Pressan - 30.01.1992, Page 20

20
FIMMTUDAGUR PRESSAN 30. JANÚAR 1992
Loftræstingin í
Bessastaðastofu
var bríhönnuð
Sem kunnugt er fór kostn-
aður við viðgerðir og endur-
bætur á Bessastaðastofu
langt fram úr áætlun. Hefur
nú komið í ljós að kostnaður
við hönnun og eftirlit með
verkinu varð hvorki meira né
minna en 24,5 prósent af
framkvæmdakostnaðinum.
Kostnaður við úttektir, hönn-
un og eftirlit nam 65,2 millj-
ónum króna, en heildar-
kostnaður við endurbæturn-
ar var 266,'6 milljónir.
Þetta skýrist meðal annars
af því að sífellt þurfti að
hanna og teikna upp á nýtt
stóra hluta af verkinu. Var til
dæmis fyrirkomulag loft-
ræstikerfa þríhannað og
lagnir að aðaltöflu og stjórn-
stöð þurfti að tvíhanna.
Stjórnarfundur
hjá Hafskip
Síðasta stjórn í Hafskip
kom saman í síðustu viku.
Auk stjórnarmanna sat Björg-
ólfur Gudmundsson, fyrrum
forstjóri félagsins, fundinn. Af
fimmtán manna stjórn mættu
þrettán. Tveir voru erlendis.
Fundarmenn fara leynt
með hvað rætt var á fundin-
um. Einn þeirra sagði þetta:
„Það kom fram að menn eru
haldnir sama krafti og áður
fyrr og óvíst með öllu hvað
gerist í framhaldinu."
Brynjólfur með
Veröld
Brynjólfur Kjarlansson
hæstaréttarlögmaður hefur
verið skipaður bústjóri yfir
þrotabúi Veraldar. Brynjólfur
er að verða áberandi í hlut-
verki bústjóra. Hann er einn
þriggja bústjóra í þrotabúi
Álafoss og þá er hann og bú-
stjóri í þrotabúi Arnarflugs.
Búið er að óska eftir að
kröfum í þrotabúið verði lýst.
Eignir Veraldar eru ekki
miklar, aðallega lausafjár-
munir, það eru skrifborð og
stólar, og útistandandi kröfur.
Sérfræðingarnir
fá meir og meir
Sérfræðingakostnaður rík-
issjóðs eykst ár frá ári. Tölur
liggja nú fyrir um slíka þjón-
ustu árið 1989 og 1990. Kem-
ur fram að sérfræðiþjónusta
hjá A-hluta ríkissjóðs hefur
vaxið um 16,6 prósent, sem
er 2,8 prósentum umfram
verðlag.
Árið 1989 var kostnaður
við sérfræðiþjónustu ríkisins
1.338 milljónir króna en 1990
var þessi kostnaður kominn
upp í 1.607 milljónir.
Endurskipulagning framundan hjá Baulu
SAMKEPPNIN VIB
MJOLKURRISANM
AD SLIGA BAULIII
Endurskipulagning er nú
framundan hjá mjólkurfyrir-
tækinu Baulu hf., sem eink-
um framleiðir jógúrtvörur.
Hefur fyrirtækið lagt beiðni
inn til landbúnaðarráðuneyt-
isins um að fá viðurkenningu
sem afurðastöð. Er það gert í
þeim tilgangi að fá aðgang að
verðmiðlunarkerfi mjólkur-
iðnaðarins.
„Við erum ekki bráðfeigir
vona ég. Þetta er spurning
um það hvað maður á að
reikna með að það taki lang-
an tíma að breyta þessu kerfi.
Við getum hvorki né viljum
halda áfram til eilífðarnóns í
þessum ójafna leik,“ sagði
Þórdur Asgeirsson, forstjóri
Baulu, þegar hann var spurð-
ur um stöðu fyrirtækisins.
Hann sagði að í þau fjögur ár,
sem fyrirtækið hefur starfað,
hefði verið rætt um að breyta
verðmiðlunarkerfinu og
helst afnema það.
