Morgunblaðið - 24.12.2003, Síða 60

SÖNGVARI, gítarleikari og helsti
lagasmiður Atómstöðvarinnar, Guð-
mundur Ingi Þorvaldsson, var að
kaupa jólagjafir eins og svo margir
Íslendingar þegar Morgunblaðið náði
tali af honum. Hann gaf sér með glöðu
geði tíma til að spjalla um nýju plötu
sveitarinnar New York, Bagdad,
Reykjavík. Guðmundur Ingi var áður
í sveitinni Tvö dónaleg haust en hann
segir að Atómstöðin sé alveg nýtt
dæmi. „Með nýjum mönnum koma
nýjar áherslur í tónlist,“ segir hann
en hljómsveitin skipti um nafn í októ-
ber. „Núna frá og með áramótum
verð ég eini meðlimurinn eftir úr
Tveimur dónalegum haustum,“ segir
hann en Sigfús Ólafsson trommuleik-
ari er að fara í framhaldsnám í við-
skiptafræði í Kaupmannahöfn og við
tekur Örn Ingi Ásgeirsson.
Alveg ný hljómsveit
„Þetta er alveg ný hljómsveit, við
hefðum átt að skipta um nafn fyrir
ári. Það eru tvö lög á plötunni sem
birst hafa myndbönd við undir nafni
Tveggja dónalegra hausta. En það er
ár síðan þessi mannskapur byrjaði að
búa til þessa nýju tónlist en gerði þau
mistök að starfa áfram undir gamla
nafninu,“ segir Guðmundur Ingi.
Hann er aðallagahöfundurinn og seg-
ir að lögin á plötunni séu samin á
tveggja ára tímabili en fyrsta lagið
var tekið upp í desember í fyrra.
„Við komum sterkir til leiks á nýju
ári. Ætlum að halda fullt af tónleikum
og spila fyrir sem flest fólk. En fyrst
tökum við einhvern tíma í að æfa nýtt
prógramm með nýjum trommuleik-
ara en mætum svo fílefldir til leiks,“
segir hann um það sem er framundan.
Stílabókin skönnuð inn
Plötuumslagið er veglegt. „Okkur
finnst mikilvægt að geisladiskurinn
sé eigulegur gripur, að þetta sé eitt-
hvað persónulegt en með allri þessari
netvæðingu er ekkert mál að nálgast
hvaða tónlist sem er. Okkur langaði
til að búa til eigulegan disk,“ segir
hann en í umslaginu eru prentaðir
handskrifaðir textar. „Stílabókin mín,
þar sem ég skrifa alla textana, var
skönnuð inn,“ segir hann.
„Þegar platan var tilbúin sáum við
að þetta var ný hljómsveit,“ segir
Guðmundur Ingi, sem lýsir tónlist At-
ómstöðvarinnar sem rokkpönki.
„Okkur finnst bara gaman að gera
graðhestarokk með skemmtilegum
textum. Aðalatriðið er að lagið og
textinn tali við mann,“ segir hann en
Atómstöðin syngur á íslensku. „Ég
ber fulla virðingu fyrir fólki sem er að
semja á ensku en við tókum þá
ákvörðun snemma að syngja á ís-
lensku fyrir Íslendinga.“
Hljómsveitin rekur heimasíðu þar
sem hægt að er skoða ýmislegt tengt
henni. „Okkur finnst gaman að vera í
tengslum við fólk sem hlustar á okk-
ur. Við eigum kannski ekki stærsta
aðdáendahópinn á Íslandi en hann er
mjög traustur og við erum í nánum
samskiptum við hann.“
Atómstöðin sendir frá sér plötuna
Hljómsveitina Atómstöðina skipa
Guðmundur Ingi Þorvaldsson, Óli
Rúnar Jónsson, Ingólfur Magnús-
son og Sigfús Ólafsson, sem er
reyndar á leiðinni út en við af hon-
um tekur Örn Ingi Ásgeirsson.
