Morgunblaðið - 24.12.2003, Síða 16

ERLENT
16 MIÐVIKUDAGUR 24. DESEMBER 2003 MORGUNBLAÐIÐ
SUÐURLANDSBRAUT
Hrafnhildur Bridde,
lögg. fasteignasali
OPIÐ VIRKA DAGA 9.00 - 18.00
OG NÚ Á LAUGARDÖGUM 11.00 - 14.00
Pétur Kristinsson Hrafnhildur Bridde Birkir Örn Guðrún Antonsdóttir Páll Guðjónsson Kristján Axelsson Hrafnhildur Haraldsdóttir Kristinn R. Kjartansson Benjamín H. Þórðarson
Suðurlandsbraut 12
108 Reykjavík www.remax.is/sudurlandsbraut Sími 520 9300
RE/MAX Suðurlandsbraut
óskar landsmönnum öllum gleðilegra jóla og farsældar á
komandi ári með þökk fyrir góðar viðtökur á árinu sem er að líða
ÍSRAELAR drápu átta Palestínu-
menn í gær í miklum hernaðarað-
gerðum á sunnanverðu Gaza-svæð-
inu en áður höfðu tveir ísraelskir
hermenn látið lífið í handsprengjuá-
rás. Eru þessi átök með þeim mestu
á síðustu mánuðum.
Palestínskir læknar segja, að
mennirnir átta hafi verið skotnir í
Rafah-flóttamannabúðunum en
meðal þeirra voru lögreglumaður og
hjálparliði. Aðrir 34 voru særðir
skotsárum og þótti tvísýnt um líf
sumra. Meðal hinna særðu eru þrjú
börn á aldrinum þriggja til fimm ára.
Ísraelar segja, að herförin, sem
farin á fjölda brynvarinna bifreiða,
hafi verið gerð til að eyðileggja göng
milli Gaza og Egyptalands. Hafi þau
verið notuð til að smygla vopnum.
Á Gaza búa um 7.000 ísraelskir
landtökumenn og gætir þeirra fjöl-
mennt herlið. Sarita Weissman,
systir annars ísraelsku her-
mannanna, sem féllu í fyrradag,
sagði í viðtali við útvarp ísraelska
hersins í gær, að bróðir sinn hefði
fallið til einskis.
„Hann var þar til að gæta fólks,
sem hefur sest þar að af trúarástæð-
um. Það er ömurlegt,“ sagði
Weissman en margt bendir til, að
Ísraelsstjórn ætli að flytja landtöku-
mennina á Gaza burt með valdi eins
og raunar meirihluti Ísraelsmanna
vill.
Reuters
Palestínumenn bera á brott lík manns sem ísraelskir hermenn skutu til bana í Rafah-flóttamannabúðunum í gær.
Átta skotnir á Gaza
Gaza-borg. AFP.
EMBÆTTISMENN í Bandaríkjunum voru
aldrei þessu vant einhuga um nauðsyn þess að
hækka sl. sunnudag viðbúnaðarstig hryðju-
verkahættu vegna aukinna líkinda á árás af
hálfu liðsmanna al-Qaeda-hryðjuverkasamtak-
anna. Vísbendingar þykja hafa verið svo marg-
ar og svo eindregnar að full ástæða hafi verið til
að bregðast við nú.
Þegar hefur verið ráðist í að auka viðbúnað
við ýmis hugsanleg skotmörk í Bandaríkjunum,
s.s. á flugvöllum og í nágrenni kjarnorkuvera,
en kunnugir segja umfangsmiklar upplýsingar
hafa borist um að hryðjuverkaárás væri hugs-
anlega yfirvofandi. Upplýsingarnar eru þó óná-
kvæmar að því leytinu til að ekki er vitað hvar
eða hvenær al-Qaeda myndi nákvæmlega láta
til skarar skríða.
Víða mátti sjá ljós merki þess í gær að örygg-
isviðbúnaður hefði verið aukinn. Sprengjuleit-
arhundar sáust nú á alþjóðaflugvellinum í Cinc-
inninati, svo dæmi sé tekið, lögreglubátar voru
á ferð á Erie-vatni, nálægt nokkrum orkuveit-
um, og fleiri menn voru á verði við landamærin
að Kanada en venjulega. Raunar hefur viðbún-
aður verið aukinn við flestar stórbrýr í Banda-
ríkjunum, bílaundirgöng, sjávarhafnir og þekkt
minnismerki, að ekki sé talað um staði þar sem
geymd eru hættuleg eiturefni o.s.frv.
„Ég hef aldrei séð þá sem stýra þjóðarörygg-
ismálefnum Bandaríkjastjórnar eins festa upp
á þráð og kvíðna og einmitt núna,“ sagði hátt-
settur embættismaður við Los Angeles Times.
Hann segir að menn hafi jafnvel flýtt því um
heilan dag að breyta viðbúnaðarstiginu vegna
hryðjuverka vegna þess hversu vísbending-
unum hafði fjölgað yfir liðna helgi um að raun-
veruleg hætta væri á ferðum.
