegum tilsvörum þeirra og
spaugilegum uppátækjum. Í dagbók-
um hans er einnig næstum daglega
sagt frá símtali við dæturnar. En
Anna er búsett í Árósum, Katrin og
Aase eru búsettar í Kaupmannahöfn.
Gorm Erik var maður hár og
grannvaxinn. Hann fór sinna ferða
gangandi eða með almenningsfarar-
tækjum. Hann lifði heilsusamlegu lífi
og hugsaði vel um hús sitt og heimili,
en hann var þar einn á búi nálægt því
í þrjá áratugi.
Við hjónin sendum dætrum Gorm
Eriks og fjölskyldum þeirra samúð-
arkveðjur og þökkum kynnin við
mætan mann og góðan dreng.
Blessuð sé minning Gorm Eriks.
Jóhanna Jóhannesdóttir.
GORM ERIK
HJORT
Elskulegur eiginmaður minn, faðir okkar,
fósturfaðir, tengdafaðir, afi og langafi,
TRYGGVI HALLDÓRSSON
frá Bæjum,
Snorrabraut 56,
lést á Landspítalanum við Hringbraut sunnu-
daginn 16. nóvember.
Útförin fer fram frá Bústaðakirkju þriðjudaginn
25. nóvember kl. 13.30.
Blóm og kransar vinsamlega afþakkaðir, en þeim, sem vilja minnast hins
látna, er bent á líknarfélögin.
Svanhildur Árnadóttir,
Halldóra Tryggvadóttir,
Kristján Tryggvason, Óla Björg Magnúsdóttir,
Þorgerður Björk Tryggvadóttir, Kjartan Þór Arnþórsson,
Ólafur Kjartan Tryggvason, Soffía Sigurðardóttir,
Árni Konráð Bjarnason, Anna Halldóra Sigtryggsdóttir,
barnabörn og barnabarnabörn.
Maðurinn minn, faðir okkar, tengdafaðir og afi,
STEINGRÍMUR BJÖRNSSON
frá Ytri-Tungu á Tjörnesi,
Litla Hvammi 8b,
Húsavík,
lést á Sjúkrahúsinu á Húsavík laugardaginn
15. nóvember.
Jarðarförin fer fram frá Húsavíkurkirkju mánu-
daginn 24. nóvember kl. 14.00.
María Valsteinsdóttir,
Þórarinn Björn Steingrímsson, Birgit Schov,
Kristbjörg Guðrún Steingrímsdóttir, Guðmundur Ingi Georgsson,
Ólöf Anna Steingrímsdóttir, Benjamín Bjartmarsson,
Birna Friðrika Steingrímsdóttir, Heri Jógvan Joensen
og barnabörn.
Ástkær eiginkona mín, móðir, tengdamóðir,
amma og langamma,
HELGA SIGFÚSDÓTTIR,
áður til heimilis í Stóragerði 4,
Reykjavík,
sem andaðist sunnudaginn 16. nóvember,
verður jarðsungin frá Dómkirkjunni þriðjudag-
inn 25. nóvember kl. 13.30.
Már Jóhannsson,
Ómar Másson, Þóra Löve,
Sigrún Helga, Inger Tara, Þórhildur
og barnabarnabörn.
Elsku eiginmaður minn,
EINAR H. ZOËGA,
Tjarnarstíg 6,
Seltjarnarnesi,
er látinn.
Útför hefur farið fram í kyrrþey að hans ósk.
Þökkum hlýhug og vináttu.
Lára Zoëga og fjölskylda.
Móðurbróðir okkar,
SVEINN PÁLSSON,
Blönduhlíð 7,
lést á Landspítalanum í Fossvogi miðvikudaginn 12. nóvember sl.
Jarðarförin hefur farið fram í kyrrþey.
Páll Ævar Pálsson,
Bergþóra Karen Pálsdóttir,
Stefán Þór Pálsson.
Yndislegi drengurinn okkar,
BJARTMAR JÓNASSON,
Kirkjuvegi 7,
Hafnarfirði,
lést á heimili okkar sunnudaginn 16. nóvember.
Jarðarförin fer fram frá Víðistaðakirkju í Hafnar-
firði þriðjudaginn 25. nóvember kl. 13.30.
Þeim, sem vilja minnast hans, er bent á
Styrktarfélag krabbameinssjúkra barna.
Rósa Guðbjartsdóttir, Jónas Björn Sigurgeirsson,
Sigurgeir Jónasson, Margrét Lovísa Jónasdóttir.
Maðurinn minn,
FRIÐRIK PÉTURSSON,
Forsölum 1,
Kópavogi,
verður jarðsunginn frá Grensáskirkju þriðju-
daginn 25. nóvember kl. 15.
Jónína Jónasdóttir.
Afmælis- og minningargreinum má skila í tölvupósti (netfangið er minning@mbl.is, svar er sent
sjálfkrafa um leið og grein hefur borist) eða á disklingi. Ef greinin er á disklingi þarf útprentun
að fylgja. Nauðsynlegt er að tilgreina símanúmer höfundar og/eða sendanda (vinnusíma og
heimasíma). Þar sem pláss er takmarkað getur þurft að fresta birtingu greina, enda þótt þær
berist innan hins tiltekna frests. Nánari upplýsingar eru á mbl.is. Um hvern látinn einstakling
birtist formáli og ein aðalgrein af hæfilegri lengd á útfarardegi, en aðrar greinar skulu ekki vera
lengri en 300 orð, u.þ.b. 1.500 slög (með bilum) eða um 50 línur í blaðinu (17 dálksentimetrar).
Tilvitnanir í sálma eða ljóð takmarkast við eitt til þrjú erindi. Einnig er hægt að senda örstutta
kveðju, HINSTU KVEÐJU, 5–15 línur, og votta virðingu án þess að það sé gert með langri
grein. Greinarhöfundar eru beðnir að hafa skírnarnöfn sín en ekki stuttnefni undir greinunum.