Morgunblaðið - 17.01.2004, Síða 56

56 LAUGARDAGUR 17. JANÚAR 2004 MORGUNBLAÐIÐ
Clifton - Kóbrukossinn
Leonardó
framhald ...
© DARGAUD
© DARGAUD
Á MEÐAN VIÐ SARA FÖRUM INN Á HÓTELIÐ
VÆRI MJÖG VEL ÞEGIÐ AÐ ÞÉR GÆTIÐ BÍLS-
INS ... OG FYLGIST MEÐ ÞVÍ SEM GERIST HÉR
UM KRING ...
OG HVAÐ SVO SEM GERIST ÓLIVER, ÞÁ VERÐIÐ ÞÉR AÐ HALDA
KYRRU FYRIR Í HLUTVERKI ÁHORFANDANS! ... ÞÉR MEGIÐ EKKI
YFIRGEFA ÞESSA BIFREIÐ UNDIR NEINUM KRINGUMSTÆÐUM!
O.K. STJÓRI!HA?
VEL Á MINNST,
ÞEKKIÐ ÞÉR HIÐ
RÉTTA NAFN
HANS?
EFTIR ÞVÍ SEM GEIR-
MUNDUR SAGÐI þÁ
HEITIR HANN MART-
EINS, LÁKI MARTEINS!
ÞESSI GEIRMUNDUR!
HVERNIG FÓR HANN AÐ ÞVÍ
AÐ KOMAST AÐ ÞVÍ?
ÉG ÚT-
SKÝRI ÞAÐ
SEINNA ...
ÚPS! AFSAKIÐ
HERRA!
ÞETTA ER GÓÐUR KÖTTUR
EN NÚNA ÞARF
ÉG AÐ VINNA!
SÆTUR!
? GÓÐUR KÖTTUR!
OK!! EINN LÍTILL MÓTÓR!
NOKKRAR KÚLULEGUR,
TANNHJÓL OG ANNAÐ Í
ÞEIM DÚR ...
LOKSINS NÚNA HEF ÉG FRIÐ!!
GÓÐUR KÖTTUR!!
GÓÐUR KÖTTUR!!
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
SAMKVÆMT 20. grein áfengislaga
eru „hvers konar auglýsingar á
áfengi og einstökum áfengistegund-
um“ bannaðar.
Hefur slíkt bann
verið í áfengis-
lögum allt frá
1935 sem mikil-
vægur þáttur í
áfengisvörnum
og í samræmi við
þann vilja lög-
gjafans á árum
áður að vinna
gegn útbreiðslu áfengis og draga úr
því böli og tjóni, sem áfengið veld-
ur.
En nú eru því miður breytt við-
horfin hjá yfirvöldum gagnvart
áfengisdrykkju. Í stað þess að berj-
ast gegn áfengisbölinu hefur á síð-
ari árum verið stöðugt undanhald á
sviði áfengismála og vegið að for-
vörnum með þeim afleiðingum, að
áfengisneyslan hér á landi hefur
fimmfaldast á 15 árum. Um leið
hefur orðið stórfelld aukning á
margvíslegu tjóni og kostnaði sam-
félagsins vegna notkunar áfengis.
Um langt skeið virtu fjölmiðlar
umrætt bann. En á síðari árum hef-
ur orðið breyting í þeim efnum og
sumir fjölmiðlar ekki látið sinn hlut
eftir liggja í áfengisáróðri og með
því stuðlað að stóraukinni áfengis-
neyslu. Þannig hafa mest lesnu
dagblöðin oft brotið bannið gegn
áfengisauglýsingum á undanförn-
um árum. Nýleg dæmi: Á Þorláks-
messu voru birtar í Fréttablaðinu
þrjár áberandi áfengisauglýsingar
og í Tímariti Morgunblaðsins 14.
des. sl. heilsíðu auglýsing og um-
fjöllun um sérstakar áfengisteg-
undir. Er engu líkara en þetta
framlag blaðanna hafi átt að vera
mótvægi við tilmælum margra um
að hlífa heimilum við áfengis-
drykkju um jólahátíðina. Og sama
Tímarit Mbl. hefur svo haldið áfram
í sama umfangi að kynna og aug-
lýsa áfenga drykki 28. des. sl. og 11.
janúar.