Á síðasta ári var hlutafé í
Baulu aukið um 15 milljónir
króna og þá komu meðal
annars fyrirtæki eins og Hag-
kaup, K. Albertsson hf. sem
tengist Brauði hf., Venus í
Hafnarfirði og verslunin Nóa-
tún inn í fyrirtækið. Eftir því
sem næst verður komist
töldu forsvarsmenn þessara
fyrirtækja ástæðu til að reyna
að tryggja framtíð Baulu til
að halda úti einhverri sam-
keppni við mjólkurrisa land-
búnaðarkerfisins, einkum
Mjólkursamsöluna í Reykja-
vík. Þegar þetta nýja hlutafé
kom inn var staða Baulu orð-
in tæp og hafði í tvígang orð-
ið dráttur á greiðslum til
Mjólkursamiags KÞ á Húsa-
vík, þar sem vörur Baulu eru
framleiddar.
Samkvæmt heimildum
PREiSSUNNAR er tæpast vilji
fyrir því hjá þessum aðilum
að verja meira fé til Baulu, en
greiðslustaða fyrirtækisins er
erfið. Þórður tók þó fram að
engar vanskilaskuldir væru
til staðar hjá fyrirtækinu.
„Við stöndum frammi fyrir
vali á því hvort við eigum að
bíða eftir að kerfinu verði
breytt eða fara inn í það og
stofna eigin afurðastöðvar-
kerfi," sagði Þórður. Rætt hef-
ur verið um að Baula semji
beint við bændur, sem gerir
fyrirtækinu kleift að fá greitt
úr sjóðum landbúnaðarins.
Sagði Þórður að fyrirtækið
greiddi nú þegar iðgjald til
kerfisins án þess að fá neitt til
baka. Hann teldi að Baula
hefði nú greitt um 10 milljón-
ir í þessa gjaldtöku, sem er
auðvitað töluvert fyrir fyrir-
tæki sem ekki hefur meira en
100 milljóna króna ársveltu.
Þórður Ásgeirsson hjá Baulu:
Vona að við séum ekki bráð-
feigir.
Dagsbrún
Hefur haft soguritara
á launum síðan 1946
Þorleifur Friðriksson, sagn-
fræðingur Dagsbrúnar: Segir
að nú sjái fyrir enda sagnarit-
unar félagsins eftir tæplega 50
ára starf.
Á vegum Verkamannafé-
lagsins Dagsbrúnar hefur um
langt skeið verið unnið að rit-
un sögu félagsins. Frá 1946
hafði Sverrir heitinn Krist-
jánsson það verk með hönd-
um en eftir andlát hans hefur
Þorleifur Fridriksson sagn-
fræðingur haft umsjón með
verkinu. Tók Þorleifur til
starfa 1984 en hefur reyndar
tekið sér hlé vegna annarra
skrifa í eitt til tvö ár á þessu
tímabili. Ekkert hefur þó enn
verið birt af sögu félagsins og
hafa gagnrýnisraddir vegna
þess vaknað innan félagsins.
Þorleifur sagðist kannast
við slíkar raddir en sagði að
nú sæi fyrir enda verksins
þannig að menn ættu að geta
tekið gleði sína. Sagðist hann
gera ráð fyrir að verkið færi
frá sér til vinnslu með haust-
inu, þótt enn væri ekki
ákveðið hvernig útgáfu yrði
háttað. Sagði Þorleifur að það
væri að sinni beiðni sem ætl-
unin væri að ljúka allri sagn-
fræðilegri vinnu áður en út-
gáfan hæfist. Gert er ráð fyrir
að saga Dagsbrúnar komi út i
nokkrum bindum.
„Það er mikill metnaður
fyrir því að skrifa sögu sem
félaginu er sómi að, enda
Dagsbrún flaggskip íslenskra
verkalýðsfélaga. Það hefur
hins vegar tafið fyrir að heim-
ildir voru nánast hrópandi í
fjarveru sinni og hefur þurft
mikið starf til að tína þær
saman," sagði Þorleifur.
