Morgunblaðið - 03.12.2003, Síða 21

LANDIÐ
MORGUNBLAÐIÐ MIÐVIKUDAGUR 3. DESEMBER 2003 21
Ólafsvík | Tendrað var á jólaljósum
á jólatré í miðbæ Ólafsvíkur fyrsta
sunnudag í aðventu. Börn úr Tón-
listarskóla Snæfellsbæjar og
Kirkjukór Ólafsvíkur sungu við
þetta tækifæri og jólasveinar komu
glaðhlakkalegir ofan af Jökli og
færðu börnunum sælgætispoka.
Kristinn Jónasson, bæjarstjóri Snæ-
fellsbæjar, setti stærðarinnar raf-
kapal í samband og viti menn: Jóla-
tréð lýsti upp skammdegið í bænum
á einu augabragði. Fréttaritara
varð þá hugsað til stöku sem vitur
bóndi austan undan Eyjafjöllum
orti þegar farið var að leggja raf-
magn á bæi. Bónda þótti ekki mikið
til um rafmagnið koma og lýsti af-
stöðu sinni á þessa leið:
Þótt hafirðu raf í hús og fjós
hefur það lítið gildi
ef þig skortir andans ljós
ást og kærleiksmildi.
Morgunblaðið/Elín Una
Hilmu Jónsdóttur, Guðrúnu Kol-
brúnu og Sigurbjörgu Jóhann-
esdætur skortir ekki andans ljós í
desember.
Þótt hafirðu
raf í hús og fjós ...
Skagaströnd | Leikgleði og fersk-
leiki einkenndu árshátíð Höfðaskóla
sem var haldin fyrir fullu húsi föstu-
dagskvöldið 28. nóvember.
Á árshátíðinni komu fram allir
nemendur skólans í einhverjum at-
riðum.
Flest atriðin sem boðið var upp á
á hátíðinni voru frumsamin af nem-
endum og kennurum skólans. Nokk-
ur þeirra byggðust á vinsælum sjón-
varpsþáttum, sem var þá gjarnan
snúið upp á kennarana. Önnur atriði
voru síðan samin frá grunni, meðal
annars söngleikur sem nemendur
8.–10. bekkjar fluttu við undirleik
skólahljómsveitarinnar. Heilmikla
athygli og kátínu vakti líka
skemmtiatriði kennaranna sem
fluttu magnaðan látbragðsleik við
lagið Minkurinn í hænsnakofanum,
sem frægt var á sínum tíma í flutn-
ingi Ómars Ragnarssonar. Einkum
þótti skólastjórinn sína góð tilþrif í
hlutverki hanans í laginu.
Að venju var boðið upp á barna-
pössun meðan skemmtiatriðin fóru
fram svo foreldrar gætu notið
skemmtunarinnar. Að skemmti-
atriðunum loknum lék Við nokkur
lög en síðan tók við dúndrandi
diskótek undir stjórn Loga Vígþórs-
sonar danskennara fram til mið-
nættis.
Morgunblaðið/Ólafur Bernódusson
Kennararnir fóru á kostum í látbragðsleik sínum.
Vel heppnuð árshátíð
Hólmavík | Í lok síðustu viku heim-
sótti Hannes Leifsson, yfirlög-
regluþjónn á Hólmavík, grunnskól-
ann. Hann ræddi við nemendur í
þremur hópum. Yngstu börnin
fengu fræðslu um hættur í umhverfi
sínu. Rætt var um hætturnar sem
fylgja því að vera að leik nálægt göt-
um, hvers vegna endurskinsmerki
eru nauðsynleg og fleira. Börnin
hlustuðu áhugasöm og tóku virkan
þátt í því sem rætt var um og virtust
vel með á nótunum varðandi helstu
umferðarreglur. Einhver þeirra
kunnu líka sögur af foreldrum sem
ekki höfðu farið í einu og öllu eftir
þessum sömu reglum. Öll hlustuðu
þau vel á áhugavert erindi lögregl-
unnar sem tók um það bil eina
kennslustund og var alvaran krydd-
uð með dálitlu gamni. Eldri aldurs-
hóparnir fengu einnig sína fræðslu
síðar sama dag.
Morgunblaðið/Kristín Sigurrós
Hannes Leifsson yfirlögregluþjónn.
Lögreglan
heimsækir
skólann
Fyrir
flottar
konur
Bankastræti 11
sími 551 3930