„Graðhestarokk
með skemmtileg-
um textum“
ingarun@mbl.is
www.tdh.is
New York, Bagdad, Reykjavík
FÓLK Í FRÉTTUM
60 MIÐVIKUDAGUR 24. DESEMBER 2003 MORGUNBLAÐIÐ
Miðasala í síma 562 9700
www.idno.is
Opið frá kl. 18 fimmtudags-
sunnudagskvöld.
Geirfuglar
spila á Gamlársnótt
Húsið opnar kl. 24.30.
Tenórinn
Lau. 27. des. kl. 20.00. Laus sæti
Sellófon
Gríman 2003: „Besta leiksýningin“
að mati áhorfenda
Þri. 30. des. kl. 21.00. UPPSELT
Fös. 2. jan. kl. 21.00. örfá sæti
WWW.sellofon.is og sellofon@mmedia.is
Stóra svið
Nýja svið og Litla svið
CHICAGO eftir J.Kander og F.Ebb
Frumsýning su 18/1 kl 20 - UPPSELT
2. sýn fi 22/1 kl 20 - gul kort
3. sýn lau 24/1 kl 20 - rauð kort
4. sýn su 25/1 kl 20 - græn kort
5. sýn fi 29/1 kl 20 - blá kort
Fö 30/1 kl 20 - UPPSELT
Fö 6/2 kl 20, Lau 7/2 kl 20
Miðasala: 568 8000
Opið í dag aðfangadag: 10:00-12:00
www.borgarleikhus.is midasala@borgarleikhus.is
Meira (en) leikhús!
SPORVAGNINN GIRND e. Tennessee Williams
Forsýning fö 26/12 kl 20 - kr. 1.500
FRUMSÝNING lau 27/12 kl 20 - UPPSELT
Su 28/12 kl 20,
Fö 2/1 kl 20,
Lau 3/1 kl 20
Lau 10/1 kl 20,
Su 11/1 kl 20
RAUÐU SKÓRNIR e. H.C. Andersen
í samvinnu við RAUÐU SKÓNA
Frumsýning lau 17/1 kl 17
Su 18/1 kl 20
ÖFUGU MEGIN UPPÍ e. Derek Benfield
Fö 9/1 kl 20, Fö 23/1 kl 20
LÍNA LANGSOKKUR e. Astrid Lindgren
Lau 27/12 kl 14 - UPPSELT, Su 28/12 kl 14 - UPPSELT
Lau 3/1 kl 14 - UPPSELT, Su 4/1 kl 14,- UPPSELT
Lau 10/1 kl 14, Su 11/1 kl 14 Su 18/1 kl 14 - UPPSELT,
Lau 24/1 kl 14, Su 25/1 kl 14 - UPPSELT,
Lau 31/1 kl 14, Su 1/2 kl 14,
Lau 7/2 kl 14 - TÁKNMÁLSTÚLKUÐ SÝNING
Óskum leikhúsgestum gleðilegra jóla og farsældar á nýju ári
TIL SÖLU ALLA DAGA:
*****************************************************************
*********************************************************************
HERRA NÍELS, HESTURINN
*********************************************************************GJAFAKORT Á LÍNU LANGSOKK KR. 1.900
****************************************************************
GJAFAKORT Á CHICAGO KR. 2.900
****************************************************************
ALMENN GJAFAKORT - GILDA ENDALAUST
LÍNU-LYKLAKIPPUR, LÍNU-GEISLADISKAR,
MÁN. 29/12 - KL. 19 UPPSELT
AUKASÝNING SUN. 4/1 - KL. 19 LAUS SÆTI
ÓSÓTTAR PANTANIR SELDAR DAGLEGA
Hamraborg 11 – Kópavogi
Aðgangur ókeypis
Halli Reynis
spilar 26. og 27. des.
Frumsýning 6.jan. uppselt
2. sýning 10.jan.
3. sýning 17.jan.