Hann nefndi sem dæmi um
vandkvæði við heimildaöfl-
un að gerðabók Dagsbrúnar
fyrir tímabilið 1917 til 1926
hefði ekki fundist. Hefði síð-
an verið brugðið á það ráð að
ráða starfsmann í eitt ár til að
flokka skjalasafn félagsins og
nú væri það í góðu standi.
Sem dæmi um heimilda-
vandamál má nefna að engar
upplýsingar hafa fundist um
það við hvaða kjör fyrsti
söguritarinn, Sverrir Krist-
jánsson, bjó á meðan hann
vann að sögu félagsins.
D E B E T
„Gísli er góður strákur og gott að leita til hans
sem vinar. Hann er alltaf tilbúinn að hlusta á
mann og aðstoða. Gísli sem yfirmaður er með
mannlegu hliðina í lagi, hann gerir ráð fyrir mis-
tökum og hefur mjög jákvætt viðhorf til fólks al-
mennt,“ segir Margrét Hilmisdóttir, vinkona
og fyrrum samstarfsmaður hjá Reykvískri
tryggingu. „Gísli er stórskemmtilegur og já-
kvæður og hann er opinn fyrir öllu. Hann hafn-
ar engu sem vitleysu nema að vera búinn að
skoða málið vandlega. Svo er honum mjög hlýtt
til kvenna," segir Björn Halldórsson, eigandi
Neptúnus, gamall skólafélagi og vinur. „Gísli
er óvenjulega ástríkur faðir, vill alltaf vera að
tala um börnin sín og reynir að sjá það jákvæða
í fari þeirra. Hann er einn traustasti vinur sem ég
á. Gísli tekur hlutina með fyrirvara. Þó svo að líf-
ið hafi ekki endilega alltaf verið dans á rósum
hjá honum þá vinnur hann mjög markvisst að
hlutunum og lætur lífið ganga eins vel upp og
hann getur," segir Jónína Benediktsdóttir,
íþróttakennari og vinur. „Gísli er mjög kraft-
mikill og fljótur að taka ákvarðanir. Hann æðr-
ast aldrei þótt á móti blási og skapstilling hans
er á stundum hreint ótrúleg. Gísli er mjög djarf-
ur þegar hann hefur einu sinni tekið ákvörðun
og fylgir henni eftir af miklum krafti. Það er
mjög gott að vinna með honum," segir Össur
Skarphéðinsson, þingflokksformaður Al-
þýðuflokks og fyrrum samstarfsmaður hjá
Reykvískri tryggingu.
K R E D I T
„Gísli mætti vera raunsærri. Hann vill
byggja húsið áður en grunnurinn hefur ver-
ið tekinn,“ segir Margrét Hilmisdóttir. „Það fer
ekki saman að vera góður bílstjóri og tala of
mikið í síma á meðan á akstri stendur. Því
er ekki hægt að segja að Gísli sé góður bíl-
stjóri,“ segir Björn Halldórsson. „Gísli nöldrar
yfir því að mega ekki reykja pípuna sína
þegar hann heimsækir mig. Svo er það
mjög mikill galli að hann hætti í almenni-
legri leikfimi. Gísli er líka rosaleg pjattrófa.
Mér, þriggja barna móður, finnst það alltaf
svolítið erfitt þegar Gísli rennir í hlaðið á
Range Rovernum sínum, íklæddur Boss-
fötum. Þá er allt eins og andskotinn hjá mér
þar sem ég stend berfætt í gallabuxum,"
segir Jónína Benediktsdóttir. „Hann var helst
til harður fyrr á árum en hefur mildast
mjög. Efnisleg gæði skiptu hann miklu máli
áður en nú seinni árin er hann farinn að
skilja að það eru ekki bara bein verðmæti
sem skipta máli,“ segir Össur Skarphéðinsson.
Gísli Lárusson
forstjóri
Gísli Lárusson er forstjóri Skandia ísland.