Er furðulegt, að þeir, sem eiga að
gæta laga og réttar, láti slík lögbrot
óátalin að því er virðist, en svo
áberandi auglýsingar og hér um
ræðir og oft áður geta ekki hafa
farið framhjá lögreglunni. En skv.
66. gr. laga um meðferð opinberra
mála „skal lögreglan hvenær sem
þess er talin þörf hefja rannsókn út
af vitneskju eða grun um að refsi-
vert brot hafi verið framið hvort
sem henni hefur borist kæra eða
ekki“.
Að mínum dómi ber lögreglunni
skylda til að láta umrædd lögbrot
til sín taka og viðkomandi yfirvöld-
um að fylgjast með því, að það sé
gert. Og vonandi hætta fjölmiðlar
öllum áfengisáróðri, sem marga
getur leitt út á brautir Bakkusar
með ófyrirsjáanlegum afleiðingum.
ÁRNI GUNNLAUGSSON,
lögmaður,
Hafnarfirði.
Fjölmiðlar brjóta
áfengislögin
Frá Árna Gunnlaugssyni:
SÍÐASTLIÐINN miðvikudag vildi
veðurstofustjóri ræða á síðum
Morgunblaðsins fleiri hliðar um-
deildra eftirlaunalaga frá í desem-
ber. Líkti hann umræðu um lögin
við moldviðri sem gengið hefði yfir
landið og kenndi verkalýðshreyf-
ingunni helst um, sagði hana horfa
til fortíðar, en átaldi „almenning“
fyrir mótsagnakennt tal.
Þar sem veðrinu hefði nú slotað
taldi veðurstofustjóri lag að leggja
sitt til málanna og hefja málefna-
lega umræðu. Framlag hans gæti
bent til þess að moldviðrið geisaði
enn. Að minnsta kosti virðist hann
í þoku þegar kemur að aðalatriði
málsins.
Víst er það ekki hvort eftirlauna-
lögin færðu forsætisráðherra 130
milljónir eða meira, en gagnstætt
því sem veðurstofustjóri gefur í
skyn, þá reyndist unnt að áætla
upphæðina. Þó nú væri. Það gerði
fyrirtækið Talnakönnun. Aðalatriði
málsins er að forréttindi stjórn-
málamanna grafa undan lýðræð-
inu, eins og dæmin sanna. Þeir sem
kjörnir eru til að setja lögin mega
ekki búa sjálfum sér almenn rétt-
indi umfram þau sem umbjóðendur
þeirra njóta og eiga ekki að af-
marka almenningi réttindi sem
þeir sjálfir vilja ekki una við og
telja ófullnægjandi. Þessi sjónar-
mið eru í takt við þróun lýðræðis-
hugmynda en forréttindahugsun
ríkisforstjórans vísar til fortíðar.
Enda erfitt í þoku að vita hvort
maður gengur fram eða til baka,
upp í móti eða niður á við.
En Veðurstofustjóri á knýjandi
erindi með grein sinni: Í samræmi
við forréttindahugmyndir sínar tel-
ur hann eðlilegt að lækka eftir-
launaaldur forstöðumanna ríkis-
stofnana þar sem æviráðning
þeirra hafi verið lögð af (þið lásuð
rétt). Þessum hugmyndum fylgir
skírskotun til útlanda sem ætlað er
að duga í stað rökstuðnings og
kunnuglegt stef um slítandi og erf-
ið störf. Sum störf eru slítandi,
ótrygg og illa launuð, önnur erfið
og vel launuð. Að forstjórum rík-
isstofnana er prýðilega búið og
vonandi leggja þeir sig fram með
ánægju. Hugmyndir um aukin for-
réttindi í lífeyrismálum þeim til
handa eru hins vegar gamaldags,
jafnvel þótt þær væru í tísku í út-
löndum, hvar þær reyndar sæta
harðnandi gagnrýni. Vonandi birtir
senn með betri og samræmdum líf-
eyrisréttindum fyrir alla lands-
menn.
HJÖRTUR HJARTARSON,
Hringbraut 87,
Reykjavík.
Ríkisforstjóri í þoku
Frá Hirti Hjartarsyni: