Morgunblaðið - 14.02.2004, Blaðsíða 16
VIÐSKIPTI/ATHAFNALÍF
16 LAUGARDAGUR 14. FEBRÚAR 2004 MORGUNBLAÐIÐ
HAGNAÐUR KB banka á síðasta ári
nam 7.520 milljónum króna og jókst
um 40% frá fyrra ári. Greiningar-
deildir Íslandsbanka og Landsbanka
höfðu að meðaltali spáð bankanum
7.657 milljóna króna hagnaði.
Hagnaður fjórða fjórðungs nam
2.441 milljón króna, sem er rúmum
400 milljónum króna meiri hagnaður
en á þriðja fjórðungi ársins og um
750 milljónum króna meiri hagnaður
en á fyrstu þremur mánuðum ársins
að meðaltali. Stóran hluta skýring-
arinnar á þessum aukna hagnaði á
síðasta fjórðungi ársins er að finna í
Svíþjóð. Á kynningarfundi vegna
uppgjörsins sagði Hreiðar Már Sig-
urðsson, forstjóri KB banka, að mikil
jákvæð umskipti hefði orðið af
rekstri dótturfélags bankans þar í
landi, en tap var af rekstrinum þar
framan af ári. Í Svíþjóð er lang-
stærsta starfsstöð bankans utan Ís-
lands. Hagnaður á Norðurlöndunum,
þ.e. utan Íslands, var 691 milljón
króna á fjórða ársfjórðungi, en á hin-
um fjórðungunum þremur var sam-
anlagt rúmlega 240 milljóna króna
tap af rekstrinum á Norðurlöndun-
um.
Áform um áfram-
haldandi útrás
Hreiðar Már sagðist á kynningar-
fundinum gera ráð fyrir meiri hagn-
aði á þessu ári en á nýliðnu ári, en þó
sé ekki hægt að gera ráð fyrir jafn
miklum hagnaði í hverjum fjórðungi
og hafi verið í síðasta fjórðungi.
Af starfseminni hér á landi var
minni hagnaður á fjórða fjórðungi
ársins en að meðaltali á fyrri fjórð-
ungunum þremur. Hagnaður af inn-
lendri starfsemi var 1.199 milljónir
króna á fjórða fjórðungi ársins, en að
meðaltali rúmar 1.500 milljónir
króna á fyrri fjórðungunum þremur.
51% af hagnaði fjórða fjórðung var
vegna starfsstöðva bankans utan Ís-
lands.
Starfsemi KB banka í Bretlandi og
á meginlandi Evrópu skilaði 926
milljóna króna hagnaði á síðasta ári
og starfsemin í Bandaríkjunum skil-
aði 423 milljóna króna hagnaði.
Í fréttatilkynningu frá bankanum
segir að áfram sé stefnt að örum
vexti hans, en þó ekki á kostnað arð-
semi. Arðsemin var 23% á síðasta ári,
en bankinn hefur sett sér markmið
um 15% arðsemi. Í tilkynningunni
segir að áform séu uppi um að auka í
nánustu framtíð við starfsemina í
Danmörku, Finnlandi, Noregi og á
Englandi.
Gengishagnaður og þjónustu-
tekjur aukast mikið
Hreinar vaxtatekjur bankans, þ.e.
vaxtatekjur umfram vaxtagjöld,
hækkuðu um 45% á síðasta ári og
námu 10.124 milljónum króna.
Vaxtamunur var 2,0% á síðasta ári.
Aðrar rekstrartekjur jukust um
50% og þar munar mest um aukningu
gengismunar af verðbréfum bankans
og gjaldeyristengdum eignum og
aukningu þjónustutekna. Gengis-
hagnaður jókst um 70% og nam 10
milljörðum króna, og þjónustutekjur
jukust um 57% og námu 11 milljörð-
um króna, en aukningin skýrist að
miklu leyti af stórum verkefnum í
fyrirtækjaráðgjöf og auknum um-
svifum í miðlun, að því er segir í
fréttatilkynningu. Gengishagnaður
af hlutabréfum fór úr 1,9 milljörðum
króna í 4,6 milljarða króna og af
skuldabréfum jókst gengishagnaður-
inn um ríflega einn milljarð og nam
4,8 milljörðum króna.
Launakostnaður jókst einnig mik-
ið, eða um 55% og nam 10 milljörðum
króna. Starfsmönnum bankans
fækkaði engu að síður um rúmlega
130 milli ára, í 1.237. Á kynningar-
fundinum sagði Hreiðar Már að
hækkunina mætti rekja til þriggja
þátta; kaupauka til starfsfólks vegna
góðs árangurs við samruna Kaup-
þings og Búnaðarbanka í maí í fyrra,
kaupauka vegna góðrar afkomu
bankans og kostnaðar vegna yfirtök-
unnar á JP Nordiska, sem nú heitir
Kaupthing Bank Sverige. Samanlagt
hækkuðu rekstrargjöld bankans um
48% og námu rúmum 18 milljörðum
króna.