4. sýning 24.jan.
Sýningar hefjast kl. 20
Miðasala hafin í síma 555-2222
Frumsýning 27. des. kl. 19.
- UPPSELT
2. sýn. lau. 3. jan. kl. 20
- laus sæti
3. sýn. sun. 11. jan. kl. 20
- laus sæti
Miðasala í síma 552 3000
Loftkastalinn
Sun. 28. des. kl. 20.00 laus sæti
Lau. 10. jan. kl. 20.00 laus sæti
Sun. 18. jan. kl. 20.00 laus sæti
Sveinsstykki
Arnars Jónssonar
Nýr einleikur
eftir Þorvald Þorsteinsson
AUÐVITAÐ hljómar það
skringilega þegar maður heyrir að
einn kunnasti bassaleikari lands-
ins, þ.e. úr dægurkimanum, sé bú-
inn að gera jóla-
plötu sem ein-
göngu er leikin á
bassa. Hljómar í
raun galið. En,
einu sinni sem oft-
ar, er maður
minntur á að affarasælast er að
nálgast mannanna verk af opnum
hug og áhuga. Og hér sannast líka
önnur margtuggin og einföld en þó
sönn speki. Ef tónlistin er góð …
nú þá er hún bara góð! Og þá þarf
svosem ekkert að pæla mikið
meira í því.
Verkefni sem hefði getað farið
flatt gengur vel upp í meðförum
Jakobs og Hrafns. Fyrst og fremst
vegna þeirrar auðheyranlegu og
auðsjáanlegu natni sem þeir hafa
lagt við þessa plötu (umslagið eitt
kemur manni til að mynda í fín-
asta jólaskap og endurspeglar
glæsilega værðarlegt og hlýtt inni-
haldið. Afar vel heppnað). Lögin
eru þessi sígildu jólalög, ekki stuð-
lögin heldur þessi gömlu góðu sem
manni finnst alltaf hafa verið til.
Blanda af þjóðlögum, sálmum og
líka nýrri smíðum. „Heims um
ból“, „Guðs kristni í heimi“ („O
Come All Ye Faithfull“), „Hvít jól“
(„White Christmas“), „Bjart er yf-
ir Betlehem“ og svo má telja. Það
sem gerir þessa plötu sérstaka og
um leið svo gefandi er auðvitað
þröngur ramminn sem utan um
hana er. Bara jólalög, bara bassi
(og smá trommuheili). Þannig
fléttar Jakob rafbassanum saman
við kontrabassann og langar, víbr-
andi línur bandalausa bassans
þannig að úr verður mjúkur, djúp-
ur tónavefur sem læðir að manni
einkennilegum höfga. Jakob forð-
ast listavel ósmekklegt bassabras
og -brauk; það er enginn hræri-
grautur sem er boðið upp á, heldur
dansa línurnar listavel saman. Það
er teygt á þeim og leikið með þær
þar sem það er hægt, annars er
því sleppt. Heildaráferðin er eins
og áður segir róleg og í raun
þokkafull, þetta er jólatónlistin
sem þú setur á þegar aðfangadag-
ur er genginn í garð, stressið að
baki og notalegheitin framundan.
Framsækið? Róandi? Flippað?
Fallegt? Allt þetta og meira. Allir
fá hér eitthvað fallegt, í það
minnsta bassaspil.
Tónlist
Hafðu það
djúpt um
jólin
Jakob Smári Magnússon
Bassajól
Áttund neðar
Jakob Smári Magnússon leikur á bassa.
Lögin eru sígild jólalög, erlend að upp-
runa utan eitt sem er eftir Sigvalda
Kaldalóns. Upptökur og útsetningar voru
í höndum Jakobs og Hrafns Thoroddsen.
Hafþór Guðmundsson sá um hljóð-
blöndun.
Arnar Eggert Thoroddsen
GAGNASAFN
MORGUNBLAÐSINS
mbl.is