Um er að ræða leyniþjónustugögn sem
bandaríska leyniþjónustan, CIA, og Þjóðarör-
yggisstofnunin hafa rýnt í og komist yfir, auk
þess sem fjöldamörg bandalagsríki Bandaríkj-
anna hafa deilt upplýsingum sínum með stjórn-
völdum í Washington. M.a. hafa verið hleruð
samtöl sem þekktir hryðjuverkamenn erlendis
hafa átt og er þar vísað svo ekki verður um
villst, að sögn embættismanna, til a.m.k. einnar
hrinu hryðjuverkaárása, aðgerða sem allar
yrðu framkvæmdar á sama tíma, rétt eins og
árásirnar 11. september 2001.
En jafnframt eru vísbendingar um einstakar,
tilteknar hryðjuverkaárásir, sumar litlar í snið-
um, aðrar stærri. Upplýsingarnar benda til
árásar á einhverja stórborg, s.s. New York,
Washington, Los Angeles og Las Vegas. Hins
vegar segjast embættismenn einnig hafa vís-
bendingar um að hugsanlega séu í bígerð árásir
á jafn óþekkta sveitastaði sem Rappahannock í
Virginíu, en þar eru staðsettar ýmsar stjórn-
arbyggingar. Þá er rætt um Valdez í Alaska í
þessu samhengi, en þar afferma stór flutn-
ingaskip olíu sem dælt hefur verið upp úr sjó
þar undan ströndum Alaska.
Embættismenn eru þó ekki síst hræddir um
að al-Qaeda muni, rétt eins 11. september 2001,
ræna flugvélum og fljúga þeim á skotmörk sín.
Menn hafa ekki getað greint hvert skotmarkið
ætti að vera en m.a. er óttast að ráðist yrði á
stóra íþróttaleikvanga, en ljóst er að margir
munu bregða sér á völlinn yfir hátíðarnar. Þá
er ljóst að víða mun stór hópur manna koma
saman um miðja næstu viku til að fagna nýju
ári.
Óttast mjög hryðjuverkaárásir yfir jólin
Margar og eindregnar vísbendingar eru sagð-
ar hafa komið fram um að hryðjuverkamenn
hugsi sér til hreyfings í Bandaríkjunum
Washington. AP, The Los Angeles Times.
GEORGE
Bush yrði end-
urkjörinn for-
seti Bandaríkj-
anna færu
kosningar
fram nú ef
marka má nið-
urstöðu skoð-
anakönnunar
sem birt var í
gær.
Fleiri eru nú sáttir en áður við
framgöngu Bush í Íraksmálinu
að því er fram kemur í skoð-
anakönnun sem gerð var fyrir
dagblaðið The Washington Post
og fréttastofu ABC-sjónvarps-
stöðvarinnar. 60% aðspurðra
sögðust sátt við Íraksmálið en í
nóvember kváðust 48% þeirrar
hyggju. Þá sögðust 59% þeirra
sem gáfu upp afstöðu sína telja
að hernaðurinn í Írak væri rétt-
lætanlegur eða að Írak væri
„þess virði að berjast fyrir“ eins
og það var orðað í spurningunni.
Hafði þeim sem þessa afstöðu
hafa til Íraksmálsins fjölgað um
átta prósent frá því í síðustu
könnun. Tæp 70% aðspurðra
sögðu að Bush-stjórnin ætti að fá
Sameinuðu þjóðunum stærra
hlutverk í uppbyggingu Íraks.
Hvað efnahagsmálin varðar
kvaðst 51% nú þeirrar skoðunar
að Bush stæði sig vel á þeim
vettvangi. Er það í fyrsta skipti
frá því í apríl í ár sem meira en
helmingur gefur upp þessa af-
stöðu. 42% þátttakenda sögðust
telja efnahagsástandið „gott“ eða
„mjög gott“ en 33% létu það mat
í ljós í októbermánuði.
Samkvæmt könnuninni myndi
Bush fara með sigur af hólmi
færu forsetakosningar fram nú.
Hann myndi sigra frambjóðanda
Demókrataflokksins með 50% at-
kvæða gegn 41%.
Miklir yfirburðir Deans
Howard Dean, fyrrum ríkis-
stjóri Vermont, nýtur mests
fylgis þeirra demókrata sem
sækjast eftir því að verða fram-
bjóðandi flokksins í forsetakosn-
ingunum næsta haust. Fylgi
Deans meðal skráðra demókrata
mældist 31% en var 20% í liðinni
viku. Átta menn taka auk Deans
þátt í forkosningum flokksins en
enginn þeirra reyndist njóta
fylgis sem náði tveggja stafa
tölu.
Þessi könnun The Washington
Post og ABC er ósamhljóða
þeirri sem Harris-fyrirtækið birti
á mánudag en hún leiddi í ljós að
vinsældir Bush forseta væru með
minnsta móti frá því hann tók við
embætti í janúar árið 2001. Sú
könnun snerist hins vegar eink-
um um að leiða í ljós hvort hand-
taka Sadams Husseins hefði haft
áhrif á stöðu forsetans. Var nið-
urstaðan sú að þau áhrif væru
vart mælanleg. Sú könnun var og
gerð bæði fyrir og eftir handtöku
Saddams 14. þessa mánaðar og
tók alls yfir sex daga.
Könnunin sem birt var í gær
var gerð 18.–20.desember og náði
til 1.001 kjósanda.
Bush yrði
endurkjörinn
Washington. AFP.
George W. Bush