Morgunblaðið - 14.02.2004, Blaðsíða 24

AKUREYRI
24 LAUGARDAGUR 14. FEBRÚAR 2004 MORGUNBLAÐIÐ
„ÉG hef tekið eftir því að maður er
fljótur að byggja upp upp-
handleggsvöðvana,“ segir Þóra
Margrét Júlíusdóttir sem starfar
við járnabindingar í Rannsókna-
húsinu við Háskólann á Akureyri.
Hún, maður hennar, Óli Páll Ein-
arsson matreiðslumaður og eins árs
gamall sonur þeirra Júlíus Páll
fluttu til Akureyrar frá Reykjavík í
síðasta mánuði og hafa hugsað sér
að vera fram á vor. Þá liggur leiðin
til Frakklands þar sem þau hyggja
á frekara nám.
Þóra Margrét lauk BA-prófi í sál-
fræði frá Háskóla Íslands síðast-
liðið. vor. Hún var heima með
drenginn í hálft ár, en fór svo að
líta í kringum sig varðandi atvinnu,
„ég var að leita að dagvinnu, vel
borgaðri dagvinnu, því Óli var í
vaktavinnu,“ segir hún. Frændi
hennar vinnur hjá ÁG-verktökum
sem eru undirverktakar ÍAV við
Rannsóknahúsið og hún hafði áður
verið í sumarvinnu hjá fyrirtækinu.
Þau létu það síður en svo á sig fá þó
að starfið sem byðist væri fyrir
norðan. „Okkur þótti það bara
betra, það er fínt að vera á Ak-
ureyri, stutt í vinnuna og ekki þessi
erill og hávaði sem einkennir borg-
arlífið,“ segir Þóra Margrét og
nefndi að þau hefðu raunar haft
áhuga fyrir að flytja norður í land.
Afi og amma Óla búa á Húsavík og
á liðnu hausti þegar unga fólkið
heimsótti þau kom til tals að gaman
væri að flytja sig um set og prófa að
búa nyrðra. „Við ákváðum svo að
slá til þegar mér bauðst vinna við
járnabindingar í Rannsóknahús-
inu,“ segir hún.
Gott að vera þreyttur
eftir daginn
Þóra Margrét er vön járnabind-
ingum, starfaði við þá iðju að sum-
arlagi meðfram námi sínu. Unnið er
í skorpum, tvær vikur í senn og er
vinnudagurinn langur, 12 tímar,
frá hálfátta á morgnana til hálfátta
á kvöldin. „Jú, vissulega er þetta
erfiðisvinna, en ég er vön. Þetta er
ekkert erfiðara en þegar maður var
í heyskap hér áður fyrr í sveitinni,
þegar burðast var með þunga
bagga og þeim hent til og frá,“ seg-
ir hún. Bætir við að auðvitað sé gott
að hvíla sig inni á milli, „en það er
gott að vera þreyttur eftir daginn,
að hafa tekið verulega á, manni líð-
ur betur í skrokknum heldur en eft-
ir þaulsetu við tölvu allan daginn.“
Svo sér hún líka annan kost við úti-
veruna, „maður fær aldrei flensu
eða aðrar umgangspestir, þetta
gerir manni bara gott,“ segir hún.
„En ég get alveg viðurkennt að
þetta starf fer ekki vel með negl-
urnar.“
Þó svo Þóra Margrét hafi lokið
BA-prófi í sálfræði segist hún eng-
an áhuga hafa fyrir að starfa á því
sviði, segir samt að sálfræðikunn-
áttan komi sér ágætlega við járna-
bindingarnar, „ maður tekur kall-
ana á taugum og bindur þá á
bekkinn“ sagði hún. Þóra Margrét
stefnir á að flytja ásamt fjölskyldu
sinni til Frakklands nú á komandi
sumri, þar sem hún ætlar að byrja á
að læra frönsku, „og ætli ég fari svo
ekki í læknisfræði,“ segir hún og
þar með er fokið út í veður og vind
heit sem hún gaf sjálfri sér fyrir
margt löngu; Hún ætlaði aldrei að
verða læknir! „En á þeim tíma ætl-
aði ég heldur aldrei að verða ung-
lingur.“
Óli Páll lærði á Hótel Loftleiðum
og starfaði þar, en hefur einnig
unnið á ýmsum veitingastöðum í
borginni. Hann er nú heima með
strákinn og líkar það bara vel. „Það
er ekki ónýtt að koma heim eftir
erfiðan vinnudag, með matreiðslu-
manninn heima í eldhúsi, ég þarf
ekki að kvarta,“ segir Þóra Mar-
grét. Verkinu við Rannsóknahúsið
á að ljúka um páska „og vonandi
verður Óli kominn með vinnu þá,
hann er aðeins byrjaður að leita
fyrir sér.“
Óli Páll sagði að þetta hlutverk
væri alveg nýtt fyrir sér, „þetta eru
auðvitað viðbrigði,“ sagði hann, en
hann væri vanur vaktavinnu.