Kostnaðarhlutfall bankans, þ.e.
hlutfall rekstrargjalda af hreinum
rekstrartekjum, breyttist ekki milli
ára og nam 58,2%. Ef litið er á móð-
urfélagið eingöngu lækkaði þetta
hlutfall hins vegar úr 51,6% í 45,4%
milli ára.
Framlag í afskriftareikning útlána
jókst um 39% milli ára og nam í fyrra
3,9 milljörðum króna.
Útlán aukast um 30%
Eignir KB banka jukust um 29%
og námu 559 milljörðum króna í lok
síðasta árs. Aukning útlána var 30%
en aukning innlána 11% og hlutur
innlána í fjármögnun bankans
minnkaði. Á kynningarfundinum
kom fram hjá Hreiðari Má að nú væri
meira notast við langtímafjármögn-
un með lántöku en áður hefði verið og
að mikið hefði verið dregið úr notkun
endurhverfra lána Seðlabankans.
Víkjandi lán lækkuðu nokkuð milli
ára en eigið fé jókst um 38% og nam
46 milljörðum króna í árslok. Eigin-
fjárhlutfall bankans á CAD-grunni
var 14,2% um áramót, en 14,7% hjá
Kaupþingi og 10,9% hjá Búnaðar-
banka ári áður. A-þáttur eiginfjár-
hlutfallsins er 12,1%. Hreiðar Már
segir að markmið bankans sé að hafa
CAD-eiginfjárhlutfallið 12%, en þar
sem bankinn sé að vaxa sé talið mik-
ilvægt að hafa hlutfallið hærra.
Hærra hlutfall gefi bankanum aukið
svigrúm til áframhaldandi ytri vaxt-
ar.
Hagnaður KB banka 7.520
milljónir króna í fyrra
!"#
$ %"
$!%!
$#" &
&# "
'$"#!
'&#(
)
)
*
%$!"+
"%
,-
)
./01
%#23
$"23
&2+3
$&(
!$#%
$ $#(
$""$"
$"%%
( "
'(!"
'&!
& +&&
&&&(
%#23
$#2(3
$&!+
!"#
Helmingur hagnaðar á fjórða ársfjórðungi kemur erlendis frá
AFSKRIFTAREIKNINGUR útlána
KB banka hækkaði um 44% milli
ára, úr 5,8 í 8,3 milljarða króna. Sem
hlutfall af útlánum og veittum
ábyrgðum hækkaði reikningurinn
úr 2,1% í 2,4%.
Nettó framlag í afskriftareikning-
inn nam 3,9 milljörðum króna, sem
er 1,1 milljarði króna hærra fram-
lag en árið áður. Framlagið var
mest á þriðja fjórðungi ársins, rúmir
1,3 milljarðar króna, en lækkaði
nokkuð á fjórða fjórðungi og nam
tæpum 1,2 milljörðum króna. Sér-
stakur afskriftareikningur útlána,
sem er vegna útlána sem talin eru í
sérstakri tapshættu, hækkaði um
50% og var 5,5 milljarðar króna um
áramót.
Á kynningarfundi sem bankinn
hélt vegna uppgjörsins lagði Hreið-
ar Már Sigurðsson, forstjóri bank-
ans, áherslu á að framlagið væri of
hátt og þyrfti að lækka. Um 95%
framlagsins væri vegna innlendrar
starfsemi og skýringin á því væri að-
allega þrenns konar. Í fyrsta lagi lán
til fyrirtækja án tryggingar, í öðru
lagi lán til fyrirtækja sem verið
hefðu í viðskiptum við bankann en
hefðu þurft aukinn stuðning og í
þriðja lagi væri um að ræða sjálf-
skuldarábyrgðir einstaklinga.
Hreiðar Már var spurður að því á
fundinum hvort þetta væri vandi
sem hefði komið frá Búnaðarbank-
anum, en hann sagði ekki rétt að
stilla málinu þannig upp. Skýringin
á auknum framlögum á afskrift-
areikning útlána eftir sameiningu
bankanna í fyrra væri ekki sú að
eitthvað kæmi á óvart, en þegar nýir
stjórnendur kæmu að hlutunum
fylgdu þeim ný viðhorf.
Nettó framlög í afskriftareikning
útlána hækkuðu mikið hjá öllum við-
skiptabönkunum í fyrra. Aukningin
var 29% hjá Íslandsbanka, 40% hjá
KB banka og 63% hjá Landsbanka.
Samanlagt námu framlögin 11,3
milljörðum króna í fyrra en 7,8
milljörðum króna árið 2002.
Miklar af-
skriftir útlána
SAMÞYKKT var á aðalfundi Össur-
ar hf. sem haldinn var á Nordica-hót-
eli í gær, að lækka hlutafé félagsins
um 10 milljónir króna eða úr kr.
328.441.000 í kr. 318.441.000. Lækk-
unin verður framkvæmd með þeim
hætti að eigin hlutir félagsins verða
lækkaðir um ofangreinda fjárhæð.
Við lækkunina eykst hlutfallslegur
eignarhlutur hvers hluthafa í félag-
inu og kemur honum þannig til hags-
bóta. „Það var mat okkar núna að
fara þá óvenjulegu leið að lækka
hlutaféð, sem nam nokkurn veginn
öllu sem félagið átti, og með því að
auka verðmæti hluthafanna, á þeim
hlutum sem eftir eru,“ sagði Pétur
Guðmundarson, stjórnarformaður
félagsins, í samtali við Morgunblaðið.