„Það er vissulega gott að geta
eytt svona miklum tíma með
stráknum,“ sagði Óli Páll. Hann
kvaðst ekki hafa geta nýtt sér
feðraorlofið, þar sem reglur kveða
á um að menn hafi starfað á sama
vinnustað í minnst 6 mánuði áður
en slíkt orlof er tekið, en hann hafði
einungis verið búinn að starfa í 5
mánuði á sama stað. Hann fengi því
ekkert feðraorlof. Óli Páll tók sér
tveggja vikna launalaust frí eftir að
drengurinn fæddist og þá hefði
hann alltaf átt ágæt vaktafrí inn á
milli til að vera heima.
Þeir feðgar hafa ekki verið mikið
á ferðinni utandyra enda veðrið
ekki verið sérlega skemmtilegt. Nú
væri daginn að lengja og snjórinn á
hröðu undanhaldi svo búast mætti
við að þeir tækju til við að viðra sig
og skoða sig um í bænum.
Sálfræðiprófið kemur sér ágætlega við járnabindingarnar
Morgunblaðið/Kristján
Liðtæk í járnabindingum. Þóra Margrét Júlíusdóttir við vinnu sína í rannsóknahúsinu við Háskólann á Akureyri.
Feðgar í hádegismat. Óli Páll Einarsson gefur syni sínum Júlíusi Páli salt-
fisk í hádegismat heima í Hamarstíg.
Gott að taka verulega á
Akureyrarbær • Geislagötu 9 • 600 Akureyri
Sími 460 1000 • Fax 460 1001 • www.akureyri.is
Umsóknir um styrki
Auglýst er eftir umsóknum um styrki frá nefndum innan
félagssviðs Akureyrarbæjar. Um er að ræða styrki á veg-
um félagsmálaráðs, íþrótta- og tómstundaráðs og úr
Menningarsjóði og Húsverndarsjóði.
Félagsmálaráð veitir m.a. styrki til félagasamtaka sem starfa á
sviði félags- og mannúðarmála.
Sérstaklega verða veittir tveir styrkir á sviði heilbrigðis- og félags-
mála á Akureyri, samtals að upphæð 850 þús. kr. til verkefna
svo sem að:
1. Félagssamtök geri sig sýnilegri og öflugri með sérstöku átaki
í kynningu og fræðslu á sínum markmiðum í því skyni að ná
til fleiri einstaklinga.
2. Félagssamtökum eða einstaklingum verði gert kleift að
koma fram með nýjungar í þjónustu eða fræðslu samborg
urum sínum til góða.
Leggja þarf fram aðgerðaráætlun og kostnaðaráætlun vegna
verkefnanna sem óskað er eftir styrk til.
Íþrótta- og tómstundaráð veitir rekstrarstyrki til íþrótta- og
æskulýðsfélaga.
Úr Menningarsjóði Akureyrar eru veittir styrkir til verkefna á
menningarsviði á vegum félaga, stofnana, listamanna og fræði-
manna. Úr Húsverndarsjóði Akureyrar eru veittir styrkir vegna
framkvæmda við friðuð hús og hús með varðveislugildi.
Umsóknir skulu berast á þar til gerðum eyðublöðum sem liggja
frammi í Þjónustuanddyri Akureyrarbæjar, Geislagötu 9, og hjá
viðkomandi deildum í Glerárgötu 26. Einnig er hægt að nálg-
ast eyðublöðin á vefsíðu Akureyrarbæjar, www.akureyri.is. Á
eyðublöðunum kemur fram hvaða upplýsingar þurfa að fylgja
styrkbeiðnum.
Styrkjum er að mestu leyti úthlutað einu sinni á ári hjá hverri
nefnd. Úr Menningarsjóði er þó úthlutað þrisvar á hverju ári,
þ.e.a.s. í febrúar, júní og september og þar er umsóknarfrestur
til næstu mánaðamóta á undan.
Umsóknarfrestur er til 1. mars nk.
Umsóknum skal skila í Þjónustuanddyri Akureyrarbæjar, Geisla-
götu 9, eða til skrifstofu viðkomandi deildar í Glerárgötu 26.
Sviðsstjóri félagssviðs