Á fundinum var svo aftur sam-
þykkt tillaga um heimild til stjórnar
að kaupa eigin hlutabréf félagsins, en
slíkar tillögur eru nánast fastur liður
á aðalfundum hlutafélaga, enda má
félag ekki kaupa eigin hluti nema
með samþykki hluthafafundar, að
sögn Péturs. Má Össur samkvæmt
samþykktinni kaupa á næstu 18
mánuðum, allt að 10% af eigin
hlutafé á gengi sem er ekki hærra en
10% yfir og ekki lægra en 10% undir
skráðu meðalgengi bréfa félagsins á
næstu tveimur vikum á undan kaup-
unum.
Reiðubúið að fórna fjármunum
Í ræðu sinni á aðalfundinum ræddi
Pétur um kostnaðarsöm málaferli
Össurar í Norður-Ameríku, sem
höfðu talsverð áhrif á afkomu síðasta
árs. Sagði hann að Össur þyrfti að
standa fast á bakvið einkaleyfi sín og
vörumerki „Össur hf. leggur mikla
áherslu á vöruþróun og skráningu
einkaleyfa þar sem það er mögulegt
sem og að verja vörumerki félagsins.
Einkaleyfi og vörumerki eru hins
vegar einskis nýt ef félagið er ekki
tilbúið að verja þau. Stjórnendur fé-
lagsins líta svo á að með málaferlum
þessum hafi félagið sent samkeppn-
isaðilum og öðrum þeim sem hrapa
að því óráði að ætla að hagnýta sér
þær vörum félagsins sem varðar eru
með einkaleyfum skýr skilaboð: Öss-
ur hf. mun ekki láta það óátalið að
einkaleyfin séu ekki virt og er
reiðubúinn að fórna þeim fjármunum
sem þarf til að verja þau,“ sagði Pét-
ur.
Hlutafé Össurar lækkað
um 10 milljónir króna
Morgunblaðið/Sverrir
Stjórnarmenn Össurar hf. hlýða á Pétur Guðmundarson formann stjórnar á aðalfundi félagsins í gær.
HAGNAÐUR Kaldbaks fjárfest-
ingarfélags nam 2.262 milljónum
króna á síðasta ári en árið á undan
nam hagnaðurinn 824 milljónum
króna.
Innleystur hagnaður af verðbréf-
um jókst úr 380 milljónum króna í
2.044 milljónir króna. Óinnleystur
hagnaður af verðbréfum nam 684
milljónum króna á síðasta ári en var
307 milljónir króna árið 2002. Eig-
infjárhlutfall félagsins var 60% í
árslok 2003 en var 56% í árslok
2002. Eignir í skráðum hlutabréfum
námu 10.620 milljónum króna í árs-
lok en eignarhlutar í óskráðum
hlutabréfum námu 692 milljónum
króna. Eiríkur S. Jóhannsson,
framkvæmdastjóri Kaldbaks, segir
í tilkynningu að síðasta ár hafi verið
Kaldbaki afar hagstætt. „Eigna-
markaðir voru sterkir og eignaverð
hækkaði mikið á síðasta ári og hefur
Kaldbakur notið góðs af því eins og
önnur fjárfestingar- og fjármálafyr-
irtæki. Unnið var að sölu þeirra fé-
laga sem Kaldbakur hefur unnið að
umbreytingu og þróun og er ég
ánægður með hversu vel hefur tek-
ist til með úrvinnslu þessara verk-
efna,“ að því er segir í tilkynningu.
Þar segir að síðasta ári hafi verið
hagfellt í flestalla staði enda ytri
skilyrði á fjármagnsmörkuðum hag-
stæð. „Það sem af er þessu ári hefur
lítil breyting orðið á, hlutabréfa-
markaður hefur haldið áfarm að
hækka. Ýmsar mælistikur benda þó
til þess að hlutabréfaverð sé orðið
nokkuð hátt. Horfur í efnahagsmál-
um á Íslandi eru almennt jákvæðar
fyrir árið 2004. Helstu áhrifaþættir
á afkomu félagsins eru háðir inn-
lendri efnahagsþróun, þróun fjár-
málamarkaða, stjórnvaldsaðgerð-
um og gengi íslensku krónunnar.
Kaldbakur hf. hefur á fyrsta árs-
fjórðungi þessa árs selt allan eign-
arhlut sinn í Íslandsbanka hf. og er
söluhagnaður sem færist á núver-
andi rekstrarár 440 mkr. fyrir
reiknaða skatta.“
#$
4 4
5
!
6
7 8 9
-
5
+%
!#
:&&!
""
!#"
+
"(
:$%
)
*
#" %
%(!#
"(
(
:"
&+(
$$
:$#
+
%$ $
"$+
#
# &$$
Hagnaður
Kaldbaks 2.262
milljónir króna
Innleystur hagnaður af verðbréfum
2.044 milljónir króna